نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   أرشيف مواضيع منتدى الجمهور الهلالي (http://vb.alhilal.com/forumdisplay.php?f=38)
-   -   حوار بين ماتورانا............................ وابنه (http://vb.alhilal.com/showthread.php?t=90344)

المنفهق 01/11/2002 10:41 PM

حوار بين ماتورانا............................ وابنه
 
يغادر اليوم حسب ما ذكر فى الصحف المدرب الكولمبى
ماتورانا الى سويسرا واتمنى من كل قلبى ان لايرجع
ويروح لعياله ويقولهم انا جيت ومعى تحويشة العمر

وهذا نص الحوار بين ماتورانا وواحد من عياله

الابن: سلامة الاسفار يبه
ماتورانا: الله يسلمك
الابن: طولت يبه مع انك من فتره تقول انك راجع قريب
الاب: والله انا فكرت الجماعه يبى يلغون عقدى بس الظاهر ما عندهم نيه
الابن : ليش يبه مع انك نكبتهم بكذا بطوله
الاب : والله وانا ابوك ما عندك احد بالهلال
الابن: وشلون والاداره وينها عنك
الاب: الى الحين يدورون رئيس والجماعه ورطانين
الابن: طيب وشلون صرفت الهزايم ؟
الاب: ابد وانا ابوك كالعاده اضحك عليهم انى ابنى فريق وحنا ناقصين والجماعه يقولون اجل معذور
الابن: طيب شف لى وظيفه بالهلال عندكم
الاب : اصبر لاتصير عجل وانا ابوك لزقنا عمك وياالله اقتنعوا فيه ....ايه ذكرتنى مره تهاوشت انا وعمك قدامهم على بالى حريص على الفريق وعقبها الجماعه طاروا بى ويقولون هذا اكيد يقصدونى احرص منا على النادى وبعد المباراه ضحك وسواليف انا وعمك اللى فهمها على الطاير يوم ازاعق عليه
الابن: والبرازيلى اللى جبت لهم وش صار ؟
الاب: ابد يدربى راسه والجماعه مشغولين عنه والدعوه اخر تمام الا وش صار على العماره قضت ولا توها؟
الابن : باقى البلاط بس تراك مبطى ما ارسلت فلوس
الاب: اصبر ابا اوهقهم بلاعب واخذ السمسره وارسلها لكم
الابن : طيب وش تبى توظفنى بالهلال؟
الاب يفكر قليلا ثم يرفع رأسه فجأه ويسأل ابنه
خال امك فرانسس الى الحين يشتغل بالجوازات
الابن: الظاهر
الب : اجل الصبح تنقز له وتخليه يطلعلك جواز ويحط اسمك كارلوس البرت
ولا تحط اسم العائله ابتصل عليهم واقول لقيت لاعب لكم رهيب بس اهم شئ اذا وقالوا تجربه قل معصى انا تجربونى؟ تبون توقيع او مع السلامه الجماعه يبى يخافون ويقولون انى انا اللى جايبك واكيد انك زين بس هاه ترى اثاث البيت من عقدك
الاب : خلاص تم يبه
الام تنادى الغدا جاهز وينتهى الحوار والضحيه الهلال
:smilewink :smilewink :smilewink :smilewink :smilewink :smilewink :smilewink :smilewink :smilewink

هلا هلالي 01/11/2002 10:43 PM

ههههههههههههههههههههههههههههههههههههههههههههه
شر البلية ما يضحك .....
وسلامي...

ريانة العود الهلاليه 01/11/2002 10:55 PM

هذا هو الحال فعلا ........

الكنز الازرق 01/11/2002 11:07 PM

نـاس تضـحـك فـرح ،،،،،،، ونـاس تطحـن غـبن ......... والكـل يضـحـك قهــــــــر ..........

الهلال اسطورة 02/11/2002 02:23 AM

بسم الله والصلاة على رسول الله

اخوىالمنفهق


...................ماشاء الله عليك كفيت ووفيت

.............................................موضوعك رهيب ومسكت................


الله يخليك لنا .........وبانتظار ابداعاتك................


فى امان الله

واحد يموت على الزعيم 02/11/2002 02:43 AM

إقتباس:

<center><normalfont><u>إقتباس من مشاركة ريانة العود الهلاليه </u></center>
هذا هو الحال فعلا ........</normalfont>

المنفهق 02/11/2002 01:05 PM

اشكر كل من شارك معى وخصوصا اسطوره الهلال
وهذا من الغبن اللى فينا والله يفرجها علينا
ويروح ها العله


الوقت المعتمد في المنتدى بتوقيت جرينتش +3.
الوقت الان » 03:28 AM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd