ياجماعة الخير متاكدين انكم قريتوا ردودي

ياحبيب قلبي اتفق معكم ان عدم اعطاء الفرصه سبب من الاسباب لعدم ابراز المواهب ولو ترجعون لردودي تحصلون هالكلام
وزي ماتعرفون الكالتشيو من كان يامكان في قديم الزمان مايعطون فرص كبيره للشباب يعني وش اللي فرق الحين عن قبل ؟؟؟

وحبايبي انتم تراني ماقلت ايطاليا مافيها مواهب لكن تعمقت اكثر بنوعيه المواهب السوبر وان ايطاليا تعاني لافتقادها للنوعيه هذي بالفترة الماضية فقط يعني مااتكلم عن المستقبل ابدا!!!!
وفيه مواهب ممتازه وجيده وعاديه وسيئه لكن كان اكثر تركيزي مع الامثله للمواهب السوبر والممتازه بس

المواهب السوبر هي اللي يلفت نظرك من بين مجموعه لاعبين شباب ولايمكن للمدرب او الاداريين انهم يتجاهلونه ابدا ابد
والمواهب الممتازه هي مثل اللي مثلوا عليها الشباب مثل كريشتو او بونوتشي او.. او.. مااعطوا فرصه او ماتوفقوا مع انديتهم
وسوولهم اعاراه او بيع واثبتوا نفسهم في فرق اخرى سواء كانت متوسطه او صغيرة

اتمنى وضحت الصوره للشباب

إقتباس انا استغرب من الاستاذ اللي يقول وش مصبر اليوفي على جوفنكو ..؟!

يالغالي رجعت للردود وحاولت اشوف من اللي قال الكلام اللي بالاحمر ماحصلت احد جاب طاري للشي
لكن بما اني اكثر واحد تكلمت عنه يمكن تقصدني بالاستاذ
هذا كل الكلام اللي قلته عن جوفينكو في ردودي السابقه

اما جوفينكو صراحه امر محير يعني اربع مدربين تناوبوا عليه صحيح نصهم زلا يب بس ماادري وين المشكله
المشكله بالاعب او بالمدربين
يعني صعب انك تحط كل المشكله على المدرب ....يعني يمكن تكون المشكله بالاعب نفسه!!!!!


واقصد بالشي لاعبين مثل نونشيرينو اللي لعب وعقبها ضف وجهه حتى جوفينكوالى الان ماقدر يثبت نفسه عكس ماركي وكليني
بالنسبه لجوفينكو تراني قلت امره محير و ماادري وين المشكله هي بالاعب او بالمدربين
وتراني من اكثر الناس اللي ودي يلعب له 20 مباراة علشان اشوف سنعه لاني مااقتنع بسالفه 5 ولا 6 مباريات


هذا كلامي عن جوفينكو سواء هنا او في اماكن اخرى او حتى خارج النت الاعب مااقدر احكم عليه بشكل اكيدلانه مايلعب باستمرار
واتمنى اذا ماله فرصه يلعب هالموسم انهم يعيرونه علشان نحكم عليه بشكل اكبر ويثبت نفسه
مع العلم ان كل مباراة لعب فيها جوفينكومع اليوفي كنت متابعها

اذا فيه احد وده يقتبس او يرد اعتذر مقدما عن عدم الرد في اليومين الجايات لاني راح اسافر واكون بعيد عن النت

وبالتوفيق للجميع