|
لا تزعلـــــــــــــــون..الدعيع احتياط ثالث... في لقاء جريدة الرياضية مع الدعيع اشير الى ان قريتس قرر وضع الدعيع احتياط ثالث مين يتخيل أن هناك مدرب في العالم يفكر مجرد تفكير ان يضع الدعيع ((((أحتياط ثالث))!!!!!!!!!!! قووووووووووووووووووووويه ياقيرتس..قوووووووويه حييييييل.. بعد الزعل والذهول والصدمه أمس من إعلان ((روح الهلال..الدعيع)) إعتزاله .. وبعد ما عتبت كثير عليه وقلت ليش يتخلى..وبها الوقت بالتحديد؟!! مو عادت الهلاليين الأوفياء.. توقيت الدعيع للإعتزال غريب جداً ومفاجأ جداًجداً .. والآن بعد أن عُرف السبب..بطل العجب.. طبعاً احنا داريين ان الدعيع ناوي انه يعتزل على نهايه الموسم القادم..بعد ان وعد قبل عام انه سيبقى لمدّة عامين إضافيه لعيون الهلاليين وكاد ان يفي بوعده..ولكن .... أقسم بالله كنت على يقين تام بأن الدعيع وخاصة بنهايه الموسم.. مستاء من شخص من داخل النادي..لكن لم أتوقع ان تصل إلى درجة الإعتزال!!!!!!!!!!!! هاهو الآن قد وضح وبان من هو خلف استياء (اسطورة الحراس).. ووضح وبان براءة أسطورة الهجوم(سام6) أؤيد إدارتنا الإحترافيه على منح قيرتس الصلاحيه التامه في كل شي بإستثناء الأمور الإداريه.. لكن:هل قيرتس وفق تماماً في إستخدام تلك الصلاحيه..؟؟! هل أستغلها بشكل سليم..؟؟؟!! قيرتس مع احترامي لبراعته إلاّ انه ارتكب اكبر غلطه في تاريخ مشواره المهني.. أجل الدعيع احتياط ثالث؟؟؟!!!! .................................................................................................... ..... ـ هل لقرار مدرب الفريق البلجيكي جيرتس عدم رغبته فيك ووضع خيار ثالث بعد العتيبي والشمري كان له دور في ذلك؟ قبل قرار جيرتس كنت أفكر جديا بالاعتزال كما قلت لك وكنت أنوي تقديم خطاب الاعتزال النهائي مع بداية الموسم وربما يكون قرار جيرتس قد أجبرني على ذلك قبل بداية الموسم. .................................................................................................... ...................... هذا معناته إعتزل مالك مكان!!!!!!!!!!!!!!!!! طبعاً إحتمال وارد ان العتيبي والشمري يصابون ويلعب الدعيع بدالهم..لكنه احتمال ضعيييييييييييييف جداً وان بالنسبه لي مستحيييييل.. وفي كل الأحول هذا مو قدر الدعيع.. انا ما اتكلم عن الدعيع كلاعب محب ومخلص للهلال ..أو كمعشوق الجماهير الهلاليه.. ان ااتكلم عنه كأفضل حارس موجود حالياً بالسعوديه واسيا كلها مو بس الهلال.. الآن لا ملامه على الدعيع..واقوله عين العقل موو عشان المفروض انه يعتزل..لا لأن الدعيع رقم ((1)) مو ((3)) ياقيرتس.. ..الدعيع ماخسر شي..مكانته بقلوبنا ماراح تقل.. احنا اللي خسرااااااااااااااااااانين.. وبشوف الموسم القادم اغلب مواضيع الشبكه تتحسر على الدعيع..وتحديداً بعد الآسيويه.. قيرتس نكبنا نكبه مابعدها..وخوفي بعد هالنكبه انه يرحل بنص الموسم كما يقال.. هذا مو معناته اني احسن وافهم من قيرتس..بس بعد مو معناته ان قيرتس مايغلط.. بالأمس كنت ارفض رفضاً لا إرادياً ان اكتب رداً وداعياً في موضوع يحوي (وداعيه للدعيع).. ولكن اليوم بكل رحابة صدر وتأييد لك يا أسطورتنا..(وداعــــــــــــــــاً) لذلك لاتزعلــــــــــــــووووون من الدعيع..بل ازعلــــــــــــوا عليــــه..!!!! الله يخلف علينا بس.. ................................. طاحـت من علــــى كـف القــــــدر بليــــه.. وانـــا اقـــول الحمدلله..يــــارب صبرنـــي.. |
شكراً ع الرفع ياشبكتنا الغاليه.. |
اي بس اخوي انت شوف كم عمر الدعيع , يعني خلاص لازم يعطي فرصه لغيره للعمر احكام , مع اني اكاد اقول انه افضل الحراس السعوديين حتى اللي موجودين الان |
والله ياخوك قرار قريتس صدمه لنا بأن يجعل الدعيع احتياط مو ثالث فكرة احتياط اه حنا قريتس مراح يستمر مع الهلال وهذا تخبط فاضح بان يجعل الدعيع احتيااط والله بس أفكر انك راح صعب اتقبلها شلون اشوفك خارج المستطيل يابو عبدالعزيز والله صعبه والله صعبه والله يصبرنا على بلونا لني اعتبرها بلوى والله ودااااااااااعك صعب يابو عبدالزيز :( |
إن شاء الله يكون تحقيق الهلال للبطوله الأسيويه أول هديه نقدم لمحمد الدعيع |
انت تذكر الحركه الي صارت معا سامي قبل مبارة الوحدة الاماراتي هذي نفس الحركه تصير معا الدعيع؟؟؟؟؟ عندي احساس انا بن خرج امام الغرافه؟؟؟؟؟بسب عدم الاستقرار.....مافي مهاجمين ويلي موقوف؟؟؟؟؟ وكمان الدعيع :ranting:يطلع يعتزل هذا استعدا .........تبغون اسيا وحنا كذا لاتعقداة زي الناس .....لماذ الدعيع يطلع ويعتزل في هذ الوقت:rg: بسب الاداره ولا المدرب الذي بدا ياخذ في نفسه الغرور بسب العروض الي جاته.... يتجاهل الدعبع الاقم منه في النادي وخدم الهلال......هذي بداية التخريب قابلوني اذ فزنا على الغرافه:to: الي يستعدون صح ويتفرجون علينا ويقلون تممام كذا مزبوط يسلام الهلال فيه مشاكل .....وهما يستعدون يجيبون محترفين |
إقتباس:
ياخي فيه حراس يستمرون إلى الـ40 سنه واكثر بعد...انت ناسي انه واعدنا انه بيستمر سنتين؟وراحت سنه وبقت وحده؟؟ والدعيع واحنا متيقنين انه يقدر يعطي على الأقل سنه .. بس ياخي السالفه واضحه الدعيع طرُد بطريقه غير مباشره بمباركة السيد قيرتس وقوله بإنه سيجعل الدعيع اختيار ثالث...!!!!!!!!!!!!!!!! |
ياأخي حينما وضعه إحتياط ثالث اعطى الفرص من بدري للعتيبي والشمري ' لانهم هم حرااااااس المستقبل ' والدعيع خلاص اعتزل كيف يلعب ..! |
خلاااااااااااااااااااااااص الدعيع اعتزل فرقنا القدر |
إقتباس:
إذا عدّينا الغرافه..ماراح نعدّي اللي بعده.. اتمنى اطلع غلطاااانه.. |
لا انا ما ودي الدعيع يصير احتياط ثال خلاص الدعيع طاحت حراسته |
خــــــــــــــــــــلاص اعتزل كفاااية هررررج |
إقتباس:
ياخي ركّز شوي.. واقرا السؤال والجواب الي فوق.. الدعيع رغم محاولته توضيح بأن القرار لم يكن بسبب أحد..لكنه بنفس الوقت اعترف ان قيرتس هو اللي اجبره يعلنه الحين تحديداً وكلنا عارفين ان الدعيع يبي يكمل هالموسم معنا.. وبعدين إلاّ انت قول لي: وشلون يحطه اختيار ثالث وهو أصلاً معتزل؟؟؟؟؟؟؟؟؟؟؟؟؟؟؟؟؟؟؟؟؟!!!!! |
إقتباس:
على العموم ربما هدفه ان يتدرب معهم ويستفيدون من خبرته قبل الاعتزال |
مستحيل الدعيع احتياط ثالث يعني حسن ابو نكبه و فهد الشمري افضل منه؟ وداعا ظاهرة الارض |
إقتباس:
!!!!!!!!!!!!!!!!!!!!!!!!!!!!!!!!! والله ما ادري وانا اختك..يمكن احنا عمي وإلاّ شي.. عاد العتيبي مو سيء لها الدرجه بس مايجي للدعيع صراحه ..اما الشمري لمّا جبناه من الطائي كان خرافي..أمّا الحين عليه السلام.. |
إقتباس:
الحمدالله فريقك قوي ويحترم خصمه والغرافه صحيح فريق يملك عناصر اجنبي كويسين لكن محلين ماحولك احد..انا ماراح اكلمك عن الدعيع .الدعيع اعتزل وكلنا حزنا على اعتزاله وكان ودنا يكمل الان انت تقول مافي تعاقدات زي الناس .طيب روح كلم شبيه الريح وقوله زي كذا تعاقدات فاشله يعني في نظرك الجمعان و ليد الحيزاني فاشلين !! اذا هم كذا فانا اقولك رح نام احسلك اعتقد الى يتشائم ويقول الهلال ماراح يعدي او انه اذا فاز على الغرافه وماراح يكمل اقووووله لاتشجع الهلال ..رح شوف لك اي نادي ثاني ماكنت ناوي ارد على الموضوع لكن ردك خلاني ارد عليك صراحه كلام ينرفز ولا تزعل من ردي تحيتي |
يااااااااااااخوي الدعيع شايب خلاص يبي يعتزل واعتزل لاتقعد تطلع من عندك !!!!!!!! ^^ معليش من دون زعل ^^ |
الدعيع وبسسسسسسسسس:smilie47: والله يوفق الجميع |
مستحيل الدعيع احتياط ثالث 8 8 8 8 وداعــــــا ظــاهــرة الارض |
اللي جاي مسررررع ويرد وهو دايخ..ويقول الدعيع شايب..واللي يقول السن له دور.. ياخي اذا انت وياه مو زعلانين كيفكم مو لازم ومو مطلوب منكم تردون... الموضوع للي زعلانين لفراق الدعيع واللي عتبانين عليه عشان اعتزل بها الوقت تحديداً واحنا بحاجته.. ووضحت انه اجبر بطريقه غير مباشره!!! واحنا ماقلنا ان الدعيع لازم يلعب مدى حياته..لا يافهيم..المقصود..نوضح مدى زعلنا على اعتزاله أولاً ..وع الوقت والسبب اللي اعتزل بسببه ثانياً.. اتمنى وفقت في التوضيح.. |
اول شي انت ماتفقه بكره القدم ثاني شي انت مصدق كلام الجرايد ومنت مصدق عبدالرحمن بن مساعد يوم يقول انه كلم قريتيس ونفى قريتيس هذا الكلام ثالث شي ابي اعرف الناس من وين جابوا هذا الكلام كل فريق فيه ثلاث حراس مو بس الهلال رابع شي كل وقت وله جيل وكل جيل فيه اساطير يرحل اسطوره ويجينا اسطورهه وراح النعيمه وقالوا بيطيح الهلال !! وراح الثنيان وقالوا بيطيح الهلال !! وراح سامي بعد لكن شوف الهلال مكانه القمه ماتغير وبعدين انت وشلون جاي هنا وقاعد تتفوه على قريتيس ومدري مين انت قبل لاتقول الكلام هذا مافكرت وش سوا قريتيس للهلال !! الله يهديكم ياجماهير الاعلام والله انكم زي اعضاء شرف الحالمي مابكم فايده بس الزعزعه |
راح نفتقده لو الدعيع انتهى ما كانت تجيه العروض هو حاليا الافضل في السعودية |
قريتس واطي يبيه حارس ثالث هاه وبعدين مع ادارتنا الوفى توفى |
إقتباس:
اول شي والله انت اللي ماتفقه شي..لابكرة القدم ولابالأسلوب الراقي والمنطقي بالرد...(اقرأ,أفهم،بعدين رد)) ثاني شي /اعيد واكرر الموضوع للي زعلانين على الدعيع.. ثالث شي/اعيد واكرر بعد..احنا ماقلنا ان الدعيع لازم يلعب مدى الحياه..احنا قلنا اعتزل بوقت سيء.. واتضح انه السبب ((قريتس)) رابع شي/قريتس مو ملاك..هو غلطان وستين غلطان رضيت وإلاّ إنرضيّت.. خامس شي/لولا العناصر الهلاليه لما نجح قيرتس..يعني تبي تفهمني ان قيرتس خارق وله الفضل الأول والأخير بنجاح الزعيم..لا يالحبيب غلطان..يعني لو مثلاً درب الحزم بيحقق الدوري لهم؟؟؟؟!!!!!!!!!!!!!!!!!! سادساً واخيراً/الخبر ما خذيته من جريده..الموضوع لقاء مع الدعيع ومثبت هنا في الشبكه.. وما اظن الشبكه تثبت موضوع مفبرك..وارتاح الله يصلحك |
إن شاء الله يكون تحقيق الهلال للبطوله الأسيويه أول هديه نقدم لمحمد الدعيع |
والله ياخوك قرار قريتس صدمه لنا بأن يجعل الدعيع احتياط مو ثالث فكرة احتياط اه حنا قريتس مراح يستمر مع الهلال وهذا تخبط فاضح بان يجعل الدعيع احتيااط والله بس أفكر انك راح صعب اتقبلها شلون اشوفك خارج المستطيل يابو عبدالعزيز والله صعبه والله صعبه والله يصبرنا على بلونا لني اعتبرها بلوى والله ودااااااااااعك صعب يابو عبدالزيز |
الدعيع هو بنفسه قال ابي اعتزل محد جبره ع الأعتزل الا بلعكس عبد الرحمن بن مساعد حاول فيه ان يستمر ع لاأقل لموسم واحد وعيا الدعيع |
اقول الله يرحم والديك لا عمرك تفكر تحط موضوع بـ اراسل كلية الملك عبدالعزيز التقنية يحجبون عنك صفحة موضوع جديد |
اولااا امسي على الجمهور الهلالي ومابغى اظيف كلام لأن اخويĈħąŋęŁ ماقال الا الصحيح انتم ماتفقهون كره قيريتس صرح بعد خبر الاستعانة بالدعيع كحارس ثالث وقالل انه ما طلع خبر الاستعانة وبعدين مثل ماراح السلومي وعبدالله الدعيع وبعدهما محمد الدعيع وترا حتى حسن كبير عمره32 يعني عندنا حسن خبرة وانا حزين على اعتزال الدعيع كيف اشوف مباراة للهلال بدون عميد حراس العالم. |
إقتباس:
ياحبيبي كلنا زعلانين على الدعيع مو بس انت واللي يردون على الموضوع وكلنا دارين انه فيه مشكله لاكن المشكله ياحبيبي عشان فلوس والفلوس تغير النفوس والدعيع قال الكلام هذا مو صحيح لكن عب\الرحمنبن مساعد قال هذا الكلام وبعدين الدعيع ماراح يقول للاعلام انه صار له مشكله عشان الفلوس وهو قال ابي اامن مستقبلي عشان النادي اللي عطاه 12 مليون لسنتين والاداره رفضت تعطيه المخالصه الماليه واعطوه عرض افضل واقوى حق الاعتزال واقتنع وهو بالاصل من سنتين كان يبي يعنزل بس رفض الامير سلمان يعني قبل لا يجي قريتيس ولو اعتزل ذاك الوقت كان ماقلتوا السبب كوزمين بعدين متى الهلال م كم سنه لعب على كل النهائيات ومتى ما يفوز الا بالخمسه والاربعه انت تتكلم على مدرب جاء على مرسيليا في الدور الـ 12 وهم مركزهم 13 وخلاهم ينافسون المركز الاول بس اخذوا الوصيف يا ابو الحزم على العموم ان ازعجك كلامي الاول انا اسف بس الدعيع اعتزل وماعاد ينفع الكلام بال هذا الكلام والحراسه ماتت وقتلت ليش ماتكتب موضوع لحسن العتيبي وتحمسونه هو وفهد الشمري ترا الكام اللحين ماعااااد ينفع تقبل مروري |
اعتزل محمد الدعيع والله يوفقه لكن الباقي فيهم الخير والبركه ونتمنى له التوفيق في حياته |
لكل شي بدايه ونهايه والدعيع اعطى وله منا كل الشكر والتقدير واعتزل وله منا كل الدعاء بالتوفيق لودامت لغيرك ما وصلت اليك مواضيع اراها استغرب ان تثار ولكن اقول كلام صيف يروح ويجي غيره الله يهديكم ويهديني لمافيه الخير يارب |
إقتباس:
اعجبني جدا ردك فهو منطقي وعقلاني جدا كثر الله من امثالك اخي الكريم |
تسلم ع الخبر المحزن عااااد قوية ياغريتس احتياااااط ثالث |
سبحااااااااااااااااااااااان الله.. فيه ناس مقفله مخوخها مااااااااااتبي تفهم أبد.. مشكله والله.. |
وداااااااااااااااااااااااااعآ الاسطوووووووووووووووره والبااااااااااااااقين فيهم الخير واااااااااااااااالبركه |
| الوقت المعتمد في المنتدى بتوقيت جرينتش +3.
الوقت الان » 02:43 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd