بسم الله أول شيء اذكرو الله وقولو ماشاء لله ولا اله الا الله

والله يا بعض الردود ودك تمسك راعيها وترررررنه رررررررررن على قولة ناصر القصبي أنتم تتكلمون عن مين أنتم تتكلمون عن أسطورة كرة القدم مو بس أسطورة الحراس ماشاء لله تبارك الله هذا اللاعب الفذ اسطوورة بكل ما تحملة الكلمة من معنى وأنا أتحدى أن مجمل الدقائق الي لعبها أكبر من عمر بعض الأعضاء الي يردون بدون أحترام هذا اللاعب مارس الرياضة وعمره 8 سنوات يعني قبل ثلاثين سنة يعني يوم كان عمري سنة وانا اصيح ادور رضاعتي كان الدعيع حارس ناشئ الطائي لكرة اليد بعدها بعدة سنوات لعب مع فريق ناشيء الطائي لكرة القدم يعني الأسطورة الدعيع عدد الأيام الي قضاها في معسكرات وفي أندية تتجاوز بعض أعمار اللاعبين ماشاء لله عليه والله لا يضره يعني نبي نتكلم باحترام يوم نتكلم عن الدعيع لو سمحتوا .


أما بالنسبة مع أو ضد أعتزال الدعيع فأنا أقول أن الاسطورة الدعيع يبي يعيش حياته وتوه شباب الله يعطيه الصحة والعافية وما عاش مثل ما عاشوا أغلب الشباب طول وقته معسكرات وتدريبات وسفريات وغربة وبهذله ضغووط نفسيه ما يعلمها الا الله فالحين فرصته للراحة الدعيع قدم الكثير للمملكة مو بس للنادي قدم أكثر مما قدمه الآف من ابناء الوطن لوطنه بذل وأعطى من جهدة ووقته وأفاد وأستفاد فلماذا الآن عندما بدأ التفكير في الاعتزال نكون سبب ضغط على أعصابه يعني مو ناقص اللاعب هالمواضيع لكن أن اراد وجهة نضري كأخ صغير له أقول ما قصرت يابو دعيع سويت الي عجز عنه الكثير وأتعبت الي بعدك مو على مستوى المملكة بس بل على مستوى العالم الوقت الآن مناسب جدا للإعتزال وأنت قادر على العطاء خاصة وأنت شباب بعمر 38 سنة معاك وقت تشوف أمورك وترتاح وتتفرغ لعائلتك واطفالك وتربيتهم في مهمة أصعب من الحراسة الوقت هذا مناسب لانه في أول الموسم تقدر وقتها ترتب أمور الاعتزال مع النادي ومع أحبائك وتشيل عن أكتافك هم الاعتزال خاصة انه راح يأثر عليك مع ضغط المعسكرات والتدريبات ويأثر على أدائك هذا الوقت المناسب لان الهلال ظهر بصورة ممتازة هذا الموسم وأنت كنت احد الركائز في هذا التميز الوقت مناسب لتبدأ حياتك الخاصة في سن مناسبة جدا لانهاء المشوار الكروي الحافل بالانجازات وأنا أطلب منك تأجيل مسألة الاعتزال بعد الاختبارات مع ابلاغ النادي برغبتك لكي لا تؤثر على محيطك الأسري بهذا القرار بعدها عند أعلان الاعتزال ستجد المملكة كلها كبارها وصغارها يقفون بجانبك لاننا عشنا معك اجمل اللحظات الكروية في حياتنا .