فى احدى الاسواق فى مدينة الرياض واجهت اللاعب عبدالله الجمعان
فبادرته بالسلام والترحيب ورحب بى الرجل وقلت له ممكن اتحدث معك لدقائق
وافق مشكورا واليكم الحوار معه

انا:عبدالله وش اللى حاصل
هو:ابد النادى ما ادرى وش فيهم على
انا:بس انت يا عبدالله سويت مشاكل معهم كثير
هو: اى مشاكل ياخى فى مباراه السوبر ما رضى المدرب يلعبنى اساسى وطلعت
انا: بس انت لاعب محترف والمفروض تحترم المدرب
هو: اى مدرب اى بطيخ وهذا تسميه مدرب
انا :انا معك انه ماهو كفو بس مهما كان لازم تحترمه وتحترم الاداره اللى جابته
ضحك ضحكه مجلله(حلوه مجلله)
وقال هو فيه اداره اصلا
قلت معك حق يابوحميد عشان اكسب وده واخليه يطلع اللى عنده
انا :طيب الحين ليش ما تروح التمارين
هو: والله بينى وبينك انتغل عليهم شوى ايلين يوقعون معى محترف
انا:بس انت بهذلتهم المره الاولى وخايفين تستمر
هو: عادى يا رجال ما حولك احد كلها لقاء بالجريده واعتذر وانى ندمان ويصدقون
يعنى الصحافه نافعتك
هو: اكيد وش حنا بلاهم وهم وش يسوون بلانا
انا والى متى تنقطع عن التمارين
هو:والله بصراحه متى ما طنت براسى رجعت
انا بس النادى موقفك الحين
هو: عادى هم الخسرانين
انا : بس لنت محتاج للنادى وهو اللى خلانى اعرفك الحين واتكلم معك
هو : ادرى وبصراحه انا منيب محتاجهم الحين
انا: وشلون ومصاريفك من وين
هو: الله يخلى البلوى يمشى لى راتب ويقول تغلى عليهم ايلين يتركونك
انا: معقوله تترك الهلال
هو: وش اسوى
انا : معليش انت الخسران
هو: نشوف من هو الخسران
وانتهى الحوار الذى لم يتم الا فى الخيال الذى يحكى واقع الزعيم الاليم
هو: