نادي الهلال السعودي - شبكة الزعيم - الموقع الرسمي - [ الغــــــــش ] بما ان حنىٌ في نهاية الاختبارات ( مواقف مضحكه وحزينه ) !

- منتدى المجلس العام (http://vb.alhilal.com/forumdisplay.php?f=1)

انا اذا غشيت الازم افضح نفسي علشان كذا مااغش كثير
في امتحانات الشهر جا عندنا مراقبين واحد احسبه طالب مثلنا والمرقب الثاني طلع قلت حلو استغل الفرصه والتفت على لي وراي
فشك المراقب وقال وش تسوي عادانا انهبلت ماادري وش اقول قلت اااابغى منديل
وبعده توبه معاد اغش

انا بصراحة غشاشة ولا فخر

وفيه كذا طرق للغش بس أنا أفضل طريقتين ..
الأولى: نتبادل الورق إذا الإستاذة عطتنا ظهرها.
والطريقة الثانية: أدق ظهر صديقتي الدافورة ... ومرة من العجلة دقيت خصرها بالغلط وقامت تضحك ... والله لايوريكم أنا ما عاد قدرت امسك نفسي بس الحمد لله صرفتها بس ما راح أقول وش سويت.

يـــاكـــثـــر ماغـــشـــيـــت

هذا موقف حصل معاي في ثالث ثانوي إختبار آدب شهري

شلتنا ست بنات ثلاثه في اليمين ورا بعض وثلاثه في الوسط ورا بعض كانت معلمتنا ماهو ذاك الزود في المراقبه
وتعرفون الأدب صعب وابيات وشرح كلنا ماذاكرنا قررنا نفتح الكتاب في الطاوله وفعلآ فتحنا الكتاب وغشينا نص الاسئله وانا كنت جالسه في الأخير وفي بنت ماتختبر معاها عذرجالسه بس كذا وبعيده عني شوي سمعتها تنادي المعلمه شكيت في الأمر قطيت إذني عندها وسمعتها قالت لها في غش قالت روحي للمديره وعلميها بإسماء البنات إللي يغشون وخليها تجي للفصل

انا نبهت البنات قلت طلعوا الكتب قالوا ماخلصنا قلت بعصبيه طلعوها وبس خافوا وطلعوها من الطاوله انا حطيت كتابي في الشنطه ورميت الشنطه قدام
جت المديره واول مادخلت جت عندي انا مسويه بريئه اطالعها بكل نعومه وذوق قالت طلعي إللي في الطاوله قلت مافي شي قالت طلعي الكتاب قلت في الشنطه قالت وين الشنطه جلست آتلفت يمين وشمال قلت شوفيها قدام قالت وش وداها قدام قلت البنات يسحبون الطاولآت واكيد وحده آخذتها

راحت لأختي ماسألتها ولا شي على طول دخلت راسها في الطاوله حتى بدون ماتقول شوي
ماحصلت الإ العبايه آختي رمت الكتاب ع وحده من البنات قالت حطيه في الشنطه قالت المديره وين كتابك قالت في السياره نسيته وانا آذاكر الصباح
طلعت المديره ونادت البنت إللي علمت علينا معها
شوي رجعت لنا البنت وجهها آصفر وطلعت كذابه في نظر الجميع تـــســـتـــاهـــل!

تحياتي لجميع الغشاشين والغشاشات وللمعلوميه انا في الكليه الحين و محترفه في الغش وخاصة في الشهري اكتب ع الجدار وع الطاوله وع الكرسي إللي قدامي وافتح الملآزم والمحاضرات تحت وأغطيهافي العبايه،،
آخر مره غشيت في إمتحان الحديث قبل اسبوع سمعت البنات الصباح يقولون ترجمة رقيقه معانا وهي طويله ماآمداني إحفظها شقيته من الكتاب وآخذته وغشيتها ولا من شاف ولا من دري..

يعطيك العافيه آخوي آخذنا شوي تعليمات من مواقف الشباب والبنات،، مشكوور،،

انا مستحيييل اغشش انا اذاكر واحرص واشيل هموم الدنيا ولا انام متهنيه وهم مبسوطين ونايمين ويطلعون يفلونها وياخذون درجات والله ومعصي . .

معليش جد شي يقهر والله مو نذاله فيني بس جد خير ..

انا ماعمري غشيت ولا اغشش ..

ومثل ماقالت عسيريه الناس مصالح وانا ما احب اعطي احد فرصه ياخذ مصلحته مني وينساني ..

وبعدين مالها طعم لو اخذ درجات كامله دون عرق جبيني ..

تقبل مروري

ياحلو الغش يكفي اني كل ماتذكرت المواقف اموت ضحك
وحده من المواقف في بنت قدامي جالسه تبي تغششني بالغصب واناواصله حدي ذاك اليوم والمسكينه تقوم الدكتوره تشك فيها انها تبغي تغش مني وتحطها قدام وتوقف فوق راسه ولماطلعنا قالت نقلتي شي قلت لها ماااااااااااااااالي خلق
وتزعل مني وتعلم البنات ويضحكون كل ماشافو وجهي

صـراحـه انـا مـن النـاس الي مستحيـل اغــش...!!

لاشهري ولانهائـي ....لاكـن كانوا الطلاب يغشون مني وانـا كنـت ارفض

اخبـر مره من المريرات كان علينـا اختبار وانـا بحكم الشطاره الي فيني>:naughty:

جالس اول واحد ويجي وماكنـت مذاكـر باب(المعادلات)ونقلني اخر واحد لاني المدرس مستحيل يضن اني بغشش

وهذا هو الصحيح الغشش الشيئ الوحيد الي ماجربيته بحياتي

المهمممممم

وحطني اخر واحد بالفصل وجـاب واحد غشاش(محترف):s5s:

وانـا جالس احل والله واطالع على الطاوله الأ كل المسائل محلوووووله ...:s2:

والصراااااااااااااحه كانت الي انـا مذاكــرهــا:to:

هع هع هع هع يعنـي مااستفدت

مشكورين ياشباب

اختم بقول الرسول صلى الله عليه وسلم

(مـن غشنـا فليس منـــــــا)

لا يعني بصراحة شينة مرة ,
يعني انا عندي ناس ماتذاكر وتعتمد علي ,,
يلعن اوم الغبنة انا اذاكر واتعب ويجي واحد ويغش ويكون نفس الدرجة ,!!
انا شفت الوضع زاد عن حدة لأني شفت واحد ورقتة فاضية في أختبار التفسير ويبيني أنقشة كل شي .!!
قلت أحسن شي انقشة خطأ ,, :D ,

يعطيكم العافيه شباب وبنات

بس هذا الي عندهم مواقف عن الغش فلووووووووووها يااخواااااااان

قال صلى الله عليه وسلم : ( كل أمتي معافى إلا المجاهرين ، وإن من المجاهرة أن يعمل الرجل بالليل عملا ، ثم يصبح وقد ستره الله ، فيقول : يا فلان عملت البارحة كذا وكذا ، وقد بات يستره ربه ، ويصبح يكشف ستر الله عنه ) . رواه البخاري ومسلم .

الله لايحوجنا للغش يارب :ba1:
مع اني كثير ادخل الاختبار بدون ما اذاكر .. :s2:
بس ما قد طرا ع بالي اني اغش ابدد
الحمدلله رب العالمين
.. :smilie47: ..

صدقوني اتركوا الغش وبتتوفقون وتجيكم الدرجات وما تدري من وين تجي :s2:
بجد اطلع من الاختبار افكر هالماده كيف باخذها بالصيف .. والحمد لله اجيب درجه حلوه ..

موفقين جميعاً .. :rose:

مآهذآ :mad:.. فيه أحد يفتخر بخيبته ! :s3s:
يامـآل الغنـيـمـة ذآكروا أحسن لكم ألـفّ مـرّة من غششني ومدري أيش :to: < عجوز متلـثّـمـة :razz:
درجة قليلة ومن تعبك :rose: أفضل بكثييير من درجة من غشّ ما تفرح فيهآ
.
.
بسّ للأمآنة أدخلتوآ البسمة ع وجوهنآ :s2:
و في نفس الوقت تمنّيت إنّكم تتركون هـ العادة السيّئة :yes: :cry:
حُـبّـاً لِـ رسولكم الكريم :smilie47: : ( من غشّنآ فليسَ منّآ ) :rose:

تقبّلوآ مروري :wub: :rose:

ماقد شفت احد يغش قدامي لا ايام المدرسة ولا بالجامعة الحين

اصلا الدكتورة ممكن جدا تطلع من الكلاس تخليه فاضي تروح تطل عالكلاس الثاني والا تجيها مكالمه تطلع برا وترجعلنا تلقانا زي ماتركتنا :D

هي قوووووية شوي ويمكن نادرا ما تصدق الا لمن دخلوا كليات علمية ..

الدكتور كان يعطينا أسئلة الاختبار و يقول خذوها للبت و جيبوها الاسبوع الجاي ..

ومع كذا تلقى نصف الفصل راسب:d:d

لان الاسئلة علمية و حلها لا يعتمد على غش بل على فهم وغير كذا من صعوبة الاسئلة ما تقدر تضمن احد يحلها ..

أذكر مرة طلاب راحوا لدكتور خاص ودفعوا مبلغ وقدره ومع كذا رسبوا:d

القصد عندما يكون التعليم و الاختبارات عبارة عن قص وبصق من الكتاب الى عقل الطلاب فهناك يكون لكل شي وجود ولكن عندما تعود الاسئلة الى هيبتها فتأكد لو القاعة فاضية ما احد فاضي للغش..

السسلآم عليكم

:

موضوع شيق..:d

بصراحه الغش عاده موب زينه ابد >قديمه:s5s:
انا بالامتحانات النهائيه مستحييل اغش.. اومااا بالشهري اغشش بس..>بحكم دفارتي:s4s:
اذكر آخر مره غششت وعقبها تبت بثاني متوسط كان سؤال واحد ومقالي بالتاريخ
ارسلت الورقه للبنت اللي وراي ومن زود الذكاء عندها عطتها نفس الورقه حقتي
>يعني حلها بخطي انا>يمديكم ع الذكاء:s5s:

وتعرفون الاجرآئـآت المتخذه /تهزيئه محترمه وتعهد ....:to:

بس الحمد الله الحين مااغش..ولااغشش..:naughty:

حتى الترم هذا بإمتحان الشهر وحده طلبت مني بالفيزياء حل الاستنتاج كامل
قلت ايه هييين فاضيتلك احل ولا اغشش..:razz:

وداايم اصلاا لما اخلص واسلم الورقه ع طوول دورات المياه >وانتم بكرامه
منعا للاحراج ...:d

/

اسفه ع الاطاله وتذكروا قول حبيبنا محمد صلى الله عليه وسلم "من غشنا فليس منا"

:smilie47::rose:

إقتباس:

الرسالة الأصلية كتبت بواسطة حلا الهلاليه (مشاركة 15302462)

تحياتي لجميع الغشاشين والغشاشات وللمعلوميه انا في الكليه الحين و محترفه في الغش وخاصة في الشهري اكتب ع الجدار وع الطاوله وع الكرسي إللي قدامي وافتح الملآزم والمحاضرات تحت وأغطيهافي العبايه،،
آخر مره غشيت في إمتحان الحديث قبل اسبوع سمعت البنات الصباح يقولون ترجمة رقيقه معانا وهي طويله ماآمداني إحفظها شقيته من الكتاب وآخذته وغشيتها ولا من شاف ولا من دري..

يعطيك العافيه آخوي آخذنا شوي تعليمات من مواقف الشباب والبنات،، مشكوور،،

لاتعليييييييييييق !!!:cry:

إقتباس:

الرسالة الأصلية كتبت بواسطة ~SaKaB (مشاركة 15306253)

قال صلى الله عليه وسلم : ( كل أمتي معافى إلا المجاهرين ، وإن من المجاهرة أن يعمل الرجل بالليل عملا ، ثم يصبح وقد ستره الله ، فيقول : يا فلان عملت البارحة كذا وكذا ، وقد بات يستره ربه ، ويصبح يكشف ستر الله عنه ) . رواه البخاري ومسلم .

كلامك صحيح اخوي ... s13s

لكن الموضوع مطروح من باب الفكاهه ماكان قصدي الي في بالك حبيت نفلها بالسوالف المضحكه وحطيتها بين قوسين ( مضحكه وحزينه )

حبيت الكل يشوف المواقف ويطلع من الموضوع موسع صدره

وهذي لها سنين يعني الله يتوب علينا ان شاء الله :d