@@ قــــــــال ما قـــــال @@
 

http://alghareeb77./Untitled-2%20copy.jpg

يعني وش نقول ؟!!!

رئيس النادي المكلف يازينه ينفي على الأقل ماتطلع الفضايح !!!!!

الحين وشلون ياأشهر إداري هلالي تبري المدرب وبعدين تقول نقدر نفوز على القادسية بدون مدرب ؟!!!!!

يعني ( لاشيء ) أفضل من ماتورانا !!!

أجل وش رايكم نجرب ( لاشيء ) ؟!!!!!

وبعدين وشلون خسارتك من القادسية مقبولة ؟!!!

ماتدري ياالغالي إن الهلال كان متقدم والقادسية شقلبتها على راسك أنت ومدربك ؟!!

وتقول ( مقبولة ) ؟!!!

أجل ( زعيم على إيه ؟!!! )

أكبر مصيبة قد تحل على كيان أو منشأة ما أن تكون إدارتها أول من لايقدرها حق قدرها !!!!

http://alghareeb77./waleed.jpg

يظل الهلال كبيرا بك أو بدونك وملايينك التي أصبحت توزعها على كل الأندية عدا النادي الذي عرفك بالناس وعرف الناس بك لسنا بحاجتها إن كانت ستختلط بقذارة المنة ووسخ الغرور والتكبر !!!!

قال إيش ( حتى يتم التعرف على الرئيس القادم ) !!!!

وأنت بتدعم الهلال وإلا الرئيس ؟!!!!

على فكرة ضف ولدك معك ترى له سنتين وهو ( يمطرس ) بالتصاريح ( بلوشي ) واللي يتكلم ( بلوشي ) ( مايلزمنوشي ) !!!!!!

:D

http://alghareeb77./1.jpg

الله !!! اش ذاذي !!! عجيبة !!!:D

من يوم كأس المؤسس ؟!!

وتو الموضوع يبان ؟!!!

يعني استقبال وتصوير ودعاية وبالأخير ( فاشوش ) ؟!!!!

أموت على هالنوعية من ( أعضاء الشرف ) !!!!

عموما كثير منهم كذا واسألو ( النعيمة ) و ( التيماوي ) و ( البيشي ) ووووو !!!!

بس على فكرة هالموضوع يخلينا فعلا نعيد النظر بكثير من أعضاء الشرف اللي مسوين ( ضجة ) و( دعاية ) !!!!

اللي قاهرني هاليومين واحد من أعضاء الشرف بالهلال مسوي فيها ( متواجد ) ويلاحق هاللاعبين من الأندية الثانية لين إنك تقول ( وين نبي نحطهم ؟!! ) وبالأخير مثل خوينا راعي الأراضي ( باشراحيل ) كله يطلع ( فاشوش ) لا والمشكلة ليته بس كذا إلا يدل الأندية الثانية على اللاعبين ويسويلهم دعاية وينسحب عن الصفقة لمصلحة أندية ثانية !!!!


عموما الأخ ( باشراحيل ) إذا ثبت عليه ماكتب أعلاه ولم تسحب منه العضوية فأرجو من هيئة أعضاء الشرف أن يقبلوني عضو شرف ووعد مني أعطي كل لاعب أرض بالزلفي تطل على ( الكسر ) :D

http://alghareeb77./2.jpg

عاد تبون الجد ؟!! الفكرة مصرقعة !! بس !!! ودي أضحك شوي وأعلق عليها :D

يعني ودي أعرف من المذيعين اللي بيستعين فيهم الهلال في هالقناة ؟!!!!

الله !!!

تخيلوا معي إن الهلال قرر يستعين بلاعبينه اللي مايبيهم ومن باب قطع الأعناق ولاقطع الأرزاق .........

تركي القحطاني في برنامج ( تركي شو ) وعرض رائع لانبراش بالرأس يقوم به هذا اللاعب الذي طالما زرع الفرحة في نفوس الجماهير ( غير الهلالية ) :D

تركي الشايع مع برنامج ( أشعار وشعراء وشعر ) :D عرض مثير لآخر قصائد الشعراء وآخر قصات الشعر مع تحليل لكيفية ( لطس ) الشعر بالزيت :D

عبدالله الجمعان يشترك في تقديم أكثر من برنامج منها برنامج ( الله يخلف !! ) وبرنامج ( احترنا ياالمدفعجي معاك ) :sad:

طبعا رئيس النادي لازم يشارك عشان كذا نبي نعطيه برنامج ( النفي والنفي الآخر ) :D

أما الإداري السابق ( المصيبيح ) فسيقدم برنامج مسابقات عنوانه ( الخطأ وين ؟!! ) ومن المتوقع ألا يستطيع أي من المتسابقين الإجابة على أسئلته لأنه مافيه خطأ بس المشكلة هم مصرين إن فيه خطأ !!!!!


أعضاء شرف النادي سيتناوبون على تقديم برنامج ( إزهلها !!!! ) وهو برنامج يعتمد على مناقشة قضية لمدة خمسين سنة وبعد انتهاء هذه المدة يقررون إذا ماكانوا سيتخذون قرارا أو أنهم سيمددون مدة مناقشة القضية !!!!

مترجم النادي سيقدم برنامج ( خفايا الطب ) وفيه يعرض عددا من القضايا الطبية الجريئة ويناقش كيفية التعامل معها !!!!;)

أما جمهور النادي فهو مدعو لحضور الحفلة الغنائية التي سيقيمها النادي وسيقدم فيها عدد من الأغاني التي تواكب مشاعر الجماهير مثل :

( ظالم ظالم ظالمني !! ) وأغنية ( ابتعد عني ماأحبك وش تبيبي ؟!! ) وأغنية ( طال السكوت !! )

وعدد آخر من مثل هذه النوعية التي تعكس حال جمهور الهلال !!!!:sad:

تحياتي ,,,,

يا رجال وسع صدرك .......

مساء الورررررررررررررررررررررررررررررررررد


والله ياغريب حيرتني معاك

أحيان ودي أبكي على حال هالنادي

وأحيان ودي أضحك على أعضاء القرف

وأولهم راعي رونالدوا :D بخ بخ بخ

=====>>>>>> على فكرة ضف ولدك معك ترى له سنتين وهو ( يمطرس ) بالتصاريح ( بلوشي ) واللي يتكلم ( بلوشي ) ( مايلزمنوشي ) !!!!!!

فاشوش أنبراشي :laugh:

تشكراتي

اما ارض بالزلفي وعلى الكسرررررررررررررررررر والله شىء ولا بلبنان
اقول وسع صدرك ومش حالك الدنيا كلها نصب بنصب واحنا الغلابة اللي نصدق
من تكلم ويا قلب لا تحزن

هلا بك يالغريب وحياك الله ....

والله ما ندري وش نسوي الشق اكبر من الرقعة يابعدي وما باليد حيلة :mad:

لكني ملاحظ في الاونة الاخيرة ان التريقة على نادينا صارة بزيادة شوي :eek: يعني ما بزينا جيران القمر وفريق جوازات ابوهيا نبزى ( اي ماهضمناهم ومانزلولنا من زور:D :D ) جمهورنا اللي والله ما ينلام على حال فريقة السي واللي يفشل ......
بداية من مباراة الرائد وحضور الـ 800 مشجع الى الهزيمة من القادسية بعد ان كان متقدم ..الى الى ... ويالله ياشباب عليكم الحساب .....:confused:


والله عورني راسي من كثر هالمشاكل ..... وين البندول آه آه آه



تحياتي للجميع...

الله يقطع سوالفك يا الغريب ..

اتوقع الجمعان راح نشوفه في برنامج " ابغى العب كل يوم "

بس الحقيقة الوليد بن طلال بدا يبعد عن النادي .. ولا نحاول ننكر ان الهلال تاثر بغيابه ..

فالهلال .. فعلا تاثر بغياب الوليد .. وملايين الوليد .. ولكن تاثره هذا سيدفعه للوقوف لوحده ودون معونة الوليد ..

يا حيا الله الغريب ...

فواز المسعد لا تستغرب بكره ينفي هالتصريح هذا :( ..
وكلامه متناقض .. تحس في قلبه كلام كثير بس خايف ومايدري وش يصرح :( ..
الله يخلف على زعيمنا ..

بالنسبة لأراضي لبنان ..
أثر الدعوه خرطي بخرطي :( .. وصكوك وتصوير وخذ يا فلاشات ومقابلات والدعوه كلها .... :(
أثر بعض الناس أهون منا ;) .. يصرحون بمكافئات وجحيد موب أراضي ;) ..
الله يستر لا يطلع لنا الجمعان بكره ويقول بسافر للبنان على شان أرضه اللي هناك :uhoh:

القناة من وين طلعت لنا ؟؟؟؟
الحين عقود ما قدروا يوفرونها ..يبون قناة كاملة :bigeek: :bigeek: :bigeek:


تحياتي لك ..

:D :D :D :D :D :D :D :D :D :D :D :D

يقطع ابليسك يالغريب ضحكتني من جد

والله حال الهلال ينبكي عليه هاليومين بس يالله فشششششششششششش خلــقـك

الله يعدي هالموسم على خير

يعطيك العافيه اخوي الغريب

عزيزي الغريب

السلام عليك وعلى جميع أعضاء شبكتنا الغراء وزوارها،،،
سؤال في غير مكانه كل هذا وتسألنا وش نقول؟؟ من اللي قالكم إن ماتورانا شيء هو لا يعدو عن كونه ( مخلوق ) يأكل ويشرب فقط وحتى هذه الميزة لا يدرك لها معنا:confused:
الفترة الماضية ونحن نجرب لا شيء:D :D
هذا أسهل سؤال يمكن أن يطرح طبعا زعيم على روحه:D :D
لا أعتقد ذلك ياعزيزي بدليل مشاكل تجديد العقود وأبرزها ما حدث مع الكبتن المشهور:upset: واللاعب المخلص الوفي ابن النادي البار ســــــــــامي الجابر ترى الثقل زين يبي يدعم الهلال اللي يبي يشهر الرئيس المنتظر وصراع الأقوياء والجبابرة يكون مدروس ( وفق خطط علمية مدروسة ) :D :D
أقول لو نركد ونثقل شوي يكون أحسن وبعدين إلى راح هو وولده من يبقى؟؟؟؟؟؟؟ طيب والكبتن الكبير واللاعب المخلص ( ســــــــامي الجابر ) ليش ما يعرف يقدم برامج مع العلم إنه نجم من نجوم اللإعلام و اللإعلان فلو تكرمت وقمت بإعداد برنامج له تحت عنوان (( ماطل ..... ماطل .....حتى....................... )) لا وأنت الصادق لأن موضوع طرح الأسئلة من المصيبيح هو الخطأ ،، على فكرة أخوي الغريب ترى فيه مقدم للبرنامج حق المصيبيح أحسن من المصيبيح نفسه:D :D :D

ختاما كل عام وأنتم بخير ونسأل الله أن يبلغنا رمضان وأن يعيننا على صيامه وقيامه

.

يعطيك العافيه ..

مقال مصرقع ..

بس عاد الاالكسر :mad: :mad:

ترى ابعلم عليك اللي أنت خابر ..

.

هلا هلا بنبط الشارع الهلالي الي يطلع على حاره الرياضه:D

اول شين مبروك عليك الشهر:yes: وثاني شين مبروك تجاوزك دوره السكانر:D

كاالعاده موضوع ممتاز على لسان كل الهلالين

تصدق !!!!!!!!!!

اول ما قريت الخبر " اربٌ كني " والحقيقه العنوان " وهـٌ قني " الموضوع كله " خوٌ فني " على مستقبل الزعيم !!

الله يستر بس :bigeek:

لكن ما عندك يا بعد حيي اراضي بين " الجبلين " اجا وسلمى عندنا في حايل ؟؟؟؟؟;)

مع السلامه يا بعد حيي

اقول للوليد وولده ... ((لولا الهلال ما عرفكم احد))
وسلامي...

الأخ أحب شبكة الزعيم :

أكثر من كذا ؟!!!:D

ــــــــــــــــــــــــــــــــــــ

سراب الدمع :

وشر البلية مايضحك :sad:

ــــــــــــــــــــــــــــــــــ

الأخ الماهر :

لاتنسى إن الدبابات البحرية بالكسر أرخص من لبنان !!!:D

ـــــــــــــــــــــــــــــــــــــ

ياشيخ وس صدرك واذكر الله :) :)