ريحي راسك الحين البزر يعرف اشياء اكثر من اللي عمره 50

راح زمن استحي على وجهك وعيب عليك ياولد

والكلام ايضا ينطبق عالبنات

ريحي راسك الحين البزر يعرف اشياء اكثر من اللي عمره 50

راح زمن استحي ياولد وعيب عليك

الله لايخلي الجولات والمصايب اللي تحل علينا

والكلام ايضا ينطبق على البنات

مرحـــــبا شوق وش هالطله الحلوة مثلك والموضوع الاحلى

إقتباس هل انت مع او ضد تعليم اطفالنا وابناؤنا المراهقين مناهج خاصه بالحياة المستقبليه ( بحدود ) ؟!

بالنسبه لي ماائئيد تعليم الاطفال هاذي الاشياء بس اعلمهم انه فيه اماكن مايشوفها الا ماما

ومايصير احد يشوفها غيرك وانه شى خاص فيك بطريقه واضحه للطفل علشان احميه من اي تحرش

علشان يكون عارف انه هذا الشى خطا اما تفاصيل ماراح تهمه ويمكن راح تشغل باله وتعقد تفكيره


اما المراهقين ضروري لانه المراهق يبي يعرف كل شى ويثبت انه كبير

وضروري لانه فيه مراهقات يتزوجون

انا يوم كنت صغيره ماعرف على بالي انه اذا مسكوا يدين بعض وراحو بيتهم بصير عندهم اولاد
بس مدري شلون جتني هالفكره

بس المراهقه مع البنات وكذا حسيت انه فيه قله ادب
بس تفاصيل ماعرف

اما بثالث ثنوي عرررفت كل شى وتاكدت انها قله ادب

من صديقتي العنود كانت الوحيده الي متزوجه وبالفسحه تعلمنا

وانا كنت اكثر وحده جهلا واقولها الله ياخذك يالوصخه عيب اخر شى هاوشتني

والبنات هاوشوني يقولون خلينا نتثقف وصرت اسمع دروسها بادب

وانا كنت كبيره مو مستوعبه وجلست فتره استحقر امي وابوي

شلووون الصغار حرااام بيتعقدون وبتنمحي طفولتهم وبراىتهم

والي مايعرف بالتفاصيل لاتخافين عليه بيعيش لان خواتي الكبار تزوجوا وامي ماقالت ولاشي ولاشي
مااعرف هو صح او خطا بس الي متاكده منه انه طفولتنا كلنا بريئه ممره وهذا الاهم


يعطيك العافيه شوق موضوع جريئ وحلو لانك منك

يآهلا وغلآ شوق

الموضووع جداا رائع وجريء وحساس

والله بصراحة انا عن نفسي ماصرت اعرف هالاشياء

الا من اخوياي ماقصرو

والوضع الحين صآر الواحد متفتح اكثر

عنده اصدقاه او التلفزيون او النت

يعني كل شيء متوفر قادمه يطلع هالامــوور

تحياتي

إقتباس الرسالة الأصلية كتبت بواسطة يا(20)سر موضوع مهم صراحه , وكم من ازواج تطلقوا بأول ليله والسبب معروف وصحيح ان التعليم مقصر معنا بهالأمور لاكن أنا من وجهة نظري التوعية تأتي من الأهل أفضل من المدرسه , اذكر مره يوم كنت صغير أسأل أمي كيف جيت كانت امي تقول جبتك من البقاله لاكن من الأفضل بهالامور أن الانسان مايتعلم هالاشياء إلا وهو فوق 18 لأن ماتلقا احد حاليا بيتزوج وهو ماطق العشرين , رغم ان عندي اعتقاد ان كل شباب السعوديه يعرفون اكثر من اهلهم عوآفي

هلا شوق ..
بهالزمن ما أعتقد أننا نحتاج نعلم الأطفال بهالأمور الكبيرة .. ليش؟ لأنه خلاص كل شي الحين صاير على المكشوف .. والصغير الحين أعلم من الكبير بهالأمور ..
مع وجود الانترنت وانتشار وسائل المعرفة صارت هالأمور معروفة عند الصغير قبل الكبير ..
لما كنت صغير كان مضحوك علي .. وانقال لي أننا ننولد ونطلع مع الركبة
ولما كان عمري 12 أو 13 تقريباً .. وصلتني المعلومة من عيال عمتي .. بوقتها حامت كبدي ضاقت إلا يطلع البزر من هذاك المكان؟ خخخ أستغفر الله بس
والمعلومة الأخطر وصلتني من نفس عيال عمتي المثقفين جنسياً في ذاك الوقت واللي هي أن الحرمة تحبل لما زوجها يجامعها !
عاد هنا ما صدّقت .. قلت مستحيل وانتوا كذابين .. أبوي محترم ومو راعي حركات مالها داعي خخخخ
قالوا عادي هذا شرع الله .. قلت الله يلعنكم يا كفار ربي ما يسمح بالحركات الوصخة << براءة الطفولة
بعدها رحنا عند واحد كبير نثق فيه .. وقال لنا الحقيقة اللي صدمتني .. رجعت للبيت منهار
قمت أناظر في أبوي وأنا اقول في نفسي : يا خسارة اللي أنت أبوي خخخ
كان عندي احساس وقتها أني أفقع وجه أبوي لأني كنت أشوفه قدوة لي ومحد مثله .. ثم يطلع كذا أسير شهواته؟ << يا ليل يا براءة الطفولة
طبعاً أخذت وقت لين استوعبت ان هالشي عادي وكل الناس صاير لهم كذا مو بس أنا
هذا الكلام زمان في وقت ما كانت المعلومة تتوفر .. أما الحين كل شي متوفر .. وطبعاً ما فيها شي نثقف عيالنا إذا سألونا ..!

اللي أتفق معك فيه .. هو أهمية تثقيف المتزوجين قبل الزواج .. وفرض دورات تثقيفية إجبارية للمقبلين على الزواج !!
تصدقون يا جماعة فيه واحد بأول عملية جماع أخطأ الهدف؟! وجامع من الدبر؟!!
الرجل غشيم والحرمة مستحية ..!
تبون تضحكون؟ عادي .. ترى تصير كثير وأشياء أكثر من كذا بعد !

هل انت مع او ضد تعليم اطفالنا وابناؤنا المراهقين مناهج خاصه بالحياة المستقبليه ( بحدود ) ؟!


نعم مع تعليم الاطفال ولو تقولوا لي ليه اجابوكم بالتفصيل

الطفل يتعرض للاغتصاب وهو مايدري وش السالفه ويروح ويعلم اهله او يجي وهو يبكي ما يدري السبب طفل ولكن كم عمره 8 سنوات

يعني المفروض في ها المرحله من العمر يبداء بتعليمهم جزء بسيط لكي نتخطى مرحله الاغتصاب وحتى لو تعرض لهذا الشي يقدر يروح ويتكلم بدون خوف


ثانيا بالنسبه للمراهقين المفروض ان يتم تعليمهم وليس بالتهميش او برؤوس الاقلام ولكن ببعض التفاصيل ولا يوجد بها اي شي

عيب او مخالف للطبيعه ولكن ايضا بحدود تفكير المراهق

والى المرحله الثانويه لان هناك عوائل تزوج بناتها وهن في المرحله الثانويه

ولكن هل البنت تعلم ماهو الزواج

وماهو الجماع للاسف لاتكاد تعرف اي شي الا اذا كانت صديقاتها صاحبات سوابق هههههههااي

إقتباس الرسالة الأصلية كتبت بواسطة شوق الكويت IBRAHEM شكرا عالحجز انتظرنا ومارجعت عالعموم سواء معي ولا ضدي بفكرة الموضوع نورت الموضوع بوجودك حياك ربي

إلا رجعت بس ما لقيت شئ جديد أضيفه

و تورطت بالحجز

إقتباس الرسالة الأصلية كتبت بواسطة I B R A H E M إلا رجعت بس ما لقيت شئ جديد أضيفه و تورطت بالحجز

ياخي محد قالك انك ماتعرف ترقع ؟

عالاقل ارجع قول يعطيج العافيه عالموضوع

شكلك اول مانزل الموضوع كنت متحمس ويوم رجعت مالقيت شي تزيده عالموضوع عادي ترى تصير فيني هالحركه

ردك الثاني احلى من الاول