طول عمري بَـ اخاف.. مِـ الحب.. وسيرة الحب ( في جعبتي مطاريس كتيرة أوي ) - نادي الهلال السعودي - شبكة الزعيم

زعيمنا يكفينا فخر ! · #16 27/05/2010, 12:24 PM

إقتباس

الرسالة الأصلية كتبت بواسطة الـصـخـرة


	الحين فيه الطريقة الباريسية ماشي سوقها زي اللوز وهي تعتمد على شدة الذكاء و حدّته من الجانب الناعم مع قليل من المطرسة في المظهر العام.. واستخدام اكسسوارات لاترتقي لدرجة الكشخه هنا البنت تقدر تعيش جميع الادوار بكل سلاسة.. كأنها مايونيز , , , لكن الأكيد ان اغلب البنات خراطات مشمش... وراعيات هلس قبل الزواج تقول ما ابي غيره... وعاجبني حتى لو كان طفران.. وتكفينا كيسة صامولي وبعد الزواج... تلعن سلسفيل اللي جابوه... وش حيث فلانه وعلانه.. وانا تقل سريلانكية عايشه على الصدقات آبوك من حب.. ويخرب بيت هيك محبة عندنا الولد قبل الزواج رومانسي وشاعر... وبعد الزواج جلف وفاغر والبنت قبل الزواج رقيقة وبسكوته... وبعد الزواج جنّية وعفروته وانواع الهواش ولعنة الخيّر... والقضية دائماً ضد مجهول

ابدا ... القضية ليست ضد مجهول ...

القضية ضد عجن المفاهيم والتلاعب بالمصطلحات في مجتمعنا السعودي

من قال ان الكلام المكتوب أعلاه حب ؟؟؟!!

(الحب) المباح في مجتمعنا ..( واللي يسمونه حب

) .. هو اختيار العائلة (بأجمعها

) احدى الفتيات عشان تشارك ولدهم المصون

حياته (بحب وسلام)

!!

و يوم الشوفه .. (يسمونه حب من أول نظرة) ... وقبل الزواج تلعب بهم (مشاعرهم الفطريه)

.. وبرضه يسمونه حب

..

واجزم ان كلاهما .. مايعرف توجهات وتفكير ودرجة ثقافة الأخر ..وبعضهم يطولون فترة الخطوبة والملكة للتعارف والتقارب اكثر .. ويبررون ذلك بان هذي حياة ولازم يعرفون بعضهم تمام

.. وبدل لا يحاولون ايجاد النقاط المشتركة اللي ممكن تسير حياتهم بطريقة سلسة مليئة بالحب والتفاهم .. شغالين مسجات وتميلح وترزز عند البيوت بباقات الورد والهدايا ..
وبعد هالعطايا

.. تقول ما ابي غيره

على اساس تعرف غيره يعني

... بس كلام ينسمع ويتردد

...
وهو المشفوح أول بنت يشوفها غير خواته... لا وتستخدم الاكسسوارات المذكورة في مقدمة الموضوع وينلحس مخ الرجال

.. وطبعا يحس بأنه سي السيد

ويتحمس لتحمل المسؤولية لعيون الاكسسوارات

وبعد الزواج ...

هي تفصخ الاكسسوارات

وهو يوقف العطايا

(وانتهى الحب ) ... وتبدأ النكادة ... والحنين لأيام العزوبية !!

حبهم محصور في (ماديات ومظاهر ورغبة) ... بمجرد زوالها .. تنكشف الاقنعه .. ويكتشفون ان فيه حلقة مفقوده عاجزين يلاقونها عشان يستمتعون بالحياة ...

الحلقة المفقودة ... هي (الحب الحقيقي) اللي شوهوا صورته بالكلام الفاضي اعلاه ...!!
الحب .. مش مجرد عاطفه واحاسيس فطرية بين ذكر وانثى ..
الحب ( اندماج ارواح ... وتوافق في طريقة التفكير والنظر للأمور .. وقدرة على مخاطبة الفكر لاستيعاب الطرف الاخر وانشاء جيل احسن حالا من الاجيال المحبطة حاليا )
الحب له فلسفة معقدة يعجز الكثير عن فك شفرتها !!

هذا الاقتباس الرائع (لجبران خليل جبران) .. أجده افضل نصيحة للشعب السعودي.. يعني

.. يمكن يستوعبون فداحة (حبهم)

:

كود:

 ما اجهل الناس الذين يتوهّمون ان 
المحبة تتولد بالمعاشرة الطويلة والمرافقة المستمرة.. 
ان المحبة الحقيقية هي ابنة التفاهم الروحي..
 وان لم يتم هذا التفاهم الروحي بلحظة واحدة..
 لا يتم بعام ولا بجيل كامل!!

كل شي في زماننا ممل ..
وين الحب الحقيقي ايام زمان ..

وين زمن ساعي البريد

(حرام كسر الخواطر *** كثر الجفى ما يفيد
حرام ما دمت فاكر *** تهجر وتبعد بعيد
كلمة ولو جبر خاطر والا سلام من بعيد **** والا رسالة يا هاجر بيد ساعي البريد)

ولا وين اللي تتعلق روحه بروح مشابهه لروحه

.. عرفها بالطاري

(واعد انا حجار الطريق اللى يودى لبيتها
اعرفها زين وانا ما شفتها ولا جيتها
قابلتها صدفه على شفاف الصحاب
بسمة امل حسيتها وهمسة عذاب
نجمه بعيد وصلها فوق السحاب
بسمة امل حسيتها وهمسة عذاب
صارت هى الخبر الجديد وعلومها همى الوحيد
وش هم لو كانت بعيد غصب علي حبيتها)

بلا اكسسوارات بلا كلام فاضي

قال حب قال

متأسف على الإطالة

أدري يمكن استنزفت .. وخرجت عن اطار الموضوع

لكن هذي نتايج كوب نسكافيه على انغام طلال ( وانا راجع اشوفك .. سيرني حنيني إليك )