إقتباس الرسالة الأصلية كتبت بواسطة ابو مازن عاشق الزعيم في مرسيليا جريتس في الموسم الثاني له مع مرسيليا طلب لاعب من نادي فرنسي مغمور لايحضرني اسمه المهم اللاعب اتى لمرسيليا وقدم مستو ى غير طبيعي واللاعب على ماعتقد فرنسي 000 وفي البدايه والنهايه التوفيق من عند الله0

مع مرسيليا ياباشا احسن مركز جابه المدرب المركز الثاني !!

شوف يالحبيب ... بالنسبه لعيسى المحياني .. أهو لاعب مافي أحد يختلف عليه .. لأنه لاعب صندوق ..

وهداف من طراز نادر .. والكوره في الصندوق ... تأكد أنها راح تكون هدف .. لكن المشكله الي وقع فيها المحياني

أنه جاء في وقت جيرتس .. والكل عارف جيرتس .. وشلون طريقة لعبه .. يعني ... يحب اللاعب الي يتحرك .. ولا يستكن

يحب الأدوار دائما ماتكون متغيره يعني مره تحصل اللاعب الفلاني على طرف والأخر على طرف أخر .. والعكس صحيح

يعني .. يحب العب السريع .. وعيسى .... ستايل لعبه .. ماتنفع مع طريقة جيرتس .. عيسى بارد .. ودخوله في الفورما يبغالها وقت

فما بالك .. عاد أنه لاعب صندوق فقط .. يعني تحركه خارج الصندوق مستحيل .. على فكره عيسى أنا من عشاقه الأبديين ولازلت

للاعب هذا كل الحب ... والعشق بعد .. لكن ... هذا رأيي في عيسى .. أما فيصل الجمعان ... فهو يختلف كليا عن عيسى .. صحيح

الهلال نسقه .. وراح لنادي .. مع إحترامي الشديد اي كلام .. لكن أهو لاعب سريع .. ومهارته نوعا ما جيده أضف إلى ذلك بنيته

الجسمانيه رائعه .. واللاعب يتحرك .. في الملعب كثير .. وهذا الي يبغاه جيرتس .. يعني جيرتس أكيد وضع للهلال أكثر من خيار

بالنسبه للاعبين .. ولو تلاحظ .. الهلال بدأ في مالك معاذ بعدين حسن الراهب .. بعدين فيصل الجمعان .. وهذا كل يدل على أن

صحيح .. أن جيرتس يبغى لاعب شعله وتحركاته كثير ... وهالمواصفات ماتنطبق ألا على هالأسماء بغض النظر عن المستويات .

أتمنى أني أكون وصلت وجهة نظري .. وشكرا على الموضوع ... وأسف على الإطاله ...

الجيعان ياكل اكثر من الشبعان وانت افهم يا فهيم

لو راح عيسى المحياني للاهلي وجلب الجمعان بديل عنه والله سقطه كييره لاداره الامير عبدالرحمن بن مساعد ولا ويقولون مايبغون مهند عسيري الشاب الي له مستقبل باهر ويبون الجمعان المنسق ولو فيه خير ماكان نسقه الهلال ولا ويقولون مايبون كامل المر وكامل الموسى وعبدالرحمن القحطاني والي الهلال كان محتاجهم بالبطوله الاسيويه وكمان مايبون يحيى الشهري ويكون بديل لويلي والهلال ماعنده لاعب بديل لويلي وسط ايمن والله مدري وش اقول لاكن بهالطريقه اتوقع راح تكون نكسه للفريق الموسم المقبل كل الفرق تدعم لاعبيه بالنجوم واحنى........ واتوقع ماراح نتجاوز الغرافه باسباب كثيره

هل يقارن المحياني هداف الدوري بلاعب احتياط بالفتح والله مصيبه
ولا نعلم ماتخبي لنا الايام ياجريتس والفلسفه التي اتوقع تطفئ نجومية
لاعب كبير ذو اخلاق ولاعب منضبط مثل طلق المحيـا اصبر يابطــــل

المحياني يمكن ثاني او ثالث افضل مهاجم سعودي خصوصا بعد اصابة ياسر

شوف الفرق عيسى هداف لكن غير مشاغب وبطيى <<<@>>> فيصل الجمعان مشاغب وسريع و لكن ليس لاعب صندوق

وطريقة جيرتس على الاطراف لكسر التكتل الدفاعي...

صراااحه ما ادري ليه قيرتس مصر ع احضار فيصل الجمعان وعنده عيسى المحياني

لا اعلم ليه ولماذا .... ؟؟

هل يعقل ان عيسى المحياني ليس لاعب هداف ولماذا ياقيرتس تدمر هذه الموهبه بوضعها في دكه البدلاء

وهل يعقل ان لاعب هداف مثل عيسى المحياني تضعه احتياطي لااحتياطي باحاضر فيصل الجمعان .... ؟؟؟

انا اقول الله يكتب الي فيه الخير ان شاء الله

×
×

أخووي المدرب وهو حر ..

×
×
...............................

ايه كلامك صحيح ايجابيات عيسى المحياني:لاعب كل مادخل يجيب لك اهداف ما شاء الله ولاعب مهاري وفنان، والسلبيات :لاعب بطيئ

والله شف فلسفه المدررب لاتعتمد على حجم الاعب
يمكن الجمعاان يخدم المدرب في التشكيله افضل من عيسى
بعدين يكفيك ان جريتس طلبه با الاسم يعني المدرب مقنع به

انا اتفق معك اخوي في وجهة نظرك.....وانا احس النجم عيسى المحياني طلق المحيا مظلوم كثير مع هذا المدرب الداهيه والصارم

فعيسى لم يجد الفرصه الكافيه لكي يبدع ويثبت نفسه.... ورغم المباريات القليله التي شارك فيها الا انه ابدع فيها وسجل في جميع

المباريات التي شارك فيها كااساسي الا في مباراه او مباريتين...واذكر ان احد الاخوان لايذكرني اسمه انزل موضوع في هذا المنتدى

عن النجم الرائع عيسى المحياني وذكر ذلك في وموضوعه...واعتقد هذا يدل على نجومية عيسى المحياني وانه مظلوم من جريتيس


اما باالنسبه لفيصل الجمعان فلا اعتقد انه سيفيد الهلال وخصوصاً انه لم يسجل مع الفتح الا ثلاثه اهداف طوال الموسم

وقس على ذلك كثرة غياباته وعدم انضباطه...واتمنى ان تكون وجهة نظري خاطئه ويبرز فيصل وينتظم ويكون نجم مميز


مشكور اخوي زعيم جريتيس على الموضوع...والله يعينك على برد تبوك في الشتاء اما هذي الايام فهو صيف عندكم في تبوك

بالتوفيق للزعيم

اللهم وفق الهلال