مساء الخير

بحكم اني توني مخلص اختباراتي لذلك ابي ارد على موضوعين قديمه و بتقبلونها غصب

ممكن المشكلتين المتبقية للفريق هي مركز صانع اللعب و المحور

- صانع اللعب :
الحين ما فيه لاعب يلعب في هالمركز الا اوزيل و كاكا المصاب اللي ان شاء الله يُباع لأقرب فريق يقدم عرض ( انتر ميلان مثلاً )


الحين الفريق اول ما شرا اوزيل كان الهدف يكون كاكا اساسي و اوزيل احتياط ، لكن اللي صار العكس اوزيل اساسي و كاكا احتياط

و زود على انه احتياطي و دايم مصاب الا انه كل فترة يطلع لنا بتصاريح عن ميلان و ميلان ، ازعجنا بميلان

اللي صار ان اوزيل اخذ اكثر لاعب صنع اهداف في العالم و الأخ مدفي الدكه و يستلم 9 مليون في السنه يعني 18 مليون في السنتين اللي جانا فيها ، الحين الشيء الطبيعي اللي المفروض يصير بيع كاكا و يشتري الفريق لاعب صغير ( هازارد مثلا ) و يكون احتياطي لاوزيل و يمكن هازارد يبدع اكثر من اوزيل اللي احنا شارينه كاحتياطي لكاكا و لكن اللي صار العكس


من رأيي لو الاداره تصرفه للإنتر و تجيب مايكون و هازارد لاعب رين الفرنسي ( اخذ أفضل لاعب في الدوري الفرنسي هالسنه )

طبعا انا اقصد من جلب مايكون لأن الشايب كارفالهو ما راح يقدر يلعب اغلب مباريات الموسم فتكون التشكيله مايكون راموس بيبي مارسيلو

~ ~

- المحور :
صحيح اننا وقعنا مع شاهين و التينتوب ( اللي يقدر يلعب محور ) لكن الى الآن الفريق ما فيه المحور الدفاعي اللي مهمته بس قطع الكور و تسليمها للمحور الثاني اللي هو في الأغلب الونسو ، انا من رأيي ما فيه محور دفاعي ممكن يطلع من فريق الا الأطخم فيليبيميلو هو من افضل لاعبين العالم في مركزه ، انا تابعته و لو قليل في اسبانيا و فيورنتينا و أخيرا اليوفي، يعني تخيل لاعب في عمره و الاكيد ما بقى له الا 4 او 5 سنوات في الكوره و يبي يختم مسيرته بشيء كبير ، طبعا الولد يوم يوقع لليوفي كان ما ينقصه عن الافضليه على باقي لاعبين العالم في مركزه الا اللعب لفريق كبير و تحقيق البطولات معه ، هو توقع انه بيتحقق كل اللي ينقصه اذا لعب في اليوفي ، لكن هو وقع لليوفي و اليوفي كان يعاني و في فترة من المستويات السيئة و معنويات اللاعبين في الحظيظ

الولد عنده شيء يقدمه و شيء كبير بعد لكن عنده مشكلتين :-

الأولى : انه مكروه في المنتخب او اليوفي ، و مدري ليه ..؟

الثانية : انه ينقصه الخبرة بشكل كبير ، او خلني اسميها الركاده لأن الولد مطفوق ممكن يبدع في المباراة كلها و اذا جت الدقيقة 90 يسوّي خطأ سامج و يطرد بشكل غبي جدا ، بإختصار يبي له واحد يطلع مخه من راسه و ينظفه كله و يرجعه داخل راسه و شوفوا بعدها بيكون من أفضل قاطعين الكور في العالم اذا ما كان افضلهم .

~ ~

قفلة :
هذا إعلان عودة و إن شاء الله بنستمر معكم إلى نهاية العطلة و بتطفشون مني بس تحملوا
هي غلطتكم انكم تسألون عنّا