اول شي السلام عليكم ورحمة الله وبركاته

ياجماعة الخير ايها الرقم الصعب انا بدخل بالموضوع مباشرة بدون مقدمات

كم واحد كتب بالله في المنتدى اللاعب الفلاني بيروح واللاعب الفلاني بنتقل وانا سمعت وانا قالي واحد
وانا وانا وانا وانا وانا؟؟؟؟؟؟

الى متى وحنا على هذا الحال الهلال نادي عريق وكبير وله تاريخه وياما وياما انتقل لاعبين ومدربين
وانطرد مدرب وقلنا خلاص الهلال انتهى وصرنا مثل الأصفرين في تذبذب ماله نهايه

والمشكله كلكم شايفين بعينكم كل مره يروح لاعب او مدرب يجي افضل منه والهلال مايوقف على لاعب واحد الهلال للمره المليون وبالفم المليان اقولها بعد توفيق الله سبحانه بلاعبينه الموجودين واللي راح يجون واهم شي لاننسى الرئيس الله لايحرمنا منه وأعضاء شرفه الفعالين وانتم يالجمهور الهلالي وراء وراء الزعيم

البعض يتكلم ويجرح في الرئيس والبعض يجرح في أعضاء الشرفوالثاني يقول اللاعب الفلاني مانبيه ووووووو
ياماتكلمنا وحللنا وفي الأخير وش اللي صار لعبنا على كل النهائيات وبكل أستحقاق وجداره واخذنا ولله الحمد كأسين غاليه على قلوبنا وتأهلنا لدور الثمانيه بعد توفيق الله سبحانه

خلونا ندعم نادينا بحضورنا وخلو الأداره على راحتها هي ابخص مننا فيها ناس أكفاء وأفضل مننا بمراحل
ولو يجيني لاعب أجنبي من لاعبين الهلال بنفسه ويقولي انا بنتقل ويعطيني صوره من عقده ماراح أكتب ولا راح أقول هذا عقده انتقل الا بقوله انت الخسران وبنتظر اللاعب القادم اذا وقع معه الهلال وأجيب تاريخه لأني ادري انه بعد توفيق الله راح بيدع مع الزعيم

والتاريخ يشهد ان الهلال ماراح منه لاعب او مدرب الا وجا أفضل منه بمراحل وأرجعو لتاريخ الهلال والكل يشهد على كذا الهلال بالموجودين واللي يجي الله يحيه نقهويه وندخله الملعب ونحكم عليه مو بعد المباراة على طول نصبر ونشوف وياما جانا لاعبين مبدعين نسينا وولي لما اول ماجا وش قلنا عنه وبعدين وش صار وكل اللاعبين والمدربين راح يمشون على هل المنوال
قسم بالله دمرتو عقولكم وتفكيركم بالأنتقالات خلونا منها الزعيم زعييييييييييييييييييييييييييييييييييم

وخلونا في مبارياتنا الوديه الجايه اهم شي وبعدها بأذن الله راس آسيا

وفكونا من الأنديه الثانيه اللي جايب خبر تعاقدات نادي الغرافه واللي جايب كلام أتحاديه في منتدى الغرافه عن نقاط ضعف الهلال وقوته واللي واللي
مو حنا يابنو الزعيم اللي نراكض ورا الأنديه الأنديه اللي تراكض ورانا ولايقدرون علينا
يحلموووووووووووووووووووووون بعد توفيق الله سبحانه
وشي مو مستغرب هذي الحركات شي طبيعي كل أنسان ناجح محارب وكل نادي ناجح مثل الهلال راح يكون محارب من الأعلام والمنتديات ولجنة الأنحطاط ووووووووووو

كبرو عقولكم يالهلاليه انتم اكبر من المستويات هذي والهلال يصنع النجوم مو النجوم تصنعه

آسف على الأطاله وأعذروني على الأسلوب لكن كتبته من قهر من اللي قريته وشفته

هذا وصلى الله على نبينا محمد وعلى آله وصحبه أجمعين