|
فيصل الجمعان وقصة توقيعي منذ سنتين والتحدي الذي كسبته ضد كل هلالي بسم الله الرحمن الرحيم كتبت قبل سنتين في توقيع لي ان فيصل الجمعان لاعب وسيعود وكنت أشاهد بعيني سخرية اغلب أعضاء شبكة الزعيم ولم يكن همي ان يضحك فلان أو يصدقني علان ولكن الصحيح ان مصلحه الهلال هي الأولى الآن اتوقع والله اعلم ان فيصل الجمعان لن يخدم الهلال بالشكل الصحيح اللاعب كلاسيكي جدا ولاعب جيد ولكن كلاسيكي لا اقصد عادي ولكن كلاسيكي او ((خل نقول لاعب سعودي جدا)) لا اتوقع انه سوف يضفي إضافه جديده للكره الهلاليه حيث ان اغلب لعب الزعيم حاليا خطط مدروسه وتكتيك صارم وهذا الذي نسيه الجمعان في الفتح (( مع اني تكهنت ان الفتح الحصان الاسود العام المنصرم وحصل كلامي صحيح)) لذلك لا اسحب توقيعي ولا أوؤكده حالياً ولكن اتمنى لهذا اللاعب التوفيق وبنفس الوقت اتمنى ان يكون بمقدار مستوى الزعيم على الطاير 1-الزعيم لأول مره يفرض موقف احترام عندما رفض مع فريقي الذي للأسف احب الفريق الجشع ارسنال عندما رفض اللعب معه مقابل مبلغ ((الهلال يُدفع له كي يلعب وليس العكس)) 2-تياقو نيفيز ((والله العظيم هذا اللعب مخوفني واحس ان حكايته تنفع فلم دراما امريكي)) لاعب جيد أو سيء الله اعلم ولكن قيريتس داهيه وانا اثق فيه 3- لي يونق بطل عالمي ومحارب اتمنى عدم التفكير حتى بالإستغناء عنه هو ورادوي 4- الهلال يجد ضالته في لاعب الشباب حسن معاذ اللاعب من المعلوم انه مشاكس واخلاقه ((تجاريه)) ولكن اللاعب سوف يجد صرامه من عيال بن مساعد وباقي الأمراء واسلوبهم الصارم الحضاري في نفس الوقت الذي سوف يرتقي فيه وسوف يعلم ان بيت الزعيم غير النادي الشبابي مع حفظ المقامات والاحترام 5-سامي الجابر لم احبه كـ لاعب مع ان كثر المعارضين سوف ((يذبحوني )) لكن الحق ينقال إداري يعتبر ذكي ((وليس ناجح)) لأنه بأسلوبه وعلاقاته عدّل النادي وانا بنظري كل مايصب في مصلحة الزعيم هو مكسب حتى لو لم يعجبني,,, شكراً سامي 6-ابوعبدالعزيز الدعيع كفيت ووفيت وهذا مو وقت اعتزالك وتركيزك هو سبب ضياعك نجوميتك 7-الشلهوب مشوار سنه ابداعي وفي آخر السنه يقولون مستواه اخر مباراتين مو قد كذا ((وسط هداف دوري زين) 8- يحتاج الهلال ظهير ناااري ليجعل الزوري احتياطياً ولن اطالب الإداره بأي لاعب ولكن لانريد اي لاعب يرتدي 15 وينسق بعدها بسنتين مع المجامله سنه كامله. 9-سلوفينيا ((إن ماخانني الاسم)) تلعب كأس العالم ونص فريقها في الدوري المحلي ومرتبات لاعبينها أرخص من كرتون الرمّان الطائفي في ((اول قطفه)) اتمنى ادارة الهلال تبحث عن لاعبينهم وليس بشرط اللاعبين الموجودين في تشكيلة كأس العالم والدليل رادوي لاعب روماني ولو كان فقط جنسيته انقليزي او ايطالي لشاهدناه يلعب حالياً في ميلان مع العلم ان الانديه الاوروبيه طلبت رادوي ولكن اللاعب الاوروبي من دوله غنيه له بريق آخر والله أعلم 10- طموحي الأول والاخير ملعب هلالي من العشب الصناعي يتسع لـ35 الف مشاهد مغطى ومكيّف 11- طموحي الثاني إستقطاب عشر كشافين من دول العالم قاطبه لإيجاد مواهب سعوديه ((وليس طريقة الواسطات وكل لاعب معتزل يجيب ولده)) لأن الذهب لايُصنع بل يتم إيجاده. 12-طموحي الثالث صالح السلومي أن يحضر لاعب من البرازيل ويكون ظهير صالح السلومي قد أحضر لنا تفاريس وكماتشو وهذا اللاعب تم تناسيه مع انه يتحدث البرازيليه بطلاقه ((بحكم زوجته البرازيليه والله اعلم)) وأستغرب من إدارة الهلال ((سهجته)) 13-آخر طموحين ان يرحمنا الله ويخفف عذابنا وان يشفي مرضانا ويوفق طلابنا قال ابن تيميه : "العبره بـ كمال النهايات وليس في نقص البدايات" وصلى الله وسلم على سيدنا محمد وعلى آله وصحبه |
انا قريت الموضوع لاكن وقفت عند نقطة سامي دريت بعدها انه الهلال لويجيب مين ماراح يعجبك اذا سامي مااعجبك وهو لاعب اجل من الي اعجبك انت مع احترامي لك اخوي اذا هو لاعب هو اسطورة اسيا ومااعجبك من الي اعجبك طيب ؟؟؟؟؟؟ وثانيا كيف فيصل الجمعان لاعب سعودي جدا حتى ياسر لاعب سعوي اب عن جد هههههههه والله بعض الفلسفة مشكلة والدعيع تبغاه يعتزل والله ماعليش خانك التعبير الدعيع يبقى اسطورة الحراسة الاول واتمنى استمراره الي بعد الاسيويه الاختلاف براي لايفسد للود قضية |
اخوي انا اتوقع فيصل لاعب فيه شوي مهاره يعني شفت له كم مقطع وكم هدف الولد عنده حاسة تهديفيه مش بسيطه وانا الي يخليني اثق في ذا اللاعب هو اختيار الداهيه جيرتس لـه بالاسم يعني حط في بطنك بيض مدري بطيخ صيفي مشكور على الموضوع لكن ابو عبدالله لحاله اذا ما اعجبك فهذا يظل وجهة نظر خاصه فيك |
شوف يآصآحبي آوآفقك الرآي في بعض النقآط ولكن في البعض الآخر آخآلفك شكلآ ومضمونآ .. مسآلة فيصل الجمعآن آتفق معك انه لاعب عآدي ولن يخدمنآ .. مسآلة سامي الجآبر عسى ماشر الآرقآم والآحصآئيآت تتكلم .. آن هدآف الهلال التآريخي ب 280 هدف .. يعني مسآلة انه مايعجبك آكيد ان السالفه شخصيهـ . ^_^ حسن معآذ لآعب جيد .. الزوري لأنه مافيه لآعب آحتيآطي له هو بهذآ البرود .. الدعيع لو يبتعد عن التفكير بالآعتزآل .. رآح يثبت مستوآه !! يعني يالدعيع آمآ آنك تعتزل وينتهي المووضووع آو آنك تنسى الآعتزآل آلى بعد آسيآ بالنسبه لسلوفينيآ معلومآتك شوي يجآنبهآ الخطآ .. اللاعبين اللي يعتمد عليهم المدرب يلعبون في آفضل الآنديه اللي متصدره دوريآتهم .. شكرآ ع النقآط لي عوده |
اول شي هلا فيك موضوع مع احترامي لك بدون اي هدف او غايه بالنسبه لفيصل الجمعان ، فـ سؤالي لك ، وش فايدة توقعك انه بيجي وعلى اي اساس ؟ ووش معنى كلاسيكي وعلى اي اساس حكمت عليه انه كلاسيكي وانه ما راح ينجح مع الهلال ؟ ومن ناحية سامي ، هذا شي راجع لك تحبه او تكرهه ، لكن وش السبب اللي خلاك ما تحب سامي ؟ ممكن يكون سامي عادي عندك ولكن انك ما تحبه غريبه صراحه ! وما عليك تطمن محد ذابحك ، اللي يحبون سامي يبونك تجاوب على هالسؤال بس ! وبالنسبه لفيصل الجمعان ما احد عارضك او تكلم ، بالعكس الجميع يقول هداف دوري الشباب المفروض ما ننسقه وطلعت اصوات ضد القرار فيه تناقضات كثيره في طرحك يالغالي ، مثل انك تبي لي يونق وانه بطل وما تبي تستغني عنه وبعدين في اخر الموضوع تقول خلو صالح السلومي يجيب ظهير من البرازيل ، وتبي لاعبين من سولفينيا ، ولا ادري وش السبب اللي خلاك تبي من سولفينيا لاعبين وانت عندك لاعبين على طراز عالي وموجودين ويقدمون اداء عالي بشهادة جميع النقاد وانهم الأفضل على الساحه الرياضيه وهل التركيز يفقد النجوميه ؟ اول مره ادري يالغالي ! خلاص يالدعيع لا تركز ! وما هدف الكشافين اللي من دول العالم في الداخل ؟ ما ينفع سعوديين يعني ؟ هماك تدور الرخص قبل شوي ؟! معليش يالغالي لكن ما توفقت ابداً في طرحك ، وكنت متكلف جداً وبدون اي هدف في كتابتك لموضوعك ، ولا ادري على اي اساس بنيت حتى توقعاتك . |
إقتباس:
بالله كيف با سلوبه علاقاته عدل النادي اترك الاجابه لك :s3s: بالتوفيق للهلال يارب :smilie47: |
مشكور اخوي ع الموضوع بس فيهـ نقطتين او ثلاث ودي اشير لها اما سامي مااعجبك وهو لاعب .. هذي وجهة نظرك بس والله سام 6 مبدع وفنان ولبق اما فيصل الجمعان .. (انا صراحهـ ماادري كيف وش اقول لك) بس فيه لعيبه افضل منهـ بكثير واوفر للمال مثل حمد الجهيم لاعب الطائي مبدع قليلهـ في حقهـ وعندك لاعب النجمه زامل السليم مبدع بعد اما فيصل ..!! ولاكن نتمى لهـ التوفيق .. |
((خل نقول لاعب سعودي جدا)) ممكن تفسر لي هذي الجمله وباقي الآعبين نص سعودي نص بنقالي!!!! |
وش اللي يثبت انك راهنت على فيصل .... وبعدين اذا سامي مايعجبك من يعجبك ولا بعد تتهمه انه ممشي النادي بعلاقته هه والله حاله حاقدين وينثرون سمومهم باسامينا ..... |
إقتباس:
أنا ودي اعرف يوم تكتب هالموضوع وش كنت تاكل لأن بعض المؤكلات لها تأثيرات خطييره :d بس صراحه موضوع فكاهي و متعوب عليه من جد :d و الله يقنعك بركة اللاعب اللي تحبه :naughty: |
ياجماعه خلون شوي ؟؟؟؟؟؟؟؟؟؟؟ وقفه عليك تحب سامي ولا تكرهه منو انت وايش تأثيرك للهلال وبطولاته تأتي وتتكلم عن أحد أهم من جعل السعوديه يذكر أسمها الى الان في جميع اصقاع المعموره ويدون اسمه في سجلات الفيفا نعم سامي محارب منذ زمن واثبت للعالم قدرته التهديفيه بجميع اشكالها لانه يلعب بعقل قبل ان بلعب بجسد نعم انه من النوع الفريد النادر التي عجزت ان تنجب الملاعب مثله بحسه وفهمه وقدرته على التأقلم مع اي شخص حتى وأن اختلف معه . يـــــــــــــــــــــــــــــــــــيقى ســــــــــــــــــــــــــــــــامـــــــــــــــــي والبــــــــــــــــــــــاقـــــــــــي أسامـــــــــــــــــــــي |
عكـــــــــــــــــــــر صباحــــــــــــــــــــــي |
وش السالفه ؟؟؟؟؟؟؟؟ ؟؟؟؟؟؟؟؟؟؟؟؟؟ |
الف شكر لك اخوووي وبالتوفيق للجمعان مع الهلال ممكن جيريتس له نظره بهذا الاعب احنا مانعرفها ...لانو هو المدرب وعارف مصلحه الفريق ... بس انا اخالفك ان سامي ذكي وليس ناجح ....لان لو ماكان ذكي كان مانجح ...هالصفتين لازم يكونو مع بعض واجتمعو في سامي .... بالتوفيق للهلال الموسم المقبل |
ياشباب اتووووقع والله العالم يقصد بلاعب السعودي يعني لعبه تقليدي خارج عن الاحتراف اماااااااااااا سامي قووووووووووويه:ranting: في كره من والدك لسامي او اقاربك عادي قوول انا ابوووي يكررررره سامي والهلال لأنه اهلاووووي نشب لدين ام الأنديه:s4s: واسياا |
| الوقت المعتمد في المنتدى بتوقيت جرينتش +3.
الوقت الان » 10:14 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd