يوم مباراة الهلال والقادسيه اول الدوري كنا اناظر المباراة بالملحق وكان عمي وولد عمي على الحاسب وانا اول الملحق واخوي اخره وابوي جنب اخوي والمعاميل القهوه والشاهي في الوسط المهم كانت المباراة تعادل يوم جاب احمد الصويلح الهدف قمنا انا واخوووي وتخمينا ونصرخ من الفرحه يووم كل شيء انحاس القهوه انكبت والتمر تطاير

عمي انهبل وراكم انهبلتم

ممممم انـــا كنت اناظر مبارااااااه للهلال ومدري من بس هم اخر مالعبوا معهم الهلال مع آآسيا
كنت اناظر المباراه بحمــــــــــاس ودخل هدف لويلي انــــــا من قوة الونـــــــــــاسه نطيت من القنفه وصرااااااااااااخ
قامت مرت خــالي تهاوشني تحسب فينااااا شي البناااااااات ماتوا من الضحك علي
وانا ماهموني قاعده اناظر الاعاده للهدف ويحسبوني من الفشله قعدت اناظر بالاعاده وبسسسسسسس
عواافي ع الموضوع

بعد هدف ويلهامسون الثاني على الفقر في كأس سيدي ولي العهد اللي صلحها له طلق المحيا حصل الاَتي :

لما شبكها ويلي على يمين راضي كنا قاعدين نناضر المباراة انا واخوي اصغر مني وخويي في البيت
المهم لما جاء الهدف قام خويي وانا واخوي ما قمنا على اساس انها تسلل ويوم شفنا الحكم يشير الى المنتصف قمنا فجأه وخمينا بعض


بعدها سألته ليش طولت ما قمت قال ماني مصدق احسبها تسلل

شوفوا سبحان الله نفس التفكير

هههههههههههههه انا يوم هدف الهلال ع الاهلي الثاني كنت اكلم يوم جاء الهدف والله ماشفت جوالي

هدف الشلهوب من ضربة الجزاء قدام الفتح في الدوري
كان بداية الشوط الثاني ,,,,,,,,,,,,,من الفرحه فصخت ثوبي ورميته لإنني حسبت ان شريفي صدها!!!!

ههههههههههههههههههههههه اتذكر يوم مباراةالهلال و الأهلي يوم جاء الهدف الأ ول طبعا ذاك اليوم كنت مسخن وفيني كمادات و منت منسدح يوم جاء الهدف الأول والله قمت من شدة الفرحه قمت وانا ماسك الكمادات اما الهدف2 والله رميتها:s2:

انا هدف الهلال على الوحدة السنة اللي راحت 1-0 انجنيت ومثله هدف ليلو على الحزم 1-0

هههههههههههه << والله يا انا فطست على مواقفكم

....................

والله من ناحية موقفي

كنت في احد الايام باستراحة << يبي يقول قصة حياته :s2:

وقالي ابوي ترا مافيه تلفزيون انا انهبلت :s5s:

قعدت اهاوش اخوي الصغير < وش دخله:d

الى ان جاء تلفزيون >>> لا احد يقول وشلون انا ما ادري من جابه

اهم شي جاء هدف الهلال انا طلعت لملعب الاستراحة

وفصخت فنيلتي وقعدت اركض جدي يسمي علي << انهبل:s5s:

انا عقب تذكرت انه موجود

والله يا انا تفشلت

هدف نامي خلاني أطمر أنا والشباب وعلى غرفة أخوي النصراوي وكلنا بصوت واحد اوووه ينامي ينامي اوووه ينامي ينامي

بعدهدف الهلال الثاني في نهائي ولي العهد نطيت
من على الكنب وطاح معي اللاب توب

هههههههههههههههه :s2:
الله يعطيكم العافيه على هالمواقف :ap:
يارب نعيش ونتذكر الاحلى :naughty:

انا اذكر هدف الحارثي على اندنوسيا في كاس اسيا 2007 من الفرحه رحت اخم التلفزيون ...

واخواني يقولون{وخر خلنا نناضر الهدف هو صحيح ولا لا}انا مافيه امل افك التلفزيون...

وفيه اشياء كثيره بس هذا اللي اذكره ...

ويعطيك العالفيه...

هدف رادوي الخامس في النصر حصلي موقف لا ينتساا

طبعن طالع من الدوام متأخر وما امداني اروح للملعب اتصلت على بعض الاقارب وتجمعنا عندي بالبيت

المهم ولا اطول عليكم قذيفة رادوي المدويه تعلن عن الهدف الخامس وننقز كل اللي في المجلس على بعض

مادريت الا ذاك الكف يمشي لفين ويستقر على اذني اضطريت بعدها لمتابعة بقيت المبارات بتصفيرة اذن يحبهاا قلبكم