انا استغرب من الاخوان اللي يقولون ان ما فيه مواهب بايطاليا ما ادري كلامهم مبني على متابعة الكالتشيو او متابعة الفئات السنيه .. عموماً انا ابي اسال اي واحد يقولي ايطاليا ما فيها نجوم من كان المركز الرابع في اولمياد اثينا 2004 ومن وصيف بطولة اوربا تحت سن 21 العام الماضي 2009 ..

المشكله مو بالمواهب بقدر ما هو المشكله بالانديه الايطاليه .. وانا من وجهة نظري ان الانديه الايطاليه تبحث عن اللاعب الجاهز مو اللي يبغاله صبر

انا استغرب من الاستاذ اللي يقول وش مصبر اليوفي على جوفنكو ..؟!
ما راح اجادلك او احط رابط واقولك شوف مهاراته بس اتمنى انك انك تاخذ بعين الاعتبار انه لاعب صغير وبالدوري الايطالي .. لاعبين كبار فشلو في اثبات انفسهم بالدوري الايطالي مو لاعب واعد والمستقبل قدامه

خلاصة القول : اليوفي وانتر وميلان انديه لا تبحث عن لاعبين لكن اللاعبين من يبحثون عنهم وانا ااتكلم عن اللاعبين الايطالين .. الانديه الثلاثه تبحث عن الكالتشو ومستحيل مدرب مثلاً ماسك دفة اليوفي يغامر ويلعب لاعب واعد على حساب الفريق وعلى حساب مستقبله مع النادي اول .. وانا اخذت اليوفي على سبيل المثال لان ديشان وكلنا نعرف سبب استقاله من اليوفي مع انه مقدم مستويات كبيره في السيريا بي ولكن اصراره على الاستعانه والاعتماد على اللاعبين الشباب ورفض الاداره لطلبه جعله يقدم استقاله

اخيراً اتمنى اني ما اكون اثقلت عليكم واعتذر ان بدر مني اي خطا وتراني مسوي رد سريع يعني لا تواخذوننا على الاخطا الاملائيه والانشائيه

ودمتم ..