كأس العالم 2010 ،،، الشيخ نبيل العوضي [فيديو]
 

بصراحه انا تابعت الحلقه على قناه الوطن
كان صريح ومحق وامكن اكثر الناص افهمته
غلط هو ماحرم ولا حلل بس حذر

دمــت بـــود

لو سمحت اخوي { كلنا دعاة} فضلا لا امرا
ياليت تعلمني وش الزبده في الفيديو
لان الفيديو عندي مايشتغل

ماقصرت اخوي
وجاري مشششاهدة المقطع

باختصار
يقول انا بحذر
موضوع اشغل الجميع كلها الغني والفقير حتى اللي بالحر ..بس باقي اللي بالفضاء ..

قال الكوره حلال ومتابعتها خلال وتشجيع رفيجك مافيها شي
وخو مو قاعد يحلل ولا يحرم

وهو بيتكلم عن المحاذير
وينبه الله لما حرم الخمر والميسر ل اسباب ثلاثه
1-قال تعالى (انما يريد الشيطان ان يوقع بينتكم العداوة والبغضاء في الخمر والميسر )
تصير عداوات بين الناس بسبب الخمر والمير
هل هذا صاير بمبارايات الكوره العربيه والعالميه والدوليه؟؟ ولا مو صاير
انت فتش
اسال نفسك
شعوب كاد يصير بينها قتال بسبب شنو
دول اسلاميه وعربيه الى يومك القطيعه بينها عشان شنو
عشان مبارايات كورة قدم

لماذا الناس تختلف ولماذا يصير ضرب ونزف دماء
في الكوره
..
2- (ويصدكم عن ذكر الله )
اليوم كاس العالم مو نص ساعه مو ربع اقل واحد بيتابع مباراتين
والمباراه باستراحتها والوقت الضايع تاخذ ساعتين
يعني اقل واحد بيضيع اربع ساعات باليوم عشان كاس عالم

احسب اربع ساعات في ثلاثين يوم ؟؟؟ يالله
عشان شنو
هذا غير اللي يناظرون الاعادات والتحليل
هذا بس مبارتين
والاقات اللتي تضيع هذا كلها سيسألنا الله عنها ...
انا مو قاعد احرم
قاعد اقول انتبه لاتكون غافل تركض ورا كأس العالم وانت ماتدري عن المحاذير هاذي


3- برب بعد قليل

باك
تلهي عن الصلاه ..
حالهم

اذن المؤذن دقيقه بيشوف الهجمه بيقيمون ..بس هالهجمه
مابقى الا ثلاث دقايق ياخي قامو يصلو ..خلاص اصليها بالبيت
وفي النهاية ضاعت الصلاه عشان شنو مباراه يسمونها كاس العالم

شوف الواجبات اللي قاعده تضيع
الزوج اللي مهمل زوجته هالايام
شوف الناس اللي ساهرانين بالقهواي

شوف الناس اللي مهملين اسرهم وعيالهم وبيتهم

لا اليوم نسمع عن زوجات يتابعون
والزوجه تهمل زوجها عشان مباريات كاس العالم <<هذا اللي ناقص <<هاذي قالها الشيخ ..

يعيد ويكرر
يقول انا مو قاعد احرم ولا احلل

قاعد اقولك محاذير وانت احمك بنفسك..

فوق هذا كله

شوف عقيده الولاء والبراء كيف تهدمت على صخرة كاس العالم

الاصل في المؤمن..
ان قلبه مايحب الكافرين ..
وان قلبه لايبغض المؤمنين

واشد واوثق عرى الايمان الحب في الله والبغض في الله
اليوم عيالنا عشقهم غرامهم للاعبين نصارى بوذين يهود ملحدين يمكن يسبون الله ..
صار حبهم غير طبيعي
شوفوا صورهم في غرفته في دفاته في فانيلته ويعرفون حياته كلها ..
اساله عن زوجات النبي مايدري
وبعدين يقول انا احب ال بيت النبي ..وما يدري عنهم

المصيبه اليوم النقل الحي

شوفوا لقطات اللي تبث من الجمهور وما تخلوا مباراه منها
يؤخذ اللقطات الفاضحه يعتبرونها فرصه وسبق اعلامي بالنسبة لهم وبالنسبة لنا قل ادب
ينقل صور ه ل للنساء يرقصن وهم شبه عاريات
ويقولك بالاخير مباراه

السؤال

هل هذا حلال او حرام

انا مااسال عن المباراه اسال عن اللقطات

بتقولي تغض البصر
انت متعمد قاعد تطالع وساعتين امام الشاشه

ولهذا اقول انتبه للمحاذير اللتي تصاحب كاس العالم
والساعات اللي تذهب
والله لو تجلس مجلس مافي ذكر لله
لكان عليك يوم القيامة حسرة وندم
على جلسه جلستها مافي ذكر الله ..
في اعظم من ساعتين مافيها حتى ذكر الله ..

انا اتعجب من بعض العرب بعض اهلنا بعض جماعتنا بعض المسلمين
اللي قاعدين يتهاوشون
عشان الدوله الفلانيه غلبت الدوله الفلانيه
ولا اجيانا يشتمون بعضهم
ياخي مادرت عنك هاذي الدوله ولا هاذي الدوله
واحيانا يمكن يكرهونا ولا يمكن يحقدون علينا

والواحد يحرق اعصابه عشان شنو

وترا انا كلامي مو عشان امنع الناس من شي احله الله

انا اتكلم عن واقع

..

الان قاعد يصير في كاس العالم القمار
شارك واتوقع النتيجه والمراهنات على فوز الفرق ..وتربح 10 الاف
هذا الميسر القمار بعينه
مايكفيهم ماصاحب هذه المباريات من المحرمات

دخلوا حتى الميسر..
وللاسف ماحد قاعد يمنع ..ولا وزراة الوقاف يؤخذ رايها في هاذي المسائل
وهاذي الرسايل قمار ولا قمار ..واذا قمار كيف سامحين فيها وزراة التجاره

ووجه سؤال للدوله ؟
والامر اكبر مما نتصور
وكرر
انا مو قاعد احرم ولا احلل

وقتك ايها المسلم العاقل وقتك اثمن ان يضيع في هذه التفاهات ...



انتهى

تم اعطائك الزبده بالرد اللي فوق :s2:

فعلا لابد ان لا يكون كأس العالم او غيره من المباحات هي شغلنا الشاغل خصوصا اذا كان يأتي معها امور سيئة لكن الله يهدينا جميعا ويحسن خاتمتنا

جزاك الله خير اخوي

والله إنهـ صآآدق الشييخـ ..
الله لآ يشغلنآ إلآ بطآآعتهـ ..

موفق أخووويـ ..