حلا الآيام

إقتباس حبيبي أول شي الله يعطيك العافيه على هالموضوع ... وثاني شي الصويلح لاعب فنان لكن الصراحه السنتين الاخيره أقولها بمعنى الكلمة لاعب فاشل وبالنسبة للأصابات عااد هذي قضاء وقدر والواحد وانا خووك مايدري وش المكتووب له .. على العموم أنا عندي احساس أن الهلال راح ينسقه وراح يبكي ندماا على تنسيقه ... أنا أرى أن الهلال لو يقوم باعارته أفضل من تنسيقه وتكون إعارته على أنديه مثل .. الحزم و الاتفاق و الوحده و الاهلي وانا واثق من قدرات احمد الصويلح والدليل نرجع شوي للوراء أول ماجاء أحمد الصويلح قدم مستويات روعه مع الهلال وفعلا لا قالولك لاعب مشاغب فهو احمد الصويلح وتوقعت يوم جا ياسر توقعت أنهم بيلعبون مع بعض في الهجوم وتوقعت بأن يكون الهلال أقوى هجوم وتوقعت أنهم سيحصلون على أفضل مهاجمين في الدوري السعودي لكن تفاجئت أنه من يوم جا ياسر لعبوه احتياط ومع ذلك يوم ينزل الملعب يعمل الفارق في المباراة ومع ذلك ياسر طارو فيه وصار مافي احد مثيله ورمو الصويلح في الدكه وزي منت عاارف اللاعب محتاج عدة مباريات علشان يستعيد مستوااه ولياقته ويثبت نفسه لكن الصويلح مبارايات معدودة الي يلعبها وحظه الشين في الاصابات ... وفي النهايه الهلال رااح ينسقه ويبكي حسره وندم على تنسيقه

اخوي أو اختي
حلا الأيام
ردك في تناقض من حديثك الصويلح يعني :: في الرد :: الصويلح فنان و توقعت انه يكون مع ياسر و و و يصير الهلال أقوى هجوم
بعدين يبكي حسره على تنسيقه !؟!؟
يعني ما اشوف حديثك فيه مدح او رزح بالعربي مـــــا فهمـــــت
اتمنى من الأعضاء توضيح وجهة النظر
و الله يعطيكم الف الف عافيه على مروركم

احمد عنده حس تهديفي لكن عليه مسكات غلط احيانا !

الله يوفق الصويلح لانه اقرب الاعاره مشكلة احمد وزنه فقط

اتمنى اعاره الصويلح لأي فريق في دوري زين

لانه بصراحه لاعب ثقيل وكثير اصابات كيف نستفيد منه؟؟

لاعب عادي جدا ..... وزيادة وزنه احرجت النادي قبل الاعب ~

من ايجابيات الموسم ترحيل احمد الصويلح ومن السلبيات المبكرة وليد جيزاني ~

فمان الله ,,

والله الي نريده منه سهل جداَ
يورينا مقاس كتوفه ويقظب الباب

فقط*فقط*فقط

الله يعطيك العافيه على هذا الايجاز عن الصويلح
لكن عزيزي
في ظل تواجد ياسر والمحياني والعابد والجمعان صراحه يلعب الصويلح
الافضل للصويلح ان يعار لنادي اخر حتى يتمكن من اللعب موسم كامل
ومن بعدها نشاهده ويتم الحكم عليه اما بالعوده او تجديد اعارته او تنسيقه

مره اخرى شكرا على الايجاز الذي اعجبني حقيقه وفقك الله اخي عبدالرحمن 21

يخصني وحدي

إقتباس والله الي نريده منه سهل جداَ يورينا مقاس كتوفه ويقظب الباب فقط*فقط*فقط

لا تعليق




الناقد الصريح

إقتباس الله يعطيك العافيه على هذا الايجاز عن الصويلح لكن عزيزي في ظل تواجد ياسر والمحياني والعابد والجمعان صراحه يلعب الصويلح الافضل للصويلح ان يعار لنادي اخر حتى يتمكن من اللعب موسم كامل ومن بعدها نشاهده ويتم الحكم عليه اما بالعوده او تجديد اعارته او تنسيقه مره اخرى شكرا على الايجاز الذي اعجبني حقيقه وفقك الله اخي عبدالرحمن

شكرا على مرورك

اتمنى يعطونه فرصه
وليس الجلوس على الدكه ومن ثم تنسيقه
احمد الصويلح مبدع ياناس وهداف خطير على عدد الدقايق اللي يشارك فيها

المشكلة ان طريقة لعب الهلا مهاجم واحد يعني يلعب الصويلح وياسر موجود لو يلعب بمهاجمين ممكن

الصويلح بطل والله
ولو يلعب والله يصير ثاني اخطر مهاجم بالسعوديه
بعد ياسر طبعا
ويكمن يكون الاول
لاعب يختلف عن اي مهاجم عادي
والله لا المحياني ولا العنبر ولا الجيزاني يصفون جمبه
بس ما عطوه المدربين فرصه والحين جايبين الجمعان والجيزاني
واقولكم من الحين ماراح يقدمون المأمول
يعني تحطيم زي كذا مافيه
انا بصراحه اتمنى اعارته لاي نادي عشان تنتبه الاداره

الهلال ليس في حاجته لا هو ولا العنبر

جلب الجمعان والجيزاني تمهيد للأستغناء عن العنبر والصويلح ... بصراحة اجمل ما سوت الادارة

بكذا يصير عندنا في خانة الهجوم 4 لاعبين ياسر المحياني الجمعان الجيزاني

لاعب فاشل بكل ماتعنيه الكلمة ، والمشجع اللي يعرف أساطير الهلال مثل سامي والثنيان راح يستحي انه يمدح الصويلح !!

حتى الإعارة خسارة فيه ، تنسيق وننتهي منه ..

ما ابي واحد يجي يقولي ان الصويلح هداف الناشئين وهداف الأولمبي وعنده حس تهديفي !
حتى انا كنت هداف يوم كنت بصف اول ابتدائي ! لعب البزران والتفوق والتهديف وقت الطفولة غير قدرة اللاعب مع الفريق الأول ..

الصويلح ماله أي مساهمة بتحقيق أي بطولة هلالة ، ولا مساهمة في تفوق هلالي في مباريات قوية ضد فرق قوية ..

الصويلح الشي الوحيد اللي خدمه ان امه داعية له وتوفق بالهلال ومشت اموره فترة ..

وأنا أتحدى من هالتاريخ لمدة خمس سنوات قدام ان الصويلح ما راح ينجح مع أي فريق سواء مع الهلال أو مع غير الهلال .. لأن اللاعب هذا ما عنده أي موهبة كروية حالياً ..

عندنا البطل ياسر الآن ..
ومعه المحياني والجيزاني والجمعان الله يوفقهم وييسر امورهم .. وأتمنى من هالثلاثي انهم ينفعون الفريق لا يصيرون مثل الصويلح