|
دولة قطر بأكملها ستسعى جاهده لــ فوز فريقها على الهلال...سترك يارب بسم الله الرحمن الرحيم السلام عليكم ورحمة الله وبركاته قبل كل شي الغرافه ليس بالفريق العادي ابداً كما يعتقد البعض بالعكس...فريق يخووووف أنا - وأعوذ بالله من كلمة أنا - أُعتَبَر متابع جيد للدوري القطري بشكل عام وهذا الفريق بالأخص يعجبني بكل صراحة فريق متكامل يلعب بجماعية خيالية و هجومه ناري ويمتلكون لعيبه زي ما ذكر أخونا العضو naif.c >>>> " يمتلكون أربعة اجانب سوبر استار (كليمرسون -يونس - العساس - جنيونهو الي الله يستر من فاولاته ) 9 لاعبين دوليين 3-- مجنسين دوليين في قطر(قاسم برهان - ماركوني - جورج كواسي) و6- محليين (سعد سطام واخوه وسعود صباح وبلال محمد واحمد فارس) " ما تقول فريق خليجي (بإستثناء الهلال) فعلا فريق قوي قوي قوي جدااا وحاط كل ثقله على هالبطولة واللي زاد الطين بله إن دولة قطرحاطه ثقلها هي أيضاً على هالبطوله لأن فوز اي فريق قطري بأي بطوله اقليمية بيزيد من حظوظها في استضافة كأس العالم....وهذا ما تعمل عليه دولة كاملة ........فالله يستر من هالمباراة اللي واضح إن ربعنا مستهينين فيها ,,,,, ماني عارف ليش!!!؟؟؟؟ اللي اتمناه من الجمهور ان يحترموا الفريق القطري اللي جاي بقوه ....لأن أي إنطباع للجمهور راح ينعكس على اللعيبة وفي النهاية........ سترك يارب إقتباس:
متى فزنا على الإتحاد والنصر بالخمسة و بونيدكور ؟؟........بعد أن إحترمناهم لكن اللي قاعد اشوفه من مواضيع في المنتدى استهتار عجيب لنادي الغرافه والله يستر وما ني عارف وش السبب ........فحبيت اذكركم بأن الغرافه ليس بالنادي السهل ابداً وتذكر كلامي هذا "لن نفوز عليهم ابداً.......... إلاّ إن أحترمناهم" وأما من ناحية عدد السكان وشعبية الهلال وإن مافي مقارنه , فأعتقد إن اللي أهم من الجماهيرية , هو الإصرار والعزيمة والتخطيط الجيد , أنا اللي ابغى يفهمه الجميع أن من سيكون ضدنا دوله بأكملها أي بسياسييها ومثقفيها ورجال أعمالها ومخططين ونقاد وإعلام دولة و....الخ فأعتقد ان الدعوهـ ليست بالشعبية .....والا كان كل (مونديال كأس عالم) خذته الصين إقتباس:
تسلم يمينك وهذا المرجو منّا مثل مباراة بونيدكور وأكثر....والى وقتنا هذا وأنا ما نسيت هالإعلان: "اعلن قبل قليل موقع الاتحاد الاسيوي لكرة القدم عن حضور 52129 مشجع خلال لقاء الهلال وبنيودكور...وبهذا يسجل جمهور الهلال اعلى حضور جماهيري في آسيا دور 16" وتوهم ماشافوا شي ,هذآ لآيمثل ولو ربع جمآهير الهلال وبصراحه الجمهور من هاذيك المباراة انا أتوقع المتعه الحقيقيه والجو الحلو هو الحضور بالملعب من الآن وصاعداً بعد هالرابطه المتجدده واللي زينها تفاعل الجمهور ,رايح تشوفون سيفونيات هلاليه جنون جماهير الزعيم" اكبر حفله طرب تنقلها قناه خليجيه http://www.youtube.com/watch?v=eXlBIGFZhyw . |
نحترمه فقط ,,,,,,, ولاكن ماااااااااااااانخااااااااااافه ,,,,,, فريق صعب ومستقر ولاكن بحووووول الله نبي نصرقعه من المباااااراه الاولى.......... |
بالتاكيد اخي العزيز فريق قوي ونحسب له 1000 حساب وبالذات فاولات جونينهو والعتيبي لك عليه واقرب مثال :مباراتنا الوديه امام الفريق الروماني والعرضيات هي نقطة ضعف الهلال ولازم نركز عليها وبحيل الله دعم جمورنا وجاهزية لعيبتنا الفوز حليفنا بحيل اللي ماتنام عينه والله يديم افراح الهلال وان شاء الله اسيا هلاليــــــــــــه |
منتخب دولة قطر × زعيم نصف الارض مع ان فريقنا محارب من كل الانديه السعوديه بس ان شاءلله يبيض الوجه ونحترم الخصم .. |
فعلاً عزيزي فريق جداً صعب وقوي والله يستر مثل ما قلت وان شاء الله الله بيوفق هلالنا وياما فزنا على فرق كورية ويابانية قوية اقوى من الغراف وذلك بعد توفيق الله تعالى وعزم لاعبينا على الفوز فيجيب عدم الاستهتار من الغرافة وغيرة ويالله يارب يا كريم وفق هلالنا مشكور عزيزي على الموضوع المهم جداً تقبل مروري |
لا تعطونهم اكبر من حجمهم فريق عادي بالتوفيق للزعيم |
انا خايف من جونينهو كآآن لاعبي المفضل يوم كآآن عند ليون لكن الزعيم زعيم زعيم بإسمه زعيم بلعيبته زعيم بجمهوره << حط عليها عشرين خط |
وعليكم السلام ورحمة الله وبركاته كلامك صحيح يا الغلا .. فريق قوي ومتجانس ومدعوم بشكل غير طبيعي .. والهلال راح يعاني من غياب قلب الفريق ويلي .. يعني الموضوع صعب .. أنا كنت أتمنى يكون الذهاب في قطر عشان نقدر نعوض بالرياض والفريق متكامل .. لكن هذا قدر الله .. وإن شاء الله خيرة .. وأهم شي إحترام الخصم .. من اللاعبين والمدرب وكذلك من الجماهير .. بالتوفيق للزعيم .. ويعطيك العافية .. |
الكوره 11 ضد 11 لاعب ... وباذن الله الفوز هلالي ... |
الحن ما نخاف من الغرافه كلنا نخاف من اللي خالقنا تفألو ولا تخافوا اللهم وفق الهلال تحت كل سما وفوق كل ارض مشكوووور على الطرح |
السلام عليكم صدقني اقوى واجمل وأهم موضوع قرأته من قبل كاس العالم الى الآن وصدقت بكل كلمة قلتها.. واكثر بعد البعض مازال ينظر لمباراة الغرافة على انها مجرد تحدي بين ياسر القحطاني والعراقي يونس محمود ياجماعة الوضع أصعب من كذا بكثير هذا فريق مدعوم من كل اتجاه سيواجه فريقنا الذي لايملك بعد الله الا وقفة ودعم جماهيره والمباراة أصعب منها مافيه نهائياً... لكن الله سبحانه قادر على كل شيء الله يكتب الخير لهلالنا الف شكر لك يالغالي |
صدقت أخوي , الغرافه قوي وعنده أجانب مميزين وإذا كانت قطر كلها مع الغرافه ترى كل جمهور الزعيم مع الزعيم ومافي مقارنه بين جمهور الزعيم وعدد سكان قطر مع احترامي لهم |
الفكرة اللي أبغى أوصلها انه حتى لو إنه فريق عادي -وهو ليس كذلك- انو بعد كل هالإستعداد واللي واقف وراهم الحكومه القطريه مو بزي ربعنا ما أحد درى عن الثاني فبطبيعة الحال بيصير فريق يخوف واللي يدلكم إن استعدادهم كان من بدري تخيلوا ضحوا ببطوله واعتذروا عن المشاركه في بطولة الشيخ جاسم وقرروا ان يفرغوا الفريق لمباراة الهلال |
صحيح فريق قوي ولكن ليس بحجم الزعيم لاتنسى ان امبراطوريه بونديكور والمتمثله بريفالدو و رفاقه تحطمت بثلاثه على ايدي رجال الازرق ... اهم شئ هو حضور الروح ومؤازرة الجمهور ولنا في مباراة دور 16 اكبر دليل |
الهلال اذا لعب بروحه المعروفه ، ولقى دعم الملايين الهلاليين ، صدقوني لا غرافه ولا غيره يوقف بوجه الزعيم ، فقط فقط الروح واحترم الخصم ! |
| الوقت المعتمد في المنتدى بتوقيت جرينتش +3.
الوقت الان » 01:14 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd