[IMG]file:///C:/s%20and%20Settings/user/My%20s/الملفات%20المتلقاة/ظ…ظ†%20ط%A7ظˆظ„ظ‡ط%A7.bmp[/IMG]

شوفو وين جالس وشوف التلفزيون الي وراه مهو بلازما عادي ويمكن14بوصة
وشوفو التلفون شكله عادي

يؤيؤيؤ رحت فيها يا زعيم وراحت فكره موضوعك الهادف بس لانك طريت الهيئه ..

انا فاهم قصد موضوعك لانك جبت طاري الهيئه ..

الهيئه ياعزيزي او اي داعيه او شيخ عند البعض ملائكه منزلين منزهين عن الخطا من انتقدهم او انتقد افعالهم رموه بتهم لها اول وملها اخر تقدر تقول ولايه فقيه بس بشكل سني .. والمصيبه ان الي يروج للمفهوم هذا هو نفسهم الدعاه او المشائخ اسف اقصد بعض الدعاة او المشائخ عشان البعض منهم يفعل ما يحلو له بدون ان احد ينتقده متذرعا بـ(لحوم العلماء مسمومه) كأنه حديث او قران منزل ..معلش شطحنا عن الموضوع ..

تعليقي على موضوعك.. ياليت الموضوع يوقف عند السيارات وبس كان احنا بخير ,, اكتفي بهذا القدر

شكرا مقرن وطول بالك على الي بيجيك ..

هههههههههههههههههههه

والله صراحه مااتوقع انها سيارته...؟؟؟

إقتباس الرسالة الأصلية كتبت بواسطة _ricardo_KAKA يؤيؤيؤ رحت فيها يا زعيم وراحت فكره موضوعك الهادف بس لانك طريت الهيئه .. انا فاهم قصد موضوعك لانك جبت طاري الهيئه ..

إقتباس الرسالة الأصلية كتبت بواسطة _ricardo_KAKA الهيئه ياعزيزي او اي داعيه او شيخ عند البعض ملائكه منزلين منزهين عن الخطا من انتقدهم او انتقد افعالهم رموه بتهم لها اول وملها اخر تقدر تقول ولايه فقيه بس بشكل سني .. والمصيبه ان الي يروج للمفهوم هذا هو نفسهم الدعاه او المشائخ اسف اقصد بعض الدعاة او المشائخ عشان البعض منهم يفعل ما يحلو له بدون ان احد ينتقده متذرعا بـ(لحوم العلماء مسمومه) كأنه حديث او قران منزل ..معلش شطحنا عن الموضوع .. تعليقي على موضوعك.. ياليت الموضوع يوقف عند السيارات وبس كان احنا بخير ,, اكتفي بهذا القدر شكرا مقرن وطول بالك على الي بيجيك ..

الله يهديك بس ..

بعض الناس ما أدري معين يفكرون ..

ما قلنا لا تكلم على الهيئة ..

ولكن بعذ الأخطاء الفردية منهم لا تغطي على أفعالهم الخيرية الرااااائعة الكثيرة ..

إذا كنت تقول ( لحوم العلماء مسمومة ) كأنه حديث منزل أو ما شابهه ..

فأنا أعطيك ما هو أعظم من الحديث .. أعطيك كلام الله ..

قال تعالى ( ولتكن منكم أمة يدعون إلى الخير ويأمرون بالمعروف وينهون عن المنكر ) المقصود بهذه الآية هم رجال الحسبة .. انظر كيف خصهم الله سبحانه وتعالى في كتابه العزيز ..

وبالنسبة لصاحب الموضوع .. استغرابي يكمن لماذا المقارنة مع الهيئة بالتحديد .. يعني لماذا لم تكن مع الشرطة مثلا .. فهم في كل عام يخرجون دفعات من السيارات الجديدة بأنواعها المختلفة ..

أو صح نسيت أن الإسراف والتبذير لا يكون إلا مع الهيئة ؟؟

مثل ما قالوا الشباب إذا تكلمت عن رئيس دولة فقارنه برؤسا دول مثله .. يعني قارنه بالأسرة المالكة .. لكن أعذرك عندما قارنته بالهيئة .. لأن الهيئة جدارها قصير ولا يوجد من يدافع عنها .. إذا عليك بالهيئة واخطوا حذوا أساتذتك من القصبي للسدحان وهالطقة ..

جانبك الصواب يا عزيزي ..

اللهم اغفر لي ولأخي ..

مصدق ان اوباما يسوق موتره؟!!

__________________________________________________________________________

إقتباس marsal وشلون قل الاسراف الا في الهيئة ..؟! يعني الهيئة مانلمسهم ولانقول عنهم شي ..؟! جبتها على نفسك اخوي مرسال جهاز الاستخبارات عندهم سياراتهم نفس سيارة اوباما هذي بالضبط يعني الهيئة احسن منهم تصدق عااد .. هههههه وش دخل رئيس نادي برئيس الحكومة أنت كل همك تبعد المقارنة مع الهيئة .!! اخوي رئيس النادي بكيفه زيه زيك حريه شخصية..!! وأنا قاعد اجيبلك عشان العبره انك تشوف رئيس اقوى دول العالم وتقارنه بالجهة الحكومية الفلانية وماكان قصدي موجه للهيئة ولو تقرا الموضوع ماكتبت الهيئة اطلاقاً انما نسخت الخبر نسخ فقط وكتبت الاسم جهه حكومية وهذه المظاهر اخوي مرسال ليش ماتطبق عندنا ..؟! وبعدين كيف يعني مظاهر لاحقيقة يعني موزي الرزايز في البيت عشان محد يشوفه واذا جا يسوق فيها ياخذ لفه في الحوش مع زوجته وعياله ..؟! المشكلة ياعزيزي مرسال انك ترفض اي شي يمس الهيئة انا واعيدها للمرة المليون اذا كان فيه انقسام في الشعب مع او ضد الهيئة انا معهم لكن في هذا الموضوع لم اوجه حديثي للهيئة انما جبت مثال حي وذكرت جهه حكومية لكن ممكن تبرر لي ليش غيروا سياراتهم مع ان موديلات 2006 اقوى وافضل .. انما شكل 2007 افضل ..؟!

عزيزي اولا بخصوص موضوع الهئية ..
المسألة ومو ان الهئية لا تخطي لكن الهئية موضوع وصل لحده لكل شخص يبي مقارنه يستخدم الهئة حتى واحد قبل فترة ابان موضوع سيول جدة كتب وين الهئية من أنقاذ الغرقى .!!
الموضوع أن أي قطاع ممكن يحل محل الهئية بالمقارنه و المقارنه كانت مع رئيس دولة ممكن تقارنه مع رئيس دولة أخرى ..
يعني شخص بشخص ..

و انا قلت رئيس النادي قلت يمكن تخاف من الحكومة و رئيس النادي يمكن أخذه مكان رئيس الدولة لكن برضوا صعبة فنحن بمنتدى رسمي

ممكن تجيب مركز الملك عبدالله للموهبين وتشوف أحلى سيارات و ممكن تجيب سيارات ارامكوا .. وممكن تشوف سيارت الهيئة العامة للارصاد وحماية البئية ..

عزيزي قصة اوباما هذه مظاهر انتخابيه ..
ارجوا ان تفهم ما أقصده بالضبط ..
أوباما كيف وصل لمرحلة ترأس الحزب الديموقراطي وكيف وصل لمرحلة الكونجرس و كيف وصل لمرحلة رئيس الحكومة ؟؟!!
هي أمور يعملها ويدعي لها لأجل يكسب مجرد أصوات أنتخابية ...

أبسط لك أكثر ..
يعني زوجة أوباما معقول ما عنده لبس أخر غير اللبس المعتادة الذي يظهر عليه بأغلب المناسبات ... معقوله ماعندها سلسال ذهب معقوله ماعنده خاتم ذهب .!!

الفكره ايه عندها و تلبس أغلى الملابس و اغلى الماركات العالمية لكن بالمناسبات الخاصة التي بعيده عن الاعلام لكن وقت ظهور الاعلام فهي تظهر بهذا المظهر حتى تكسب شعبية انتخابية و حتى تصل رساله للشعب العام ..
فالمسألة ليست بقناعه شخصية لكن رساله توصل للجمهور و على فكرة أنا معها بهذا ولست ضدها من كان ضدها هم الشعب الامريكي ..

ثانيا : اوباما معقول ما يقدر يشتري سيارة جديدة ؟!!
معقول الملك عبدالله لما شاف سيارته ما أهداه سيارة غزال صنع السنة

و غير كذا اوباما عندما اشترى سيارة 2006 ما كانت بنفس تاريخ السنة بعام 2006 يعني ليه اسرف و اشترى سيارة وكالة ..؟
ليه ما اشنرى سيارة عام 2000

القصة نفس القصة التي بالاعلى كسب ود الشعب بالطريقة هذه و فعلا نجح و يمكن ينجح ويفوز مرة أخرى ..

المظاهر هذه ياليت تطبق عندنا لكن مو شرط بالهئية ..!!
أنت ليه ما تطبقها على نفسك قبل ما تطالب بها جهه حكومية ..!!؟؟
أنت ليه تسكن بالبيت ليه ما تكسن بخيمة ؟؟
ليه جوالك جديد ليه ما صبرت على أيام العنيد و شلته ؟؟
ليه تغير (جزمتك كل عيد ) ليه ما تحافظ عليه و تستخدمها بكل عيد ؟؟!!

القصة يا عزيزي ان التفكير ببعض الامور غير منطقي لأان لا مشكلة من أظهار نعمة الله و فضلها مادام بلا اسراف و (كبر )

و الهيئة يمكن غيروا سيارتها لأن كل عملائهم من الطبقة الراقية (مغازلجي ) ثوبه جديد و جزمته جديدة و هو انسان موظف وله هيبته ومكانه بالدولة و (فتاه ) عبايتها من النوع الفاخر و لبسها من النوع الفاخر ولها أهل محترمين فيمكن لأجل كذا غيروا سياراتهم خدمة و احترام لهذه الفئة ..
مومثل الشرطة و الاستخبارات كلهم مجرمين و قطاعين طرق ..

الهيئة مثلها مثل أي جهه أخرى ولي الامر و رئي مجلس الوزراء هو من امر لهم بسارت جديدة محبة لهم و في خدمته ..
علم أنهم يستهلكون ويعملون فحب يكأفئهم ...
أيش ذنبهم اذا الملك قرر يغير سيارتهم ؟؟!!

انا اذكر اني قرأت قبل 5 سنوات و باخر حياة الملك فهد الله يرحمه انه اهداء سيارات جديدة للهئية من جيبه الخاص ..
أيش ذنب الهئية اذا الكل مقدر عملها و حب يعطيهم ويهديهم ..!!

يعني في بالك ان الهئة غيرت سيارتها من رأسه ..!!
لو الهيئة تقرر نفسها كان غيرت بأمور كثيرة !!!

لهذا العتب يعود على رئيس الدولة ان كان هناك عتب..

يعني لفيت و لفينا و أكتشفنا أن بكل الحالتين رئيس الدولة هو الشخص المعني بالاسراف ...
ليه يسمح لهم يسرفون و يغيرون ..

السيارات الحكومية بشكل عام تتغير كل 5 سنوات تقريباً
وانا اقول ان الهيئة لما شرت سيارات جديدة راح تبيع القديمة
وبالتالي راح توفر قيمة الصيانة وتغيير القطع الاستهلاكية
لأن اي سيارة بعد اربع او خمس سنوات تحتاج لتغيير أغلب القطع وهي عملية مكلفة ومجهدة

وانا من الناس اللي ماتقعد سيارتي اكثر من خمس سنوات بدال ما اكب فلوس على صيانتها
احطها على سيارة جديدة واريح بالي من مشاوير الصناعية وصلخ الوكالة

اخوي الأسراف مثلا اذا كان عندك 100 ريال وصرفت ريال هذا مو اسراف
اما اذا كان عندك ريالين وصرفت ريال هذا اسراف
*مثال توضيحي وليس حقيقي (لاتحسبوني بخيل)

مرسال اعجبني كلامك وكتبابتك واكتفيت بقراءته عن التعقيب

الزعيييييم شكراً لموضوعك وعندما نقول الهيئه لاتمس لكي لاينعرج الموضوع لمنحنى آخر

الله يوفق الهيئه ويسدد خطاهم ولايحرمنا منهم يااارب

هههـ



الحين ليه بعضكم فهم ان الهيئة هي اللي مسرفة ..
يعني هم اللي اشتروا السيارات الجديدة وانتم الحين تنصحونهم ..؟!!
يعني هم وش بيستفيدون من بعض الكلام الجارح ( غطاء الدين ومادري وش ..)

العتب هو على ..

على ..

على ..




على اللي اعطاهم السيارات ..

تدرون من ؟؟


شركة السيارات


المفروض انهم ماصنعوا سيارات للهيئة ..
وشو له ..


..
تقبلوا احترامي وشكري

كل شي ألا الهيئة شوفو سبحان الله إذا المرور شرى سيارة 2010 ولا فيه أمل يتكلم أما يوم الهيئة شروا سيارات أنهبل.....
والله لو أني من الإدارة أشطبك من المنتدى .....