من عندي خذوها بنلعب في الدرة - نادي الهلال السعودي - شبكة الزعيم

عاشق ياسر والزعيم · #1 26/05/2010, 11:45 PM

<<وراه مشاكل الفيس ذاهههههههههه

7
7
7
7
7

مسااء الخير يأحلى زعماء وزعيممات

وش علومكم وش اخبار الأهل <<ماوده يخلص

بادخل في صلب الموضوع <<متعووب عليها صلب هههههه

-------------------------------------------------------------------------

ممكن اعرف وش في بعضكم هالايام بعض الاعضاء الله يهديهم زودوها

بخصوص اننا نلعب بالملز وراحت علينا ومدري وش لون صراحة انا عصبت

وقلت خلني أنزل موضوع أهدي الاوضاع فالحين كل واحد يأخذ له عصير ليمون

ويهدي اللعب شوي ونجي نأخذ الموضوع حبه حبه

------------------------------------------------------------------

الحين من جدكم تبون تصدقون موقع الاتحاد الاسيوي أو موقع الفيفا أكبر مواقع نصااابة

في مواقع النت

موقع نادي الحالمي اصدق منها

والدليل يوم ينشرون أن للهلال 24 مادري كم قالوا بطولة

والحين يجون ويخلون الشباب يلعب بالدرة والهلال بالملز يعني بالعقل

والله لو مافي احد يفهم كورة ياشيخ وأصلا حتى لوافترضنا صفر في المئة ان الكلام

صحيح شبيه الريــــح

بيسكت خلونا منطقيين وواقعيين

انا انقهرت منكم انتوا الي مصدقين هالكلام

انا داري من حبكم وحماسكم للحضور من الان والي متأكد انه راح يملي ((الدرة))

بس بأذن الله واوعدكم ان المباراة راح تكون باستاد الملك فهدالدولي انشاء الله

وانا اطالب من هذا المنبر <<لالاكذا مرة اتعب انا على (منبر) مسوي ظريف الله يهديني

فأطلب منكم تهدون شوي من الشد الي صاير بالقسم

ولاتخافون

وترى عتابي ذا من حبي لكم ولاتزعلون علينا ياكويسين

واتمنى منكم يامشرفين ترفعون الموضوع

مع شكري وتقديري وامتناني

عاشق ياسر والزعيم · #2 27/05/2010, 01:28 PM

شكرا للادارة انها رفعت الموضوووع

! CATALONY ! · #3 27/05/2010, 01:41 PM

يسويها ابن حمام
هذا حاقد على السعوديه
و الدليل مؤامرته التحكيميه ضد الاخضر
و بعدين هو قطري و ما يبي المدرج يمتلئ

عاشق ياسر والزعيم · #4 27/05/2010, 01:49 PM

يسلمووووووو اخوي على المرور وبيبطي

ابن همام

استراحه محارب · #5 27/05/2010, 01:53 PM

ولله الملز احسن

ياخي الملك فهد شؤم قسم بالله

خسرنا من النصر من الاتحاد والوحده والاهلي

الملز قلي بهالموسم خسرنا فيه مباراه

راحتي، قرب الزعيم :$ · #6 27/05/2010, 04:11 PM

إقتباس

الرسالة الأصلية كتبت بواسطة استراحه محارب


	ولله الملز احسن ياخي الملك فهد شؤم قسم بالله خسرنا من النصر من الاتحاد والوحده والاهلي الملز قلي بهالموسم خسرنا فيه مباراه

.. تفاؤلوا بالخير تجدوه يا بني آدم

يعطيك العافيه ياصاحب الموضوع .. ووين مالعبنا الجمهور حاضر والزعيم حاضر

لبيه وش ذا الحكي · #7 27/05/2010, 01:59 PM

نلعب آنشآء آلله في جده آهم شي نتآهل

عاشق ياسر والزعيم · #8 27/05/2010, 02:01 PM

تفاءلو بالخير تجدوووه

على العموم يسلمو على المرور

ReeM Alfala · #9 27/05/2010, 02:03 PM

..
.

ليش كذا تفكيركم !!
طيب لعبنا باستاد الملك فهد اللي قبل صاجينا ماتبغون الهلال يلعب فيه وفزنا في دور الـ16 ؟

يكفي تفكير كذا ..

وبالتوفييييييييييق للهلال وأنا !
وللجميع ^_^

~ احترآفيـــه..! · #10 27/05/2010, 02:06 PM

نتمنـاها بالملـــز..
بل نشجع جيريتس على اختيار هالملعب

جيريتس شاف في الملز .. اللي ما شافه بالدرة .. لا من ناحية ابداع الهلال بالتكتيك ولا من ناحية الحضور الجماهيري القريب والفعال والمؤثر!!

بالنسبة لي أريد 20 ألف مؤثرين ولا أريد 70 ألف صامت وجودهم وعدمهم واحد!!

نقطة خرى : الدرة أثبت فشل الهلال بالتعامل مع الفرق الخليجية عموما ..

والغرافة مارح يختلف عن غيره .. رح يلعب قدامك دفاعي ولا تظن وتتوقع انه رح يهاجمك أو رح يفتح ملعبه لك .. لأنه رح يقلب دفاعي بحت وخصوصا أمامك
أولا لأنك على ارضك.. ويعرف خطورتك

ثانيا لأنه يمتلك فرصة أخرى على ارضه .. ولذلك رح يسكر دفااعه وبالنسبة له خروجه بالتعادل شي ايجابي.. بما انه رح يلعب على ارضه بالمباراة الاخرى ..

الهلال بالملز له قدرة رائعة بامتلاك مساحات الملعب بالطول والعرض.. اللي يخليه يطلع فايز بأغلب المرات .. عكس الدرة اللي تصعب عليه مساحاته خصوصا مع الفرق الدفاعية واللي اتووقع وشبه متيقنه ان الغرافة رح يكون واحد منهم !

الهلال تعامله مع الفرق الدفاعية على الملز ايجابي اكثر وارجع لمباريات الموسم هذا اما الرائد والقادسية.. كانوا مستميتين دفاعية ولكن الهلال بالأخير .. قدر يغلبهم ويخرج باللي يبغاه ... ليه؟؟.. لأن الملعب يساعده بتطبيق التكتيك اللي هو يبيه وبأي وقت يبيه.. عكس الدرة اللي تصعب على الهلال احيانا ويفتقد للمرونة التكتيكية فيها

هذا غير ان افضل مباريات الهلال هالموسم.. ضد الاتحاد .. والشباب الدور الأول.. كانوا على الملز !

نقطة ايجابية أخرى.. آخر اربع سنوات .. لم يستطع أي فريق .. ولاحظ هالكلمة.. "ولا فريق" انه يهزم الهلال في أرض الملز لأن الهلال خبير ومتمرس كيف يسيطر على كل شبر فيه !

عكس الدرة .. احسب لي كم مرة خسر الهلال فيه ؟؟ .. وليش الحضور الجماهيري الغفير بمباريات الوحدة والكويت وام صلال.. ما شفع للهلال وقتها !!
وليه ما يقدم فيه اللي متعودين نشوفه منه بالملز ؟؟؟

انا مع الملز .. وان شاء الله جريتس يصر على رايه..

فرحت لهالخبر كثير.. على الأقل نضمن ان الهلال رح يقدم مستوى بإذن الله ..
والفوز والخسارة بيد الله..

لكن لحد الآن التاريخ يدعم الهلال على الملز .. ويكفيك أربع سنوات من غير اي خسارة

أؤويــد "المــلز"

يكفيني 20 ألف ..

لأني اضمن تفاعلهم .. وخلوا الـ 70 ألف للكوريين أو الايراني اذا كتب الله وتجاوزنا الـ 8..

الملـــز يا جريتس

استثنائي · #11 27/05/2010, 02:08 PM

يبوي والله لو نلعب بملعب الحزم أني حاضر حاضر إن شاء الله لو مالقيت مكان باركب فوق كتف الحكم عشان تشوف المباراة مع زوم هههههههههههههههههههههههههههههه

عاشق ياسر والزعيم · #12 27/05/2010, 02:13 PM

ههههههههههههههه اما فوق كتفه

يسلمووو على المرور الروعه

حلا الهلاليه · #13 27/05/2010, 02:44 PM

نقولك جريتس طلب الملعب بإلاسم..
وعبدالرحمن بن مساعد آرسل خطاب للآتحاد يطلب فيه تغيير الملعب قوبل الطلب بالرفض!!
ياآخوي خلينا وآقعين هذاك الملعب شؤم خاصه مع الفرق الخليجيه ماندري لو إنا مقابلين فريق خليجي بالدور16على الملعب المنحوس كان حنا آآوت إلحين.. ثنكس ع الموضوع..

~ احترآفيـــه..! · #14 27/05/2010, 02:31 PM

نسيت أذكرك بشغلة ، وأذكر الجمهور ..

حتى هالسنة .. وتكرار للمواسم الماضية .. وفي آسيا !

الهلال فشل في تجاوز .. السد على ارض الدرة ..
وفشل في تجاوز الأهلي الاماراتي .. على أرض الدرة ..

وكلها بالتعادل..

رغم ان الهلال في أفضل أفضل حالاته .. ولا مقارنه بين مستواه العام .. والحين.. ولكن ظلت المشكلة هي المشكلة..

صورة طبق الأصل .. للكويت ، والوحدة ، وام صلال .. كلها انتهت بالتعادل !! .. وكلها بالدرة !!!!

بينما نجح في تجاوز الايراني..والأوزبكي !

هي بالتأكيد ليست بعقدة ... والهلال قادر على تجاوزها ان هو اراد ذلك وأحسن التعامل مع مثل تلك الفرق التي تستميت بالدفاع أمامه !!

نريد تغيير أرضية الملعب حتى نبتعد عن اي افكار قد تسيطر على اللاعبين من الجمهور والاعلام . .ان الخليجيين هم عقدة الهلال على ارض الدرة .. بينما هم بالحقيقة ليسوا بعقدة !!

لذلك تغيير الملعب رح يرجع ايجابي على اللاعبين لدحض اي افكار عن العقدة اللي ممكن تعشش في اذهانهم
ورح يلعبون بلا أي ضغوط ونتخلص من فكرة العقدة اللي خلقها الاعلام والجمهور بأنفسهم

شجعوا راي المدرب لأنه خبير ومحترف وشاهد من اللاعبين في الملز اللي ما شافه بالدرة

والجمهور يريد الفوز بأي طريقة .. لذلك عليه تشجيع اي توجه وفكرة من المدرب حتى ولو لم تعجبه ..
لأن التعثر ان حصل لا قدر الله ... بتقولون يا ليتنا لعبنا بالملز ..

نريد الملز هذه المرة .. وبإذن الله نؤكدها بلا عقدة .. وانه عقدة وهمية أطلقت لعرقلة الهلال وخلق حاجز نفسي عند لاعبيه

حلا الهلاليه · #15 27/05/2010, 02:52 PM

لحظه لحظه الكتف الثاني بتاع الحكم لي آنا عشان آطلع عيونه إذا غلط واستثنائي المساعد الثاني لكي يرشدني إلي اخطاء الحكم بحكم المسافه القريبه بينناا
فإننا في هذه المباره سوف نستغني عن المايك مؤقتآ..