من العايدين و كل عام و انتم بخير بعد الزحمه
مبروكين الفوز
والاهم مبروك مسعـود صراحه متعه
.
بالنسبة للفريق و المباراة صراحه ما اقتنعت بالفريق من الشق الهجومي
كرستيانو - هجواين - البنز
ما قدمو الحد الادنى من المطلوب منهم
ما ودي اتنقد من الحين لكن خلونا نعطيهم فرصه ثانيه
4/3/3
ما تناسب تواجد هجواين و البنز اساسين
ياليت مورينهو يبدأ بالمداورة بين اللاعبين
و الي يبدع في مباراة يبدأ الي بعدها اساسي
نبي يكون بينهم تنافس لمصلحه النادي
كاسيّاس:" أياكس فريق كبير، لذا لا يمكن أن نخسر هذه النقاط على أرضنا" بعد 12 عام من بدايته مع الكرة الإسبانيّة وبأرقى مستوى، بدا إيكر كاسيّاس في ذروة الحماس في فالديبيباس بعد تمارين يوم الأحد وقال:" نحن متحمّسون للمشاركة في دوري الأبطال. المجموعة معقّدة ولا نريد ان نخسر أيّة نقاط على أرضنا. لويس سواريز هو لاعب رائع مع أياكس، لذا يجب أن نستفيد من عدم قدرته على اللعب".
وقال أيضاً:" بالكاد سمحنا لأوساسونا ببعض الفرص للتهديف. التشكيلة متاهّبة لأن كل خط ( دفاع، هجوم، وسط) يتمرّن باستمرار. نحن أقوياء وراسخون، ونامل أن نستمر على هذا الحال.أمر هام ألا نسمح بأي هدف في مرمانا في مباراتين. أفضل لاعب في المباراتين اللتين لعبناها كان حارس مرمى الخصم".
و عن كارفاليو قال:" اللاعبون من طراز ريكاردو كارفاليو ضرورة لكل فريق. شيء جيّد دائماً أن تحظى بلاعبين يملكون الخبرة. إنّه يساعد على الجمع بين اللاعبين، وهذا مهم لنا".
وأضاف يقول:" سنتعامل برويّة مع الأمور ونحسّن الإيقاع يوماً بيوم. نحتاج للمحافظة على هدوئنا، وشيئاً فشيئاً سننرى النتيجة. أطلب من مشجّعينا أن يتحلّوا بالصبر لأننا فريق شاب. يحتاج ريال مدريد لشهرين أو لثلاثة اشهر فقط".
ومما قاله:" من الخطأ الإعتقاد أننا أفضل من برشلونة وأننا سنتقدّم دائماً عليه في الترتيب. يجب أن نحصر اهتمامنا بالمباراة التالية، وأن يبقى تشكيلة أقوى بكثير هدفنا ".
وأخيراً قال:"يبدو أتليتيك كمنافس على اللقب. إنّهم يمارسون اللعب الجيّد والفعّال. يستحقّون مركزاً بين أقوى الفرق، وهذا يزيد من الإثارة في الدوري الإسباني".
اللاعب المقصود بـ اختصار حتى محد يروح فكره لـ بيعده وتاخذه الحماسة لأنه بيدافع عن لاعبه المفضل , هو كاكا
توقعت انك تقصد كاكا يا محمد
ضروف كاكا ما كانت مساعده له لـ التالق مع الريال والاصابات كان لها الدور الكبير
في عدم تالقه .. كاكا لاعب كبير ولا يزال في الـ 28 فقط فعودته اراها شئ طبيعي
لو وجد الدعم والجو الصحي الي يقدر يعطي فيه وخاصة مع مدرب مثل مورينهو
والحكم النهائي على الكيكه سيكون بعد عودته من الاصابه باذن الله !
مبروك الفوز والثلاث نقاط الاهم من الاداء والمتعه بالنسبة لي !
مورينهو الي يومنا الحالي شغال بشكل جيد مع الفريق والبحث على شخصية وطريقة
لعب لـ الفريق ومن مبارة الامس رايت بعض الايجابيات وهي سيطرة الفريق على
المبارة بشكل كامل عكس بيلي الي يلعب شوط فقط ويريح شوط حتى امام الصغار
وايضا تسجيل الصغار على مرمانا والضغط علينا في معقلنا في البرنابيو ..؟!
ننتظر مبارة اجاكس واتمنى تكون التشكيلة مغايرة لـ تشكيلة مبارة اسوسونا بالامس
واتمنى ادخال دي ماريا او بيدرو ليون مكان البنز والابقاء على هيقوين مهاجم وحيد !
الموسم الماضي كنا نعتمد على الونسو فقط في خط الوسط لكن الموسم هذا نملك اوزيل !
متفائل كثيييير بهذه البداية المتواضعه واعتقد هي بداية النجاح !
لا خوف على الريال الموسم هذا مع مورينهو باذن الله !
الجانب الاقتصادي " اعزائي ، بالاضافة الى عودة الاستقرار الى ريال مدريد كمؤسسة احب ان اطمئنكم على استقرار النادي من الناحية الاقتصادية ، فدخلنا للعام المالي 2009/10 كان 442.3 مليون يورو وكان صافي الربح للنادي قبل الضرائب هو 31 مليون يورو ، كما احب ان اعلن عن ميزانية تبلغ 450 مليون يورو مع 19 مليون يورو للضريبة " .
الجانب الإجتماعي
" ريال مدريد يملك المؤسسة التي يجب ان تحقق اهداف الانسانية حول العالم وتعكس قوة ونفوذ وهيمنة ريال مدريد، لدينا مؤسسة تعمل في جميع انحاء العالم لمساندة الاطفال المحرومين ومواجهة العواقب والصعوبات وجها لوجه " .
بعد كلمة فلورنتينو بيريز، صوّت الأعضاء الممثلون ووافقوا على كل المواد الأربعة لجدول أعمال الجمعية العامة العاديّة والإستثنائيّة.
نتائج التصويت للجمعيّة العموميّة العاديّة عدد الاعضاء الممثلين الذين صوّتوا: 756/2079 الفحص والموافقة على تقرير الميزانيّة، التقرير السنوي، بيان الميزانيّة، تقرير الربح والخسارة، وكذلك الحسابات المدمّجة مع الشركات المهيمنة، والتي تتوافق كلّها مع السنة الماليّة 2009/10. نعم: 728 لا: 15 إمتنع عن التصويت: 13
الفحص والموافقة على المدخول المدمّج ونفقات الميزانيّة ومشروع النشاطات للسنة الماليّة 2010/11 نعم: 717 لا: 10 إمتنع عن التصويت: 7
نتائج التصويت للجمعيّة العامة الإستثنائيّة عدد الأعضاء الممثلين الذين صوّتوا: 496/2079 التصديق على موافقة مجلس المدراء في 27 كانون الثاني/ يناير 2010 لتعيين السيّد أنخل لويس هيراس أغوادو كعضو جديد في المجلس. نعم: 736 لا: 28 إمتنع عن التصويت:1 ورق لاغي : 1
فوز مقنعي لكن بسبت هيقوايين لكانت النتيجه اكثر من 1/0 ~~ !!
بتكلم شوي عن اللعيبه وبقيم كل واحد منهم من 10 ~~ !!
1) كاسياس : ماشفنا فرص كثيرة على كاسياس ولا رآآح يكون جآهز لها , تقييمه : 6.5 ~~ !!
2) كارفاليو : مدآآفع بطل , يعجبني تمركزه , قوي جسمانياً , خبرة , قآآئد , تأقلم مع اجواء الدوري الاسباني بسرعه , تقييمه 8 ~~ !!
3) بيبي : بيرجع لنا مدآآفعنا الشرس كما عهدناه , الجومب عنده حلو , قوي جسمانياً , تقييمه : 7.5 ~~ !!
4) راموس : مستواه من السنة الماضية وهو متدهور , واستغرب من اللي يقول ان راموس ابدع في هذه المباراة , تقييمه : 6.5 ~~ !!
12) مارسيلو : كارلوس الجديد , جيد دفاعياً وهجومياً , الولد يتطور بايد مورينيو , اكثر واحد متفآآهم مع الدون , تقييمه : 6.5 ~~ !!
24) سامي خضيرة : ابو الثور , ابو الجمل , قوية جسمانية غير طبيعية , دفآآعي أكثر من كونه هجومي , تقييمه : 8.5 ~~ !!
14) الونسو : غآآيب عن هذه المباراة يبدو لانها من قص اللحية , ان شاء الله يبدع في المباراة القآآدمة , تقييمه : 5.5 ~~ !!
بيريز يأمل تعاون اكثر من السلطات في مدريد من اجل مشاريع البرنابيو
اعلن الرئيس فلورنتينو بيريز عن النظام الجديد الذي ينوي تطبيقه في ريال مدريد وهو نظام " خطوات " حيث ينوي النادي انشاء سقف لملعب البرنابيو وذلك للحفاظ على اجواء مثالية تماما داخل الملعب وهو ما يعني الحفاظ على بشرة مرتادي الملعب خصوصا من ذوي البشرة البيضاء . بيريز تحدث عن هذا الامر : " نحن يجب ان نعيد تحديث العديد من البنى التحتية للمؤسسة وخصوصا البرنابيو ، نريد ان ننشئ نظام السقف الزوجي والذي يحتاج الى العمل الكبير ولكن يحتاج ايضا الى تعاون من السلطات في بلدية مدريد وهو ما لا نجده حتى الان ، كما نريد ان نطبق عددا من الانظمة الجديدة وذلك بتركيب الكاميرات الامنية عالية الطراز ، كما نريد ان نقوم بعدد من الامدادات الجديدة في كافة امور النادي " . واضاف : " نريد ان يكون زائر البرنابيو في كامل عوامل الراحة والرفاهية والامان فهو يعطي اجواء مناسبة للجماهير ، ومناسبة للموضفين من اجل العمل بشكل اكبر لمصلحة الكيان ، نريد ان نكرس قوتنا الاقتصادية في سبيل تجديد هذا الصرح بالكامل من الخارج الى الداخل " .
الريّس سليم .. ولو يالغلا تعرفني ما ازعل من النصيحة وخصوصا من أخ مثلك , وتعرفني بعد مو من هواة الردود المبهمة واللي يكون القصد من وراها بعيد كل البعد عن الرياضة , لكن كل السالفة اني توقعت عبارتي مفهومة وهي للأسف طلعت غير مفهومة , معناها الخلل مني خخخخ .. ولأجل كذا رجعت ووضحت قصدي بوضوح , لكن كان عندي تحفظ على بعض العبارات
مع كذا أشوف السالفة مو محتاجة تكبير وسامحني يالغلا إذا كنت أخليت بـ نظام المجموعة هنا بدون قصد
الأخ RMS + عبدالله
كل عام وانتوا بخير جميعا , وأتفهم وجهات النظر , انتوا تشوفون كاكا الظروف خانته , وانا اشوف نفس الشي , اللي نختلف عليه , هو عودة كاكا انتوا تشوفونها ممكنة وانا اشوفها شبه مستحيلة , وأتمنى تكون وجهة تظركم هي الأصح بإذن الله
وأحلى تحية لـ حبيب قلبي عبدالله مشتاق لك حيل والله ..
صراحة لو دريت من الأول ان الرد بيثير كل هالتساؤلات ما كنت نزلته , لأني مو من هواة الأكشن ولا من هواة هالنوع من الردود
اللاعب المقصود بـ اختصار حتى محد يروح فكره لـ بيعده وتاخذه الحماسة لأنه بيدافع عن لاعبه المفضل , هو كاكا
والمقصد من الجملة كلها .. أوزيل لاعب ينزل أرضية الملعب وانت مطمئن انه بيقدم أي شي يساهم في حسم المباراة , أما كاكا لما ينزل أرضية الميدان تدعي ربّك انه يقدم شي , وإذا قدم نفرح ونهلل وكأنه متفضل علينا بهالأداء
بس هذا المقصود , ومالها داعي عبارات الحماس مثل اللي قالها الأخ " RMS " الله يهديك حكمت على نفسي بالإعدام ومدري ايش
أولا بدري بدري بدري ثم بدري مسأله الكلام عن ان اوزيل يدخل وانت مطئمن لانه بكل اختصار مالعب الا مباره اساسي ومباره واحتياطي ! .. يعني زي مااهو ظلم اننا نحكم على الاعب من اول ظهور له ! .. برضو من الغير المنطقي اننا نحكم عليه بالنجاح بثاني مباره له ! ..
