السلام عليكم ورحمة الله وبركاته كيفكم يازعماء 
بدخل بالموضوع على طول .. ملعب الملز ..
سبب جدل كبير الايام الي راحت بين الجمهور وانقسمنا بين مؤيد ومعارض لهذه الخطوه
الي حسب ماسمعنا انها من اختيار السيد جيرتس بنفسه
لو اخذناها يااخوان من عدة اتجاهات راح نلاقي المستفيد الاول هو الهلال .. كيف ؟
اولاً : ابداعات الزعيم هالسنه ونتايج الخمسات الي احرقنا فيها الخصوم 
معظمها كانت في ملاعب صغيره مثل الملز بأستثناء خمسة الجار الي طيرناها في الدره 
ثانياً :
مساحة الملعب ..
نشوف الهلال يبدع في الملز لسبب واحد مقنع الي هو مساحة الملعب الاصغر من مساحة ملعب الملك فهد
وهنا نبدع في الاختراق من العمق اكثر
(ولاحظو مباريات الهلال الي في الملز ونوعية الاهداف الي نسجلها في الخصم .. غالبيتها من العمق ..)
**طبعا اللعب من العمق في ظل غياب الاشقر
هو الحل الانسب (وجهة نظر بس لاحد ينبرش) ولاتنسون ان الفرق الخليجيه الي نلعب معها تقفل دفاع ولاحظو كيف نتوهق معها في ملعب الملك فهد ..
بعكس مباريات الدوري الي لعبناها في الملز مع فرق دفاعيه
هذا من ناحية الملعب ..
نجي للنقطه الثانيه ..**
(يحيى الشهري)
نجم نادي الاتفاق وموهبه كرويه قادمه بقوه
اتمنى من شبيه الريح التحرك لضم اللاعب لكتيبة الزعيم ولو كان اعاره فقط لنستفيد منه في الاسيويه
خصوصاً الكل يعلم بالازمه الماديه الي يمر بها نادي الاتفاق
والي كانت السبب الرئيسي لبيع اللاعب عبدالرحمن القحطاني بسرعه
اتوقع لو عرضنا على الاتفاق مبلغ محترم لإعارة اللاعب لسنه وحده لن يرفض لحاجته الماديه وبنفس الوقت اللاعب بيرجع له بعد سنه ..**
***
اتمنى من شبيه الريح تدعيم خط الوسط والهجوم بلاعبين محليين ممتازين من نوعية الشهري و( الغوينم )او في نفس مستوياتهم ..
ملاحظه *
اقبل النقد الهادف فقط
دمتم زعماء 
الوضع المتطور
