|
هههههههههههه اما الموقف الي مراح انساه طول عمري كانت مباراه الهلال ولاتحاد بنهائي الملك الي فاز فيها الاتحاد يوم جا بلنتي نور الي باخر المباراه وضيعها بعد مضيعها من الفرحه حذفت جوالي بالجدار الي جنبي وعاد وقتها المقهى كان مليان والجوال جديد ماكمل معي 24ساعه لاكن الشكوى لله وعاد وقت البلنتيات كنت يعني من الخوف الي فيه جالس على الطاوله الي بالمقهى الناس صارت تتفرج عليه وتركو البلنتيات المهم بعد ماضيع الفريدي البلنتي وانزل من الطاوله واجيك طاير واشوت الكرسي الي قدامي من القهر الي فيه حتى ان الكرسي صقع بواحد لاكن الرجال ماهرج لاني وقتها كنت في حاله مايعلمها الى الله المهم تركت العيال ورب المصحف اني قعت امشي زي المجنون في الشارع كان عليه شعار الهلال وزعلان تحيـــــــــــاتي |
با النسبة لي لهذا الموسم .. هدفين هدف ياسر الأول على السد وهدف رادوي الخامس (= طبعاً في الملعب جو ثاااااااااني .. |
مشكور اخوي على الموضوع الممتاز اذكر يوم مباره الهلال والنصر هدف الفريدي بعد الهدف جدعت الريموت اثاري على اتجاه ولد اختي وضربه الرموت في راسوانكسر الرموت هههههههههههه تقبل مروري فبيانو~ |
هدف رادوي الخامس على النصر:ga: ,,,,,يومها كان عندنا رجال بالدوانيه وكنت انا جالس بغرفتي اتابع المباراه وكل هدف يجيبه الهلال اعبر عن الفرحه بقلبي ولا اقدر اصارخ:cry: بس يوم جاب رادوي الهدف الخامس ومن روعته لاشعوريا نقزة من مكاني وصرت اصارخ واصفر وجن جنونيs13s ...........جاني ابوي يركض على باله فيني شي ويوم شافني مستانس علشان الهدف عطاني رزاله مو طبيعيه وانا طاح وجهي ماقدرت اسوي شي لانه الشيبان اسمعوني اصارخ وقالو هذا مجنون:s5s: |
والله اتذكر مبارة الهلال والنصر قبل سنتين كنت حاضر اانا واخوي التوام وعيال عمي وعمي طبعا يوم جا هدف واحد من الجمهور شال اخوي في السما من الفرحة .. ااخوي قامط ام العافيه .. |
اذكـر مـوقف صـارلي ومـاراح انسـاه طول حيـاتي قـبل 5 او6 سـنين تقـريبا كـانت مبـاراة الهـلال والشـباب نـهائي دوري خـادم الـحرمين الـشريفين انتـهت المباراة بـفوز الهلال 1 - 0 هـدف كاماتشـو بـعد الـهدف هذا مـدري وش صارلي انـجنييييييت ومـن جنـوني والـفرحه بعد الـهدف مـدري وش سـويت وانـكبت زمـزمية الـشاهي على رجل اختـي الصغيره واخـتي عمـرها كان تقـريبا سنتـين والله الزمـزميه كانت حاااره مالها الا قليل مزينه ورجـل اختـي تـشوهت كم سنه ورجعت طبـيعيه |
صراحه فكره حللللللللللللوه وموضوع احلى مشكور اخوي وانشاالله دوووووم الافراح يارب وبالتوفيق للجمييييييييييع |
بصراحة فيه مواقف كثيرة... بس اكثر موقف مضحك يوم مباراتنا مع النصر كنا نتابع المباراة انا وصاحبتي... وصاحبتي عندها بنت عمرها تقريبا 7 او 8 شهور ومو راضية تنام ابد... المهم طول المباراة واحنا مراعين شعورها بس وقت صاروخ رادوي نسينا كل شيء وصرخنا صرخة مو طبيعية... طبعا البنوته الصغيورة فكرت ان احنا نخاصمها وجلست تصيح وتبكي واحنا نحاول نسكتها وهيا مو راضية وانتهت المباراة واحنا ماندري ههههههههههههههههه... ولحد الحين كل مانتذكر المباراة والهدف نموت ضحك... والله يعطيك الف عافيه على الموضوع الروعة... |
مشكور اخوي على الموضوع الروعه يغير جو التعاقدات واخبار الصيف المهم انا ابوي متعصب شبابي ودايم اشوف المباريات معه واذا سجل الهلال هدف ممنوع افرح واذا سجل الشباب حلال هو يضحك المهم كان فيه مباراة الهلال والشباب الي انتهت 3 صفر للشباب يوم جا الهادف الاول للشباب من عبده عطيف ابوي حس ان الهلال بيقلب النتيجه فقالي انا دايخ برقى انام ويوم انتهت المباراه نزل لمي وهو لابس سروال وفنيله ويقولى هاااا انهزمتو يالزلايب وياخذ اخواني من بكرا وانواع الهدايا اللي جتهم وانا منلطع بالبيت هههههههههههههههههههههههه |
ووواووو حرام ان المواقف لا تعد ولا تحصى في مباره الهلال والاتحاد قبل عامين في جده هدف ياسر بشعره في نهاية الدوري اخوياي كلهم اتحاديه قلت خلاص بجي معكم في مدرج الاتحاد ما ابي اجلس لحالي من الساعه 2 الظهر بطفش وحر قالوا اذا جاب الهلال هدف لا تصرخ ابد قلت اوكي واكيد اني ما بصارخ هذا شي معروف انا اقوله لهم علشان ما اتفقع من العبيد واول ما جاب ياسر الهدف قمت اصارخ من دون شعور شوي اللي التنتيف من فوق واسمعهم يقولوا من هذا وينه وينه يبون يضربوني بس انا صرفت الموضوع وقمت اسب الحارس تيسير النتيف ونزلت راسي وجلست خمس دقايق جالس والجمهور كله واقفين واحلى حاجه ان اللي جنبي كلهم تعرفت عليهم معهم من الساعه 2 الظهر وعلمتلهم اني هلالي وقدروا الوضع اخوياي جلسو يضحكون مع انهم خاسرين بهدف والله جنبي يطالعون فيني بحقد وشكراً |
يعطيك العافيه على الموضوع الرائع من جد اعجبني ((لأن الحين ما تسمع الا |أشا عات تخووووف )) المهم ان الموقف الي صار معي يووم لي يونق سجل الهدف الثالث على الاهلي الاماراتي كانت الوالده جالسه جنبي بعد الهدف قمت اناقز واقووول قوووووووووووول الله الله الله لي يونق بووو لي يوونق بوو لي يوونق بوو المهم بأعلى صوووت قامت الوالده تضحك وتقووول اول مره ادري انك تتكلم لغة صينيه ههههههههههههههههههه |
احلى موقف الموقف اللي ماراح أنساه طول عمري يوم مباراة الخماسية ضد الإتحاد زوجتي دخلت المستشفى تبي تولد وطبعاً أول ولد زي ماإنتوا عارفين والأعصاب متوترة خصوصاًً والولادة كانت قيصري الحقيقة في ذا الموقف نسيت المباراة تماماً وبعد ماتطمنت على ولادة أم العيال إتصل علي الوالد يبي يبارك لي إلا وأسمع صوت التلفزيون عنده وكان رافع الصوت وعلي سعيد الكعبي يقول الرابع للهلال قمت أصيح بالتلفون وأقول أربعة والوالد يحسب إن أم العيال ولدت أربعة حقيقة موقف يموت من الضحك وأحلى شئ أن في ناس تتصل تبارك لي على المباراة أحسبها تبارك على المولود وناس تبارك على المولود أحسبها تبارك على المباراة بس أحلى شئ إن عمري ماراح أنسى هالمباراة لأن أم خالد جابت لي خالد في نفس اليوم |
:s2:هههههههههههههههههههههههههههههههههههههههه..ياحليلكم..انا مو موقف..انا قصه طويله عريضه..:naughty: يوم مباراة الهلال والنصر5/3..قبلها بيومين رحنا للشرقيه:cry:..واصلاً كنت متردده اروح كنت حاسه اني ماراح اقدر اشوف المباراة..بس اخوي الله يسامحه اقنعني وقال ماراح نطول بنرجع بعد يومين بالضبط..واخوي طبعاً هلالي صميم وهو اللي حببني بالهلال منذ نعومة اضفاري:s5s::d المهم اقتنعت..بعد انا ما ودي افوت الشرقيه:ba: وكان وقتها الجو خياااااااااااااااااااااال.... واخوي بيوم المباراة قال بنمشي الحين وانا اقول طيب يالله..ويرد يقولي منتي احرص مني!!:mad: المهم صار وما رجعنا:cry::cry::ranting:..>>الأخ اعجبه الجو ماعليه شرهه مبتلي ببيارات جده وماصدق يشوف بحر صجي:naughty::s2:>>ترى مواول مره يروح بس من زمان:s5s: وانجنيت من القهر وتحسفت اني رحت معهم..المهم اخوي العزيز مشترك في خدمه تجيب له اخبار الزعيم اول بأول..واحنا قاعدين عالكورنيش:s5s:..وقلبي ناااااااااااار..وشوي يدق عليه اخوي الثاني اللي بالرياض يسولف معه المهم سكر منه وهو مسوي نفسه ماسكر..ويقوله وش تقول النصر جاب هدف..وانا انفحمممممممممممت:ranting:..واناظر الساعه باقي ربع ساعه ع المباراة!!! واقول معقوله بدت؟؟ياخي باقي ربع ساعه..عاد هو رحمني وقال انصب عليك مابدت..وعلى اعصاااااابي..ووقتها كنت حاطه ببالي مو منقوله عالسعوديه(هذا اللي قريته على شبكة الزعيم):ranting: وإلاّ لو درينا كان قعدنا بالشقه:ranting: المهم كل شوي يجيه مسج من الخدمه واول مسج كان هدف ياسر وكان بدرررري مرررررره .. وانا اقول وشو؟يرد يقولي وبإمتعاض:النصر جابوا هدف وانا يجن جنوني واخذ الجوال واشوف هدف اول للهلال من ياسر:s2::s4s::alzaeem: المهم مسج ورى مسج وانا كاتمه نفسي>>بعد عند الكورنيش وعالم مقدر اعبر عن فرحتي بس متشجنجه من الفرحه واخواني يضحكون:s2:..طبعاً كل ابونا هلاليين بس انا غييييييييير.. المهم واقول انا جوعانه يالله نروح للمطعم ونروح ماكدونالدز..ونطلب ونقعد نتعشى انا وخواتي بقسم العوائل واخواني بقسم الرجال..واسمع بنات تصارخ صراخ مو طبيعي!!!وانا اقول خير وشو ذا:mad: توقعنا احتفال بميلاد..او لمة بنات مهبل!!!:s5s: المهم وقتها اخوي كان يرسلي الرسايل اللي تجيه وانا مادريت عنها اخر شي عرفته انه متقدمين3/0:s4s::s2: ..وبعد كذى ما اتتبهت للمسجات وجبنا الرابع وانا مادريت:cry: واسمع بها الصراخ وانا مستنكره الوضع واحس ازعاااااااج ودي اقوم اسكتهم..وشوي تجي على بالي المباراة واقول لايكون فيه تلفزيون؟:mad::ck: وترد علي حدى خواتي وتقولي ايه فيه تلفزيون<<احسبها تستهبل..وتقوم تحلف:la: يابنت الإيه سااااكته:ranting: واقوم مفحطه بإتجاه الأصوات:ta: على دخلتي هدف رادوي:ba::ba1::bo::ts::ta: وشوفوا انوااااااع الصراخ:ta: كل ابوهم هلاليات:ba1::ba::alzaeem: ماعدا وحده:ap: ياهم قاعدين يقطعون فيها:ap: مسكينه رحمتها:s4s: ويقولون لها تغطي بلا فشايل لك وجه عشان تكشفينه:ap: ياحرام قويه عينها قامت تكشف:s5s:..وشوي يصفر الحكم وانا فرحانه بالفوز ونفس الوقت منقهره اني ماشفتها:cry: ..بس تخيلوا طلع حدى المسجات اللي ارسلها اخوي يقول:انتيجه 4/4 !!!:ranting: المهم نزلت..اقوله مبروك بس قهر جابوا 3 ..قال مو 3 جابوا 4 <<مرتفع ضغطه!!!!! وانا اقول لا ياشيخ 3 ..قال شوفي المسج ما ارسلته لك؟ وافتح الاقي كوووم مسجات واشوفها واقوله لا غلطانين انا شفتها 3 .. قال الله يقلعهم ارفعوا ضغطي:ranting: <<<زين اللي ماشفت المسج وإلاّ كان انجلطت:s2:.. وتوته توته..خلصت الحتوته...<<حتوته؟!!!!!! إلاّ مسلسل تركي:s2: |
الصراحة موضوع تشكر عليه لكن المواقف كثيرة أذكر مرة كنت أتبع المباراة في البيت وكان موجود أخي اللذي يكبرني سن لكن عندما اتى الهدف صرخت من الفرحة حتى أن أخي هددني بغلق التلفاز أذا تكرر ذلك |
يارجال انا اذا جت مباراة لللهلال محد يجلس عندي اللي يعرفوني لاني على طول امسكه واضمه واعصره.........ويوم مباراة الهلال والنصر الشوط الثاني جانا واحد من الشباب مايعرف هالحركه في.....الشباب اللي يعرفوني قالوا له تعال عندنا قال لا مرتاح هنا قالوا له احسن لك قال مرتاح يوم جاب رادوي الهدف الخامس وانا امسكه وازمه واعصره من قوة الفرحه....بعدها الرجال زعل قلت سامحني ياولد ترى ماهو بيدي..........الشباب يقولون معلمينك لكنك ماتفهم .... مواقف كثيره والله من غير المصايح.....والهبال والتكسر الله يعين ماله طب حب الزعيم |
| الوقت المعتمد في المنتدى بتوقيت جرينتش +3.
الوقت الان » 01:12 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd