تكفى لايفوتك الرقم هذا !
 

السلام عليكم ورحمة الله وبركاته

هذه اول مشاركة لي في المنتدى وحبيت تكون الافتتاحية بشيء ينفعني وينفع اخواني (( طبعا بعد اذن الادارة )) .. ممكن البعض يقول اكتب مشاركتك في المنتدى الاسلامي او المنتديات الثانية .. انا حريص على نشر الخير وكسب الاجر لاكثر عدد وجمهور الهلال ماشاء الله عددهم مغري لمثل هالمواضيع .

شباب كلنا معانا جوالات وكل واحد مخزن ارقام كثيره فيها المهم والضروري والعادي وكل هالارقام المخزنة في جوالاتنا راح يجي يوم نفارقها ونتركها ومايبقى لنا الا رقم واحد بس هو اللي يفيدنا بعد انتقالنا من هالدنيا .



- تخيل انك جالس ع النت ولا مسافر ولا نايم ولا مداوم ولا ولا وفيه حسنات تحول لك وانت قاعد تمارس حياتك !


- تخيل انك في قبرك تجيك حسنات وتدخل في رصيد حسابك وانت ميت !


- تخيل انك يوم القيامة تجيك اعمال صالحة انت ماعملتها ولا تعبت فيها !


من وين لنا هالاعمال وهاالحسنات سواء في الدنيا ولا في القبر ولا في الاخرة ؟


هذي من خلال تخزينك للرقم 0555988899 في جولك هذا الرقم هو رقم دعوة الجاليات في البديعة وممكن ترسل لهم بيانات اي شخص مو مسلم وتكون البيانات مثل الموجود بالصورة لازم تتقيد فيها وماراح يكلف عليك شي لاتكون كسول وعجاز انا وانت محتاجين لربنا والشغلة بسيطة جدا تاخذ بيانات الشخص اللي تبغى تدعوه بطريقة لبقة انت وذوقك ثم ترسلها ممكن انت جالس في بيتك او مع اصحابك في الكوفي لازم نقدم شي لديننا بعمل بسيط والاخوان في مكتب الدعوة هم اللي راح يتواصلون مع الشخص وهم اللي يتعبون ويتابعون انت مجرد فقط توصل بيانات وشوف لو دخل هالشخص الاسلام وصار يقرأ قران ويعتمر ويحج ويتصدق ويصلي شوف كلل عمل يقوم فيه راح يكون لك نفسه (( من دل على هدى فله اجره واجر من عمل به )) ياسلاااااااااااااااا ااااااام انا جالس في بيتي ويدخل في رصيد حسناتي بسبب (( رسالة جوال )) ياربي مااوسع رحمتك ومااعظم رحمتك .


- قبل النهاية ابغى اذكر لكم هذه القصة البسيطة .. فيه امرأة كبيرة اوربية تركت اوربا ورغد العيش ونذرت نفسها لخدمة معتقدها الباطل النصرانية ( المسيحية ) وهاجرت الى ادغال افريقيا في الفقر والجوع عشان ايش ؟ وهي امرأة ! عشان تبلغ دينها الباطل .... طيب ياشباب حنا رجل وديننا دين حق والشغلة بسيطة مافيه داعي نسافر ونهاجر ليش مانقوم بعمل بسيط يمكن يكون سبب لدخولنا الجنة .


- جزاكم الله خير وجزى ادارة المنتدى على اتاحة مثل هالفرصة وانا تعمدت اؤجل مثل هالموضوع بعد نهاية جميع الانشطة المتعلقة بالفريق .. وعلى فكره انا جربت هالطريقة واخذت جوال واحد هندوسي يبيع مستلزمات بيت وقلت له صديق عطني جوالك عشان اذا بغيت شي للبيت اتصل عليك وانبسط وعطاني جوله يعني بديت بأخذ الرقم وبعدين قلت له وش اسمك عشان اخزنه قال لي ( راجو ) طبعا انت راح تعرف اسم الغير مسلم من تركيبته راجو - كريشنا - كومار - موهان - مونيان كلها اسماء غير مسلمين وبعدين تبين له انك ماتعرف وتقول له مسلم ؟ بيقول لم لا طيب انت هندوسي ولا كريستيان يعني ( مسيحي ) بيقول لك ديانته وبعدين تسأل من وين من الهند ( مثلا ) بيقول لك من كيرلا طيب كيرلا اي لانقوج يعني ( لغه ) بيكون اما ( مليباري او تاميل ) هذا مثال وانت وشطارتك يابطل .

- انتبه ! لاتقول انا ماني شيخ ولا ماني مطوع ولا عندي ذنوب وافعل بعض الخطايا .. ترى الحال من بعضه كلنا اهل تقصير لكن لانستسلم للشيطان .


http://www7.0zz0.com/2010/06/03/22/935954899.jpg

جزاك الله الف خير , لمنتدى الثقافة الاسلامية.

جزاكم الله خيرا على تفاعلكم.

جزاااااك الله الف خير
ونفع بك الامه الاسلاميه