|| خيــمـة الليجــا الإسبانية ق1 || - صفحة رقم 6 - نادي الهلال السعودي - شبكة الزعيم

King Aziz · #76 26/05/2010, 04:27 PM

إقتباس

الرسالة الأصلية كتبت بواسطة ṂᾳḡṛọỌọ7


	َ سمعت ياشباب ان البيول صار رقمه 2 ، وبيدرو صار رقمه 18 .. اسف ع الرد السسسلبي

في غباء عند الي موزع ارقام

ياخي الحل واضح
اربيلوا في الريال رقمة 2 و في المنتخب معطية 17
و بيدرو في برشلونة رقمة 17 و في المنتخب معطية 2

هذي صورتهم عقب ما عدلو ارقامهم

الا سؤال كم كان رقم البيول يوم كان مع فالنسيا ؟؟
لاني الظاهر اتذكر انة كان رقمة 2 و برضو بالمنتخب 2

المعاتب · #77 26/05/2010, 05:09 PM

مآ لا حظتوآ آن \, بيكيه , حتى مع المنتخب ,, يلبس كُم طويل

ALMOSTSHAR_A · #78 26/05/2010, 05:29 PM

^

منورنا رشود الأرسونالي

..

كينق عزيز مسو بالخير ..

رقمه يابعدي 4 ,

مع الأدله والبراهين

..

موفقين يا ماتادور ..

Hilali 3asal · #79 26/05/2010, 05:45 PM

هلا زيد

ويعطيك العافيه ،،،

خلني بالبداية أجاوب على أسئلتك وبعدها ممكن اشرح لك المراحل بتفصيل زيادة ،،،

- المستبعدين الي هم بلازا وخاومي الاخير ولا ناس غيرهم ؟
المقصود باللي يتم استبعادهم هم الاعضاء الذين يحق لهم التصويت ماهو المرشحين ... الأعضاء المسجلين في النادي يكون مطلوب منهم تعبئة استمارة الترشيح للانتخابات ، وبعض هالاستمارات هي اللي يتم استبعادها لاسباب او شروط معينة ... عدد الاعضاء المسجلين في النادي حاليا يصل الى 170 الف عضو واللي بقي منهم مثل ماقلنا حوالي 119 الف عضو .

- طبعاً التصويت للرئيس يكون من اعضاء النادي صح ؟ ولا مع الجمهور والبقيه ؟ وضح لي النقطه لا هنت .
التصويت يكون من حق الأعضاء المسجلين في النادي ... الجماهير مالها اي حق بالتصويت وهذا يجاوب على كلامك وسؤالك يوم تقول وين تأثير الجماهير بالنسبة للانقسام اللي حاصل في النادي هم مالهم اي دور لأنهم ممنوعين من التصويت .

- طيب السؤال هنآ لو استقال روسيل من رئاسته وهو ما كمل اربع سنوات هل من الممكن يرجع لابورتا رئيس للفريق او لازم ينتظر نهايه الـ 4 سنوات ؟
اللي اعرفه انه يحق له الرجوع مادام الرئيس استقال وكان فيه دعوة لانتخابات جديدة ممكن يدخل الانتخابات لان النظام يقول انه ما يرشح لثلاث دورات رئاسية متتالية ، ومادام انه كانت فيه انتخابات وماشارك فيها يحق له يرجع .

بالنسبة للانتخابات هي تكون على مراحل :

الاولى : بداية من يوم 17 - 24 مايو وهي مرحلة جمع الاصوات من المرشحين ... كل مرشح لازم يجمع على الاقل 2095 استمارة صحيحة حتى يحق له الانتقال للمرحلة الثانية ... كان فيه خبر يقول ان روسيل طلب 60 الف استمارة لمؤيدينه و انغلا 40 الف وفيرير 25 الف ، يعني هم يدرون ان 2095 تكفي لكن كلها هياط وزحمة وكل واحد يؤكد ان شعبيته هي الاكبر .

الثانية : بداية من امس 25 مايو - 2 يونيو وهي مرحلة تقديم الترشيحات بشكل رسمي واعلان اسماء المرشحين للي يستمر واللي يفكر انه ينسحب ، وهنا تبدا عملية التحالفات يعني اللي فرصهم ضعيفة ممكن يتحالف مع مرشح قوي وتبدا عملية نقل الأصوات .

الثالثة : بداية من يوم 3 - 11 يونيو وهي مرحلة الحملات الانتخابية وهنا تبدأ عملية الشرشحة والمناظرات بين المرشحين للرئاسة .

الرابعة : يوم 12 يونيو وهي مرحلة يوم واحد للتفكير يكون فيها تحديد القرار النهائي بالنسبة للمصوتين للي يفكر بتغيير اسم مرشحه او انه يبقى على نفس الاسم .

الخامسة : يوم 13 يونيو وهي المرحلة الاخيرة اللي يكون فيها الادلاء وجمع الاصوات وفرزها وتكون في ملعب الكامب نو وبعدها يتم اعلان الرئيس الجديد للنادي واللي بعدها ينتظر حتى يستلم الرئاسة بشكل رسمي يوم 1 يوليو .

على فكرة فيه استطلاع مبدئي بين الاعضاء ماهو بين الجماهير مثل السبورت لقيته موجود على الموقع الرسمي للانتخابات كان في يوم 13 مايو يعني قبل شهر من الموعد النهائي وهذي النتائج بالنسبة للثلاثة الأوائل :

ساندرو روسيل بنسبة 30.9%
مارك انغلا بنسبة 23.6%
جاومي فيرير بنسبة 15.5%

بعد ماشفت هالاحصائية اتوقع انه روسيل راح يكون هو الرئيس الا في حالة اننا نشوف تحالف بين انغلا وفيرير هنا ممكن انهم يوقفوا في وجه روسيل .

معليش اعذرنا على الاطالة ، اما كلامك عن روسيل فهذا يمكن له رجعة ثانية لانه يبي له موضوع لحاله .

King Aziz · #80 26/05/2010, 05:46 PM

يعطيك العافية عزوز

و الحين عرفت ليش عطو البيول 2

<< تحس ان الولد معقد

Hala Madrid · #81 26/05/2010, 07:24 PM

ابو سلطان راجع لك ان شاء الله بس ابطلع لمشوار الى 12

قريت ردك على عجاله وبما انه طويل قلت اخلي التركيز لما ارجع بحول الله لانه
اكيد فيه معلومات كثير جديده علي

عاشق s.ramos · #82 26/05/2010, 07:55 PM

أنبآء عن اقترآب البوسني ميسيموفيتش من الانتقآل لـ صفوف أتليتكو مدريد

و المدآفع بآبلو إيبآنيز ينتقل رسمياً لـ صفوف ويست بروميتش الإنجليزي

http://www.as.com/futbol/articulo/in...sdasftb_52/Tes

F-C-Barca · #83 26/05/2010, 09:21 PM

السلام عليكم ورحمة الله وبركاته

كيف عيال الليغا لبى قلوبكم

هلا هلا

لبى قلوبكم والله بالتوفيق لكم وبأذن الله كآس العالم م نصيبكم وان كانها ابعدت بأذن الله انها للتانجو
عدلوا الارقام عقب ماحاسوها حوووس بالتوفيق للماتادور

===

بالنسبة للرئاسه انا انسان منيب متطمن لروسيل ولامتحمس له اتمنا انه يلجمني ويكون
قد المسؤلية لاكن ماأتوقع اذا ماجاك رئيس زي لابورتا ولا لا تدور حتى قبل مايروح
جالس يأمن الفريق من تجديد عقود وتعاقدات جديده
بالتوفيق للبارسا وبأذن الله في القمة كــ العادة
واخيراً اتمنا من الادارة انها ماتجازف وتبيع تورية والله غبن يكون عندك محور
من افضل المحاور في العالم وتروح تبيعه اي جنون انت فيه واللي يغبنك انه الادارة
ماصرحت بشيء تجاهه لحد الآن ولا بيب طلع وقال شي والله وسطنا ماعليه خلاف
صحيح ان فابري لاعب كبير لاكن اتمنا البقاء على نفس الاسماء مع تصعيد بعض
الوجوه الشابه مثل الاعب البارز جوناثان اللي بيشارك مع اخوه في المكسيك
وايضاً تياقو
بالتوفيق للبارسا

موفقين,,,

الهلال حـبي · #84 27/05/2010, 01:18 AM

بيريز كلش اوكي وننتظر حل مشكلة موري و الانتر

silva · #85 27/05/2010, 06:19 AM

^
^

أنا اتوقع مورينهو اذا جاء مو مطول مع الفريق لأن اداره الريال تتدخل في المدربين
ومورينهو لايقبل هذا الشي ؟!

silva

عاشق s.ramos · #86 27/05/2010, 08:11 AM

^^

دآم إنه لآ يقبل تدخل الإدآرة ليه وآفق إنه يجي أصلاً ؟

الكل يعرف إن مورينهو مآ يحب أحد يتدخل في شغله
و إدآرة الريآل مآ جآبته إلا لأنه أهل للثقة ومآ يحتآج تدّخل في عمله

Royal Lover · #87 27/05/2010, 02:24 PM

.

مبعوث مانشستر سيتي الإنجليزي يصّل إلى فالنسيا
من أجل المفاوضات لـ ضم سيلفا !

LM-10 · #88 27/05/2010, 03:56 PM

ركزوا على لورينتي !

Hala Madrid · #89 27/05/2010, 09:29 PM

إقتباس


	على فكرة فيه استطلاع مبدئي بين الاعضاء ماهو بين الجماهير مثل السبورت لقيته موجود على الموقع الرسمي للانتخابات كان في يوم 13 مايو

يعني فيه اجماع على روسيل !
غريبه يعني الكل يمدح شغل لابورتا والاغلبيه من الاعضاء ويجون يرشحون
خصمه ويجمعون عليه ..
على طاري تصريحات روسيل اليوم مصرح يكذب تصريحات لابورتا يوم يقول
ريآل مدريد يبي فيا يقول روسيل ان الكلام غير صحيح ريآل مدريد كان هدفه
التعاقد مع سيلفا خخخخخ , مدري وش الهدف من تصريحاته دائماً تكون ضد
لابورتا يعني انت ضمنت الرئاسه تقريباً خلاص اترك التصريحات وركز بشغلك
عشان محد يفقد الثقه فيك .

..

LM-10 · #90 27/05/2010, 10:12 PM

إقتباس

الرسالة الأصلية كتبت بواسطة Hala Madrid


	عشان محد يفقد الثقه فيك .

لو بفقدون الثقه فيه احسن مانبي هالاهبل

لان تفكييره مو تفكير رئاسه تفكيره كله انتقام × انتقام هالزلابه

لو يرأس برشلونة خبيلان احسن من روسيل عندي

لاحد يقولي ليش