كاكا كان ماشي في البدايه بمستوى جيد ! .. ثم هبط مستواه والكل يعرف السبب والي هي الاصابه بالعانه والي مااخلته يقدم حتى نصف مستواه ! .. ومع كذا كان حتى وقوفه في الملعب يعطي قيمه اكبر للريال ! ..
اما مسأله انه وكأنه متفضل علينا ! .. ابد الاعب كان يحاول انه يقدم شيء رغم اصابته ! .. ويارجل حتى كاكا كلاعب تلاقيه اكثر غضب على نفسه لانه يقدم مستوى بالشكل ذا لانه بكل اختصار كاكا احد افضل الاعبين في العالم والي يبي يثبت انه يستحق الي اندفع له ! .. فصعب نقول انه متفضل علينا وهو نفسه مهو راضي على مستواه ! ..
اتمنى بس ان الامور مااتاخذ بسرعه وتاخذ بالعاطفه بسبه مباره واحد لأوزيل ! .. لانه مهما صار يبقى كاكا هو كاكا واوزيل لسه في بدايته ! .. واي مدرب عاقل لو له مركز واحد فقط ومخير بين كاكا او اوزيل فأكيد بيحط كاكا ! ..
بعد كل ذا وللمعلوميه تراني مااني من عشاق كاكا ابد ! .. ولا حتى من الي مايبون اوزيل يبدع الا كأمنيه اتمنى انه يكون افضل من كاكا 2007 حتى ! ..
بس الحق يقال ! .. مهو يعني ان كاكا الي كان سيء في موسم بسبه الاصابه خلاص مااينفع بسبه ان اوزيل ابدع في مباره واحده فقط ! ..
إقتباس
الرسالة الأصلية كتبت بواسطة RMS
اخوي ثواني بس
انت تثق في كاكا هذي وجهة نظرك و احترمها لكن كاكا وش مركزه من الاعراب ( صانع العاب ) مع احترامي الكبير لـ كاكا بس يبطي لاعب مثله يكون صانع اللعاب ياخي كاكا ما يكشف الملعب ما يهدي الرتم كاكا حياته في ميلان طربق طربق ( داعس من السنتر الى المرمى ) حتى في اخر موسم له مع الميلان ما كان اللاعب اللي يندفع فيه 65 مليون لمستواه اما اقتصاديا الصفقه تمام
اما قصة ان كاكا لوحده كان سبب بالابطال فهذي ما تخش مخ كاكا كان له الفضل الكبير وحتى بيرلو و قاتوزو و سيدوف اللي عطو كاكا راحته بالملعب و انه ما يهتم الا بـ ( طربق طربق ) لهم فضل غير الدفاع و المدرب اللي طلع كاكا للعالم
لو رجع كاكا لمستواه ( وهذا الشي ما اتوقع من لاعب متخاذل ولا يهتم بالنادي و جمهوره ) ما راح يكون صانع العاب بالريال ممكن يكون مهاجم ثاني زي ايتو في الانتر
توريس قدم اسواء مباريات له مع منتخب اسبانيا بكاس العالم بسبب انه اختار مصلحته اولا ومصلحة فريقه ثانيا و شتان بين توريس و كاكا
اخوي M.s ll 93 اللي قلته ما هي الا صيغت مبالغه لكثرة عشاق و محبين افضل لاعب في البلاي ستيشن 8 مع اني من كنت من اكبر المتفائلين فيه الا انه خذل الجمهور مرتين الاولى في عدم تاقلمه و ثانيه تحامله على الاصابه فتره تتعدى الـ 3 اشهر + فترة الاجازه قبل لوس انجليس
راجي اذا ماخاب ظني ..
مسأله كااكا وان بمستواه حقق الابطال ! .. انا ماني مكثر كلام فيها .. بس اسأل اي ميلاني وقوله مين جاب لكم ابطال 2007 ؟! .. وقتها بتلاقي جوابي ..
اما مسأله ان كاكا طربق طربق خخخخخ ! .. ياخي حرام عليك كاكا طربق طربق ! ؟! .. مدري وشلون قلت طربق طربق اصلا .. ياخي لو تقول عن درينثي طربق طربق زعلت منك خخخ .. فما بالك في كاكا احد افضل لاعبين العالم ! ..
كاكا المشكله اننا نشوفه بعين العاده وبعض المقاطع .. ان كاكا لاعب سريع ويحب يدق الكره ويركض .. وهذي الفكره في اغلب الشباب ! ..
ياخي كاكا يستغل اكثر شيء يتميز فيه ! .. ولكن انه الشيء الوحيد المميز فيه بس !؟! .. لا ذا ابد مهو صحيح ! .. كاكا لاعب زود ماانه سريع لاعب يقدر يصنع ويسجل ويمرر بالشكل الصحيح ! .. مسأله انه سريع يعني ماايقدر يهدي الرتم ابد مهو منطق ؟! ..
تدري ليه حنا نشوف كاكا ماايقدر يهدي اللعب وانه الاعب الي يسرع دايم ؟! .. لانه كل الفرق الي لعب فيها كاكا فيه ناس تهدي اللعب غيره ! .. عشان كذا كاكا يكون قدام وهو الاعب الي يسرع دايم .. لكن لو فكرنا شوي ونظرنا لفكر كاكا الكبير في اللعب ! .. اقدر اراهن انه بيكون الافضل في موضوع التحكم في الرتم في الفريق ! .. لان مسأله التحكم في الرتم مااتحتاج الى امكانيات اكثر من انها تحتاج الى فكر كبير ! .. تحتاج تعرف متى تهدي ومتى تسرع متى تنقل ومتى تحتفظ مع شويه امكانيات التمرير وروؤيه الملعب ! .. وكاكا ماظن فيه اثنين يختلفون على فكره العبقري والكبير وانه عنده شويات امكانيات التمرير ورؤيه للملعب ! ..
اما مسأله مكانه في الفريق فأتوقع الي وضف البنز في الجناح وقدر يلقاله مكان فأكيد ماابيستخسر مكان في لاعب بحجم كاكا ! ..
بغض النظر عن الكلام الي مااشوفه عقل ابد وسالفه البلاستيشن ومدري ايش ! .. بس بالعقل لاعب من افضل لاعبين العالم قدم لك مستوى سيء بسبه اصابه بتستخسر عليه موسم ثاني هو معافى ؟! ..
عموما موضوع كاكا مدري وشلون انفتح .. ومدري وش جاب طاريه ! .. بس كل الي ابي اوصله ! ..
كاكا في اول موسم سيء وكلنا نتفق ! .. بس اننا نحكم عليه انه فاشل ولا ينفع الفريق ابد مهو منطق ! .. تبون تحكمون على كاكا صدق ؟! .. ننتظر عودته بعد الاصابه ! .. وقتها احكموا زي مااتبي ! ..
المكان: ♥ الحًمد لله,الحًمد لله♥سبحًان الله وبحمدٍه,سبحًان الله العظيــًم●
مشاركات: 1,501
إقتباس
الرسالة الأصلية كتبت بواسطة Madridi
سـهـم
حياك والله يا البرشلوني الصومالي ( لا تزعل الشباب هنا يسمون السيتي الصومال نكاية بأبو يوسف لانه يشجعه والصومال نسبة للون اللبس )
حياك معنا في الرابطة وكتاباتك تنم عن حيادية في الطرح ، لكن اتمنى منك طال عمرك ان حياديتك هذي ما تكون في الرابطة عندنا بس ، اتمنى تظهر في مواضيع العالمية وبالذات اللي يكون فيها بعد عن الموضوع المطروح واقصد بالضبط اي تصريح لمدريدي او برشلوني يتحول الى امور اخرى بعيده تماما عن الموضوع . اعرف ان كل انسان يشجع فريق ويتعصب له احيانا لكن فيه امور كثير تحتاج الحيادية ما القاك فيها الا منددا بمدريد .
بالنسبة لردك اعتقد انك فصلت الخطة بشكل جيد واكثر من ممتاز لكن برجع اقول نفس الكلام اللي قلته في ردي المذكور ( رجيتكم بردي "هنا" ) مو معنى ان هيجوايين كان سيء في القاء الأول ، ومستعجل دائما في الثاني بأنه مو المهاجم المناسب في مدريد ، ترى هالموال ينعاد سنويا والنهاية ..
اعتبره كلام فاضي مع احترامي الشديد للجميع وانتم تدرون اني ما احب اقلل من نظر اللي يناقشني ، لكن هو الواقع .. اصبروا .. اذا الفريق كله هجوميا مو لاقي نفسه نعاتب على كم فرصة ، حتى رونالدو ضيع فرصتين لو هي قدامه العام الماضي سجلها الهدوء طيب واعطوا الفريق مساحة للعمل ثم انا بكون اول من يلسع .
هلا والله
اولا اشكرك على الاطراء اللي ما استحقة .. وشكرا على النصيحة بس لازم تعرف اني اجلدكم في مواضيع العالمية لغرض الحماس واشعال فتيل المنافسة الشريفة في المنتدى ليس إلا .. بس هنا في الرابطة والله ما يمديني اقول كلمة إلا كلكم متجمعين علي وانواع التبقيس والضرب فعلشان كذا ادخل باحترام واطلع باحترام واذا في عيني شي ما اقدر اقوله الا في العالمية بس نصيحة حلوة جاري العمل عليها
نجي لكلامك واللي كله كان متفق معي الا في نقطة هيجواين انا وانت مختلفين .. وبصراحة الموضوع اشبع طرحا ونقاشاً وكل شخص لديه وجهة نضر وفلسفة معينة
لكن انا اتفق معك ان هيجواين يحتاج لبعض الوقت لكي يعود لتسجيل الاهداف ولكنه في النهاية ليس المهاجم المناسب للريال واكرر ما قلته سابقا انني اراهن على ذلك
اضف الى ذلك انني اراهن انه سيكون حبيس دكة بدلاء منتخب الارجنتين ممكن بعد فترة ليست بالقصيرة ولكنه لن يستمر اساسياً واتمنى اتمنى ان اكون مخطئا ولكن هذا الواقع ولن ازيد الموضع اكثر من ذلك.
بالنسبة لكريس فما ادري ليش الحملة اللي عليه بالعكس قدم مباراة جيدة امس لم تكن كبيرة جدا ولكنها مقبولة . ولا يستاهل كل هالهجوم اللي ما تدري وش نواياه.
بالنسبة للسيتي سموهم صومال . زيود . هنود . هيفا وهبي .. المهم يجيبون لنا بطولة هالسنة وبعدين من ابو يوسف اللي يشجع السيتي هنا ؟؟
شاكر لك
ozil vs kaka
بعد مباراة الامس وتالق اوزيل فيها بدأ يظهر الكلام حول الاعب كاكا واحتمال انتقاله الشتاء القادم لأفضلية اوزيل عنه حالياً .. واللي ابغى اقوله هو كالتالي
اولا : الحكم على اوزيل حاليا صعب جدا فالحكم الصحيح هو بعد مرور خمس او ستة اسابيع لكي يدخل الاعب في رتم الفريق والمدينة والاجواء والضغط بشكل صحيح ثم يمكن الحكم عليه بشكل واضح .
ثانيا : اسلوب اوزيل يشبه تماما تماما اسلوب كاكا ولكن الاول اشول والثاني ايمن
وكلاهما لا يمتلكان مهارة فردية خارقة يعني ( مراوح - تمويه - مداعبة استعراضية بالكرة - خدع وباصات عيون... الخ الخ) يعني لعبهم سهل ممتنع يعتمد على السرعة والذكاء وحسن البديهه وضبط ايقاع اللعب مثل شافي وجيرارد مثلا
ثالثا : كاكا سيعود ووجود اوزيل وتألقه سيزيد من تألق وحماس كاكا للعودة لسابق عهده لان كاكا العام كان ضامن مكانه لعدم وجود المنافس اضف الى ذلك ان مورينهو يختار الافضل بغض النضر عن الاسم .. كل هذه الاسباب ستكون دافعا لكاكا للعودة للتالق من جديد وان لم يتالق كاكا فعليه بصنع اجمل انواع الابتسامات بجانب مورينهو على الدكة
حياك الله يالغالي .. انت اكيد تابعت كأس العالم , وانا مثلك تابعته , وشفت أوزيل فيه وأنا بعد شفت أوزيل فيه .. معناها لما انا اقول " لما ينزل الملعب تحس انه بيقدم شي يحسم المباريات للريال " ما كان بناءا على مستواه في مباراة وحدة , كلامي كان بناءا على متابعة طوال كأس العالم لأني ما شفته بـ بريمن وجالس أشوف نفس الشغل الحلو في الريال واللي كان يقدمه أوزيل في ألمانيا وللآن يقدمه
بعيدا عن مباراة أوساسونا واللي ما أذكر ان كاكا طول الموسم الماضي لعب مثلها وصنع 3 انفرادات صريحة للمهاجمين , كاكا جاء للريال على أساس انه حل جذري وأفضل حل ممكن أن يتاح للريال في مركز " صانع الألعاب المتقدم " من يوم اللي جا فيه وقبله وبعده يمكن .. بعكس هالشي , شفنا شي مغاير تماما من كاكا وما أعطى ولو 1% من نسبة الآمال اللي كانت معلقة عليه
أوزيل الآن .. جاي بـ توقعات أقل من التوقعات اللي كانت مرسومة لـ كاكا , عمر أصغر , بعيد عن إصابات خطيرة حتى الآن والحمدلله مثل إصابة كاكا اللي ممكن ترجع له في أي وقت , وبنفس الوقت عطاء أفضل من عطاء كاكا والكلام عن الوقت الحالي بطبيعة الحال
المفاضلة الآن صارت بين لاعب قمة في الموهبة وصغير في السن والجميع شاف منه مستوى طيب حتى ولو أول مباراة بما انه لاعب متابعينه قبل بشهور قليلة فقط ومقدم أداء مميز يعني ان هالأداء مو طفرة , وبين لاعب عمره أكبر , بعطاء أقل .. ومستوى قابل للتراجع أكثر بسبب الإصابة بغض النظر إذا كانت هذي ظروف أو لا !
يعني المبدأ في الحكم المفروض يكون رياضي بحت , مو انساني , مثلا أقول كاكا انظلم بسبب الإصابة وأثرت على مستواه طول الموسم وراح يغيب نص الموسم هذا .. طيب هذا اللي حصل , الآن المنطق يقول كاكا مراح يرجع مثل أول , حرام أحرم لاعب له فرصة أكبر في التألق مع الريال لأجل عيون إعطاء الفرصة للاعب عنده فرص أقل بكثير حتى أكون عادل بين الإثنين
بالنهاية , إذا حرمنا لاعب مثل أوزيل من الثقة وهو أهل لها , من بنعطيه اياها ؟! .. وهذا في الوقت الحاضر , مالي علاقة مثلا لما ينصاب إصابة مثل إصابة كاكا أو تخونه الظروف مثلا , وقتها المفاضلة بيكون لها وضع ثاني , أما في الوقت الحاضر , فـ المفاضلة ( بناءا على مستوى المباراة وما قبلها ) ترجّح جانب أوزيل من الكفتين ..
آخر تعليق .. عبارة " نفرح وكأنه يتفضل علينا لما يقدم مستوى جيد " قصدت فيها انه هذا اللي كنا نحس فيه كـ جماهير أو على الأقل أنا شخصيا بما اننا ما شفنا منه شي كبير الموسم الماضي , وما قصدت فيها ان كاكا نفسه ما يبي يقدم مستوى جيد
, ابو الجمل 
اما اقتصاديا الصفقه تمام 
فعلشان كذا ادخل باحترام واطلع باحترام واذا في عيني شي ما اقدر اقوله الا في العالمية
بس نصيحة حلوة جاري العمل عليها 
الوضع العادي
