~][~ لـ أصحاب البلاك بيري ,, مسح الرمز الشريطي : ماهو ؟؟؟ وما فائدتة ؟؟ وكيفية الأستفادة منه ؟؟؟ تفضل لتعرف ~][~
بعض من اللي معاهم بلاك بيري اغلب وظائف الجهاز يجهلها ,,
وأنا اول ماشريت الجهاز ماأدري وش فيه ,,
طول عمري على نوكيا ,, وحتى من بعد ماشريت بلاك بيري ,, النوكيا مستحيل اني ابيعه ,, لكن صار عند البلاك بيري ددسن 84 غمارة
صار حجم النوكيا صغيير مرة ,, وحتى مرة يوم جيت اكتب رسالة بنوكيا n73 نسيت مكان الحروف ,, قعدت دقيقين اتذكر مكان الحروف ,, ولله الحمد الذاكرة ماخانتني
بشرح لكم شي مهم فيه ,, وهو الرمز الشريطي
وهذا الشرح مني انا شخصياً
بالبداية : شبية الرمز الشريطي المتوفر كثيراً بمنازلنا والمحلات ,, واكثر شي يستخدم الرمز ,, هو السوبر ماركت أو إذا جيت تسدد فاتورة عند الإتصالات ,, تشوف المحاسب يحط ليزر أحمر على خطوط تحتها ارقام ,, مــثل :
تشوف هالرمز ورا اي شي تشرية ,, رمز خاص بالسلعة
][ نرجع للبلاك بيري ][
****
هذا هو الرمز الخاص بجهازي
( وكل جهاز له رمز خاص فيه )
وشلون نستفيد من الرمز الشريطي ؟
اذا تبي تضيف احد بجنبك ,, او تبي تضيف رمز وعجزان تكتب رقم البن تبع الجهاز ,, كل ماعليك تشغل الرمز الخاص بالجهاز اللي تبي تضيفه عندك .. وتشغل بجهازك خاصية المسح
الشرح بالصور :
نبدأ بخاصية تشغيل رمز جهازك
اول شي تروح لم القائمة الرئيسية ثم تدخل على المراسلات الفورية
بعدين تدخل على بلاك بيري ماسنجر
بعدين تروح لم ملف التعريف ,, تضغط فوق أول شي
ومن ثم تنزل تحت لم عرض الرمز الشريطي الخاص بي ,, وتضغط علية ,,
ويطلع لك الرمز الخاص بجهازك ,,
,,
كيف استخدام طريقة المسح ؟
من القائمة الرئيسية ,, تدخل على المراسلات الفورية
بعدين تدخل على بلاك بيري ماسنجر
ثم تنزل تحت لم المجموعات ,, راح تحصل خـيّـار ( مسح رمز شريطي الخاص بالمجوعة )
مثل اللي بالصورة
تضغط علية ,, وراح يطلع لك تعليمات ,, انزل تحت بالسهم ,, أو بالكورة ,, او بشاشة اللمس ,, اهم شي تنزل تحت لم : المتابعة
راح تشتغل الكميراء تلقائي ,,
بعد كذا ركز الكمراء على الرمز الشريطي للجهاز اللي بجنبك ,, وخل الرمز يكون بنص الشاشة
او جرب على رمزي انا ,, فوق ببداية الموضوع
وخله مثل كذا
بالنهاية ,, اتمنى الكل يستمتع بالبلاك بيري ,, تقنية من اروع مايكون ,, اتمنى استخدامة بالشكل الصحيح ,,
فيه اشخاص انا اضفتهم عندي ,, كل يوم يرسلون اذكار ويوم الجمعة يرسلون سورة الكهف ,, اسأل الله عز وجل لمن يرسل مثل هالخير ,, أن يجزية الجنة ان شاء الله
![~][~ لـ أصحاب البلاك بيري ,, مسح الرمز الشريطي : ماهو ؟؟؟ وما فائدتة ؟؟ وكيفية الأستفادة منه ؟؟؟ تفضل لتعرف ~][~](iconimages/t868576_rtl.gif)
الوضع المتطور
