|
. :rose: :rose: :rose: :rose: تعبت من كثر التفكير ... لي يومين أحاول أقراء أفكار مورينهو كل ماحطيت لاعب عشان سبب .. أرجع أشيله عشان سبب ثاني لكن من قريت هالخبر وحسب إستنتاجات .. وخبرة طويلة .. وتوقعات .. طلعت بالتصور التالي عن التشكيلة أول شيء نبداء بالخبر : إقتباس:
رونالدو رأس حربه إن سواها مورينهو .. فإبشروا بالبطولتين بأشرح لكم الوضع : رونالدو وجوده ضروري جداً .. لكن للأسف بعض الأحيان ينسف تكتيك الوسط !! يحتفظ بالكورة زيادة عن اللزوم .. شوية إستعراض .. مقل في التراجع الدفاعي طيب وشلون تخليه موجود .. وتبعده عن التكتيك ؟ حطه مهاجم .. ينشغل بينهم ويشغلهم .. يضغط عليهم .. غير إنك بتكسب لاعب إضافي في خط النص على كذا راح يتراجع خط وسطهم شوي .. لأن دفاعهم بيكون متراجع بسبب وجود الدوون غير كذا فاعلية رونالدو في الهجوم بتكون أكبر .. ليش ؟ لأن اللاعبين اللي بيطلعون له إذا إستلم الكورة بيكيه أو بويول ( أدريانو ) عكس .. لما كان يأخذ الكورة من النص ( يطلع له بوسكيتس أو تشافي إنيستا ) يعني المهمة بتكون أسهل نوعا ما . من ناحية ثانية شوف خط النص الخورافي : أوزيل .... كاكا خضيرة .... بيبي .... الونسو يعني بتملك الوسط بالقوة وغصبن عليهم بتكون مهمة خضيرة + بيبي تنظيف خط النص وتضييق المساحات .. بتكون مهمة ألونسو المحافظة على توازن النص .. وتنظيم الكور المقطوعة التشكيله في ظاهرها دفاعية بحتة .. لكن : بتكون خطة هجومية .. راح نهاجم بخمسة لاعبين ( الدون - كاكا - أوزيل - مارسيلو - يمكن أربيلوا ) يعني الأظهرة بتأخذ حرية التقدم إن سواها مورينهو .. ابشروا بالفوز بثلاثية ساحقة ولايزال عندي إحساس :smilie47: إن كاكا بيكون أساسي :smilie47: :rose: للمدريديستا :rose: |
|
http://www.m5zn.com/uploads/2011/4/1...415da6obvt.jpg بغظ النظر عن انها مركبة ولا لا لكن عندما يتعدى العشق حدود كرة القدم يبرز اسم راؤول |
|
السلام عليكم :smilie47: إقتباس:
شكلها رهيب :smilie47: بالتوفيق للملوك :smilie47: إقتباس:
تفكير ولا اروع :smilie47: في نقطه عجبتني في بيب وهو انه خله ميسي راس حربه ولاعب حر وهالنقطه كان لها ايجابيات خاصه في اللقاء الاخير بحيث ميسي يسحب ويشغل الدفاع المدريدي ويجعل اللاعبين المساندين معاه يهربون من المراقبه نفس الشي اذا تطبق على كرستيانو راس حربه حر راح تفيدنا جدا ! :rose::rose::rose: ,, شباب لاس مصاب ؟ |
رقم قياسي جديد في الكلاسيكو القادم : - http://estaticos02.marca.com/imagene...03145349_1.jpg الكلاسيكو القادم بين الريال والبرشا سيسجل أرقاما قياسية جديدة حيث أن المباراة ستضرب رقما قياسيا جديدا من ناحية النشر والإذاعة حيث ستنقل المباراة في ( 140 ) بلد , و ( 5 ) قارات . اللقاء الذي سيلعب في فالنسيا الساعة 21:30 سيحقق رقم قياسي تاريخي جديد متجاوزا رقم نهائي إشبيلية وخيتافي في عام 2007 حيث نقل في ( 113 ) بلد . القنوات المختلفة والمتوزعة في خمس قارات نالت نيل حقوق نقل هذا النهائي الكبير . إيزابيل وارليتا المسؤول عن حقوق البث من شركة ( سانتا مونيكا ميديا ) وهي التي تدير الحقوق التجارية والبث للمباراة أكد أنهم لديهم سعر رمزي للمطالبة بحقوق البث وقال : - مباراة كهذه لها تأقير كبير في المجتمع وكل أنحاء العالم والوسائل ويدل على هذا اهتمام المئات من الدول بترويج هذا الحدث الكبير . وأكد أن الطلبات تزيد كلما كانت الفرق المتواجدة في النهائي فرق دولية معروفة مثل العام الماضي بين اشبيلية واتلتيكو مدريد والذي قبله بين برشلونه وبلباو . * علما أن مجموعة سانتا مونيكا الرياضية بثت المباراة الماضية على الهواء مباشرة دون انقطاع وذلك من خلال الموقع www.finalcopadelrey.com والذي يتضمن معلومات عن المنافسة بين الفريقين . MARCA |
http://i762.photobucket.com/albums/x...6-xabi-03a.gif للأسف البعض صدق بعض الشائعات اللي قالت ان الونسو سحب على مورينيو وهو يوجهه وانه اعطاه ظهره وما اهتم . وعشان كذا غيره :s2: طبعا : قال وش دراك انها كذبة ، قال من كبره . هذي هي الصورة المتحركة حقت السالفة من الى :s2: |
( السيبيليس ) جاهزة لاحتضان أفراح الجماهير في حال الفوز بالنهائي .. فيديو يوضح الاستعداد ولقاءات مع الجماهير في الرابط .. Directos a Cibeles si ganan la Copa - MARCA.com :rose::rose::rose: |
|
مساكم الله بالخير :smilie47: هارداكم التعادل ومبروك خروج الروح اللي شفنها بأخر ثلث ساعه أو أكثر بشويتين... بالنسبه لتحليل أتحفونا محللينا:smilie47: لكن فيه نقطه أزعجونا فيها!! اللي هي خشونة بيبي!!! أبصراحه مستغرب من هالكلام ومن كثرته لدرجة أني شكيت ماشفت المباراة؟ بيبي كانت تدخلاته قويه.... أيه نعم قويه وبقوه مفرطه بعد لكن ع إيش ع الكره الله يصلحكم ياللي أذيتونا فيه أحتكاك بدني أيه نعم فيه وبقوه بعد لكن ماتاصل لدرجة وصفهم:s5s: فيه فرق بين اللعب الرجولي واللعب الخشن مثال ولاتزعلون حبايبي الآتحاديين وخصوصآ عبود:smilie47:<< القلب لكم كلكم(الاتحاديين) دخلات أسامه المولد بصوره أوضح دخلته ع السهلاوي اللي بغى يمشع رجله مع جنبه هذه هي القوه المفرطه أو الخشونه المتعمده اللي يقصدونها لكن بيبي كان يستخدم بنيته القويه وعينه ع الكوره لكن مع ذالك يلقون عذر ويصجون أم الملوك فيه ماعلينا ......... إقتباس:
أنا مأختلف معك أن الأستحواذ مو مهم لكن وحطها تحت ألف خط هم أستحوذو صحيح لكن في مناطقهم وأبتلشو بالأستحواذ لين ملهم مأقدرو وهدفهم جاي من بلنتي وزي ماتفضلو الأخوان وجابو إحصائيه عن الأخطاء مافيه شي قريب من المنطقه يعني أقول أستحواذ سلبي حتى اللي أنفرد فيها مسي من نص ملعبنا لكن اللي أمحيرني هل بيب طالب بهالشي يعني ينتظرونا لين نطلعلهم ويلعب ع خطة المو خصوصآ ماعنده شي يخسره يمكن بالمقابل أقول لخمهم المو وتفوق بهالشي أنه فاجأهم لكن الطرد لخبط أموره لك:rose: ......... فارس والله أني أفكروأفكر وأقول نفس ماقلت لكن وشرايكم بهالخطه خصوصآ أن المباراة ذي بالنسبه لي أعتبرها أنتحاريه مارسيلو........راموس.....كار.....أربيلوا .........بيبي ........ألونسو..............خضيره كاكا .............................الدون ......البنز تشكيله أعتقد أنها متوازنه خصوصآ أن كاكا شفنه بالمتشات الأخيره مستواه يطمن بخير والروح اللي أرجعت كفيله بعودة مرعب أوروبا لكم :rose: :smilie47::rose: |
اول شي هاردلك التعادل .. بخصوص تصريح ديستيفانو هل هو صحيح ؟؟ لانه جد يغبن مثل ما يقولون ؟!! |
إقتباس:
بس اسمح لي هالمرة أخالفك بشكل بسيط في نقطتين تكلمت عنهم بردك الأولى سالفة الاستحواذ : ما أحد ينكر أهمية الاستحواذ ولكن استحواذ مشروط وش فايدة الاستحواذ 71% والتسديدات على المرمى 6 من 9 والركنيات صفر ؟ بينما الريال الاستحواذ 29% والتسديدات 7 من 13 والركنيات 8 !! غير الأخطاء القريبة مباراة الذهاب ما أحد تكلم ان استحواذ الخصم على الفاضي لأن نتيجته فرص بالطول والعرض بينما آخر مباراة ما كان نتيجة الاستحواذ اي فرصة خطيرة سوا فرصتي فيا اللي جت من مجهود فردي " خالص " لميسي فقط !! ولو نتذكر المباراة بنشوف بيدرو وانيستا وألفيس أيضا خارج التغطية نهائيا وما شفنا لهم أي خطورة تذكر بعكس مباراة الذهاب كانو يسرحون ويمرحون ،، خلاصة كلامي اذا كان الاستحواذ بنتيجة وفرص خطيرة فهذا استحواذ مفيد وخطير أما استحواذ مثل اللي شاهدناه ميسي يعطي تشافي وتشافي يرجعها له 6 باصات بينهم فهذا استحواذ عساه يستمر في كل المباريات لهم بهالطريقة الغير مفيدة أبدا وبالعكس تعطي الريال فرصة للتمركز بشكل ممتاز. ثانيا نقطة دي ماريا : ما نختلف إنه يعك هجوميا في كثير من المباريات بس لا تنسى إن اللاعب ما تعود يلعب بهذا النسق ،، يكون مطالب بأدوار دفاعية " كبيرة " مع أدوار هجومية للأسف إنه أجاد الشق الأول وكان ضعيف هجوميا و" أناني " أحيانا مثل ما شاهدنا خصوصا قدام المرمى بس إن شاء الله يتحسن في مباراة الكأس ،، وبالنسبة لي راضي عنه في مباراة الذهاب تماما :smilie47: فارس الناصر : بصراحة عندي إحساس إن تفكير مورينهو منصب تماما على الأبطال وما استبعد يجرب تكتيك جديد بالنهائي عشان يضبط الخلطة النهائية والأفضل بين التكتيكات والعناصر اللي جربها لإخراج برشلونة من الأبطال :smilie47::smilie47: وبالنسبة للتشكيل ما أتوقع تغيير كبير بخطة المباراة الأخيرة وممكن أقرب شي بنزيما أوت وكريس رأس حربة :ba1: |
بالنسبة لـ مسعود / على حسب الآآدوآآر اللي رآآح يقوم فيهآآ الأأوز هو لآآعب له نظرة شآآملة للملعب ، من الممكن المو بهآآذي الطريقة يعطيه فرصه واريحية آآكبر في اللعب يعني ممكن نشوف مسعود لوف في الكلآآسيكو الجآآي ، آآو يكون خلف المهآآجم مبآآشرة وكذآآ نستفيد من الكرة الثآآنية ، في حآآل ضآآعت من الدون مستحيلة من الآوز ،آآو يكون متآآخرعالطرف ويدخل الـ 18 كمهآآجم ثآآني شي لآآعب عنده الثقة اللآآزمة عنده جرعة جرأة ممكن مآآ كآآنت موجودة في الدي ، يحتفظ بالكورة بكذآآ نكسب فآآولآآت قريبة من الـ 18 أو حتى فيها ، وهذآآ شي مزعج جدآآ للبرسآآ اللي مآآ يحبون آآحد يحتفظ بالكورة آآكثر منهم :d متفآآهم بشكل جيد مع الدوون يعني ممكن نشوف الـون تو كثير بينهم نذكر هدف مسعود عالاتلتي .. كآآنت بآصآت متبآآدلة وقدر يستغل فرآآغ بين قلبي الدفآآع ، آآي آآن الدوون يجذب المدآآفعين كالمغنآآطيس فيمآآ يكون الآآوز عنده المسآآحة الكآآفية لـ التسجيل آآو التصويب حتى آآو التمرير لـ الدي اللي بيكون المرمى مفتوح له .. وممكن العكس الدي يمر ويرآآوغ ويرفعهآآ لـ الآآوز اللي يجيد الكنترولآآت بشكل جيد تكون له فرصتين آمآآ يسجل آآو يعكسهآآ لـ الدوون عند خط الستة :d شي ثآآني ممكن يرفع عرضيآآت لـ 18 بحيث الكل ينقز لتغطية الدوون وينسون القآآدمون من الخلف.. مسعود مرآآوغ جيد ورآآيق ممكن من مرتدة لـ الدون آآو الدي لـ مسعود المتقدم كنترول رآآيق لف ودورآآن ويمزع وجه فآآلديس :d كل هذآ ^^ كآكآآ يجيده بشكل آآكبر + السرعة + تسديدآآته اللآآفة + القوة الجسمآآنية وآآيضآآ الطول مع آآنه مآآ يسجل كثير بالرآآس لكن نقطة تحسب له .. هذآآ شي محيرني آآنآآ شخصيآآ كنت منتظر مشآآركة كآكآ بـ جوآآر لآآس :d حآآولت آآتخيل كل السنآآريوهآآت اللي ممكن يطبقها الريآآل لكن فيه أمكآآنية كبيرة لمشآآركتة آآديبآآيور ، وكذآآ رآآح يختلف ستآآيل الفريق لآآن الآآديب من الصعب آآن يلعب كمهآآجم وحيدة بالصندوق ، صيح قوة بدنية ويقدر يسيطر وسط آآربعة لكن ممكن يضيع آآنفرآآد آآو يكسب كورة ويعسكهآآ ولآآ فيه آحد ، وهو يمكن آآقل اللآآعبين دقة في التمرير إذآآ لعب المو بـ 3 محآآور مثل مآآهو متوقع .. ممكن يكون السمسم هو القآآدم من الخلف واللي يشكل خطورة شفنآآه كثير يتقدم حتى آمآآم توتنهآآم لكن تقدمه مآآ آآفآآد الفريق من حيث التسجيل آآو التمرير الحآآسم لكن ممكن هالمرة يكون تقدمه مدروس بشكل آآدق من المو .. الثآآني اللي ممكن يكون قآآدم من الخلف ويشكل خطورة آآكبر المآآرس ، فرصته كبيرة لـ الدخول في العمق الهجومي في حآآل وجد مسآآحة ، آآو حتى إذآآ مآآ آآوجد بتوآآجد محآآورة البرسآآ يقدر يصوب كونه يملك قدم قوية ، غير مستغلة بشكل كبير .. يتبع :d تصبحون على خير :s5s::smilie47: |
ريآل مدريد لعب بطريقه دفاعيه ؟ http://i.imgur.com/NuQwv.png http://i.imgur.com/LhV45.png الرسم التكتيكي الي بالصوره مثل بعض يعني معقوله برشلونه لعب بطريقه دفاعيه ؟ مورينهو لعب بنفس التكتيك قدام اشبيليه وقدام اتلتيكو مدريد بالكأس ليه ما قلتو قامط ؟ شلون لعب بطريقه دفاعيه وطلع فايز بكل المباراتين ؟ الي فرق عندكم هو ان بيبي كان مثل الجدار لهجمات برشلونه وخضيره والونسو كانو يلعبون بملعبكم ويضغطون على حامل الكره عشان كذا قلتو الريآل قامط والريآل لعب بطريقه دفاعيه , اذا قصدكم ان فريقنا في حاله الهجمه لبرشلونه يتراجع للدفاع شيء طبيعي ومافيه اي عيب الفريق الي يلعب كوره جماعيه تلقاه يهاجم ويدافع بكل الاعبين , ارجعو للمباراه مره ثانيه وناظرو توزيع لاعبين ريآل مدريد في حال ان الكوره معنى بتلقوننا نلعب طريقه هجوميه وبمحور واحد وبتلقون الونسو بمركز صانع اللعب , اي طريقه دفاعيه وفريقنا كان الاخطر بالهجمات ؟ اي طريقه دفاعيه وفريقنا له 8 ركنيات مقابل صفر لكم ؟ اي طريقه دفاعيه ورغم اننا نلعب بـ 10 لاعبين ورغم تأخرنا بهدف الى ان مورينهو يبدل تبيدلات هجوميه ؟ اي طريقه دفاعيه وفريقكم ماله اي فاول بمناطق فريقنا ؟ الموسم الماضي في كلاسيكو 2-0 برشلونه لعب : ماكسويل - ميليتو - بويول - بيكي - الفيس خمس مدافعين ولا قلنا لكم كنتو قامطين او خايفين لاننا عارفين ان فيه حكمه بكره القدم وهي الطريقه الي تكسب فيها العب عليها وفعلا فزتو 2-0 . |
إقتباس:
..<<<<<.. كاكا اوزيل خضيرة .... بيبي .... الونسو اربيلوا <<< راموس <<< كارا <<< مارسيلو +١ مورينهو الم يحن وقت http://www.shorouknews.com/uploadedI...o-kaka-out.jpg |
| الوقت المعتمد في المنتدى بتوقيت جرينتش +3.
الوقت الان » 09:07 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd