انييستا اخذ كرت اصفر ثاني في مباراهـ شاختار ( الذهــآب ) وغاب عن الاياب !
يعني حاله من حال راموس والونسو .. راموس والونسو توقفو مباراهـ وانييستا توقف مباراهـ والقانون هنا واضح والامور طبيعية للحين !
الشي الغريب الي صار وتدخل اليويفا كان في : ( تغريم الونسو وراموس مدري كم الف فقط ) ( ونية اليويفا في توقيف انييستا مباراهـ زيادهـ )
فـ مآدري هل هذي في صالحنا وبلاتيني صديقنـا ولالا
تراني عشاني احبكم رديت حنا اخوان اوكي ؟
لكـم واتمنى ان النهائي يكون حلو بين الفريقين والفريق الكويس هو الي فوز
حلو الكلام .. أولاً أشكرك إنك ذكرتني إن راموس وألونسو تم إيقافهم بسبب البطاقة الحمراء لأن هالنقطة غابت عن بالي ..
ثانياً .. خلني أناقشك بفريقك المدلل الحين تم إيقاف مورينهو + تغريم كاسياس ودوديك وراموس وألونسو والنادي .. مع عدم وجود أي دليل يثبت بأن مورينهو + كاسياس + دوديك + النادي متورطين في موضوع تعمد الطرد ..
أنا ما أبي انييستا يتوقف .. مافرقت معاي لأنه دايم قدامنا وجوده كعدمه أبي بيب يتوقف ويتغرم مثل مورينهو .. أبي اللاعبين الي ساسروه في الملعب يتوقفون ويتغرمون .. وأبي انييستا يتغرم .. وأبي ناديكم يدفع ١٢٠ ألف يورو مثل مادفعنا ..
ليه ماصار كل هاللي قلته فوق ؟ مع انها نفس الحالة تقريباً بين الاثنين .. العامل المشترك = التعمد من أجل مسح سجل البطاقات .. ليه ضد ريال مدريد يغرمون نص الفريق والنادي .. أما برشلونة يكتفون بالإيقاف ؟
عشاننا بطارى وانتم طفرانين يعني ؟ ماهي مشكلتنا ان ادارتكم طفرانة ياخي لايتوقف انييستا باللعنة بس مثل مادفعنا ادفعوا دام القوانين والنصوص وحدة بالإتحاد الأوروبي .. ليه يتطبق علينا قانون معين ( ابتزاز مالي ) ويتطبق عليكم قانون آخر ؟
شئ جميل إنك ما علقت على باقي كلامي عن ناديكم المدلل داخلياً وخارجياً .. لأن هالشئ يثبت ان كلامي صحيح وان حتى انتم يامشجعين هالفريق الحوثي عارفين ان السالفة صارت عيني عينك ولاعبينكم محصنين من الاتحاد الكتلوني
احبك الله الذي أحببتنا فيه
أخوي خالد باين من طريقة كلامه إنه صغير فلا تدقق على الأخطاء الإملائية وانا اخوك
تتفائل من المباره الاخيره ! .. وتتشائم بمجرد انك تفكر انه برشلونه ! .. وترجع تتفائل مدام معك مورينهو ! .. وترجع تتشائم وتخاف ان الاعبين يخورونها بكره ! .. ترجع تتفائل مره ثانيه انه كأس ! .. ثم تتشائم ثاني يوم تتذكر انه كأس الملك الي لك سنين مااحققته ! ..
انا مابقعد اتكلم عن النفسيات خخ ! .. بس التوتر جايني من الان خخ ! .. وانا اذا توترت مشكله خخ ! .. ماعرف انام ! .. مااداوم الجامعه خخ ! .. واتحسس وافز من اي شيء جنبي خخخ ! ..
عموما ! ..
واضح تكتيك مورينهو من مباره الكلاسيكو ! .. وشبه اكيد انه بيدخل به ! .. وفي نفس الوقت غموض في التشكيله الي بيدخل فيها ! .. وخاصه في ثلاثي المقدمه ! ..
دي ماريا كريس بن زيما ؟! .. اوزيل كريس بن زيما !؟! .. دي ماريا كريس اوزيل ؟! .. دي ماريا كريس اديبايور ؟! . اوزيل كريس اديبايور ؟! .. واحد من ذولا بيدخل فيه مورينهو ! .. وطبعا خيار واحد فقط هو الي بيكون ثابت والي هو كريس رونالدو ! ..
دي ماريا ! .. باقي اشوفه مهم ! .. عكه ممكن يتحسن ! .. وتكتيكه مهم للفريق ! ..
دي ماريا موجود ! .. يعني انك بتكون اسرع في المرتدات مسانده اكبر للدفاع وايقاف تقدم مفتاح مهم جدا لبرشلونه والي هو الفيس ! .. ماضمن لا اوزيل ولا كاكا في الموضوع ذا ! .. لياقه الاول وجاهزيه الثاني تخليني افضل دي ماريا عليهم ! ..
المباره ذي اقدر اقول انها مباره تركيز ! .. اكثر فريق بيكون مركز هو الفريق الي بيفوز ! ..
والكلام ذا ينطبق على فريقنا اكثر من فريقهم ! ..
لانه خل نكون واقعين اكثر ! .. خطأنا ممكن يكلفنا كأس ! .. وخطأهم ممكن يكلفهم هدف لمدريد ! ..
وفرق بين الاثنين ! .. انا هنا ماشكك بقدرات فريقي في العوده للقاء لو كان متأخر ! .. لانه عملناها يوم كنا عشر لاعبين ضدهم ! .. لكني اعرف قدرات البرسا ! .. انه فريق صعب يفرط بالنتيجه وهو متقدم ! .. والاهم انه يزيد من النتيجه اكثر من انه يحتفظ فيها ! .. هذا غير ان الملعب مابيكون كله لنا ومساند لنا ! ..
لازم الفريق يكون مركز ! .. 200 % حضور ذهني قبل مايكون بدني ! ..
اجزم ان برشلونه بيدخل بكل ثقله ! .. بيحاول انه يدك مدريد من البدايه ! .. لانه مايبي يكرر الي حصل له في السنتياغو ! .. استحواذ على لا شيء ! .. بدون جرائتهم المعتاده بالهجوم ! ..
وذا بيكون سلاحهم ! .. وهو نفسهم بيكون سلاحنا ! ..
لاان البرسا لو دخل بثقله يعني انه بيحاول انه يستفيد من الاستحواذ حقه ! .. بيكون جرئ اكثر ! .. عشان كذا لازم نكون مركزين اكثر ! .. لانه لو تجرئ بيتكثر اخطائه ! .. وهنا بتكون ضربتنا وسلاحنا ! ..
استغلال الكور والفرص ! .. مهم جدا جدا جدا ! .. مابي اشوف فريقي يكرر الي عمله في السنتياغو ! .. مابي انتظر اكثر من 5 هجمات عشان اسجل هدف ! ..
ملعب المستايا ممكن يلعب معنا ! .. لانه اصغر من السنتياغو واصغر من النوكامب ! .. المساحات بتكون ضيقه ! .. ومرتداتنا ووصولنا لمرماهم بيكون اسرع ! .. وكل ذا من صالحنا ! ..
حاجات او نقاط ! ..
ظهر الدفاع ! .. لازم يكون دفاعنا صاحي للنقطه ذي ! .. فيا ! .. والشباب ذكروا النقطه ذي ! .. اكثر من مره ضرب فيها دفاعنا بتحركاته ! .. لكن ماكان موفق ابد ! .. وانا ماابنتظر انه يكون مهو موفق ! ..
ميسي ! .. لحاله مشكله ! .. واكثر من مره قلت مشكله البرسا وصعوبته وجود ميسي مع سستم خرافي زي سستم البرسا ! .. تعطل السستم بصعوبه ! .. لكن يطلعلك العار ذا ماادري من وين يربشلك دنيتك خخ ! .. وذا يرجعني لنقطه التركيز ! .. لازم الفريق يكون صاحي له ! .. مااينتظروه يستلم ويلف ! .. لازم يكون عليه ضغط قوي من تضيق مساحات و الدخول عليه بالقوه البدنيه بس مهو بهبال طبعا خخ وخاصه ان التحكيم الاسباني ياااااي ويععع خخخ ! .. لا احد يفهمني غلط ويقول يعني نكسر الولد خخ ! .. لا طبعا ! .. بس لازم يكون فيه لعب رجولي لما تكون الكوره معه ! .. كمان حاجه ثاني ! .. ميسي والاختراق القطري الي يعمله من اول ماتعلم الكوره ! .. لازم الفريق يكون صاحي للنقطه ذي ! .. لان ميسي يوم يخترق بالطريقه تعطيه حلين ! .. ياايسدد ياايمرر كوره ورا ظهر الدفاع ! .. وتكتيك مورينهو السابق حد كثير من النقطه ذي ! .. لانه يوم يدخل يلاقي المحاور وبيبي تحديدا واقفله ! .. لكن الخوف كله من ظهر الدفاع ! .. لان الفريق يركز اكثر على ميسي من تحركات الاعبين الثانين زي فيا ! .. وتلاقي كوره بنقشه ورا دفاعك وبيدرو او فيا بالتحديد ينتظرها ! ..
الركنيات والكرات الثابته ! .. بالتكتيك الي لعب فيه مورينهو ! .. وبمهارات لاعبينا في المقدمه اكيد بيكون هناك اخطاء كثيره لنا في مناطق حساسه ! .. الفاولات ! .. يارب يكون كريس موفق اكثر ! .. الركنيات ! .. التكتيك المتبع الي حصل في السنتياغو بيفيدنا كثير ! .. فريقنا اطول وذي حقيقه ! .. بيبي خضيره راموس كرفا رونالدو البنز اديبايور ! .. بينما البرسا اقصر وبدنيا اقل ! .. لازم نستفيد من الموضوع ذا ! .. الكور الي كانت تجي في القائم البعيد وتتهئ للقادمين بتفيدنا كثير ! .. البرسا يعاني في الموضوع ذا وماقدر انه يوقفنا فيه ! ..
كاسياس ! .. متى ماكان بيومه ! .. بنحصل الكأس ! .. اخر تقريبا اربع كلاسيكو ( لو ماحسبنا الاخير ) ! .. كاسياس مايظهر متألق في البدايه ! .. 6-2 ! .. 1-0 ! .. 2-0 ! .. 5-0 ! .. بغض النظر عن الاخطاء ! .. لكن كاسياس ماكان يصمل في كور برشلونه الاولى ! .. انا هنا ماطلب منه المستحيل انه يوقف كل كور برشلونه ! .. لكن اطلب منه انه يكون كاسياس ! .. الي متعودين انه ينقذنا ! .. يعني كمثال ! .. مباره ال 4-1 ( مباره راوؤل وزيدان واوين ! .. ) فزنا لكن الي فرق معانا هو كاسياس ! .. قدر انه يصد اكثر من كوره في بدايه المباره او حتى لما النتيجه كانت قريبه ! .. مثال اخر ! .. مباره السنتياغو الاخيره ! .. كور ميسي الي بالشوط الاول كاسياس تصدى لأثنين ! .. لو دخلت كان شفنا وضع اخر للمباره ! ..
لازم نفهم ان مبارياتنا حاليا مع البرسا تعتمد على جزئيات صغيره ! .. ممكن تقلب لك حال المباره كلها ! .. وانا مانتظر من فريقي انه يكون سد منييييع ويوقف كل تحركات البرسا وكل هجماته ! .. لاني اطلب من المستحيل وهو ايقاف افضل فريق في العالم بشكل تام ! .. لكن كل الي اطلبه ! .. انه يوقفوا اغلب هجمات البرسا ! .. والي تفوت يكون كاسياس بيومه وينقذنا ! ..
زي ماحصل من الانتر في النوكامب ! .. في الشوط الاول قدروا انهم يوقفوا البرسا تماما ! .. لكن جات كوره من ميسي واتوقع الكل يتذكرها يوم ركنها في الزاويه البعيده ! .. وقتها انقذهم سيزار وقدر يصدها بأصابعه ! .. لو البرسا سجل ! .. كان شفنا سيناريو اخر ! .. ونفس الموضوع ! .. لو قدرنا نسجل نحن في الشوط الاول كان شفنا سيناريو اخر ! ..
وذا الشيء الي لازم نفهم ! .. حتى البله والدلوخ والمخرفين لازم انهم يفهمون الشيء ذا ! .. واتكلم هنا عن دي ستفانو ! .. وتصريحه الغريب الي طلع فيه والي اتمنى انه يكون مخدر زي ماقال ابو اصيل مع اني ماظن ! ..
الموضوع ابد مهو موضوع هياط ! .. او كبرياء ! .. او فار او اسد ! .. عندك امكانيات ! .. وعندهم امكانيات ! .. عندك حقائق ! .. واوراق ! .. وسجلات ! .. تقولك ان البرسا حاليا افضل فريق ! .. هو الافضل بالاستحواذ على الكوره وتناقلها ! .. تجي تدخل معه في معركه في افضل شيء يملكه ؟!!! .. انت كذا غبي قبل ماتكون خسران ! .. يعشق المساحات ويعرف يتعامل معها ! .. تجي تفتح له المساحات ؟! .. انت كذا احمق قبل ماتكون غبي قبل ماتكون خسران لانك بتكرر خطأ بسببه خسرت بخمسه وشمت العالم فيك ! .. تبي المتعه يعني ؟! .. اوكيه بس خلك مستعد انك تكرر اخطائك وتخبطاتك ! ..
غريب التفكير ذا بصراحه ! .. والاغرب الاستمرار بالتفكير ذا ! .. الي اتمنى من كل قلبي ان بعد مباره الكأس يعرفون الفرق بين متعه اللعب ومتعه حمل الكأس والاحتفال وشعور البطل ! .. عشان يعرفوا سخافه تفكيرهم ورقي التفكير الاخر ! ..
وكل امل ! .. اني بحلول الوقت ذا ان شاء الله غدا ! .. عايش رقي الشعور ذا ! ..
وموفقين يارب يارب يارب يارب ! ..
قفله :
لونوا ردودكم بالبنفسجي ! .. لانه ماخذلنا الى الان خخخ
اتمنى دي ستفانو يكون عنده نفس الفكره خخخخخخخخخ ! .. اجل فريقكم فيه وفيه وفيه وفيه وماايخطيه خخخ ! .. وفي الاخير احبك الله خخخخ ! ..
اخوي نواف ..
الله يهديك انت طبيت غلط خخ ! .. وفي مكان غلط خخخ ! .. والعار انه في وقت غلط خخخ ! .. انا زي ماقلت لك انت من اكثر الاعضاء البرشلونيين الي احترمهم ( ممكن العضو الوحيد الي احترمه خخ ! ) .. يااراجل حتى اخوي الي يشارك برابطتكم ( دكتور ابونواف خخ .. بالانجليزي خخ .. زي مرسي ابن المعلم الزناتي اتهزم ياارجاله بالانجليزي خخخخخخ ) مااحترمه ابد كمشجع خخخخ ! ..
واشهدلك بالاحترام وصفاء نيتك يابعدي ! .. بس ابد مهو وقتك حاليا عشان تصحح الامور خخخخ ! .. الاجواء متوتره خخ ! .. الواحد ماعنده مشكله انه يتوقف حاليا خخ ! .. وتجي انت وحاط صوره برشلونه خخ ! .. وتدافع عن برشلونه كمان خخخخ ! .. والله بيصلخونك الشباب خخخ ! ..
موضوع انيستا ! .. لحاله موضوع طويل خخ ! .. المعامله بالمثل ابد مهي موجوده خخ ! .. الريال توقف منه وتغرم منه لاعبين ! .. البرسا لسه يفكروا في الموضوع ! .. مع انه البرسا الظاهر ايام ريكارد عمل نفس الموضوع مع ماركيز المكسيكي وماعملوا معه اي شيء خخ ! .. وفي نفس الموسم بعد تغريم الريال وتوقيفه ! .. يجي البرسا يسوي نفس الحركه ولا يصيرله شيء ! .. حاجه تقهر ! ..
وتجي انت في وقت حساس زي كذا خخ ! .. وتدافع خخ ! ..
السلام عليييييكم جميعآآ..كيفكم
صرااااااحه مااقدر اعبر صح من الخووووف والدوخه اللي انا فيها عجزت انام قلت اجي اطقطق معكم عشان كذا لحد يدقق بالتعبير ..الزبدددددددددده
اتمنى من مورينهو يدخل المباراه بالتشكيله الاخيره حقت السبت نفس الخطه والتكتيك مع التحفظ على منطقة اليمنى لان فيها نقصصص شوي وسهل المرور فيها للكاتلونين بس اتمنى ان يلعب اوزيل اساسي لاعب يثبت نفسه باي خطه اتمنى تكون الخطه كالتالي رايي الشخصي..
كاسياس
مارسيلو كارفا راموس اربيلوا(الله يستر منه)
الونسو بيبي خضيره
كريس اوزيل
البنز
ويصير عندك احتياط خورافي وجامد اوراق رابحه باذن الله
كااااااكااا و دي ماريا و اديبايور ((مع اني ماافضل اني اشوف رقعة وجه اديبايور بالملعب ولا البيووول))
عند موررري مليوووون حل سواء كلاعبين او كتكتيك فني واتمنى انه يطبق التكتيك الاخيرررر
نقاط مهمه جدآ.::
بنزيما اذا ماكان بالفورمه على طول بداية الشوط الثاني يطللللللعه .
دي ماريا حرام مايلعب اساسي بس وش اسوي الموجودين فيهم الخير واذا لعب اساسي هذا او ذاك لانعترض ابداا لى تشكيله السبيشل ووووووووووون.
نقطه اخيررررره الا وهي التسديد ماشفنا باخر مباراه تسديد فعلي تسدد خارج المنطقه اتمنى ان يسددون خاصه الونسو كريس خضيره وخاصه مع وجوود حارسهم الدلخ الاحتياطي
اتمنى ان نستمتع بالمباراه كعادة مباريات الكلاسيكوووووووو ونستمتع مع الشوالي وابو سيف
واتمنى اي فرصه تكون قوول خاصه من دي ماريا ورونالدو اللي يضيعون كثير حظهم اقشر لكن عندي احساس مورينيو بسيوي شي حلو بالفريق خاصه بعد ماقدرنا نوقفهم وانشالله لايغترون لعبيتنا وشاكر لكل واحد بالرابطه المدريديه على جهودكم ولا عدمناكم ابد
صباح الخير والتفاؤل
صباح البنفسج على البنفسجيين كلهم
كنت متوقع قبل كم يوم إن نهائي الكأس نفوز بنسبة 50% وللبارسا الباقي
بس يوم عرفت إن علي محمد علي بيعلق على مباراة اليوم
ارتحت كثيرررر
وزادت نسبة توقع فوزنا في مباراة اليوم إن شاء الله إلى 200%
اخيرا بنفتك من النحس الشوالي اللي من يوم ماعلق على الكلاسيكوات وحنا رايحين فيها
ويوم سجل كريس هدف التعادل يصرخ ويقول لقد هرمنا
هرمنا عشان خمس مبارايات مافزنا فيها
ياريت بعد يفكونا من محللي الغفلة ومذيع الغفلة
اللي الكورة في شارع وهم في كوكب ثاني مافيه شارع
مرات اقول بيلعب على المضمون وبينزل بنفس تشكيلة السبت اللي راح مع تواجد راموس كقلب دفاع واربيولا كظهير ايمن
وخط الوسط زي ماهو ويصير التفاضل بين أوزيل ودي ماريا على الخانة الأساسية
أو بينزل بكريس راس حربة ومعاه أوزيل ودي ماريا والبنز وشلة المهاجمين الثانيين مع كاكا احتياط وقت الحاجة
ممكن نقعد نفصل ونفكر ونحلل كل اللاعبين اللي ممكن ينزل بهم المو في تشكيلة اليوم
هذا في حالة وحدة بس إذا المو فعلا بيعتمد على نفسك التكتيك حق مباراة السبت
لكن مدربنا بصراحة ماينضمن
ولاندري وش في مخه ووش ناوي عليه
وممكن يلخمنا حنا قبل مايلخم بيب نفسه
أجل بيب يقول انا ماعلي من خطط الفرق اللي اقابلها وكل همي خطة فريقي
وفي نفس الوقت يقول لقيت حلول لبيبي وتكلمت مع فريقي عنها
طيب يعني تفكر والا ماتفكر
والله من بيبي ذا اللي اشغلك واشغل لاعبينك وفريقك وإعلامك وجمهورك هناك وهنا
وبيبي كان مرة خشن مع لاعبين البارسا والمفروض ينطرد
طيب جيبوا لنا الحالات اللي المفروض ينطرد فيها
مافي
بس مشكلة بيبي الله يهديه مايبتسم في وجه ميسي إذا خش عليه ولا يستأذن منه في قطع الكور
وش نسوي عاد وقح وماتربى
ماعلينا
نرجع للجبان حقنا
اكيد إنه عارف إن ملعب فالنسيا أصغر من ملعب الريال والبارسا
فضغط الوسط وتكتيك الفريق بيختلف كثير عن مباريات الكلاسيكو العادية
يعني مثلا اشوف إن وجود أوزيل أفضل من دي ماريا بحكم صغر الملعب، فما نحتاج لاعب يكون سريع ومنطلق بقدر مانحتاج لاعب يعرف يسيطر على الكورة صح ويمتلكها لأطول فترة ممكنة
يعني نحتاج لاعبين سيطرة على الكورة اكثر من لاعبين اللي يحبون المساحات
وطبقا للتفكير ها فوجود البنز أفضل من تواجد الأديب أو هيقوين لأنه أفضل منهم وقت ماتكون الكورة في رجله وعنده مهارات تساعده في فك الضغط والكنترول الخورافي اللي يملكه يقدر يساعده في الافتكاك من ضغط لاعبين البارسا
فأشوف إذا كان المو ناوي يدخل بنفس تكتيك المباراة السابقة
فتواجد الثلاثي
أوزيل وكريس والبنز
أفضل في ظل ظروف الملعب اللي كلنا عارفينها
وإن شاء الله إذا مشت الأمور تمام وتقدمنا بالنتيجة في الشوط الأول
يخدل دي ماريا في الشوط الثاني وقتها دفاع البارسا بيكون متقدم تماما والمساحات اللي يفضلها دي ماريا أو حتى كاكا راح تكون موجودة
طبعا مانحتاج عن التركيز اللي لازم يكون اليوم توب التوب
وزي ماقال جهاد البنفسجي
لازم الفريق يستغل كل الكرات اللي تجيه عند مرمى البارسا
هذه مباراة نهائية مافيها أي تعويض
ولازم نستغل الكرات الثابتة
البارسا ماعنده إلا لاعبين يلعبون بالرأس بيكيه والبسكوتة حقتهم
وبويول إذا لعب
الباقيين ماعندك احد
فريقنا يملك خضيرة وبيبي وكريس وكارفالهيو وراموس وكلهم ممتازين في الضربات الرأسية
التكيك اللي استخدمه الفريق في الكلاسيكو اللي راح في تنفيذ الضربات الركنية كان خطير وممتاز جدا
ونتج عنه ثلاث كورات خطرة 2 لكريس ووحدة لبيبي في الشوط الثاني
اتمنى من المو يركز بعد على نقطة التسديد من بعيد بحكم إن حارسهم الله بالخير
طويل ودلخ وملقوف واكثر لاعب يأخذ كروت مع إنه احتياطي
نقطة أخيرة اتمنى الحذر منها
حكم اليوم معروف إنه حكم ابو لمسة
لو كحيت والا عطست جمب ميسي والا انييستا والا البسكوتة
بتأخذ كرت وفاول
لو فيا قلبها سباحة زي العادة عند كاسياس انواع ضربات الجزاء وطرد لكاسياس بعد
الحكم هذا حكم مباراة صربيا والمانيا في كأس العالم الأخيرة
وطرد كلوزه بعد خطأين سواهم بس وكلهم في منطقة صربيا
ومع الضغط الإعلامي الرهيب اللي صاير على بيبي
فمعروف من طريقة وصاخة عيال كتالونيا ومدربهم إنهم بيركزون على بيبي في التسدح جمبه عشان ياخذ كروت ويفكهم
آخ بس لو يحكم مباراتنا مع الخكر ذول حكم انجليزي
يااااااااااااااااااااااااااااسلام
بتصير علووووم
ننتظر ونشوف وش يفكر فيه المو
كلي ثقة في المو
حتى ولو خسرنا لاقدر الله في مباراة اليوم
ثقتي في إنك أفضل مدرب في العالم
لن تهتز ابداااااااااااااااااااااااااااااااااا
الكلاسيكو اللي راح توقعت ابداع دي ماريا
وخذلني القصمنجي
وماتعودت أحد يخذلني من لاعبين الريال
اليوم متوقعها مباراة
الدون البرتغالي كريستيانو رونالدو
أول مرة اراهن عليه
وخلونا نشوف بيشرفني والا بيخيب ظني
لا يوقف شباب
جهاد انت وعبدالله عاشق الزعيم
خلوكم ونظام ماراح نرد إلا بعد المباراة مانبيه
نبي نوصل خمس صفحات على الأقل قبل مباراة النهائي
وبعد المباراة فرفشة وسهرة وحشيش من حكيم لين الصبح
كل مدريدي يهوجس وش السالفه بنفوز ولا ما راح نفوز بناخذ الكاس ولا لا مورينيو يارب اليوم يكون رجل المبارة هو مع اللاعبين اهم شي التركيز وعدم الأستعجال في الكلاسيكو الماضي كان في استعجال بسيط قبل الطرد في الهجوم .. هجومنا كان مستعجل و الكوره على طول عند كريس زاد الحمل عليه شوي الين جا اوزيل و ريحه .. لأن دي ماريا كان ممتاز في الدفاع والتغطيه بس لكن في الهجوم كان عادي .. نقطه مهمه في دي ماريا واللي ضروري يكون موجود اليوم و اذا ركزز صح يلعب على كسب البلنتيات و الفاولات الخطرهـ افضل لاعب عندنا واغلب البلنتيات اللي من صالحنا هو التسبب فيها بس لو يركزز وما يتوتر .. كريس يمكن يبدا مهاجم و خلفه دي ماريا و اوزيل ما استبعد من مورينيو مع اني افضل و اطمن اكثر لما اشوف بنزيما او اديبايور لكن كـ بدايه مباره مو شينه الفكرهـ كريس ممتاز و في الكلاسيكو الماضي كان يتقدم اكثر من بنزيما واكثر من مرهـ نشوفه يستلم الكورهـ بـ وجهه المدافعين قريب من الـ 18 لـ منطقتهم
بيبي يكون في مركزهـ و استمرار تالق خضيرة و تركيز اكثر من الونسوا اللي ما كان بـ المستوى المعهود مع تأقلم اوزيل معهم راح نشوف احلى وسط ياكلهم
مدربهم قال انه بـ يلعب بـ بينتو الحارس .. ياليت كريس يركز بـ التسديدات انها تكون في وجهه الحارس مع تركيز الهجوم ممكن يجي منها قول يريح
الركنيات مورينيو لعب عليها صح يوم السبت لو تلاحظون في اكثر من كورنر دي ماريا يرفعها ورا على راس راموس .. و راموس يعكسها لـ الزاويه الثانيه لـ لاعبينا .. هذي تلخبط الدفاع والحارس و نجح فيها مورينيو بـ الكوره اللي طلعها ادريانو .. فالديز طلع من مرماهـ لكن ادريانو كان مركز
الحكام الله يستر منهم .. يارب يكونو معنا اليوم .. وبأذن الله الليله ليله مدريد بـ نرجع نحتفل في السيبليس الييييوم
استكمالاً لـ مسلسل البنفسج
مع رد وسّوفي .. < شايفين ميزة أبو وديع أنه صالح لـ كل الأوقات خخ
و الظاهر شكلنا راح نكره الرابطة بهاللون
اليوم متوقع مفاجأة .. و ما راح أبالغ لو قلت مفاجأة من العيار الثقيل .. و خصوصاً في الخط الخلفي ,
و كلمة رآموس , في المؤتمر ما اعتقد كانت من فراغ !
أعتقد بنسبة كبيرة في الأمام نفس الأسماء تشارك مع أني بفضل أوزيل لـ الأسباب إلي ذكرها أبو تولين مع سبب إضافي و هو فارق الفينينشج و الهدوء أمام المرمى و خصوصاً أننا مطالبين بـ استغلال أي هجيمة " تصغير هجمة " , إذا حبينا يكون الكأس أبيض .. بس ما بأيد أبداً , وجود الدون كـ رأس حربة , يعني مثل ما طرحت الماركا .. بأنه يكون أوزيل و الدي و الدون , بـ هالطريقة إنت تحد من انطلاقات رونالدو و خصوصاً في ملعب صغير سبرنتين عـ دفشتين لـ الكرة مع سرعته , بتلاقو رونالدو بيلعب بـ جدايل بينتو ..
التكتيك , ما اعتقد رآح يختلف عن مباراة البيرنابيو , و لا يغركم كلام مدربهم المتواضع جداً .. بـ أنه وجد حلول و بيسرع اللعب في المباراة , عـ أساس أنه هو قال لهم خليكم بطيئين , أو أنه ما حاول يوجههم لـ تسريع اللعب .. المشكلة أنه هو و بقية الحوثيين مو مقتنعين أنه المو كلبشهم و حشرهم و حجمهم .. نرجع لـ التكتيك , نقطة مهمة اخيرة بس .. و هي الهدف المبكر , أعتقد أنه ما رح يحسم المباراة , لـ أي من الفريقين .. بـ العكس راح تحلو أكثر , يعني اذا الريال سجل راح نشوف تحفظ أكثر و لدغ بـ المرتدات عـ أساس أنه البرشا بيندفع أكثر , و لو البرشا سجل بنشوف اعصار ملكي في الهجوم , و بتقلع أم و أبو البرشا كمان .. الخلاصة , هدف مبكر يعني المباراة راح تكون غزيرة بالأهداف !
دفاعياً , الشباب ركزو على انطلاقات فيا خلف المدافعين و إلي نكبنا فيها الساذج ألبيول , و لو تلاحظو كل الإنطلاقات من جهة اليمين .. يعني من ورآه .. لكن مع وجود راموس اليوم أعتقد انه بيختفي و بيحاول يلعب بـ جهة أربيلوآ أكثر .. و الخوف من فوارق السرعه .. بس !
إممم , حاس اليوم كاكا ما راح يكون له تأثير .. يعني أعتقد مباراة فالنسيا الجاية تكون تحضير لـ كاكا الأبطال .. و وقتها بينفجر , مجرد إحساس ..
نجم الليلة , من جهتنا بيكون رونالدو بعد زوال الحاجز النفسي , إلي كان مربط رجليه في المباراة الماضية أعتقد نشوف إنفجار من الدون .. أتمناه يركز عـ التسديد البعيد , خصوصاً لما يكون التسديده قبلها سبرينت !
أبو تولين شكلنا بنسحب منك المنصب الفخري يعني مو بعد ما تنجح ثورتنا .. تيجي تقول وين الدم و وين القتل و احنا نحب المتعة و الـ ** الزم حدودك من الآن
قمة السخافة أن يظهر رجل خدم الملكي لسنوات ويهين تاريخه والنادي الملكي بتصريحات مثل أن يصف البرشا في المباراة الأخيرة مع الريال بأنه مثل الأسد الذي تلاعب بفأر ،، وهو يعرف أن مثل هذه التصريحات تؤثر على لاعبي الفريق الملكي المضغوطين من الأساس بمواجهات مع أقوى فرق العالم وفي وقت ضيق
حقيقة مالي بالأمور الفنية كثير ولا تعودت انا ولا أنتم مني إني أتكلم وأطرح وجهة نظري من ناحية فنية لأني حقيقة كلما قررت أكتب عن الأمور الفنية وشفت كلام المحللين عندنا الله يعطيهم العافية أتراجع وأقول الشباب كفوا ووفوا ,. فلذلك ( تقبلوا رأيي المتواضع) واعتبروني تلميذ أتعلم منكم .. مع العلم إن البعض منكم يمكن يقول أنت ما عمرنا شفناك إلا تترجم لنا كم خبر لاطنت معك وتمشي .. لكن في هالوضع المتأزم بالنسبة لي والقلق اللي أعيشه قلت لا زم أفضفض لكم .~
أنا فقط حبيت أطرح رأيي بالنسبة للتشكيلة والنهج المتوقع اللي يبي ينتهجه المو في هالمباراة .. ,’ أولا : بالنسبة لمباراة السنتياغو السبت الماضي : انا أشوف المو والفريق بشكل عام وفق فيها بشكل كبير
ولا أخفيكم إني كنت أباتكلم عن السيطرة مثل ما قال البعض إنك لما تشوف السيطرة 75 % للفريق الخصم تحس شوي بالغبنة ..
لكن لما قريت الكلام والإقناع من محللينا الأعزاء اقتنعت الصراحة إنك مهما امتلكت الكورة ( على غير سنع مهب فايدتك ) . وهذا اللي صار . ,’ ثانيا : - بالنسبة لمباراة اليوم : ما أخفيكم النفسيات متوترة وأنا قلق لأبعد درجة لأن الفريق يحتاج لبطولة صراحة في هالوقت بالذات
لأنها راح تعود على الفريق بفوائد كثيرة أهمها العامل النفسي للاعبين في التشامب وبطولات الموسم الجاي ..
غير كذا إن الفريق من اول موسم وأكثر من خمس عناصر جديدة على الفريق ويحقق بطولة .. شي حلو ..
غير انها راح تخفف من الضغط والعبء على الفريق في دوري الأبطال وتزيد الضغط على منافسنا ..
فأنا من رأيي إن فوز الريال على برشلونه اليوم محتمل بنسبة كبيرة أكثر من أنه يطلعه من دوري الأبطال .. << لا يااااشيخ ,’ التشكيلة والتكتيك اليوم : - معي علم إن 99% من جمهور الريال ودهم التشكيلة تطلع الساعه 2 الظهر من الحماس
لأن البعض يقول : خلاص الطريقة والتشكيلة معروفة نفس مباراة الدوري ..
والبعض يقول : أنا متأكد إن مورينيو محضر مفاجأه لبرشلونه ..
لكن هذا كله ما يمنع إننا نقول :
الفريق عناصريا ماعنده مشكلة إلا بالدفاع فقط ..
ويبقى على اللاعبين الآداء والمستوى المعروف عنهم كما عهدناهم .. ,’ أباجي للتشكيلة : يمكن البعض يستغرب منكم وحتى ممكن ( يهاجمني ) لكن ابأطرح رايي على صيغة سؤال واطلب من الجميع إنه يقنعني :
ياجماعه .. ما تشوفون إن مورينيو يبدا بلاعب مثل ( أربيلوا ) مخاطرة .؟؟
هو لاعب ممتاز وفيه خبث كروي ممكن يفيد الفريق أحيانا والتحاماته ممتازة ( أحيانا )
لكن ..!!
ما أخشاه : ليس على أربيلوا فقط بل الريال بأكمله .. من تهور أربيلوا ومخاشناته الغير مبررة أحيانا ..~
فاللاعب شاهدناه أحيان كثييرة بالدوري يشارك وياخذ كرت قدام فرق صغييرة فما بالك ببرشلونه وغير كذا اليوم محتمل يكون بجهته ( الزبده انييستا ) ..
غير التهور : اللاعب بطيئ ولا يتناسق مع لعب الفريق الخصم حيث انهم يعتمدون على السرعة والتحرك بدون كرة ( اللامركزية ) ..
.. هذا ما عندي بالنسبة لأربيلوا وأتمنى من الله أن يوفقه اليوم إنه يرد علي إذا لعب أساسي ويلجمن ويقول لي : لا عمرك تحلل .. ,’ اما نهج المو اليوم فـ ( أنا ) وأعوذ بالله من كلمة انا ..
عندي إحساس الصراحة إن مورينيو يبي يسوي مفاجأه وماراح يلعب بيبي محور ولو إن البعض متأكد بنسبة 99% إن بيبي يبي يلعب محور لكن هذي كله احتمالات ..
ويلعب بالطريقة المعتادة ( ألونسو وخضيرة محاور ) ومن ثم يبني خططه على حسب قراءته للمباراة ".
ومن الممكن جدا ان إحساسي أن مورينيو يحس إن أربيلوا غير مناسب للعب نهائي بشكل أساسي هو اللي خلان أقول هالكلام .. ممكن أيضا بعضكم يضغط مسافة ويروح للرد اللي بعدي بسبب الجملة اللي فوق اللي توجع الراس
لكن حقيقة أنا على الإطلاق ما أؤيد بدء المباراة بأربيلوا ..
ومن أسباب إني اتوقع هالنهج التوقعات التي تشير إن جوارديولا راح يكثف الوسط اليوم ويلعب بمحورين ( سيرجيو وماسكيرانو ) مع الأدوار الهجومية لسيرجيو .
ويطلع بيدرو ويلعب إنييستا جناح ( مكانه المفضل ) ..
وبكل تأكيد المو متفطن وصاحي لهم .~ .. ,’ .. # بقي بعض النقاط بس :- ياكثري صح ؟
1- الجميع وأولهم مورينيو بكل تأكيد غير راضين إن الفريق يتحصل على حوالي 7 ركنيات في مباراة امام فريق قوي وصعب مثل برشلونه ولا يتم الاستفادة منها .
2- لذلك : سجلوا عندكم الليلة واحد هدف من ركني بحول الله ..
3- والجميع وأولهم كريس يعلمون أن نقطة الضعف الأبرز في الفريق المقابل اليوم هو الحارس (الربشه) بينتو وعدم إجادته للتسديدات القوية من بعيد ..
4- لذلك : سجلوا عندكم الليلة واحد هدف شوته برا الـ 18 بحول الله ..
5- الشخص المذكور أعلاه ( بينتو ) مميز جدا ومن أفضل حراس العالم في صد ركلات الجزاء ..
6- لذلك : لا تفكرون ولا تسجلون عندكم الليلة هدف بلنتي للريال .
7- كسر ميسي وكريس لعقدهم في مرمى بعضهم في المباراة الماضية سيزيد خطورتهم اليوم خطورة على الجانبين وإن كنت أخشى على كريس من مراقبة بويول .. ’’ ,, ..
8- اليوم : الفريق الأكثر : هدوء , توازن , ثقة , ثبات , ... سيــكسب .
ختـــاما : اللهم يا حي يا قيوم وفق الريال في الفوز مساء اليوم ياكريــــم .
هذا مالدي .. وهذا ما جادت به قريحتي .. وخطه ( كيبوردي ) ..
وآآآآٍسف جدا على الإطالة .. واستروا على ما واجهتوا.. ,’
,’
والسلام عليكم ورحمة الله وبركاته C.U .~
..
!
الوضع العادي
