|
بخصوص طقم الهلال الموسم المقبل ...2010 -2011 السلام عليكم ورحمه الله وبركاته ... مساء /صباح الخير .....كل بوقته ^^^^^^^طيب اللي العصر قبل العشاء كذا المهم اللي شدني اكتب ذا الموضوع انه كثر في المنتدى هرج ودرج (متعوب عليها ) على طقم الهلال الجديد وشفت تصاميم مره حلوة لبعض الاعضاء وبعض الاقتراحات يعني انا اقترح على ادراه الشبكه تسوي موضوع مثبت واي عضو عنده تصميم ينزله في الموضوع بعدين ينعرض على الادراه ويتم اختيار الافضل يعني مو لازم الادراه تتقد بذا التصاميم على الاقل اسمه صوت الجمهور ووصل لنا كا اداره 0 s13s التصميم الفايز يكرم بدرع تقديرا لظروفه ...:wub: ارجو تفاعلك مع الموضوع ........:s2: |
اقتراح اتمنى ان يطبق ...................... |
|
اهم شي اللعب الطقم مهو مفوزهم |
والله فكرة مرة حلوة ياليت تتطبق |
فكره حلوووووووووووووووووووووووه يعطيك العااااااااااااافيه |
وربي رووووعه وانا معك واللي يقول الطقم من مسؤوليات الشركة اللي تتعاقد معها الهلال أقول غلط لأن الهلال هو اللي يحدد الطقم المهم ياليت يكون هناك تفاعل من ادارة المنتدى ويطرح الموضوع كما قلت مشكور أخوي وتقبل مروري^^ |
انا معااااك بالفكررررره فكره حلوووه تسلم عليها لاهنت يالغالي |
والله انك جبتها يا سنايدي |
,, هههههههههههههههههههه ياخوان انتم متى تتطورون اعتقد ان الادارة متعاقده مع اكبر شركة ملابس وبيننا وبينهم عقد وبالاخير نسحب ع شركة اديداس و ناخذ تصميم عضو الى الدرجة عندكم الهلال رخيص واما بالنسبة لتصاميم الاعضاء انا اتمنى مرة اشوف واحد مصمم طقم من خيالة ويطلع حلو بس اللي تشوفهم يصممون اطقم تلقاها تجميع يعني ياخذ من اديداس وياخذ من نايكي وياخذ من بوما اللي ابغى اوصله ان الادارة موقعه مع شركة عالمية ..فدعوهم يعملووووووووووووووووووووون وشكرا |
والله بصراحه عندنا للاسف اعضاء ملاقيف حتى الملابس تدخلتو فيها :D على فكره شركه اديداس تنزل كذا موديل والفريق يختار ويسالون اللاعبين عن الاطقم واللون الثالث ^ كلام بدر الخراشي لاعب الهلال السابق , |
اديداس من افضل الشركات في تصميم الملابس من وجهه نظري والشركه تنزل كم تصميم والنادي يختار الموديل واللون انشغال بعض الاعضاء في تضييع الوقت في تصميم اطقم ماراح يلتفت لها اي عضو شرف او شركه ماله داعي خلكم في المواضيع السنعه اللي تخدم الفريق واسف على الاطاله |
الله يهديك تحسب فريقك فريق حواري لازم الطقم يكون من مصممين من شركه معروفه ويكون الطقم يليق بالزعي |
مرحبا بالجميع ياجماعة وش فيكم شبيتوا عالرجال انا اشوف فكرته حلوه , بما ان الوقت الحالي ما فيه اي مشاركات لزعيمنا عالاقل احسن من مواضيع ( مصادري , حصرياً و عاجل ) ومايمنع ياجماعة الخير ان الجمهور يشارك في وضع التصميم مع ادخال بعض التعديلات من الشركة المنفذة ( اديداس ) واللي يقول هذي شركة معروفه ومحترفة , انا معك بس الكل شاهد كم نادي يلبس نفس تصميم زعيمنا لذلك يحق لنا كزعماء ان نكون متفردين ومتميزين عن غيرنا وبصراحة فيه تصميم للعضو ( زعيم آسيا 20 ) مره روعه عالاقل افضل من تصميم الموسم الماضي اللي مافيه نادي الا والبسه النقطة الاخيرة : اذا ما اعجبك الموضوع لاتجلس ترد ردود انتقاصية وفيها سخرية من الموضوع وكاتبها بل قـل رأيك بدون تجريح وتنقيص دمتم زعماء |
المسؤول الوحيد عن شكل الطقم هي الشركه اللي تتعاقد معها الاداره ولايمكن يتدخل احد في تصميم الشركه ،، ربما الشركه عندها اكثر من خيار والاداره تختار اللي مناسب لكن ان تتدخل في تصميمها مستحيل .. وبصراحه انا ماشوف ذيك الاهميه في شكل الطقم ، صحيح نطمح يكون شكل الطقم حلو لكن مو بالضروره يكون ممتاز لو طلع مش ولا بد !!</B> |
| الوقت المعتمد في المنتدى بتوقيت جرينتش +3.
الوقت الان » 11:46 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd