ظاهرة الحــــدس الخارق
 

http://img247.imageshack.us/img247/2...6fd19e1qt7.gif



ما أدري كيف أدخل بالموضوع بس مثل ماهو واضح من العنوان ( الحدس )
طبعاً الشئ اللي خلاني أتطرق لهذا الموضوع لأن ظاهرة الحدس تحصل معاي بشكل ماتتوقعونه.


وتعريف الحدس: هو سياق غير شعوري، فكرة مفاجئة أو شعور بأن شيئاً، ما سيحدث.


بدايةً حصل معاي هذا الشئ من يوم كنت صغيرة ( 12 سنة تقريباً )
كنت أحس بأشياء بتصير وسبحان الله في نفس اليوم تصير.
وكنت فرحانة لأني عندي هذي الموهبة .. وأنا أسميها موهبة لأني الوحيدة من معارفي وصديقاتي وحتى الديرة اللي كنت عايشة, وكنت أشعر إني مميزة.

مثلاً: كنت أحس إن الإستاذة الفلانية بتغيب بكرة ولا أحل الواجب ولا أحضر الدرس ولا أجيب الكتاب أصلاً.
وفعلاً الإستاذة ما تجي.
أو أحس إن أحد من قرايبي بيزورنا وفعلاً أقول للخدامة تنظف البيت وتبخرة ساعات إلا وهم جايين.
وطبعاً كانت حساساتي طفولية بحته.

لكن لما كبرت صار الحدس أكبر بكثير لدرجة إني أخاف وأبكي أحياناً
بتقولون ليش أبكي وأخاف ؟؟؟

بقولكم إني حسيت إن أبوي بيموت وبعد 3 ساعات ........ مـــــــــات أبـــــــــوي

حسيت إن إختي بيصير لها شئ بعد ساعة طاحت من الدرج وإنكسرت رجلها.

حسيت إن صديقتي بيحصل لأبوها شئ وكنت متخوفة لدرجة إني إتصلت عليها أكثر من 50 مرة وبعدها جاني خبر إن أبوها جاته جلطة.

طبعاً الحدس يجيني فجأه وبدون مقدمات أو إنه يجيني على شكل رؤيا في المنام.

هذي إحدى مواهبي إللي وهبها لي الله بس بصراحة هي نقمة لا أحسد عليها.

فياليت اللي عنده خلفية عن الموضوع يشاركنا فيها أو يعطينا تعريف شامل عن الحدس.


وآسفة على الإطـــــــــــــــالة.

غريبه اول مره اسمع بالموضوع هذا ,,,

بس فعلاً الله يكون بعونكــ حبيبتي :ba1::ba:

الله يكؤؤؤؤن بعووونك

بس اوول مرره اسمع بهالشي

شيء غريب جدا !! سبحان الله !!

طيب إسألي شيخ , او عالم , او دكتور نفساني ؟

انا عندي حدس بس ماهو زي اللي عندك اللي عندي توقع في شي خاصه في نتائج المباريات يعني مثلا مباراه السعوديه والبحرين الملحق لكاس العالم بعد هدف المنتشري قلت بيجي هدف للبحرين اخواي في البدايه حذفوني ويستهبلون علي بعدها انجنو مني وهدف فورلان في غانا قبل امس قلت انها هدف ودخلت هدف