C A P E L L O

إقتباس السلام عليكم . .

وعليكم السلام

إقتباس الي يسمع نبرة صوتك يقوم عمرك ستين سنه و للحين ماعشت ولا لحظع سعيده ولاتزوجت و و و . .

نبرة صوتي

لا يا بعدي ماهوب هنا الكلام بس ياخي تحس انك عايش روتين غبي بمعنى الكلمه

وانك تضيع ايام من عمرك بدون اي فائده

إقتباس أذكر الله أول شيء و تعوذ من الشيطان و لا تخلي الأيام و الي حولك و كل شيء يسيرونك زي ما يبون << خل عندك قناعاتك الخاصه << على سبيل المثال على سبيل المثال// بتطلع للسوق لأن واحد من أخوياك قالك مشينا و بس, إسأل نفسك, أنت بتتسوق أصلاً ولا بس تبي تغير جو << طيب نستبعد الأولى و نحط الثانيه, وش الشيء الي ممكن أنك تغير جو فيه// يعني بتجلس مع خويك بكفي مثلاً و تاخذون لكم فنجانين قهوه ولا حوسه بين هالمحلات و هذي عبايتها مخصره و ذيك ضحكت لي ؟ ! << برضو نستبعد الأولى و نقول مثلاً (أنا للحين أقول مثلاً) الثانيه << وش الشيء الإيجابي في هالطلعه, أسأل نفسك أنت وش بتستفيد ؟!!

يا بعدي لو جينا بندقق و نبي نطلع بفايده من طلعاتي انا او غيري ما بنطلع بفايده وحده حتى
يعني انا طالع استانس ولا اربط نفسي بنظام صارم يفرض علي كذا وكذا ..!!

إقتباس نعود لما أنت فيه لأن الموضوع أشوفه أكبر من مجرد سوق و نزوات شيطانيه تراود الجميع و مو بس أنت << ناخذ الحل و نقول هذا أحد الحلول// 1- وقت جوالك على أوقات الصلاه << و صلها بالمسجد, ترى ما أقولك صير مطوع و قصر ثوبك و طول لحيتك و لا ينزل السواك من فمك و لا تطلع و لا تلعب بلوت و لا تتسوق << أنا بس أقول, وقت جوالك على أوقات الصلاه و أحرص عليها بالمسجد بس.

اللهم لك الحمد الصلاه ما اتركها لكن اعترف ان الصلاة في المسجد مقصر فيها شوي

إقتباس النتيجه << راحه نفسيه راح تحس فيها و بتبعد عنك هالقلق الي تمر فيه و بتخليك تضبط وقتك زين و جرب و بتشوف الفرق.

معروف انه بذكر الله الواحد بيرتاح لكن زي ما قلت لك فوق كلنا مقصرين

إقتباس 2- نقول الشيطان غلبك في الخطوه الأولى, تبي تبعد عنك الشيطان و عمله << خذ على نفسك نذر إنك إذا فرطت بالفروض راح تصوم ثلاث أيام متتاليه و ماراح تفوت فيها فرض بالمسجد << أحلف على القرآن بينك و بين ربك, و بحق إذا قرب لك هالملعون الشيطان ^__*.

حل حلو
الله يجزاك الف خير

إقتباس 3- شوف لك شغله << أي شغله و أقصد هنا عمل << حتى لو كنت مرتاح مادياً و منت محتاج, دور لك على شغيله لو وقتها 6 ساعات صباحيه مثلاً بس << أربط نفسك فيها و أحتك بالعالم و جرب العمل, مادام أهلك مسافرين و لحالك جالس و قلقان و و و << أي عمل ترى ماهو عيب إلا مكس والله << تضيع وقتك فيه و تضبط نومك و وقتك و كل شيء.

حبيبي انت ممكن تختلف معي في هالنقطه

يعني انا كارف على وجه وجهي طول السنه وماصدقنا على الله تجي هالاجازه فأروح اربط نفسي بوظيفه او معهد ..!!

مدري اعتقد هالحل مستحيل اسويه انا او اي احد يدرس طب كارف على وجهه طول السنه ولامن جات الصيفيه راح توظف .. ماتدخل العقل وانا اخوك ..!!

إقتباس أرجع وأقول و مع هذا كله أطلع مع أخوياك و ألعب بلوت و غير جو و تلذذ في كل لحظه بيومك. يمكن تقول الكلام سهل و مدري إيش, كلنا مرينا بهالمرحله و ياما عشت صيفيات ماهو صيف واحد بنفس الطريقه الي تمر فيها الأهل مسافرين و مافي إلا أنا و سهر لين الظهر مو لين الفجر و بس و نوم و قلق و خرابيط وربي ما أستفدت ولا عود .. !

وهنا الكلام وشلون تبعد هالطفش وتستفيد ..!! : (

إقتباس هاه أنت صامل ولا بس تبي تجرب أصابعك على الكيبورد الله يوفقك و ييسر لك أمرك و يبعد عنك الشيطان و رفاق السوء . .

حبيب قلبي وربي يا ردك هذا عن الموضوع كله و جعل ربي يحرم هالاصابع النار : )
الله يجزاك خير و جعله في ميزان حسناتك وانا اخوك

تحيتي لك

في كلام مافهمته اش خطوط وطلع اللي براسك ؟

عالعموم حتى انا زيك طفشانة بس ماكلمت
اخاف ربي يبليني ويطلع زوج المستقبل يكلم ,,

كلام C A P E L L O يجنن ماشاء الله ,,

الله يريحك ,,

وعليكم السلام ورحمة الله وبركاته
حياك الله ياغالي بين إخوانك ،،


أعجبتني جرأتك على طرح المشكلة وبدون أي تحفظ ، وهي دلالة على صدق مشاعرك بالملل والضجر ، وبحثك عن مخرج مما أنت فيه ..

أقترح عليك ياغالي أن تقضي وقتك في ممارسة أي رياضة محببه لك ، كرة قدم ، سباحة ، تنس ، جري ، وبما أنك من ساكني عروس المصائف فالرياضة ممتعة في الأجواء الباردة والمعتدلة ..

أو حاول أن تقضي وقتك في قراءة الكتب الممتعة ، بعيداً عن كتب التخصص والعلوم ، إقرء البخلاء للجاحظ أو رحلة ابن بطوطة أو الحمقى والمغفلين أو أخبار الأذكياء لابن الجوزي ، أو غيرها من كتب الأدب العربي المختصة في قصص النوادر والطرائف والحكم ، وتأكد بأن وقتك سينفذ فيما يفيد ويمتع إن شاء الله .

أما بالنسبة للمعاكسات وغيرها من المخالفات ، للدين ولنخوة الرجل العربي ..
فصدقني إن ترك الخطيئة وكبت الشهوة مع قدرتك على تفريغها بكل يسر وسهولة ، تولد في نفسك شعور بالعظمة والرقي ..
فقط جرب ولو لمرة واحدة ، لا تجب على اتصالاتها ، وحاول ان تبين لها توبتك وتنصحها بالعودة لطريق الفطرة السليمة ، وبعد ذلك ستجد شعور بالعظمة في داخلك نبع من قهر النفس الأمارة بالسوء ، بسلاح العقل والفطرة الطاهرة ..

كن بخير يا أخي