|
يا (امير الفضيله)،، ربما انها (خيره)،، في حال اعتذار (نيفز)،، والبديل (يحى الشهري) ومهاجم عالمي بسم الله الرحمن الرحيم بادي ذي بدء، اتمنى بقاء اللاعب الموهوب (نيفز) الذي قدم موسما (استثنائيا) عطفا على الظروف التي مر بها، وابرزها واصعبها، مواصلته للركض للموسم الثالث على التوالي بدون توقف (ما شاء الله)!! لكن في حال اصراره على الرحيل بسبب ظروفه العائليه! (انا ضد اجبار اللاعب الاجنبي على البقاء، واللعب مجبرا!! والذي لن يعطي اكثر من 20% من مستواه)!! اقول في حالة اصراره على الرحيل، ارى ان تضع حلا (قصير المدى) من اجل الآسيويه الذي طال انتظارها، وذلك باستعارة اللاعب يحيى الشهري ليكون بديلا (لنيفز) الذي ربما يعوض غيابه في هذه الخانه بالذات. والاهم هو من وجهة نظري هو الاستفاده من لاعب اجنبي رابع (مهاجم عالمي) بنظام الاعاره لمدة اربعة اشهر (حتى نهاية العالميه، ان شاء الله). تصوروا (لا سمح الله) تغيب (ياسر) لامر ما! اسألكم بالله، هل البديل مؤهل لقيادة هجوم فريق بحجم (نادي القرن)؟! رغم اجتهادات اللاعب (عيسى المحياني) الذي قد يكون من المهاجمين المميزين ولكن مع مدرب آخر ليس (قيرتس)!! يا امير الفضيله،،، مهما يقال عنك ويكتب ارى انه اقل القليل مما تستحق، واعرف ان (الآسيويه) مطلبك الاول قبل ان تغادر النادي (ان شاء الله بعد نهاية فترتك الرئاسيه، لن اكون طماعا واتمنى اكثر)، واعرف ويعرف غيري انك بذلت من المال والجهد والفكر في موسمين يفوق ما دفعه اي رئيس آخر في (عشر سنوات ماديا)! اما الفكر والاداره (فلم يولد بعد! استثني شقيقكم). اتمنى يا (امير الفضيله) ان يكون التركيز على فترة (المنجز الكبير) وهي فترة قصيره جدا مدتها خمسة اشهر فقط (اوغسطس ـ ديسمبر)، وذلك بجلب مهاجم عالمي (بنظام الاعاره) حتى يكون دعامه (ان شاء الله) لتحقيق الآسيويه، وبعدها لكل حادث حديث. |
حبيبي نظرية تكديس الاعبين بنفس المركز والله العظيم ماتصلح تبينى اعد لك لاعيبة الوسط بالهلال ولا اخليك تسلى نفسك بعدهم ماشاء الله ولا حول ولا قوة الا بالله اما بخصوص الهجوم والله انك صادق نحتاج مهاجم قوى وسريع ومميز بالتسديد بالقدمين مثال ع الطاير فكتور الاهلى ومايضر بعدها تدعيم الفريق بلاعبين محليين وتجديد دماء الفريق وتصفية كم لاعب ونتمنى لهم التوفيق بمكان ثانى ونادي اخر مثل...الصويلح والعنزي والعنبر وفيه كم لاعب من كثر اننا مانشوفهم لا بفريق اول ولا صف ثانى نسيت من اسمائهم وكل هاذا متاكد انه في اجندة عبدالرحمن بن مساعد وسامى وجريتس والرجال المخلصين حبآ لنادى القرن. |
.. ياناس موضوع نيفيز لم يقره ولم يثبته المركز الإعلامي , ولذلك نستبعدهـ من عقولنا لأنه ليس له وجود , فإذا وضعنا إفتراضيات فـ بإمكاننا أن نبعد الـ 11 الأساسيين وقد نذهب لما هو أبعد من ذلك .. !! فريقنا الذي فاز بـ الدوري وكأس ولي العهد والمتأهل لـدور الـ 8 هو من سيواصل ويأتي بـ كأس آسيا بإذن الله .. |
إقتباس:
ثانيا: انا لم اطالب بالانتقال النهائي، حددت بالاعاره. ثالثا: ضربت مثالا (بالعنبر والصويلح)! ومن ثم ايدت التعاقد مع مهاجم!! اشكرك مره اخرى،،، واختلاف الرأي لا يفسد للود قضيه. تقبل اجمل وارق التحايا. |
يصراح صادق ويعطيك العافيه |
أنا أقول القحطاني عبد الرحمن جيد إعارة وعقده بقى فيه سنه ياخذونه إعارة ويحاولون يقنعونه بعد إنتهاء عقده بالانتقال للهلال يعني عصفورين بحجر .. أما الشهري فالاعب جيد وأتمنى إننا ما ناخذ اي لاعب إلا بعد إنتهاء عقده لأنه بالعربي يصير أرخص بواجد .. والخانة الوحيدة اللي تكدس فيها ولاتندم خانة الوسط |
اي والله ياليت الشهري يجي ومهاجم اجنبي عالمي |
صراحتا انا مع فكرة جلب مهاجم عالمي ولاكن طريقة المدرب تجبر على ان يكتفي الهلال بياسر القحطاني وانا مع الافتراضيات حتى لانتفاجأ بشئ لايحمد عقباه |
ما أدري هل صحيح خبر إعتذار نيفيز أو لا. لــكن اللي أعرفة أن الهلال مايوقف على لاعب وفية كثير من الحلول إذا صح خبر إعتذاره. أما يحيى الشهري فهو من اللاعبين المميزن ونتمنى التعاقد معاه وجلب لاعب بمواصفات هشام أبو شروان. قدم قووية وسريـــع. هاذا ماودت طرحه وتقبل مروري. |
والله ياليت نشوف مهااااااااااااااااااااجم عاااااااااااالمي لنادي القرن وبالنهايه الله يكتب اللي فيه خير للزعيم |
يحي الشهري لاعب جيد ولكن لو ذهب نيفز لدينا الشلهوب والعابد والدوسري المحياني يستطيع قيادة هجوم الازرق خله بس ياخذ فرصته الصويلح لم ياخذ الفرصة الكامله بسبب الاصابات ياخي يكفي الصويلح اذا لعب في المباراة عشر دقائق احرز هدف لاتنسى انه انقذ الهلال في العديد من المباريات |
انا ماني بـ معك مره يحيى الشهري ابدع صح هالسنه لكـن مايصلح لـ نادي مثل نادي القرن الاسيوي وزعييم اسيـآ شوف انا ما احتاج الا يشيلون من عندنـآ العجز :$ بمـآ فيهم الغامدي عمر اللي ضيع مستقبلنـآ بكأس الملك ويشيل الغنـآم اللي ماله فايده بالعكس اذا نزل يلعب ضدنـآ ومو معنـآ مره ياخي انا احتاج محاور والا النص عندي الفريدي الشلهوب ويلهامسون العابد الفرج كثيير ياشيخ جييدين وافضل من ذآ الشهري لكن انا ابي مهاجم مع ياسر هذآ اللي ابييييه شكرآ |
نتمنى تدعيم الفريق بلاعبين مميزين حدا بعقود قصيره لأن مايفصلنا عن الاسيوية خمس مباريات فقط يجب تجهيز الفريق بطريقة لاتدع مجالا للندم في حال الخروج من البطولة لاسمح الله يعني نكون قد بذلنا كل ماهو ممكن لتجهيز الفريق للبطولة |
الشهري لاعب جيد لكن على الأدراة التركيز على احتياج النادي لدينا في الوسط كثير من اللاعبين ودي |
يعطيك الف عافيه ::: أتفق معك حول نيفيز هذا اللاعب ممتاز جداً صحيح تجيه لحظات ودك تفرمه :d بس الموهوب موهوب وبالنظر لأنه 3 مواسم متواصله + على حسب ماقرينا وسمعنا زوجته مو مرتاحه كل هالامور تأثر على عطاء اللاعب ومع ذلك لغة الأرقام انصفته وبينت أن إمكانيات هذا اللاعب ماشفنا منها بالمبالغه والمجامله 50% فقط ::: اللاعب يحيى الشهري ممتاز لكن للأمانة لا أتمناه في الهلال عالأقل في هالمواسم القريبة ،، ابناء النادي الموهوبين أولى اكتسبوا الخبرة مثله وعندهم انتماء وحب للنادي أكثر .. وأنا راح اعطيك اسماء قادره على اللعب في خانة نيفيز ليس بناء على عطائها في الموسم الحالي فقط بل حتى مع فئة الشباب .. ولكن ظروف وجود نيفيز ماعطتهم فرصه للعب في مكانه نواف العابد : هذا الموسم لعب على الطرف الأيسر مكانه الأساسي ولعب على الطرف الأيمن ماشاء الله .. ولعب مع شباب الهلال خلف المهاجمين بالإضافة للمركزين السابقين .. سلمان الفرج : لعب هالموسم عالطرف الأيسر و في المحور المتقدم وماشاء الله قدم مستويات ممتازه وظالمه الإعلام كثير .. وهو مايقل عندي عن امكانيات العابد وعزوز .. عبدالعزيز الدوسري : لاعب اكثر من رائع رجله ماتقل قوه عن نيفيز ماشاء الله يمكن التركيز بحكم الخبره تفرق شوي .. لاعب وسط ايسر وبإمكانه اللعب خلف المهاجمين بحسب ماشفته مع شباب الهلال واعتقد هالموسم كذلك مع الأول .. محمد الشلهوب : هداف الدوري ولو تلاحظ 90% اهدافه كانت من برا الـ 18 وكلها حول القوس تقريباً ولعب مباريات كثيره وكأنه وسط ايسر وهو في الحقيقه يتمركز خلف المهاجمين .. ولو سلمت بالأمر واتفقنا ان مافيه احد الا يحيى تهقى بيوافق الإتفاق ؟ الإتفاق ومن هم على شاكلتهم من الحاقدين والمرضى النفسيين لو تطلب بواب النادي ماعطوك ؟ :ranting: لا ومن وساعة الوجه يطلبون منك لاعبين ماكأنهم مسوين شيء معك !! يجب علينا أن نعطي فرصه للاعبين النادي بدال تمنن هالأنديه وخلهم يشبعون بلاعبينهم :s2: ::: تبي الصدق كل مافكرت في حال غياب ياسر لاسمح الله بسبب كرت ولا اصابه لو لمباراة واحده .. مع ثقتي الكبيره في المحياني لكن مااخذ فرصه .. اهونّ واقول نيفيز احبه بس ابي مهاجم لو اعارة ابي مهاجم بإمكانيات كليمرسون "الغرافة" فيكتور " الأهلي " ليوناردو " السد " أما لو كان مهاجم عالمي يبي لها جلسه ثانيه :s5s: ::: مساك ورد :rose: |
| الوقت المعتمد في المنتدى بتوقيت جرينتش +3.
الوقت الان » 12:15 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd