اللي تمنيتوه وطالبتوا فيه ( تحقق )!!.. - نادي الهلال السعودي - شبكة الزعيم

هلاليه نبضي ياسر · #1 24/06/2010, 05:14 AM

...السلام عليكم ورحمه الله وبركاته ...

صباح / مساء .. الخير على الزعيمات والزعماء ..

بما اني لا اجيد المقدمات بريحكم وادخل في الموضوع على طول واللي هو ؟!!..

( إعتزال عميد لاعبي العالم وبمطالبتكم )
ايه بمطالبتكم

شفيكم نسيتوا بها السرعه

معقول تنسون شي كان شغلكم الشاغل واللي في لحظه اعتبرته امنيه لكن سبحان مغير الاحوال
بمجرد ماصار ( الاعتزال ) تغيرت وجهه نظركم ورجع الدعيع لمكانته القديمه
( لانكم باللي سويتوه ماظنتي له مكانه في قلوبكم )

وانا ما اعتب على زعلكم وضيق خواطركم لا من حقكم تزعلون وتطالبون ببقاءه لكن قبل ماتزعلون
* اولاً .. شوفوا وش قبل كنتم تسوّن وفي وشو تطالبون
* ثانياً .. لما تزعلون لا تفرغون زعلكم على الغير سواء ( الاداره او سامي او قريتيس ) لان ها الاشخاص مالها في اعتزال الدعيع ..
وشفنا كيف الحاح وإصرار الاداره على استمرارية الدعيع لكن ! كل المحاولات للاسف ماجابت نتيجه ..وشفنا كيف الدعيع برء سامي واعتبره صديق ورفيق درب قبل مايكون اداري ..
وشفنا كيف قريتيس صرح وقال الحكم على الاعب من خلال المعسكر الاعدادي ..
وشفنا الدعيع كيف برء كل ها الاشخاص

..يعني ماله داعي تحسّبكم والاتهامات والكلام اللي ماله لازم ينقال والمواضيع اللي مالها لازم تصدر من هلاليين

...والدعيع اعتزل والله يسامحه اخذ قلوبنا معه

ولي ولكم الحق نتأثر لان فراقه صعب على العقل يستوعبه وصعب على القلب يتقبله ..
لكن!!..مو ترحون تحطونها على راس الاداره وانتم اكثر ناس عارفين وشايفين الاداره وش سوت عشان الدعيع مايعتزل ..
بس قدر الله وماشاء فعل والله يصبرنا على فراقه ويعوضنا خير في بعده

..

واخيراً وليس آخراً ...~
هذي كلمتين با القلب وضروري توصل لكم لانكم انتم اللي جنيتم على انفسكم ( طالبتوا بإعتزاله ولما اعتزل انصدمتوا ما كأنكم امس تتمنون ها الشي

وطبعاً ها الكلام مو للكل للبعض واللي على راسه بطحاء يحسحس عليها )

وفي الختام ...

لحظة وداعك تخطف أرواح وأبصار
لحظه .... تعالى في سماها ونيني..

لحظة وداعك كانت اطوال واقصار
لكنّها توزن ...! عذاب سنيني..

لحظة وداعك مابها شيء ما صار
لحظات .!! قلت الله عليها يعيني..

لحظة وداعك وانت من حولك احصار
طَرَت بفكري .!! رسمتك في جبيني..

كنت اتمنى وقتها اتحول إعصار
واطير .... بـ اللي حال بينك وبيني..

وذكرت ليله وقتها صار ما صار
عيني غفت .! واعيونها تحتريني..

لحظة وداعك كانت أحزاب وأنصار
تعصّبت ضـدي ... ولجلي وفيني..

لّوّحْت بيدك وسط زحمات الأخصار
وأصطفّت ادموعي على رمش عيني..

وضاقت بَعَدْهـا وأظلمت كل الأمصار
عذرك قبلته ... وانتظر منك تعذرني ..