بسم الرحمن الرحيم..!~
السلام عليكم ورحمة الله وبركاته..!~
احلىا تحيه واجمل تحيه بعد الاختبارات
مني انا الظاهره عبود
الاختبارات وما ادراك مالاختبارات حدثت لي قصه غريبه وطريفه في نفس الوقت
طبعا مافي شك انها حصلت في ايام الاختبارات
الحاصل ياجماعة الخير
طبعا في اول يوم من ايام الاختبارات الواحد يروح يدور قاعته
وبعد ذالك يقلب وجهه لقاعته الحاصل اني رحت لقاعتي وبحثت عن مكان الجلوس ورحت وجلست بمكاني حالي حال غيري.!~
الحمد لله جتنا اسئلة الاختبار وحلينا الي نعرفه والي مانعرفه الفنا فيه اقوىا القصص
انتهىا اليوم الاول من الاختبارات علىا خير وجاء اليوم الثاني واروح اجلس بقاعتي
شوي ويدخل طالب مصري ويدور بالفصل ويشوفني ويقعد يصورني تصوير >يعني يناظرني الولد طول وهو يناظر؟!
انا قلت شكله مشبه المهم طلع من القاعه لانه مو من قاعتنا جاء اليوم الثالث ويدخل الطالب المصري نفسه ويقعد يناظرني مره ثانيه انا قلت وش بلاه وش فيه يعني استغربت امس واليوم جاي يناظر
المهم توني بقوم وبروحله الا ويروح انا قلت ممكن انه مشبه مافيه الا ذي ويخلص اليوم الثالث ويجي اليوم الرابع واروح وادخل قاعتي ويدخل الطالب المصري ويقعد يناظر انا بديت اعصب
وجمبي خويي يقول لي وش فيه ذا كل يوم يجي يشوفك انا قلت حالي حالك مدري وش يحس به
المهم راح الولد واقوم قلت ماسكه ماسكه وش يحس به كل يوم جاي يناظر واطلع من الباب الا الولد مختفي يعني بالعربي راح مدري وين
المهم قررت اني بكره انتظره واول مايدخل ابلحقه يا ابركض يا ابنط عليه ماسكه ماسكه الله لا يعوق بشر ابسئله وش فيه يناظر المشكله الطالب مصري لونه سعودي يمكن تكون فيه حسابات ثانيه
ويجي اليوم الخامس الي هو يوم الاربعاء وانتظره ولا جاء للاسف
حتىا خويي الي معاي بالفصل يقول والله لمسكه ابي ياعرف وش فيه كل يوم يجي ويناظرك بشكل واظح
المهم قلت الوعد يوم السبت ويجي يوم السبت واحتريه يدخل القاعه عشان يشوفني ويروح>>تعود لاتلومونه
المهم ويجي يوم السبت وانا اقول عساه يدخل ماسكه ماسكه ويدخل هو دخل ولا مادخل الا وانا اقول تعال يابن الذين ويظحكون الي بالفصل ويقولي فيك ايه واقول انت الي وش فيك لابوك ماصارت كل يوم جاي تصور وتروح
المهم واروح واقرب من عنده قلت وش فيك كل يوم تجي تشوفني وتروح.؟؟؟
حسيت الولد طيب وعلىا نياته قال والله مافيش حاقه
قلت وش الي مافيش حاقه وانت كل يوم مصبح بوجهي
قال حؤلك ماتزعلشي قلت قل اخلص
قال
انا بتفائل فيك
هو قاله ولا ماقالها انا مت ظحك انا وخويي
قال انا بتفائل فيك قلت وش تتفائل فيني نبي انا ولا وش
انا انسان عادي حالي حالك
قالي لا اصلي شوفتك اول يوم بالاختبارت بالصدفه وحليت بالاختبار حل حلو فؤلت لماما وئالتلي كل يوم شوف الواد الي انت بتتفائل فيه
كل يوم اقي ابوص فيك واحل كويس بس فيه يوم ماشوفتك فيه الا اهو يوم الاربعاء وماحليتشي كويس
االمهم اني انا من الخمه قلتله اجل بكره ماني مخليك تشوفني هع ابتلطم
قام يظحك الولد المهم قلتله رح رح بس ابي اشوفك بعد الاختبار
والولد راح ودخلنا الاختبار ويوم انتهينا واروح اكلمه علىا جنب قلتله ياولد
ترا هالاشيياء بدع وخرفافت مايصلح نسويها كمسلمين الله هو الي كاتبلك نصيبك
مو وجهي ولا غيرة وان هذي الاشياء منهي عنها وقلت له تبي تتأكد مشينا لستاذ التوحيد المهم نصيحه منا وومنا الين الولد اقتنع..!~
الحاصل ياخوان اني الان ومن خلال هالقصه ابي اشوف ارائكم
هل صحيح ان فيه اشخاص نتفائل فيهم . . ؟
ام ان هذي اصلن كلها بدع وخرافات...؟
ام ان هذ القضيه نفسيه يعني مثلا انت تقول ايه شفت انا ذاك الشي خلاص ماراح اتوفق
انت هيئت نفسك انك ماراخ تتوفق ..؟
او مثلا تقول دامني قمت والجو حلو شكلي ابتوفق اليوم وتتوفق مو لان الجو حلو لأنك انت هيئت نفسيتك انك بتتوفق ..؟
اتمنىا الي يرد عالموضوع يرد على هالنقاط..!~
ولكم خالص حبي وامتناني ..!~
بقلم\\الظاهرهabod
.
.
قالو لي عندما كنت صغيرا بأن اختلاف وجهات النظر لا يخلق للود قضيه..؟ ومع مرور الايام كبرت حتىا وصلت الىا سن 17 سنه من عمري ..! فقلت لهم...~ بأن الاختلاف في وجهات النظر يخلق للود قضايا لا حدود لها..! قالو لي عندما كنت صغيرا بأن من ينتقدك يحبك ومن يشره عليك يحبك...!؟ فقلت لهم عندما بلغت سن 17 بأن من يكثر النقد عليك ويكثر التشره عليك..! هو شخص يكرهك وحتىا اذ لم يكن يكرهك فسوف تكرهه...!~ حيالله جميع الزعماء 
sami-1418@hotmail.com او 3bodi@hilal.ws
...ايام الاختبارات...وقصتي مع الطالب المصري... التفائل وما ادراك مالتفائل....؟؟؟ 
الوضع العادي
