السلام عليكم ورحمة الله وبركاته

ولله الحمد وضع الزعيم مطمئن جدا بوجود صاحب السمو الملكي الامير عبدالرحمن بن مساعد ونائبه الامير نواف بن سعد ومن خلفهم الجهازين الاداري والفني ولعيبه على مستو عالي جدا وكل هذا بتوفيق الله ثم بجهودهم الكبيره

اليوم شفنا قرعة ربع النهائي وجاء الزعيم السعودي(نادي القرن) مــــــــــع الغرافه القطري الفريق القوي.
يجب علينا احترام الفريق الي يقابلنا مهما كان مستواه سيء او قوي
اجزم من صحافة باكر سوف يبدأون التخدير ويقولون بالخط العريض الهلال في مواجهة سهله اما الفريق القطري والمقصد معروف يتقطعون قطعه قطعه ولا ياخذ الزعيم كاس اسيـــــــــــــــاء....!
عندنا الوقت الكافي لتجهيز الفريق بشكل ممتاز جدا وقوووي
ولا اخفيكم سرا الزعيم(نادي القرن) في مباريات الذهاب والاياب صعب جدا والتاريخ يشهدعلى ذالك
والله اني متفائل بمشيئة الله بتحقيق كاس اسياء من اول مباراه لعبها الزعيم امام السد القطري.
شفت الروح في اللعيبه وشفت انضباطهم وتكتيكهم في اللعب وارجعو لمباراة دور 16 وتعرفون.
بعض الاعضاء متشائم بمقابلة فريق الغرافه القطري ياخي خليك متفائل واكتب مواضيع تشد من ازر اللعيبه ومن حماسهم (وكثر الكلام وكل شوي اسمع ذا المقوله الفرق الخليجيه عقده للهلال يعني خلاص اوم صلال فاز بركلات الترجيح تسميها عقده والله تفكير غريب بصراحه صح الفرق الخليجيه يلعبوون 11 لاعب دفاع امام الزعيم والشي ذا معروف من زمان بس لا نستكين للمقوله الشهيره عند بعض االاخوان العقده الخليجيه..........!!!)

اتمنى ندعم الزعيم با الشي المفيد ونبتعد عن الاشاعات والعقده الخليجيه والكلام الي ما منه فايده...

تقبلو تحياتي

اسئل الله رب العرش العظيم ان يوفقنا لما يحبه ويرضى




.................................................................................................... ............

باذن الله الهلال ما راح يوقف في وجهه شي اذا كان في يومه

بالتوفيق لهلالنا

ياخوي وش عقدته اللي يشوف المواضيع هذي يقول ناكل منهم بالاربعه والخمسه .. الفرق الخليجيه تلعب معنا بخطة 10 -0 - 0 .. لكن الان ذهاب واياب ومافيه فريق راح يقفل مباراتين .. باذن الله طريقنا للكاس

ما نبي نحترمهم زياده عشان ما نطلع
هجوووووووووووم من البدايه واذا ما فزنا في مباراة الذهاب بنطلع بالاياب

الحمدالله والشكر له وصول الهلال لدوري الثمانية وبعدين العقدة في دور 16 لأنه مباراة وحدة وتأتي أخر الموسم لكن الحين أنا الحمدالله متفائل سواءن قابلنا فريق كوري وأيراني أواقطري يكفي إنها ذهاب وإياب (( وبالنسبة لي كنت اتمنى مقابلة الغرافة القطري لأنه أفضل فريق في قطر وما قابل فريق قوي الغرافة في آسيا لكن هذي المرة مع زعيمها وإنشاء الله نفوز ذهاب وإياب ونعلمهم أصول وفنون الكرة ،،،،، وبالتوفيق للهلال في جميع البطولات ـ وشكرا

شف أخوي أنا مقدر لك حماسك وتفائلك لكن بالعكس المواضيع التشائميه مفيده للاعبين أفضل من مواضيع الترفيع والتطبيل لهم

بعدين أخي لاتلومنا لأننا لانريد مواجهة الغرافه لأننا تعبنا من الفرق الخليجيه وتبهذلنا للأسف من فرق لاتقارن بالهلال مثل :

1- الشارقه الإمارتي
2-الكويت الكويتي
3-العين الأمارتي
4-الوحده الأمارتي
5-أم صلال القطري
6-السد القطري هذا الموسم في الرياض تعادل !!!!!!!!!
7-الأهلي الإمارتي هذا الموسم في الرياض تعادل !!!!!!!

ومع كل هذا تبينا نستانس أن القرعه أوقعتنا مع الغرافه !!!!!!

مباراه صعبه ويبيلها شغل جااااااااامد وتهيئه نفسيه من الأن من دون مبالغه

الاحترام مطلوب ولكن التشائم الزايد عن حده غريب جدا
ومن يتشائم من النتايج السابقة اقول له أرجع لظروف الزعيم في ذالك الوقت وستجد أن أكثرها كان الزعيم في وقتها يعيش ظروف سيئه

وللأسف في جمهور ودك يعتزل التشجيع لأنهم يتشائمون من أشياء غريبه
مثال بسيط في بعض الاعضاء يطالبون بأن لاتلعب مباريات الهلال في الاستاد والاعذار أقل مايقال عنها بالغبيه
يعني اخر مباراة للهلال مع بونيدكور في الاستاد وبالرغم من ان الهلال لم يكن في أفضل مستوياته وفزنا وفي مباراة مهمة ومصيريه
السالفة ومافيه أن الاعبين متى ماكانو في كانو في كامل تركيزهم وبروح الزعيم المعروفه وقبل كل شيئ توفيق الله سيفوز الزعيم
لو لعبنا في المريخ

لا والمشكله أن بعض من كانو يطالبون بنقل المباريات للملز الان وبعد ماطلع خبر عن أن المباراة ستقام في الملز جو يعارضون !!!

العقده بدور الـ16 لانه مباراه وحده لكن هالدو ذهاب واياب ونرد الصاع صاعين ياهل قطر الحبيبة لكن لازم نردها لكم
والزعيم لا يكتفي بفريق السد فقط الغرافه ضحيه ان شاء الله من ضحايا الزعيم والسبب ام صلال !!!
الله يعين الغرافه ع الزعيم بالتوفيق لزعيم اسياوتسلم ع الموضوع

العقده مستمره مستمره لاتقنعني بكلامك بس انشاء الله نعدي الغرافه لو من ارضهم لان بالرياض رح نتعادل وهذي معروفه بالهلال

بلا هم بلا غم
العقدة اتوقع ان الهلال اجتازها
مافي عقد من هلحين ورايح كلنا ثقات بلاعبينا
اتمنى لهم التوفيق

يرحم بطن جابتك
وربي ان الاعضاء محسسيني راح نقابل البرشا يناس فكونا عندنا فريق قوي مايهمنا مين يقابلنا لنا بقريقنا واللي يجي يتحدى ويحط راسه برجالات الهلال الله لا يهينه يتفضل الملعب ويحمد ربه اذا ما طلع بخمسه زي اللي قبله