"
"

الواحد اذا شاف هالحماس والابداع ..
غصب يرد ، من يصدق اجل ان عبود رد مرتين بيومين ، ولا يهون المؤسس اللي اطربنا بردوده الومين هذي ..


"



ودي ادخل بمخّه خخ ..
نفسي اعرف وش يفكر فيه اليومين هذي .. بعد متشين قدّم فيها دروس كبيره ، بالنقص والغيابات هذي الوضع يخوّف ..

افكر اقول ضروري ندافع ..
واهم شيء ما يدخل مرمانا هدف ، بس تفكّر ان الاياب بالكامب نو ، صعبه جداً تفوز هناك .. الوضع سيء جداً للاسف ، اهم عنصرين " تقريباً " يغيبون بكرى ..
الحين لنا ثلاث سنوات ما عمرنا لعبنا ضد برشلونه كاملين الا اخر مبارتين .. فيه العن من هالحظ !!

اعجبني الخبر اللي قريته ..
اللي يقول انه خلّا اللاعبين يشوفون متش الاينتر مع برشلونه العام .. الاشياء الثانويه هذي والنفسيات ضروري يستفيد منها 100% مورينهو ..
وعاد ما يحتاج ، لعبته الاشياء هذي ..


"


التشكيله ..
هنا الحوسه صدق .. فيه اسماء الكل متفق عليها وعلى مشاركتها طبعاً :

ايكر
*** ، *** ، راموس ، ***
*** لاس ، الونسو
*** ، كريس ، ***

الـ*** هذي اماكن ما ندري من بيكون فيها ..
فيه اثنين اكيد انهم بيشاركون 100% ، بس ما ندري وين مراكزهم : ( بيبي ، مرسيلو ) ..
وفيه اسامي ما ندري بيشاركون ولا لا : ( اربيلوا ، البويول ، اوزيل ، دي ماريا ، قرانيرو ، كاكا ، اديبايور ، البنز ) .. هذولا اللي مختلفين عليها العالم ..

ضروري ندافع ..
يعني اهم نقطه في المباراة ما يدخل بمرمانا هدف .. وبرضه ضروري اننا نهاجم وضروري جداً ..
ولازم نروح للكامب نو ولنا الافضليّه عشان ما تعصب مهمتنا ..

صعبه الخيارات بالنقص هذا ..
والتشكيله المناسبه من وجهة نظري انا :

السان
اربيلوا ، البويول ، بيبي ، راموس
مرسيلو ، الونسو ، لاس
دا ماريا ، كريس
اديبايور

هذي اشوفها افضل طريقه ..
دفاعياً نفس تشكيلة ( بيلقريني في كلاسيكو الكامب نو العام الماضي ) .. وكانت ممتازه جداً وقدرنا نوقفهم بشكل كبير ..

ولو تذكرون الهدف ..
الهدف عرضيه من الفيس اللي مُمكن يوقفه مورينهو بالمميز دي ماريا .. فاشوفها تكفي وتوفي من الناحيه الدفاعيه ..
ولازم ما يكون الفريق دفاعي بشكل كبير مثل اخر متشين ، لانه ضروري تفوز بالسنتياغو والتعادل راح يكون من صالح البرسا ..

اما هجومياً ، برضه اشوفها مميزه ..
كريس ودي ماريا ومرسيلو يشكلون سرعه خُرافيه في المرتدات .. كلهم يمتلكون المهاره والتسديد والجراه الهجوميه .. و لا ننسى اوفراتهم مميزه للخال قدام ..

وتواجد اديبايور قدام اشوفه مُهم جداً ..
عشان رأسياته اولاً ، وعشان تحركاته وسرعته ، اشوفه افضل واحد يقوم بهالادوار ..


ولا ننسى انه الاوراق في الاحتياط مميزه وخُرافيه ..
اوزيل ، كاكا ، البنز ، ايغوايين .. يعني اي واحد منهم ينزل الشوط الثاني ، راح يشكل اضافه بنت كلب .. خصوصاً اوزيل وكاكا اللي لو نزلوا متاكد انهم بيعملون فارق كبير ..
فانا اشوف التشكيله مناسبه ، ولو ما قدرت تشكل خطوره هجوميه عندك الدكّه ممكن تغير كثير خلال مجريات المباراة ..


"
اخر نقطه :



جنون البيرنابيو ..
ابغى اشوف جنون مباريات ( ليون ، توتنهام ، برشلونه ) .. وابغى اكثر واكثر ، ابغى الملعب تسعين دقيقه ما يوقف ..
ابي الفريق يستغل فعلاً ميزة اللعب على ارضه ، ويفرق الجمهور معانا بكرى ..


وتصبحون على خير ..