قرق x قرق - نادي الهلال السعودي - شبكة الزعيم

**نــواره** · #1 19/07/2010, 01:35 AM

السلآم عليكم ،
كيف الحآل و الأحوآل !

جيت بـ أسسئله وآآجد

أنآ قدر الله علي و جآبت عمتي لآب توبهآ عندي بقراطيسه و بكرتونه تقول شوفي هو حلو والا لآ

مدري شايفتني AdoOo مثلاً

قلت طيب ابششري سيكرف باذن الله لمدة اسسبوع عششان نعررف

المهم هي لاب توبها acer 4630Z

<~~ اتمنى يصير هذا نوعه و لا اتفشل

المهم متصفحها مرره غبي و لاحبيته مره مره مره

مثلاً افتح بريدي كل مارحت صفحه يطلب الباسوورد /=

افتح البوم الصور ابي اضيف تعليق ، يقولي اكتب الباسورد
لما اكتب بعض الاحيان يفتح بعض الاحيان مايفتح يجني لآ نستطيع اتمام الطلب الخاص بك /=

و اذا فتح وجيت بضيف تعليق يقولي نعتذر و ما ادري ايش
مع اني قبل بـ لآب توباات ثانيه عادي اعلق و كل شيء ، لكن مع هذا

ايوهـ وش بعد ، اييييييييييييييه

جيت بطلع ايميل ، و كل ماحطيت شيء بـ الهوتميل يقولي مكرر /=

صرت احط بالويندوز ، لين ضبط معي وااحد
يوم فتحت البريد لقيته مقفل

رحت و ارسلت لهذاك الشيء ،و لا فتح /=

سسويت ثاني بالويندووز ، و نفس السالفه

البريد مقفل ،
المهم المهم اني يوم ترجمة رد الرساله اللي جت ببريدي فيه شيء استوقفني ض1
ألآ وهو /

ان هدفنا هو تقديم الدعم التقني بسرعة وبدقة لأعضائنا ، وبالتالي ، فإننا نود أن نشير لكم في الاتجاه الصحيح. أفضل قسم لمساعدتك مع القلق الخاص سيكون دعم ويندوز لايف هوتميل فريق. لراحتك ، لقد قدمت دون ربط حيث يمكنك الاتصال بهم :

http://windowslivehelp.com

<~~ الترجمه لك عليها

المهم فتحت الرابط و اتنحت ، و فجأهـ وقف عقلي عن التفكير

متأكدهـ ترا اللي له خلق يفكر بيجيب الحل ، فـ الله لآ يهينه يفكر بدالي

و ايه صح ،
لما افتح الايميل من المسن ، يجيني بين قوسين بالتوبيك ( لم يتم التحقق من صحة عنوان البريد الإلكتروني )
و لما ارعص على البريد الالكتروني ، تفتح لي صفحة آوت لوك /=

خلآصة القرق ، ابي متصفح ذرب غير هذآ
ونوع المتصفح انترنت اكسبلور 7

و ابي صررفه لذا الايميل /=

رفع لي ضغطي ، /=

و بسس

و سؤال مجآناً للي يبي يجآوب عليه

قدر الله علي و صارت عندي اخت و عندها لاب توب كمل سنه تقول بروح افرمته

تقول كمل سنه مافرمته ههههههههههه
قلت لها موب لآزم ، قالت طيب ابي برنامج حمايه

احد عنده برنامج حمايه ذرب كوذآ ، يعطيهياهـ الله لآ يهينه

و خلصت قرق

هيلبكم لآ هنتوآ

PeaCe

احساس مجنون · #2 19/07/2010, 02:15 AM

إقتباس


	جيت بـ أسسئله وآآجد أنآ قدر الله علي و جآبت عمتي لآب توبهآ عندي بقراطيسه و بكرتونه تقول شوفي هو حلو والا لآ مدري شايفتني AdoOo مثلاً قلت طيب ابششري سيكرف باذن الله لمدة اسسبوع عششان نعررف المهم هي لاب توبها acer 4630Z <~~ اتمنى يصير هذا نوعه و لا اتفشل المهم متصفحها مرره غبي و لاحبيته مره مره مره مثلاً افتح بريدي كل مارحت صفحه يطلب الباسوورد /= افتح البوم الصور ابي اضيف تعليق ، يقولي اكتب الباسورد لما اكتب بعض الاحيان يفتح بعض الاحيان مايفتح يجني لآ نستطيع اتمام الطلب الخاص بك /= و اذا فتح وجيت بضيف تعليق يقولي نعتذر و ما ادري ايش مع اني قبل بـ لآب توباات ثانيه عادي اعلق و كل شيء ، لكن مع هذا

.

بخصوص هالمشكله ..
اتوقع ومجرد توقع .. حلها

بتحديث للوندوز او بتنزيل الاكسبلور 8 ..

بس انا ماعرفت لهاللحظه جهازك اكس بي ولا وندوز 7 ؟

إقتباس


	ايوهـ وش بعد ، اييييييييييييييه جيت بطلع ايميل ، و كل ماحطيت شيء بـ الهوتميل يقولي مكرر /= صرت احط بالويندوز ، لين ضبط معي وااحد يوم فتحت البريد لقيته مقفل رحت و ارسلت لهذاك الشيء ،و لا فتح /= سسويت ثاني بالويندووز ، و نفس السالفه البريد مقفل ،

.

كيف مقفل ؟

محظور ولا بدون صندوق وارد

إقتباس


	( لم يتم التحقق من صحة عنوان البريد الإلكتروني )

.

هالكلام مايطلع الا اذا جبتي رابط
يسوي مثل هالهوتميل

name @name .name

عموماآآ .. منتظر جوابك بخصوص نوع النظام
حتى اجيب لك خطوات جعل الوندوز اصلي
حتى تحملي الاصدار 8 من الانترنت اكسبلرور

ولي عوده ..

**نــواره** · #3 19/07/2010, 04:01 AM

نوع النظام اكس بي

//

مقفل ذاك الشيء
تذكر اللي صار قبل فتره كل الناس تقفل بريدااتهم ،

هذا مثل كيذآ

مقفل البريد ، رحت اتبع طريقة AdoOo كآن تذكرها و ارسلت ردوآ علي برساله جزء منها كتبته بالموضوع

تبيها كلها ما فيه مشكله

إقتباس


	هالكلام مايطلع الا اذا جبتي رابط يسوي مثل هالهوتميل name @name .name

بقولك شيء بس ماتعصب

مافهمت هذا الكلآم اللي فوق

و بخصوص برنآمج الحمآيه

وش قلت ؟
<~~ برا موب لآزم يرد على كل القرق

مششكور أخوي

PeaCe

احساس مجنون · #4 19/07/2010, 05:56 AM

.

هنآ الانترنت اكسبلرور 8 عربي

نزليه وحاولي تثبتينه .. لو رفض التثبيت هذا يعني ان الوندوز اللى عندك
مو اصلي وراح اجيب لك خطوات

تخلينه اصلي واذا ثبت فالوندوز اصلي ..

/

وبخصوص برنامج الحمآيه
من ناحيتي الافيرآ انتي فايروس

وناس بتقول لك الكاسبر
الكاسبر اذا بتشترينه اصلي .. راح اقول لك الكاسبر

بس اذا تبين مجاني ومن النت فالافيرآ ..

/

وبخصوص ان ايميلك مقفل

حتى بردك الثاني ماوضحتي اذا محظور

ولا بدون صندوق وارد

/

إقتباس


	إقتباس هالكلام مايطلع الا اذا جبتي رابط يسوي مثل هالهوتميل name @name .name بقولك شيء بس ماتعصب مافهمت هذا الكلآم اللي فوق و بخصوص برنآمج الحمآيه وش قلت ؟ <~~ برا موب لآزم يرد على كل القرق مششكور أخوي

هذي مثل خدمه الهوتميل

تسمح لك تسوين اي اسم من راسك مثلا [email protected]

يصيح يفتح ماسنجر بس يعطيني " لم يتم التحقق من صحه عنوان البريد الالكتروني "

وبدون صندوق وارد

اتمنى وضحت النقطه

**نــواره** · #5 19/07/2010, 07:12 AM

ايوووهـ

ششكرن

تحمل المتصفح و تثبت بسسلآم

و فتحت صفحة البريد و ماعاد صار يطلب الباسوورد دايم

حمدلله

//

نجي للبريد المقفل ،

سسوري ما انتبهت للاستفسار بالضبط

لآ مش محظوور بس صندوق الواارد

لمآ افتحه يقول " لآتتوفر لديك علبة بريد حتى الآن "

لكن اقدر اروح لملف التعريف و الاشياء هذي

ايوهـ و الايميل مثل ماقلت هو يندوز لايف

//

ششكراً ، ششكراً

و جزآك الله خيير

PeaCe

احساس مجنون · #6 19/07/2010, 11:29 AM

إقتباس

الرسالة الأصلية كتبت بواسطة **نــواره**


	ايوووهـ ششكرن تحمل المتصفح و تثبت بسسلآم و فتحت صفحة البريد و ماعاد صار يطلب الباسوورد دايم حمدلله // نجي للبريد المقفل ، سسوري ما انتبهت للاستفسار بالضبط لآ مش محظوور بس صندوق الواارد لمآ افتحه يقول " لآتتوفر لديك علبة بريد حتى الآن " لكن اقدر اروح لملف التعريف و الاشياء هذي ايوهـ و الايميل مثل ماقلت هو يندوز لايف // ششكراً ، ششكراً و جزآك الله خيير PeaCe

.

الحمد لله ..

بخصوص عدم توفر صندوق وارد

مالك الا حلين ..

الحل الاول .. ياتربطينه بالاوتلوك ..

وتقدرين تستقبلين رسايل وترسلين

ياتسوين لك واحد جديد .. بدومين وندوز لايف او الهوتميل .. او لايف

M a N s O u R · #7 19/07/2010, 04:38 PM

مساء الخير ،،

ما قصر أخوي إحساس مشكوراً
بغيت أبين " طريقة ربط الايميل في برنامج Outlook "

نقوم بتحميل الاداة OutlookConnector

حمل البرنامج من هنا
~
أو عن طريق الشركة من هنا
( طريقة تثبيت البرنامج سهلة مثل أي برنامج )
~
- من الواجهة الرئيسية للبرنامج إختر " Outlook Connector "

- ستندرج قائمة إختر " Add a New Account "

- سيظهر لك مربع حوار جديد ،
* في خانة .. E-mail address | إكتب الايميل
* في الخانة الثانية .. Password | إكتب الرقم السري
* في الخانة الاخير .. Name | أكتب الاسم الخاص بك أو لقبك أيّ كان ، وسيظهر في جميع رسائل المرسلة

- إختر OK | موافق

- ستظهر لك رسالة تخبرك أنه لابد من إعادة التشغيل قم بإغلاق البرنامج ثم أعد التشغيل ، إضغط OK | موافق

- بعد إغلاقك للبرنامج ، وإعادة تشغيل الجهاز قم بفتح البرنامج ستجد أنه تم إدراج إيميلك في القائمة اليسرى

- إضغط على الايميل ، ستجده في اسفل الشاشة على اليمين .. إذا تم التفعيل الان إضغط على الايميل بعد ما تم التفعيل
ستشاهد أنه يتم نقل الرسائل الى البرنامج

أعتذر لعدم إدراج الصور ، وفي حال أردت التوضيح بالصور سأجهزها

ودي ،،

**نــواره** · #8 19/07/2010, 05:15 PM

إقتباس


	ياتسوين لك واحد جديد .. بدومين وندوز لايف او الهوتميل .. او لايف

هآآوو !

أنآ أخبركم قبل فترهـ كنتم تقولون إن اللي ينفع الهوتميل و الويندوز لايف
لكن الطقه الجديده مثل الـ CN و هيك ، كنتم تقولون حتكون بس مسن من غير بريد ،

و أنت ألحين تقول لآ تحطين بالهوتميل و اللآيف

يعني وش أحط مثلاً /=

||

ششكراً منصور على الششرح ، و إذآ مآفآد إني أطلع بريد جديد ، حـ أطبق الخطوآت

جزآك الله خير

و إن صآر فيه استفسار ترى أبد موب رآدني إلآ كيبوردي

ربي يعآفيكم

PeaCe

احساس مجنون · #9 20/07/2010, 01:31 AM

إقتباس


	هآآوو ! أنآ أخبركم قبل فترهـ كنتم تقولون إن اللي ينفع الهوتميل و الويندوز لايف لكن الطقه الجديده مثل الـ CN و هيك ، كنتم تقولون حتكون بس مسن من غير بريد ،

.

انا بصراحه مستغرب من مشكله صندوق الوارد

لاني بعد مشكلتك سويت ايميل جديد

بالوندوز لايف .. وشغال وفيه صندوق وارد

**نــواره** · #10 20/07/2010, 03:49 AM

إقتباس

الرسالة الأصلية كتبت بواسطة احساس مجنون


	. انا بصراحه مستغرب من مشكله صندوق الوارد لاني بعد مشكلتك سويت ايميل جديد بالوندوز لايف .. وشغال وفيه صندوق وارد

والله مدري ، مدري ، مدري

سسويت ثنيين و كلهم نفس المششكله ، و في طور اني اسوي ثآلث و على الله

طيب عطني الايميل شكلك ماتبيه

عموماً مششكور تعبتك معي ، وجزآك الله خير

PeaCe

احساس مجنون · #11 20/07/2010, 05:36 AM

.

ايميل اي كلام صراحه

كله حروف مكرره ..

اكتبي لي الاسم اللى تبين اسويه لك وراح اسويه

سواء ارسلتي الاسم هنا او بالخاص ..

ولو حبيتي تسوين بدومين @7koma.com

مضبوط .. وشغال على الهوتميل سواء مسن او بريد