الفرق بين الرجل والمرأه بعد الرجوع من العزيمة


أولاً : المرأه تتكلم مع أختها:



المرأه: يوووه فاتك نص عمرك.. توني جايه من العزيمة << قولي قسم



أختها: وش حطوا؟



المرأه: يو يو يو ، حطهم يجنن، ما فيه شي ماحطوه ، أول شي الشاهي، فناجيلهم تجنن مزخرفه ومسكاتها ذهبيه ، بعدين القاتوه مدري من فين جايبينها طعمها يجنن وحاطينها في صواني خربزيه وفيها نقط صغيييره لونها أخضر ، والمكسرات تموووووت ، حاطين كل كسرة في كيس! والا العشاء ياربيييييه يهبببببل

(ويستمر وصف الاكل ساعة ونصف)



أختها: جت نوف؟



المرأه: ايوه جت، يالله لبسها يجنن، لابسه فستان وردي مطرز بكرستال بني ، لبسها من جد ياخذ العقل << وردي وبني وش هالذوق



أختها: لايكون نفس اللي لبسته قبل 5 سنوات؟



المرأه : لا لا هذيك المره لابسه فستان أحمر مو وردي ولا كان فيه كرستالات





اختها: أجل شكلها لابسه فستان بنت عمها أريج لاني شايفه اللبس هذا عليها في عرس بنت خالتي

.

المرأه: ايو والله، يووووه يخزياه، والله انه ماتستحي ؟ لا وأريج تدرين ايش لابسه ؟ اليوم لابسه لبس يقررررف



شكلها اشترته من محل أبو ريالين << قوووية



أختها: وجزمتها؟



المرأه: ما أدري ماشفتها، تصدقين طول العزيمه وانا احاول اشوف جزمتها لكن ماقدرت، حتى اني يوم طفشت في الاخير رميت شنطتي تحت الكرسي حقها على بالي ما ادري ونزلت راسي اخذ الشنطة عشان اقدر اشوف الجزمة بس ماقدرت،الكلبة لبسها كان طويل مرة ومغطي رجولها



اختها: اكيد جزمتها زي لبسها معفن .. هي دايم كذا ذوقها خايس ...طيب ومكياجها كيف كان؟



المرأه: وععععع ، مكياجها مخليها اكبر من امها، تخيلي حاطة روج بني، شكله كأنه ديرما مو روج، والله الماسكرابعد يووووووووه مالها داعي، ما ادري مين النذلة اللي حاطه لها االمكياج ، شكلها زوجة ابوها << وش دخلها المسكينة



اختها: طيب وتسريحة الشعر



المرأه:حقت مين؟ نوف والا اريج؟



اختها: كلهم

.

المرأه: تسريحة نوف حلوة، حاطة شباصة فضية وبكلة وردية، ومشابك برونزية والشعر صابغته بلون كحكحي لكنه يهببببل،



اختها: كحكحي؟ يعني ايش؟



المرأة: ماتعرفين الكحكحي يالبدويه؟ هذا لون جديد للصبغات ، اذا شفتيه تجيك الكحه من زينه حتى سألتها وين مصلحه شعرها فيه ورفضت تعلمني النجسة، اما اريج تسريحة شعرها باييييخة، شفتي تسريحة خدامتنا جيناتا وهي تغسل المواعين؟ نفسها بالضبط



اختها: على طاري الخدامة؟ خدامة اريج وش لابسه

..

المرأه: الخدامة لبسها عادي، لكن جزمتها خقااااااااااااق ، تهبل ماكأنها جزمة خدامة، لونها اسود وعليها خيوط فسفورية << يارباااه على الذووق



اختها: صدق والله؟ هذي مو جزمة اريج؟



المرأه: اي والله؟ وانا اقول وين شفت هذي الجزمة .. هذي جزمتها قبل عشرطعش سنة، اتذكرها شكلها عطتها الخدامة بدل ماتكبها في القمامة.



ويستمر الحش إلى صلاة الفجر

----------------------------------------------------------------------------



ثانياً: الرجل يتحدث مع أخيه



الرجل: السلام عليكم، توني جاي من العزيمة وترا كلهم يسلمون عليك كثيرالسلام



اخوه: الله يسلمك ويسلمهم << يا سلام على الأدب والثقل



انتهت المحادثة




مع إني بنت إلا إني من جد أضحك على ثرثرة البنات.. بس ماراح أكون ظالمة فيه بنات ماتحب الهذرة الزايدة.

بس بصراحة فيه رجال يحبون الغيبة بس مو عن وش لابس فلان << لأن ثيابهم كلها طقم

بس تكون عن أخلاق فلان وعن سوالف علان << يعني كلنا في الهواء سوا

ههههههههههههههههههههههههههههه

من جد انا عني لا رجعت دايم ارجع دايخه وانام مو فاضيه احكي لهم ولا صار في شي يضحك
اضحك بوقته وخلاص انا الهذره اللي مالها سنع ما احبها

يعطيك العافيه

إقتباس الرسالة الأصلية كتبت بواسطة الملكيه الهلاليه ههههههههههههههههههههههههههههه من جد انا عني لا رجعت دايم ارجع دايخه وانام مو فاضيه احكي لهم ولا صار في شي يضحك اضحك بوقته وخلاص انا الهذره اللي مالها سنع ما احبها

هههههااااي أنا مثلك .. الثرثرة الزايدة والغيبة ما أحبها

يسلمـــــــــو ع المرور حياتـوـو

هههههههههههههههه
ههههههههههههههههههه
ههههههههههههههههههههه
الله يغربل شيطانس والله انتس صادزه ههه
ليه طيب سبحان الله
يعطيك العافيه

إقتباس الرسالة الأصلية كتبت بواسطة العاشق الازرق1980 هههههههههههههههه ليه طيب سبحان الله

والله مدري >> الله على البراءة مسوية روحها ماتدري

يسلمـــــــــــوـو خيوـو على الـــــ ــــرد

اها وشهد شاهد من اهلها

انا اقول لأمي واخواتي البنات بس يقولون لا احنا مانتكلم كذا
شكراااااااااا

هههههههههههههههههــ وش هالبَنَــآتـ , حشُّوا بكل اللي كَــآنوا بالعشَــآآ ..
حتّى حزمــة الشَّغـآلَة مآآسلمتْـ ..

**

يآآعيني الريآآجيِــل , ثقَـآلة دم ووسَــآعة صدر ..

**

مشكُوور هوآ روحكْـ ولآ تنسي تسلمِلي عالكُحكُحي ..

عـــــــــــزوز

hp _ sa

الجـــــــابر القادم


حيـــــــــ ـــــــاكم ربي نورتــــــوـو موضوعي بردودكـــــم

أنا كان هدفي من طرح الموضوع إن نبتعد قدر الإمكان من الحش والغيبة بإسلوب إن شاء الله يكون فكاهي.

هههههه

انا من النوع الي مآيحب يهذر خخخخ

اصلآص لآامسكوك وش يفكك منهم خخخ

ثآنكس قلبي لآهنتي

هههههههههههههههههههههههههههههههههه
والله من جد تضحك في كل شي
وثآآآآآآآآآآآآآنكس

ههههههههههههههههههههههه


تعجبني صراحه

مجنونة بس حنونة
ولد السلطانية
كلاسيك

تسلمــــــــــــــون ع الرد وحيــــــ ــــــاكم الله

هههههههه والله انك صادقه
اكثر شي يقهر بالحريم بعد العزايم لاجتك الوالدة المصونه وجايبيتلها 3 حريم واقعد اوديهن بيتهن واللي يقهر لا سرت ما تدل بيتها وتدلك << يوووووووك على الوصف تدور ابعد طريق

إقتباس الرسالة الأصلية كتبت بواسطة mr.nyofe7 هههههههه والله انك صادقه اكثر شي يقهر بالحريم بعد العزايم لاجتك الوالدة المصونه وجايبيتلها 3 حريم واقعد اوديهن بيتهن واللي يقهر لا سرت ما تدل بيتها وتدلك << يوووووووك على الوصف تدور ابعد طريق

ما اقول غير الله يعينكـ
أصلاً الحريم مايعرفون يوصفون الطريق سواءً كبيرة أوصغيرة

أنا مرة كنت راجعة من الجامعة والسواق يصير أخو سواقنا.. يعني يبغاني أوصف له الطريق..
أحسه كان وده يعطيني كف من كثر ماتعبته المسكين بالفرفرة في شوارع الرياض بذا الحر

يسلمـــــ ـــو خيو حياك الله