ميلان يبيع حقوق النقل التلفزيوني للموسم المقبل مقابل 75 - 90


مشكور على الخبريه لاني كنت افر على هالمعلومه

لانهم من اربع سنين وهم يقولون يمكن راح نوحد حقوق النقل وتوزع على الانديه بالتساوي على مااعتقد نفس الدوري الانقليزي
طبعا قرار توزيع حقوق النقل بالتساوي لو تم راح يفيد الكالتشيو بشكل عام وتحصل اصغر الفرق تناشب بالميركاتو
لكن الانديه الكبيرة يضرها مثل هالقرارات علشان كذا صعب يطبق


بالنسبه للنقاش ماشاء الله عليكم ماقصرتوا وكتبتوا اللي بالخاطر

لكن احب اضيف شي على الاقل تعلمته بالكاتشيو بالنسبه للمواهب الشابه

الانديه الكبيرة يولد من رحمها الاساطير والاساطير فقط
اي لاعب شاب يثبت نفسه في فريق كبير فهو لاعب سوبر ومايحتج نذكر امثله للماضي القريب

اكثر لاعب يمكن ينطبق عليه الكلام الان هو سانتون اللي متى مابتعدت عنه الاصابات وممكن بعض الغرور والتهور
اتوقع انه لاعب سوبر قادم وبقوة

اما الاعبين الشباب المكملين للمجموعه اواللي يتاثرون بتاثر باقي الاعبين
هذولي يبيلهم صبر والانديه الكبيره ماهي فاضيه تصبر عليهم علشان كذا تحصلونهم وبكثره بالفرق المتوسطه والصغيرة الين ماينضج عاد يجيبونه

الخلاصه ايطاليا تعاني من ناحيه المواهب الشابه الغير شكل


بعد التعديل ....في نقطه ودي اتكلم فيها

هي المواهب الشابه اللي في اوروبا وعدم استقطاب الكالتشيو لهم وزي ماقالوا الشباب قلة المال والضرايب ومستوى الكالتشيو

لكن فيه شي مبالغ فيه صراحه يعني الحين اي بزر يضرب كعب ولا يدخل كوبري ولا يجيب هدف مسكت ولا ابدع بكم مباراة
من بكره نص العالم يعرفونه واليوم اللي بعده تحصل سعره 30-40 مليون واللي بعده تجيك تقارير ان الريال والبرسا يبونه!!!!!
صراحه الوضع لايطاق

اجل تبون فريق ايطالي يدفع بلاعب شاب 40 مليون يعني كل الميزانيه تروح والمشكله ماهو مضمون ابداعه خاصه اذا البزر استاحش المكان الجديد

مثلا بن زيمه لا اختلاف عليه من ناحيه الموهبه لكن انك تشريه ب40 مليون او 35 اشوفه مبالغ فيه وبقوه بعد
يعني اذا قطعناه اشوف سعره 20 مليون >>> تراني اخذته كمثال سريع علشان كذا لا احد يفكر بشي ثاني
يعني تخيلوا لو شيفا او ابرا او او ... الحين اعمارهم 21 كم اسعارهم توصل نقول 50 ولا 60 مليون

بس ودي اعرف صاحب الاطباق الفضائيه شلون لقط اللئطه باستوري

طبعا بالنسبه لباستوري الميلان كان حاط عينه عليه بس بدون جديه وجاهم المطفوق وسبقهم عليه

علشان كذا اشوف بالفتره هذي امريكا الجنوبيه اسعارهم ارخص والاعلام الاوروبي المهول بعيد عنهم



وبالتوفيق للجميع

خخخخخ يقولون أنه متورط بعد بالكالتشيو بولي 2 فيه كم مصدر ياكدون أن موجودهت مكالمات لرئيس الاتحاد ابيتي ويظهر فيها انه يبي يسوي شئ للفيولا ، وعلى فكرهـ الرآبطه اللي رئيسها جالياني ونآئبته روزيلا رفضو الحضور لأجتماع المجلس الاتحاد الايطالي لكرة القدم أعتراضا على قرار تفليض عدد اللاعبين من خارج الاتحاد الاوربي ويأكدون بأن هذا القرار غير شرعي بتاتا الاتحاد رد ببيان طويل المهم فيه أنهم سأسفين لعدم حضورهم ويتمنون تواجدهم ويضيفون بعد أن القرار شرعي تماما وأتخذهـ الاتحاد بناء على الصلاحيات المعطآهـ له من الدوله ووفق الخطط التي وضعت منذ سنوات

موظف في TMW يأكد أن كافاني توهـ قبل دقائق موقع مع نابولي رسميا بس مآتم الاعلان عن شئ ، تتوقعون المهرج الى الان ع وعدهـ بأنه موب بآيعه بأقل من 26 مليون؟

ESCLUSIVA TMW - Di Marzio: "Cavani ha firmato: è del Napoli"

تتذكـــــــــــــــــــــــــرونـه ؟؟!

تتذكـــرون لما راح لبرشلونــه وخفـض راتبه وقــال إنـه يبغى يحقق أبطال أوربا ؟؟!



تتذكرون لما نسـب كل إنتصارات الإنتر باسمـه الشخصي ؟؟!

وش كـــان شعــوره لما طلــع من البطولة اللي كان يحلـم فيـها ؟؟!



وش كــان شعــوره لما شــاف هذه اللقطــة ؟؟!




==============================================

وش كـــــان شعــــورنــا لما حسم الدوري ضد بارمــا في آخر جولــة ؟؟!







ابرا

^^^^
وش اللي خلاك تتذكره الحين


La Magica

شكلك ماركزت على كلمة الغير شكل واللي اقصدها مواهب من طينة بوفون وتوتي ودل بيرو ونيستا وكنفارو
واللي بموهبتهم بذاك الوقت قادرين انهم يثبتون انفسهم في اي فريق من دون منت المدربين

اما مساله مااعطي فرصه معك حق تعتبر سبب من الاسباب لكن ليست السبب الرئيسي في رايي
السبب الرئيسي في رايي خلال الاربع سنوات اللي مضت هي معاناة ايطاليا بالمواهب الغير شكل

دامك جيت بالامثله ابسط شي بونوتشي زي ماهو معروف منسق من الانتر الموسم الماضي وعلى قولتك ماعطوه فرصه
لكن لما راح لباري اثبت نفسه الموسم الماضي ويعتبر مع رانوكيا افضل المواهب الشابه في ايطاليا الموسم الماضي حسب المحللين الطليان
طبعا بانوتشي ماسبق وان تابعته ولا اقدر احكم عليه شخصيا لكن اتمنى ان يكمل مسيره اساطير الدفاع اللي قبله

كليني انفجرت موهبة لما لعب قلب دفاع واثبت نفسه وقدرته وهو بعمر 23
ماركيزو اثبت نفسه مع اليوفي وهو بعمر 22 سنه وقبلها بسنه اعاره مع امبولي وابدع معهم
صحيح سقوط اليوفي يمكن عطاهم فرصه يلعبون لكن غيرهم ماقدر يفرض نفسه

ومن المواهب اللي قدروا يثبتون انفسهم مونتليفو ....باتزيني كيف كان مع الفيولا وكيف وضعه الموسمين اللي طافوا

هذا اللي اقصده الموهبه تقدر تفرض نفسها في اي مكان صحيح ان لم تعطى فرصه في البدايه يحصلها تاخير شوي

اما بخصوص موتا دامه جا معنا نشوف وضعه اخر الموسم
اما جوفينكو صراحه امر محير يعني اربع مدربين تناوبوا عليه صحيح نصهم زلا يب بس ماادري وين المشكله
المشكله بالاعب او بالمدربين
يعني صعب انك تحط كل المشكله على المدرب ....يعني يمكن تكون المشكله بالاعب نفسه!!!!!

اما بالوتيلي اتوقع الاكتشاف يحسب لمانشيني وهو اللي عطاه الفرصه قبل موري ...موري يحسبله سانتون

يابعدي مانختلف كثير وترانا حول بعضنا
زي ماقلت بردي السابق اتفق معك انه سبب من الاسباب لكن اختلف معك بانه السبب الرئيسي

اما مساله مااعطي فرصه معك حق تعتبر سبب من الاسباب لكن ليست السبب الرئيسي في رايي


علامك تاخذ نص كلامي وتسحب على النص الثاني

يعني لما قلت صحيح سقوط اليوفي يمكن عطاهم فرصه يلعبون لكن غيرهم ماقدر يفرض نفسه
ليه سحبت على جملة ماقدر يفرض نفسه
واقصد بالشي لاعبين مثل نونشيرينو اللي لعب وعقبها ضف وجهه حتى جوفينكوالى الان ماقدر يثبت نفسه عكس ماركي وكليني

بالنسبه لجوفينكو تراني قلت امره محير و ماادري وين المشكله هي بالاعب او بالمدربين
وتراني من اكثر الناس اللي ودي يلعب له 20 مباراة علشان اشوف سنعه لاني مااقتنع بسالفه 5 ولا 6 مباريات


بعدين ليه سحبت على المثال بونونتشي يعني زيم اقلت ماعطوه فرصه الانتر لكن لما لعب في باري قدر يثبت نفسه

إقتباس عدد كبير من الانديه تنسق لاعبينها وبعدها تشتريها بمبالغ خياليه

الكلام على الموهبه
هذا اللي اقصده الموهبه تقدر تفرض نفسها في اي مكان صحيح ان لم تعطى فرصه في البدايه يحصلها تاخير شوي بس

إقتباس أيطاليا الفرص ماتتاح الا 24 وفوق هذا أإذا أتيحت

واضح من كلامك تقصد الاعبين العاديين او المكمليين للمجموعه او الجيدين

لكن لما كنت اتكلم عن المواهب الغير شكل اقصد المواهب السوبر والمثال الوحيد اللي اقدر اشير له هو سانتون
يعني لو افتك من الاصابات اشوفه اسطوره قادمه

يعني مايحتاج امثل كيف اثبت نفسه بوفون مع بارما وهو عمره 17 سنه وفريقه بارما على مااعتقد اخذ المركز الثاني
بعد اليوفي 95 او 97
طبعا مااقول ليش مافيه مثل جي جي لانه من النادر تكرار حارس مثله , دل بيرو كيف بدا , توتي ,كاسانو ,نسيتا شلون بداياتهم
ماانكر ان للمدربين فضل عليهم لكن لو راحوا لانديه غير انديتهم راح يثبتون انفسهم

فيه نقطه حلوه قلتها هي الاداريين
هذا بعد سبب من الاسباب يعني ابتعاد اداريين مثل موجي وبرلسكوني واللي معروف عنهم النظرة الثاقبه وحسن الاختيار
والاداريين لهم دور بجلب المواهب لكنت تبقى الموهبه هي السبب الرئيسي


بالنسبه لكاسيتي مايحتاج تمدحه زياده بس تبقى قناعات مدربين مثل قناعة كابيلو بزيبينا
ولا فيرجسون ببراون

بالختام اتمنى مااكون طولت

[COLOR="black"]
شسمه شوف أقرب مثال توهـ صاير اليوم زي ماتعرفون روما تبحث عن ظهير يمين وظهير يسار(أحتيآطي) وهـ الظهير اليسار نبحث عنه في أنديه السيريا بي بينما بالبريميفيرا موجود لاعبنا كريشانزي يلعب ظهير يمين ويسار وسبق له لعب للأزوري الصغير وشارك دقائق في الكوبا وقدم مستوى حلو في هـ الدقائق ومع ذلك نشوف أعآرته لفريق يعتبر من المنافسين على الهبوط للسيريا بي لا والفريق محتآجه شسمه صديقي أبرا أذا حتى هـ الموهبه ماتعطيه فرصه يكون أحتيآطي كيف تبي يطلعلك مواهب؟:d

[/COLOR]

^
ياصديقي الصدوق حسب مافهمت من ردك اننا نتفق مع بعض في اشياء خلني اوضحها قبل دخول المعترك
ان الموهبه تقدر تفرض نفسها في اي مكان لكن لو مااعطيت فرصه يمكن يحصلها تاخير بسيط فقط

ومااقول ان ايطاليا مافيها مواهب ابد لكن الكلام عن خامة وطينة الموهبه من اي نوع موهبه سوبر اومنتازه او جيده ...
ولما مثلت على ماركيزو ماكنت اقصد موهبه غير شكل لكن يعتبر من المواهب المنتازه مثله مثل مونتليفو وباتزيني
يعتبرون مواهب منتازه مو من نوعية المواهب السوبر

زي ماقلتلك الموهبه الغير شكل في السنوات الماضيه واللي اقدر امثلها هي سانتون بس ,وكلامي عن الماضي يعني مااقدر
اتكلم عن المستقبل لانه يمكن الموسم الجاي تنفجر موهبتين او ثلاث
يعني مورينهو لما تابع فريق البريمافيرا للانتر شمعنا طلع سانتون من بين كل المجموعه اكيد شاف فيه شي يختلف عن الباقين
طبعا مو معناه ان شباب الانتر مافيه مواهب خلاص لا ,يمكن فيه مواهب منتازه بس هذي يبيلها وقت

وهذي الشي اللي حاب اوضحه لك بالنسبه للمواهب حسب رايي
مواهب سوبر راح يبرز ويثبت نفسه وهو في عمر صغير , مواهب منتازه تثبت نفسها في عمر 24,25
مواهب جيده تتالق في عمر 27 وانت طالع , مواهب عاديه طول عمره يحفر بالفرق المتوسطه والصغيره

بالنسبه للاداريين مااقول انه هو اللي يروح يطارد ورى البزارين ,لا هذي شغلت الكشافين يكتبون تقاريرهم ويعرضونها
على المسؤلين واذا فيه موهبه غير شكل تحصلهم يعجلون فيها عاد هنا يجي دور الاداريين ومتابعتهم للاعب والنظرة الثاقبه
طبعا لما مثلت بموجي وبرلسكوني مو معناتها ازرف حق الاداريين الثاني لا فيه اداريين غيرهم منتازين وعليهم الكلام بعد

بالنسبه لمثالك اللي ازعجتنا فيه موتا ,الاعب شفته في بكين 2008 لكن صعب احكم عليه ,لكن بحكم انه قعد معكم ترى حتى خويكم الروماوي يقول انه لاعب جيد وفيه سلبيات من النواحي الدفاعيه ,
اما نوتشيرينو رايك فيه احترمه ,لكن الاعب ابد ماينفع بالفرق الكبيره كاساسي واعتبره لاعب عادي ومكانه المناسب الفرق المتوسطه

ولما مثلت بوفون والدل وغيره , زي ماقلت هم تدرجوا الين اصبحوا اساسي بس بعمر كم صاروا اساسي
خاصه انهم اثبتوا انفسهم وهم صغار ومافيه مجال مقارنه بين مستوى الكالتشيو اواخر التسعين مع الكالتشيو اخر السنين
الشي الثاني كانوا موجودين بالكاتشيو افضل الاجانب تقريبا ومع هذا قدروا يحصلون لهم ماطا قدم
يعني السنين اللي طافت وش الاجانب اللي بالكالتشيو علشان نقول والله البزران مساكين ماعطوهم فرصه

علشان كذا اختلف معك اننا نحط كل اللوم على المدربين والكشافين والاداريين ونبريء ساحه المواهب من اي عيب

اغلب ردودي كانت عن المواهب الغير شكل وهذا اهم شي عندي مع المواهب المنتازه ا اما غيرهم صراحه ماتفرق معي


الله يهداك مو اي موهبه تطلع تجي وترزها قدامي كل الكلام عن مبطي

مشعل خف علي شوي ترى ماعندي لياقه
وياليت يتحفونا باقي الشباب برايهم معنا ويفكوني شوي

للامانه استمتع بالنقاش معك يابعدي

وتقبلوا تحياتي اخوكم عليان

ههههههههههههههههههههه
مبروك افتتاح القهوة الجديد
ومبروك لل الانتر ول جماهيرة
...
..
.
وتقبلوا تحياتي : ابــــــــــــــــــــــــــــوعلي