نادي الهلال السعودي - شبكة الزعيم - الموقع الرسمي

السلام عليكم

** بالبدايه عتب محب بعد نهاية المباريات لاحظت على بعض الجماهير الهلالية بالمنتدى اي شخص ينتقد اللاعبين يتم التهجم عليه وعلى موضوعه يعني لو كان الهلال لا قدر الله خسر مباراه واحد الاعضاء كتب موضوع ينتقد فيه يتفاجأ بانتقاد موضوعه وهذا مو وقته ومدري ايش مواااال طويل مع العلم اننا بموقع هلالي وبقسم خاص بالجمهور الهلالي يعني اذا المشجع الهلالي ما عبر عن رأيه افضل اننا نوقف الموقع وخلاص اما حدث ولا حرج اذا كتب شخص انتقاد للادارة يوووه صارت فضيحته بجلاجل ومطالبات بحذف الموضوع كلامي مو معناته اني مع الانتقاد الشخصي انا ضد الانتقاد الشخصي لاي شخص سواء اداري او لاعب او عضو مجلس ادارة لانهم مهما صار هم مضحين بوقتهم وبعضهم باموالهم من اجل خدمه الكيان اللي اتمنى اننا نكون فعالين بالطريقه المناسبه لكن مو نهمش الاراء يعني الشخص اللي يتهكم على موضوع عضو اخر ويصادر رايه من اللي عطاه الحق هذا خصوصا ان الامير عبدالرحمن يرحب باي انتقاد بناء واكرر على بناء .

** بصراحه قبل فترة طرحت موضوع ( رسائل محب ) وكتبت فيه اني مع رحيل ويلهامسون ونيفيز بصراحه انا تراجعت عن رايي بخصوص نيفيزواقول بصراحه نيفيز هو نجم المرحله القادمه للهلال خصوصا بعد فترة الراحه واذا ان شاء الله سوى اعداد كويس مع بقيه النجوم وفكه الله من الاصابات راح يكون نيفيز مطلب لفرق عالمية بمبالغ اكبر من 10 ملايين يورو اللي تقول الاشاعه ان روما مستعده لدفعها وتذكروا كلامي اما بالنسبة لويلهامسون حتى لو انه اخذ اكثر من جائزة بس ويلهامسون الموسم القادم ماراح يفيد الهلال وراح تشل حركته من اغلب الفرق خصوصا ان اغلب الاندية المنافسة جلبت مدربين جيدين جوزيه وسكولاري وزينجا وفارياس يعني مراح يتركون له اهي مجال ويلهامسون تحت الضغط والرقابه ماراح نستفيد منه .

** جريتيس سوال بسيط ليش ماتم استغلال عيسى المحياني مثل حسن العتيبي يعني بصراحه اللاعب جاء للهلال وهو نجم واختفى بالهلال صح انه يشارك كثير احتياط بس انا ملاحظ ان التركيز على ياسر كثير حتى باوقات كان ياسر فيها مو بافضل حالاته انا مو ضد ياسر بالعكس انا متاكد ان ياسر افضل مهاجم بالمملكه بس اللاعبين تجيهم ايام زي ماقال سامي (bad day) كان الافضل استغلال عيسى خصوصا انه معروف عنه هداف صندوق بصراحه نادر وراح نخسر اذا صار زي ماتتكلم الصحافه عن انتقاله للاهلي شفنا كيف ندمنا على فيصل الجمعان حتى بدر الخراشي كان بالهلال وراح للاهلي وصراحه بدع لاعبين الهلال اولى فيهم اتمنى منك ياسيد جيرتيس استخدام طريقه التدوير خصوصا ان ياسر راح يحس بالمنافسه وراح يحترق عشان مركزه وانت الكسبان لانك بترجع ياسر لافضل حلاته وتكسب مهاجم ثاني من افضل المهاجمين .

** هالايام الكل يتكلم عن التنسيق انا عندي راي بسيط القائمة الملطوب منهم 26 لاعب محلي ليش ماتصير القائمه مثل قائمه المنتخبات يعني تكون متوزعه على المراكز بحيث نغطي كل مراكز التشكيلة بحيث مايكون عندنا ستة محاور وضهير واحد واللاعبين مايكون فيه تنسيق نسوي زي الانديه الاوربية والهلال سواها بس الهلال ماستفاد من لاعيبته شفنا احمد عباس كيف راح من الهلال اعاره لحد منتهى عقده وصار حر بالانتقال انا اتكلم اعاره مشروطه بالاعاده متى ما احتاجه الهلال مثلا صفقه فيصل الجمعان لو بدال الملايين عطينا الفتح اكثر من اربع لاعبين راح يستفيد الفتح وراح يستفيدون اللاعبين وراح يستفيد الهلال انه جاه لاعب بدون دفع مبالغ خصوصا اذا تكلمنا عن لاعبين مايحتاجهم الهلال بهذا الوقت انا اتكلم عن لاعبين مثل العنبر او سعد الذياب او بندر العنزي او صالح الدوسي او عمر الغامدي مع ان هاللاعب هو رئة الهلال بس للزمن احكامه صدقوني لو يتم استغلال هالنقطه صار الهلال بامكانه جلب اي لاعب مقابل لاعيبته خصوصا اذا اللاعبين المعارين تاكدوا من نقطه انهم راح ينتدبون لاندية اقل من الهلال صحيح بس راح يلعبون اساسين ومتى ما اثبتوا نفسهم راح يرجعون للهلال مثال بسيط بوريلو الايطالي اعاره ميلان لجنوى او بارما ماني متاكد واخذ معاهم ثاني هدافين الكالشيو بعدها اعاده ميلان وصار المهاجم الاساسي وراح للمنتخب وبنفس الطريقه راح يكون الهلال هو الكسبان الاول والاخير
اما بالنسبة للاعبين اللي راح ينتقلون لانديه والهلال مايبي اي لاعب ليش ماناخذ منهم مقابل مادي لو حتى بسيط بس اي مبلغ بسيط مع مبلغ بسيط يصير ناتج مبلغ كبير .

** الهلال ليش مايصير عنده كشف بالرواتب للاعبين قبل كل بداية موسم يعني مثلا لو فرضنا ان سنة 2010 رواتب العاملين بالهلال 10.000.000 نسوي زي الحكومة وهي منح البنك عشر رواتب ببداية السنه والبنك يامن الراتبين الباقيات وبكذا اللاعبين راح تنزل رواتبهم شهريا بدون تاخير وكل العاملين واذكر محمد بن فيصل بفترة رئاسته قال انا عندي ستة مليون رواتب صدقوني لو صار فيه تعاون مع احد البنوك ما استغرب اذا ماتكفل البنك بمعظم الرواتب مقابل بعض الدعايات او مقابل فتح حسابات اللاعبين بهالبنك او منح البنك اماكن صرافات او مكان صغير لفتح فرع صغير بنفس النادي اتوقع البنك بيسدد كل الراتب بعد اذا سوو نجوم الهلال دعاية له .

** النقطه الاخيره متى يتحقق حلم جميع الجماهير الهلالية بقناة الهلال وملعب الهلال اتمنى نقطع نصف الطريق هذا الموسم وعدم التاجيل اكثر من كذا خصوصا اذا صار للهلال ملعب بامكان الهلال لعب مباريات تحضيريه بنفس الملعب زي ما كان الاهلي المصري يسوي زمان جاب اغلب الفرق العالميه وكم استفاد رعايه ودعايه واحتكاك للاعبين .

اسف على الاطالة واتمنى تقبل موضوع وانتقاداتي بصدر رحب من الادارة والاعضاء ..

ابو خالد