|
وش بكم نازلين ع كونتراو ! .. ماشفت الى الان رد يتكلم عن الاعب نفسه اكثر من المبلغ الي جاء فيه ! .. طيب 30 مليون ؟ .. كأنه اول مره ندفع مبلغ زي كذا في لاعب غالبا في الدكه :d ! .. انا ماعلي من المبلغ وخاصه انه مااني دافع شيء من جيبي :d ! .. وكمان نادينا ماشاء الله لادخل في صفقه يزيد سعر الاعب فوق المتوقع ! .. والكلام ذا كلنا نعرفه ولا نقدر نغيره في ماركيتو او اثنين حتى ! .. كونتراو مهما كان مستواه يبقى لاعب شاب ! .. مهو اسطوره او اسم كبير او نجم ساطع عشان نقول حرام ينركن في الدكه ! .. الاعب كويس ! .. ايه نعم .. نجوميته صاعده ؟ .. ايه نعم ! .. لكن اني اعطيه اكبر من حجمه وانه لاعب كبير وحرام ينركن في الدكه لا يعقب ! .. طيب ماهوه شاهين افضل لاعب في الدوري الالماني واحتماليه انه ينركن في الدكه كبيره ! .. ليه مازعلتوا عليه :d ! .. حاجه ثانيه كونتراو لاعب مرن ! .. يقدر يلعب لك في اكثر من مركز ! .. وكمان يقدر ينافس في اكثر من مركز ! .. من ظهيرك اليسار ؟ .. فقط مارسيلو ! .. وكلنا يعرف مارسيلو وكيف صار مفتاح مهم للفريق وتكتيكه ! .. يعني لو غاب ! .. غاب المفتاح ذا معه ! .. ونقص من تكتيكنا ومفاتيحنا ! .. انا ماضمن مرسيلو طول الموسم ! .. فيه اصابات فيه ايقافات وفيه امور كثيره تحدني على كونتراو .. ! يعني يازاهر يادرج :d ! .. يوم تجي تبني ابني ع اسوء الاحتمالات مهو افضلها هه :d ! .. حط في بالك الاصابات مهو تحط في بالك صمله الاعبين :d ! ,, الجناح ! .. الاعب يقدر يأدي فيه بطريقه افضل من اجنحتك الاساسيه نفسها ! .. فما بالك بالاحتياط بما فيهم التنتوب المجاني وكاليخون الي جاي بسعر عادي :d ! .. الاعب لقطه ! .. واراهن عليه ! .. بيفتح للفريق ولمورينهو خيارات كثيره وتكتيكات عديده ! .. وكمان ! .. بيشعل جو المنافسه بين الاعبين ! .. وليه لا ؟ بيكون عنده الفرصه انه يلقط الاساسي من احد الاعبين الموجودين ! .. انا مقتنع بحاجه من بدري ! .. ان قوه الفريق بقوه دكته ! .. واذا ماعندك دكه مابتقدر توصل لمراحل متقدمه في كل البطولات ! .. الا ااذا كان عندك فريق ابن سته وستين كلب زي برشلونه حقين منشطات ومااتجيهم اصابات ابد ههههههه :d ! .. حاجه اخيره ! .. فكر الفريق الى الان مهو مبين في الصيف ! .. عشان نقيم ! .. لازم ننتظر نهايه الانتقالات ! .. وربنا الموفق ! .. ونعتذر عن الغياب ولكن كله بسبب شيبان ضايعين طاحوا في تطور الاجهزه ههه :d .. :rose: |
الحين اللي يسمعكم دافعين هال 30 من جيوبكم خخخخخ رئيسكم فلوسه زايده وماتفرق معه وبالنسبه لمورينهو مايجيب لاعب عبث... لكن بالنسبه للمزيون كاكا...كآنني اراه سوف يغادر الفريق:razz: |
احد الاخوان طلب تصميم لكونتيراو وهو مع بيريز المهم انا موش مصمم ولا اعرف التصميم لكن قلت لخويي مصمم مبدع لكن موب بالكورة :s2: وهو عالعموم في مقتبل التشجيع وهو يشجع الريال .. يمكن علشاني مدري :d المهم قلت له خربط على السريع ان كانك فاضي وخربط وان شاء الله يعجبك عاد . http://dc09.arabsh.com/i/03129/kjenvklm4lak.jpg :rose: |
<table id="AutoNumber1" background="http://filaty.com/i/1106/12837/al-khlfia.gif" border="1" cellspacing="1" width="100%"><tbody><tr><td width="100%"> </td></tr></tbody></table> |
شفيكم على اللاعب بدال مانتكلم عن السعر المبالغ فيه خلونا نتكلم عن المستوى من المعروف ان الريال كان صناع اللعب مارسليوا والونسو واذا غابوا غاب الفريق زي خيخون على ما أذكر ولايوجد عندك ظهير يسار سوى اربيلوا الي يكون مرغم على اليسار وناتشو في اخر الموسم المو يريد ان يكو في كل مركز لاعبين على الاقل ممكن يعطونك مستوى متقارب يعني مايكون اللاعب الاساسي كبير ومؤثر ويكون الاحتياط فاشل زي البيول النكبة ولاننسى انه كوينترا مهوب بس ظهير هو ممكن يعطيك حلول جناح ومحور على ماأظن زي حميد يعني لاعب جوكر |
1. ريآل مدريد × بلبآو 2. سرقسطة × ريآل مدريد 3. ريآل مدريد × خيتآفي 4. لفآنتي × ريآل مدريد 5. ريسينق × ريآل مدريد 6. ريآل مدريد × رآيو فآليكانو 7. أسبآنيول × ريآل مدريد 8. ريآل مدريد × ريآل بيتس 9. ملقآ × ريآل مدريد 10. ريآل مدريد × فيآريآل 11. ريآل سوسيدآد × ريآل مدريد 12. ريآل مدريد × اوسآسونآ 13. فلينسيآ × ريآل مدريد 14. ريآل مدريد × أتلتيكو مدريد 15. خيخون × ريآل مدريد 16. ريآل مدريد × برشلونة 17. اشبيلية × ريآل مدريد 18. ريآل مدريد × غرنآطة 19. ريآل مآيوركآ × ريآل مدريد ملآحظة : فيه أمكآنية تأجيل أو تأخير الكلآسيكو الأول في حآل وصول برشلونة لنصف نهآئي كأس العآلم للأندية Calendarios - Real Federaciَn Espaٌola de Fْtbol :rose::rose: |
إقتباس:
يخرب عقل آلقرعة آللي زي كذآ مبآريآت قووية ورآ بعض يعني معآنآة بآلأرهآق و آلبطآقآت آلملونة بعد آلجدوول ذآ عرفت أهمية وجود كوينترآ بــ مدريد آلظهير آلأيسسر مآ عليه خوف في وجوود مآرسيلو و كوينترآو آللي يتوقف أو يرهق آلثآني أحسسن منه 30 مليون ع كوينترآو يً ظآآلم و مستكثرين 45 مليون ع أغويرو :smilie47: |
مساء الخير عن نفسي بكتفي عن الجدال في موضوع كونتراو برد جهاد واللي ما اقتنع بالصفقة من البداية راح يلقى فيها 77 علللللللة فبريح دماغي ومتأكد بيجي يوم واقول ليتهم قالوا ستين كان بعد بناخذه .... عبود عاشق فيه قصه كتبها امس صحفي يقول بدأت القصة مع اليوفي حينما قدم عرض 30 مليون مقسمه على 3 دفعات جيل مارين قالهم لقحوا نخليشن رجع اليوفي بعرض 35 برضوا 3 دفعات رد مارين شوف غيروووو رجع اليوفي 32 مليون + تياغو ( 5 مليون ) + ستيواري ( 3 مليون ) يعني كلو ابو 40 مليون واللي سموه بايطاليا ضربة اليوفي القاضيه مارين قال عندكم 45 مليون كاش تعالو والا ما فيه اغويرو وامس قلت لك الخبر اللي جبته اليوم قبل يوم كامل من الكالتشيو ميركاتو وايش بيصير بعدها اتفق ثلاثي الفريق ان كامنيرو هو اللي يكون بواجهة انتقال الكون الى الريال وانه هو اللي بيتكلم مع الريال سيريزو ومارين برا السالفه كامنيرو بيكون المسؤول لانه وجه جديد بالادارة ما طلع ونفى بالعكس قال ممكن نشوف عرض الريال ويقدر يطلع يهدي الموضوع بما انه المتحدث الرسمي ويقول احتراف وضف وجهه بفسخ العقد عادي ( طبعا الكاتب ما حطها بهالاسلوب بس مجاراة من عندي ) من ناحية ثانيه جنينا او جيانينا مارادونا ( زوجة اغويرو ) صادها قبل امس مراسل فوكس سبورتس وقالها مانشستر تورينو او مدريد قالت فقط مدريد .... وكاتب يا ابو عبد قالك لو مهوب اغويرو واعتقد انه ليس اغويرو هو لورينتي نعم لورينتي هو وريث اديبايور اتمنى انكم استمتعتم |
ويجنر روبيرو ( وكيل اعمال فرخ الديك ) :: ساتناول الافطار مع رئيس اعظم نادي اسباني روسيل وصل اسبانيا امس وبيريز غير موجود في اسبانيا اليوم صحصحوا لا تجيبون لي النوم تكفى |
( كونتراو ) خلاص صار ولدنا مسألة إنهم زرفونا وإلا اللاعب مايسوى .. هذي تحددها الأيام وياليت نترك التقييم لنهاية الدور الأول على الأقل . خذ عندكم مثلاً فرخ الديك ( نيمار) أنا أقول حرام يلبس فانيلة الريال .. لكن لو جاء للنادي الشكوى لله مالي إلا إني أهايط فيه :d ( أجويرو ) ماسمعناكم تنتقدون الصفقة زي ماعلقتواعلى كونتراو ثلة قليلة اللي عارضت الصفقة .. والا الباقي متحمسين ( يوم وقع كونتراو قلتوا عندنا مارسيلو .. طيب أجويرو ليش ماقلتوا عندنا البنز وهجواين ) على فكرة أنا ماتابعت كونتراو كثير لكن الفريق صمم على هاللاعب .. وكمان اللاعب سحب على أم فريقه ( بيئة النجاح خصبة في هالصفقة ) . مبسوطين بهالتفاعل الحلو من الأعضاء :smilie47: لايوقف ياأبطال :rose: :rose: :rose: |
غلوبو سبورت :: نيمار مدريدي 2012 ليس الان |
فآرس :smilie47::smilie47: اللي مضيق صدري مب ان الـ30 مليون في كوينتراو اللي مضيق صدري انه بـ30 ويبطي يصير أسآسي أذآ مآرسيلو أستمر على ذا الأبدآع :s5s: واللي خآيف منه سآلفة أن مورينيو يلعبه ويقتل مآرسيلو لأنه أبن جلدته فقط :s5s: على شآن كذا لو اننا صعدنا نآتشو وجبنا مهاجم وظهير أو سنتر قفلنا ام السوق احسن من الخسآير وسآلفة أن بنفيكآ يزرفونا كل سنة :s5s: يعني انت حطيت 30 مليون في لاعب احتياط ثم اذا جينا في الشتاء ولا السنة الجآية قآموا يكآسرون على شآن محد يزرف الريآل يآخي انت السبب تخليهم يزرفونك في لاعب احتياطي ثم تقول ليش اذا دخل الريآل يرتفع سعر اللاعب :s5s: أكيد بيرتفع دامك مخليهم يزفرونك كذا يعني لو انك يوم شفته سحبت على ام امه وسويت الحركة اللي مسويها مع مايكون السنه المآضيه جبت لاعب بدآل بسعر معقول صدقني محد رآح يتجرأ يزرفك خل بوآس يتآنس به واذا بغى ينقعه ويشرب مويته بعد ولا يزرفونا ذا السلق :s3s: بعدين غير كذا أقويرو والله انا مآ أبيه في الهجوم احنا شبعنا مواهب عندنا كريم وهيقوايين نجيب مهاجم يختلف عنهم ولا نجيب تيفيز تيفيز مهآجم مجنون يسجل من أنصآف الفرص قد شفت له هدف على بولتون اتوقع المهم انه هدف مجنون أوفر من كورنر لـ زبليتآ اللي كآن خآرج المنطق مزعها أرضيه على رجل تيفيز اللي على خط المرمى تيفيز طقها كعب الكوره ارتفعت فوق المدافع اللي كان ماسك الزآويه قسم بالله يوم شفته حطيت يدي على رآسي مب مصدق :s5s::s5s: لو يجي بس مشكلته رآعي مشآكل اتوقع لو يمسكه مورينيو يمزعه شوي يخليه رجآل يضبط وبعدين متهاوش مع المدرب غير كذآ فيه ديفيد لويز البزر الكدشي حق تشلسي :d لاعب موهوب والمدرب حق تشيلسي ما يبيه يبي سنتر انجليزي مع تيري وأتوقع أبرآموفيتش ببيعه بتراب فرصه تزرفه منهم وحطه أسآسي مكان كرفآليو اللي امكانية أصآبته مرتفعه جداً خصوصاً لكبر سنه وكرفآ خله احتياط اول :smilie47: منها معد نشوف خشة العآهه البيول واحتياطنا بيصير نفس قيمة الأسآسي :rose::rose::rose::rose::rose::rose::rose: تقآسموها كلكم |
السلام عليكم ورحمة الله وبركاته. اتمنى ان يكون جميع الاعضاء بخير وعافية. http://www.realmadrid.com/cs/Satelli...&ssbinary=true كونتراو والثلاثين مليون حقيقة مفروض مايهمنا سعر اللاعب النادي ماعليه خوف من الناحية المادية ان شاء الله ولكن الصفقة الى الان مادخلت مزاجي نعم مارسيلو يعتبر مفتاح للعب وان غاب فريال مدريد يفقد قوة ضاربة على الجهة اليسرى ولكن انك تجلب لاعب يعتبر من افضل خمسة اظهرة يسرى في العالم فهذا شي غريب يعني كان يمدي الريال ياتي بتايو قبل ان يذهب الى ايس ميلان او ياتي بظهير اوساسونا ولكن تاتي بكونتراو هذا شي يحزنني لان يااما مارسيلو سوف يدفي الدكة او كونتراو. اما عن المهاجم فاتمنى ان الريال ياتي بمهاجم ممتاز جدا ويجيد التعامل بالكرة داخل منطقة الثمانية عشر. |
إقتباس:
اجل لو راح كونتراو لتشلسي بيلعب 40-50 مباراه خخخخ وين رايح اشلي كول ؟ بالعكس لو جاء للريال راح يلقى اقل منه امكانيات وخبره اللي هو مارسيللو وراح يطقها اساسي 100% لكن لو راح لتشلسي راح يرص بالدكه لانه بيلقى افضل ظهير ايسر بالعالم بعد روبرتو كارلوس :yes: وبعدين انتم مصرين انه جاي احتياط مين قايلكم انه جاي احتياط مورينيو مثلا ؟؟؟ اللاعب جاي ليكون اساسي فقط ومورينيو يعرف نقاط ضعف الفريق :yes: مارسيللو دفاعيا سيء سيء جدا هجوميا جيد :yes: كونتراو دفاعيا ممتاز هجوميا ممتاز :yes: وهنا ياتي الفرق بين اللاعبين!! تذكروا كلامي مارسيللو لن يلعب بالظهير الا اذا اصيب كونتراو مارسيللو راح يلقى له مورينيو مكان اخر وقد يكون بديل في الجناح :yes: |
السلام عليكم.. http://www.7msport.com/news/upload_img/20110605/in1.jpg مبروك هل الطنخ الي فوق .. صفقة ما نقدر نحكم على الصفقة بمجرد أنه أعلنت .. قبل أي شي , خلونا نتكلم كناحية تكتيكة ؛ لو نتذكر آخر الموسم مورينهو بداء يسوي حركة و سط العب .. مثل مبارة توتنهام و ليون و شفنا ان الاعبين قدرو يطبقونها اذا كانت متواجدة المفاتيح " مارسيلو " و " ألونسو " و " الدون " و " راموس " الي كان أقلهم لو نلاحظ ان مفاتيح العب لو غاب عنها واحد تختل و لو ثنين تضيع ! بس مع قدوم كونتراو ثلاث أماكن على الاقل راح تتسكر و مايكون فيها الشلل الي بيأثر مره ! كونتراو = مارسيلو , كونتراو = الدون , كونتراو = راموس في حال عطاه الدور المو * الدون راح يحل محله كا دور تكتيكي بس الفعالية بتكون اقل ! و في بعض المباريات شفنا المو يغير النهج من 4 - 2 - 3 - 1 إلى 3 - 4 -3 في المباريات الي نكون فيها متأخرين دايم يطبقها .. و نلاحظ أن المو يخلي مارسيلو يحل محل ماريا و ماريا يطلع مهاجم ثالث مع البنز و الدون أو يطلع كارفليو و يدخل صانع لعب زي مبارة فياريال أو مبارة الميلان الي زج بليون بديل لكارفليو و بعد مايجي التعادل يدخل البيول .. مع كوينتراو تقدر تسوي الف سناريو بهذي الخطة يعني بدال ما أطلع قلب و أدخل صانع لعب ادخل كوينتراو و يصير كوينتراو مكان الدي و مارسيلو مهاجم ثالث و الدي يجنح مكان الدون .. سنياريو ثاني في غياب الدي نقدر نلعب بهل الطريقة لو نبي من بداية المبارة .. سيناريو ثالث تبي تهاجم و ترجع تدافع ؟ .. طلع قلب و دخل كوينتراو و نطبق التكتيك الي فوق , بعد الهدف لعب كوينتراو ظهير أيمن و ضم راموس للقلب ! * حتى على مارسيلو ينطبق الكلام .. كلامي مو معناه كوينتراو يبتل أحتياط طيب بداية المبارة ؟ الـ 4 - 2 - 3 - 1 بقدوم كوينتراو تقدر تحيلها لتقاعد و تجيب الـ 4 - 3 - 3 و تلعب مارسيلو في الوسط و الدي قادمه و ووراهم كوينتراو .. طيب في غيرها ؟ 4 - 3 - 1 - 2 .. بحيث يلعب كوينتراو ظهير مارسيلو قدامه و الدي برا .. ثانياً .. لا نلعب على بعض .. كوينتراو قدومه مو من أجل المحورية ! المحاور عندنا ملييانه حتى بعد خروج قاقو المتوقع ؛ فبيكون عندنا : الونسو , نوري , خضيرة , قرانيرو , لاس ؛ و نضيف عليهم مارسيلو في بعض الأحيان و التينتوب .. لاحد يلعب على عمره و يقول كسبنا [ محور ] ! ثالثاً مورينهو في الموسم الماضي ذكر أن الموسم الثاني موسم الحصاد ! يعني ثلاثية و منافسة على كلووه .. الكأس + اليقا + التشامب = إرهاق , وهنا شغل المداورة , فريقنا مرة عليه فترة شهر [ مارس ] و خسرنا في الشهر هذاك حوالي الـ 9 نقاط و ماحد يتمنى هل الشي يتكرر .. على العموم .. المو في عقله كل شي :smilie47: شكراً ؛ :smilie47: |
| الوقت المعتمد في المنتدى بتوقيت جرينتش +3.
الوقت الان » 10:11 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd