عطونا جديدكم يارابطه -- يوجد استفسار عن ـــــــــــ
 

بسم الله الرحمن الرحيم

السلام عليكم ورحمة الله وبركاته

بدأ عشقي وعشق كل من هو هلالي امس بالتحضير للموسم الجديد

واليوم سوف ينطلقون الى النمسا للتحضير ولكن اريد ان استفسر

من جمهور الزعيم ومن من يربطه علاقة مع اصحاب الشأن في الرابطة الهلالييه

ماهو الجديد لهذا العام ماهو الجديد للبطولة الاسيوية

لا نريد مفاجأت في الملاعب ولا نريد شي

كل مانريده هو انكم تنزلون موضوع كامل مكتمل بالخطة للموسم القادم

او لايوجد لديكم خطط ؟؟

بالنسبه لي اتوقع انه بدون تخطيط او شي

مجرد تجمع يلا على الملعب المباراه اليوم الفلاني لاحد ينسى

لا اهازيج جديده شفنا ولا شي

امس نزل واحد موضوع والله ماني فاكر اسمه ولا موضوعه بس قال الرابطه والرابطه

طيب يالغلا مدام انك لك معرفه بالاخ عادل البطاطي اتمنى انك تعطيه خبر عن موضوعي

هذا وتقول الاعضاء يتسالون عن جديد الرابطة هذا الموسم

وانا اجزم ان اغلب الاعضاء يؤيدون كلامي هذا

في الاخير لاننسى ان نقولهم شكرا عل كل ماقدمتم

لكن نريد ونطمح في الافضل ونريد ان يكون لدينا افضل رابطة

طــلــبـــات الـجـمـهـور الـهـلالـي مـن الـرابــطــة اتمنى ان كل واحد يكتب وش يتمنى

انا عن نفسي اتمنى ( عدة جديده - مايكات جديدة - طبول جديده - اهاااااااااااااااازيج جديده ) بالاصح
نبدا الشغل من جديد وننسى الي فات


استفسار بسيط /

وش صار على مجلس الجمهور الهلالي ؟ ترى الموسم قرب
والله مايضبط الجمهور ولايضبط المدرج الهلالي الا هم
ولو لا الله ثم المجلس الهلالي هذا كان ماشفنا المدرج اوربي
اقولها من كل قلبي ولا احد يقول انك تعرف احد منهم او اني منهم
والله اني لا اعرف احد منهم ولا انا منهم لكن كلمة الحق تقال

ان شاء الله في كل شي جديد

باذن الله ,,,

كلامك سليم 100% صراحه ملينا من الأهازيج القديمه اتمنى تكون رابطه بدون طبول ويكون هناك موالات زي موال الرايطه البحرينيه

فقط ما نبي تجهيز ولا شي !

نبي كل المباريات نكون زي مباراة بونديكور !

وابشروا بالفوز ولوتبون نلعب بالناشئين بعد

والله موضوع في الصميم
عن نفسي أتمنى انو يكون التشجيع جماعي عن قيادة البطاطي أو غيرو ، أقصد يعني بدون طبول ، بحيث يكون في ترتيب مسبق لكل مباراة ، تشجيع جماعي من مدرجات الهلال ـ والله أكاد أجزم أنو اذا كان في احد بيغيب عن الملعب ، كان بيكون السبب ازعاج الطبول ، لكن اذا استبدلت بتشجيع جماعي ، بيكون شي خيااال ، والهلال بيكون صاحب السبق الاول // طبعا الفكرة يبغالها صبر لانها صعبة تنجح من اول مرة ، أتوقع الفكرة بتعجبكم وباذن الله تلقى أهتمام يارب
والله موضوع في الصميم ياغالي لاهنت .
تحياتي

انا بسراحه ماني طماع مره

ابي الجمهور الهلالي زي اخر مباراه في الموسم مع بنيدكور وكثر الله خيييييييييييييييييرهم

صراحه افضل تجمع هلالي وتفاعل مجنننننننوووووون حصل في هذيك المباراة

ولو يستمرون على هالشي والتفاعل الي حصل خلاااااااااااااااص مانبي اكثر من كذا

والسلاااااام

آتمنى آنهم يمنعوآ الرآبطـآت في الملاعب


يكووون آفضل بكثثثثثثثثثثثثير

معاك في كل شي قلته

اخوي / مااتوقع فيه مجلس للجمهور لان المجلس اعتذر بعد نهايه الموسم
واعلن الرحيل لان الاداره ماهي معطيتهم وجه مثل ماقالوا

عليك بالرابطه بس نبي الجديد وكلش قلته معاك انا فيه .

الشي الثاني / نبي مجلس للجمهور وجديد بس مااتوقع احد يطلع لان المجلس اللي قبل في الموسم الماضي اعتذر بعد نهايه الموسم يالغالي

لاهنت على البادره الطيبه . تجاه الرابطه .

يعطيك العافية سلطان

كلامك سليم اخوي

لازم يكون في ترتيب مسبق لكل مباراة مع الجماهير وتشجيع جماعي من مدرجات الهلال واتمنى ان يكون فيه اهازيج جديدة ان شاء الله الرابطة تتغير عن الموسم الماضي والاهازيج القديمة