|
منتخبنا السعودي + المنتخب الاسباني ( تحليلي الشخصي ) السلام عليكم ورحمة الله وبركاته الشوط الاول : الدقائق الاولى كانت هي الاخطر لنا وبعدها استلم المنتخب الاسباني زمام الشوط الاول كاملا بدا المنتخب الاسباني لعب كراته البينيه وكأنه في حصة تدريب اصبح الاسبان يمررون الكره فيما بينهم بسهوله تامه دون اي مضايقه من لاعبي منتخبنا وهذه نقطه سلبيه على المدرب بيسيرو , الذي من الافضل ان يهيء اللاعبين , وايضا يعطي تعليماته بأن الاسبان يلعبون التمريره الواحده والسريعه . لم نرى اي كره خطره بعد الهدف . الشوط الثاني : تحسن اداء المنتخب قليلا جدا وذلك يرجع للتغييرات التي اجراها بيسيرو , التي من المفروض ان تكون من بداية الشوط الثاني . لازالت الكرات العرضيه هي نقطة الضعف الكبيره في منتخبنا , كلنا يأمل ومنذ فتره ليست بالقصيره ان يجد كل مدرب حلا لهذه النقطه . بصراحه , نايف هزازي , احمد الفريدي , عبده عطيف , احمد عطيف ... هؤلاء كانو نقطة ضعف في منتخبنا , تمريرات خاطئه , انانيه , برود . مايعيب منتخبنا في هذه المباراه ايضا هو: تباعد اللاعبين عن بعضهم , نجد من يستلم الكره لايجد حلا لديه , وتقطع الكرة منه وترتد علينا . من خلال المباريات الوديه يجب عليك كمدرب ان تعطي اللاعبين نبذه عن المنتخب المقابل , نقطة ضعفه , طريقة لعبه , وغيرها من الامور التي من صالحها ان تخدمك . ختاما : الى متى يا اتحادنا السعودي وانتم متعاقدون مع شركة بوما الفاشله جدا جدا جدا جدا رأينا الاطقم كيف كانت مضايقه للاعبين , واقرب مثال اللاعب عبدالله شهيل التيشيرت كبير جدا عليه , لماذا لايؤخذ مقاس كل لاعب , او يكون الحل الافضل ان يقوم اتحادنا الموقر بتغيير الشركه والتعاقد مع : adidas او شركة نـايك . تقبلو ودي |
اولا اتفق معك بكل النقاط الي قلتهاا وخاصتاً التشيرتات |
سبب الخسارة وسبب كل خسارة قادمة إن كان بيحرس هو وليد عبدالله .. ما يدير أم الحراسة ! أتمنى ضم حسن العتيبي فهو كفء لهذا المكان الذي يعد نصف الفريق |
والله الفريدي لوحده نكبه من تمريراته الخطأ |
يآلبى ابو كلبشه بسسس آبداع الصخره :) :) |
قد اختلف معك كثير في نقطه مهما اللي هي انك تقول لاعبين السعودية مايضايقونهم بالعكس جدا المنتخب اللي ميزه في المباراة اليوم ضغط على حامل الكرة ولو اعطوا المساحات المنتخب الاسباني كان ماانتهت المباراة بهذي النتيجة !! وهذا اللي مركز عليه بسيرو في المباراة هذي ومباراة نيجيريا! وكان مفعوله ممتاز عيب المنتخب من ايام التصفيات كأس العالم هي ماعندنا صانع لعب حقيقي عبده عطيف لاينفع ابداً من بعد نواف التمياط لم يأتي لاعب خلف اللاعبين يحدث الفارق !! عبده عطيف لايسلم ويسلتم بشكل سليم او سريع او ايصال الكره للامام لاعب يستعرض كثيراً اكثر من انه ينهي الهجمة بسرعه مثل لاعبين الكبار تشافي او فابريقاس يحطلك الكوره بسرعه بدون اي فلسفه او مهارات !! صراحه اللاعب الوحيد اللي ممكن يحل مشكلتنا في الوقت الحالي الشلهوب الدوري السعودي في الوقت الحالي يعيبه لا يوجد لاعب صانع لعب الا قليل وقد لايكونون في ذلك المستوى والدليل على كلامي شوفوا اغلب الافرقه جايبه لاعبين صانعين لعب مثلنا في الهلال والنصر والشباب وغيرهم اتمنى في المرحلة القادمه تطوير لاعبين الوسط نريد عامود فقري من الحارس الى الهجوم حارس جيدجدا مدافع جيد جدا وسط لايوجد مهاجم جيد فا تبقى المشكلة في الوسط فقط لكن بشكل عام احنا نلعب امام منتخب كبير وضد اسامي لاتحتاج الى تعليق ونحقق هذي النتيجة والمستوى !! اعتقد انه شي اكثر من ممتاز !! لكن اتمنى جلب مدرب يعتمد على الخطط الهجومي في حالات او في مباريات معينه لان شفنا في الهدف الثاني اليوم عند المرتده اللاعبين تحمسوا واحرزوا الهدف فيهم غريزة او طبيعة اللي يبون يهجمون على فريق الاخر اتمنى جلب اسم اوروبي كبير او برازيلي وتمنيت عدم اقالة مدربنا البرازيلي السابق فا كان ممتاز جداً افضل بمراحل من بسيرو لكن اتمنى التوفيق للمنتخب فا هو منتخبنا يمثلنا الله يوفقهم ان شاء الله وعساهم على قوى وان شاء الله يتطورون اللاعبين خلال الموسم القادم كما هو متوقع اشاركك اخوي في الرأي عن التي شيرت فاادارة المنتخب جلبت هذا الطقم لانه الارخص واحنا شايفين المنتخبات الافريقية اغلبها بوما لانها ارخص سعراً لكن تبقى سيئه اتمنى العودة للاديداس فاهي كانت فال خير علينا بعد الله طبعاً وغير كذا لاحظت اليوم اجسام لاعبين تحتاج الى عمل كبيرررر فاهي ضعيفه جداً اتمنى التركيز عليها من قبل الانديه نحتاج الى بنيه جسمانيه في الملعب فا منتخبات الاوروبية لاترحم شكرا لك اخوي |
إقتباس:
تقول انا في اشواط اضافيه ومصقوعين بواحد !!!! |
الجميع يتفق معكـ بكل نقطـــه صراحة احمد عطيف مستواه في هذه المياراة جميل اما هزازي الفريدي عبده عطيف سئ سئ سئ يالبيــــــه ياهوساوي وربي وصل للسماء ههههههه شطحــــــــــه [ افتتاح ناطح سحاب اسمه (هوساوي مول)..] ^ ^ ^ قل قسسسم |
إقتباس:
كل الشكر لك يالغلا يشهد الله اني انبسطت يوم شفت رايك المنطقي اتمنى اشوف كل شخص يبدي رايه مثلك ومو عيب الواحد يبدي رايه لان كل شخص راح تكون له وجهة نظر مختلفه وكل شخص لازم يحترم وجهات نظر غيره تحياتي لشخصك الكريم ولكل من نوّر موضوعي اخوكم / سلطان |
لاتنسون المنتخب الي يلعب امامنا ؟ هذا ثاني منتخب بالعالمـ |
منتخب يفقد الشخصية في اللعب ......,,,,,, |
إقتباس:
بالله عليك لانك هلالي .. لا والله لو العتيبي كان ماشفت القولين اللي سجلناها .. المنتخب كله اداء يعني زينه مع اسبانيا 3-2 .. لو العتيبي من 4 وفوق .. والله شقال قال العتيبي ... :rose: |
مشكووور اخوي ع الموضوع والتحليل الرائع اما بخصوص التيشيرتات الظاهر ماخذين المقاس مرتين خخخخ خاصة على شهيل والتحليل رائع ومتعوب عليه بالتوفيق لك اخوي |
تحليلك رااائع و صدقت بخصووص نايف هزازي و احمد الفريدي هم نقطة ضعف المنتخب اليوم و النتيجه جيده قدام اسبانيا |
الحمدلله منتخبنا بدا يرجع نفس اول وفي نقطة ابي اقولها اليوم افتقدنا المرشدي.. كامل المفروض يكون مكان السعيد من وجهة نظري..بالنسبة لنايف و عبده توهم راجعين من اصابة و كل واحد خايف على رجله ..وليد عبدالله في كم كورة يعجبك و في كم كورة خرطي الهدف الأخير غلطة الحارس..أهم شي اننا ما خسرنا بنتيجة ثقيلة لو تسأل نص الناس عن النتيجة يقولون 8_0 أو 7_1 لكن النتيجة ذي تتسجل للتاريخ يعني عندك منتخب شاب و اسبانيا بالموت فازت و خير دليل الهدف الأخير لأسبانيا حسيت لعيبتهم ماخذيين كاس العالم من الفرحة ههههه..من وجهة نظري نجوم اللقاء هم هوساوي و شهيل و النمري..منتخبنا بس يبيله يكون سريع وقت المرتداااااات منتخبنا بطييييء..بالنسبة للطقم من يوم ما شفت الأرقام اللي ورا غسلت يدي حسيت مسوين الأرقام من 50 سنة..بكل صراحة بوما ما تنفع للمنتخب وين نايك بسس..وشكرا |
| الوقت المعتمد في المنتدى بتوقيت جرينتش +3.
الوقت الان » 02:58 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd