لا اخوي جريتس طلب ثلاثه مهاجم وظهير ايسر ومدافع والادارة راح توفرهم له من خلال المعسكر

بس احتمال الاعبين راح يكونون مغمورين

مااشوف لاعبين يستاهلو يمثلون الهلال

واللاعبين الممتازيين مستحيل يتنازلون لهم للهلال

مايحتاج نتذكر كلامك المواسم الي راحت كلها او بالاصح عقب صفقة ياسر مااتذكر فاوضنا لاعبين باستثناء الاعبين الي جبناهم عن طريق لائحة الانتقال... كلما تذكرت انتقال كامل المر انقهرت بصراحه

انا اثق بالامير عبدالرحمن الله يعطيه العافيه و يخليه لنا
لكن المشكله مو بالتعاقدات بس لان الانديه الثانيه تحارب الهلال يعني ماراح تعطيك لاعبينها بسهوله
لكن المشكله لما يكون اللاعب عندنا و يبينا و نفرط فيه
وأكبر مثال محمد السهلاوي
كان بالهلال لكن المدرب كان له راي ثاني ورفضه
وهالموسم فاز بجائزة افضل مهاجم
هذا وهو في النصر اجل لو كان بالهلال كيف راح يكون
والله كان شفنا مستواه افضل 1000 مره لان الهلال يبرز اللاعبين
لكن ما اقول الا الحمدلله و خيره ان شاء الله
الله يعوضنا بلاعبين أفضل

الهلال لايريد اي لاعب الهلال فريق قوي لاتنقصه الا بعض التدريبات

الامير عبدالرحمن بن مساعد قال ان اللاعبين اللي راح نتعاقد معهم لن يكونوا مشهورين ولا على حسب طلبات الجماهير قال بنجيب لاعبين المدرب يرا انهم مناسبين فلا يكثر الكلام عن هالموضوع

بعض الاعضاء يكابر ولايعترف بأن الفريق بحاجة لتدعيم في بعض المراكز

قلب الدفاع الأيسر لايوجد بديل مناسب (عبدالله الدوسري قليل الخبرة ومستواه اقل من المطلوب)

الظهير الأيسر لايوجد بديل مناسب (شافي صغير السن وضعيف دفاعيا ويضطر المدرب لاشراك لي كبديل في هذه الخانة )

الظهير الأيمن لايوجد بديل مناسب رغم اجتهادات نامي ولكن مستواه غير ثابت

الوسط الأيمن لايوجد بديل مناسب (عندما يغيب ويلي تصبح منطقة الجناح الأيمن شبه ميته )

رأس الحربه (حسب طريقة لعب قيريتس لايوجد بديل للكابتن ياسر حتى لو كان عيسى بالاضافة الى ان العنبر والصويلح لاأتوقع استمرارهم مع الفريق الموسم القادم )


الخبر السار ان الادارة والمدرب يدركون هذه الملاحظات ويعلمون ان الفريق بحاجة للاعبين في هذه المراكز... والسبب الرئيسي لعدم شعور البعض ان الفريق بحاجة لتدعيم في هذه المراكز هو ان الله سبحانه وتعالى أكرمنا بعدم وجود اصابات مؤثرة في الموسم الماضي

اندية الدرجة الاولى ممكن يكون فيها لاعبين يقدرون يخدمون الهلال بس الاهم من هو الشخص الي كان يتابعهم
وبالتوفيق للزعيم

ما فيه لاعب بالسعوديه يستحق الهلال
كلهم كديش واللاعب الممتاز صعب ناديه يفرط فيه
الهلال مليان نجوم واذا غاب ياسر فيه المحياني والعنبر والصويلح
ولا تقول ما فيه بديل لياسر الموسم اللي راح غاب ياسر ولا اثر على الفريق

بالنسبه الى انتقال كامل الموسى وكامل المر من الوحده الى الاهلي كان عن طريق خالد بن عبدالله لأنه يمون على كعكي اللي كان عضو شرف في الاهلي

ولا كان اي نادي ممكن يدخل في الصفقات هذي

اما غير كذا انا ماشوف انه في لاعب مميز لدرجة انه تحتاج نجيبه في الهلال حالياً

في لاعبين مميزين ممكن يكونون نجوم في المستقبل ممكن نركز عليهم

دمـــتم بـــود

االادراه تعمل والمدرب يعمل وان شاء الله الهلال الاقوى دائما

يا اخي كل ما قلنا ليه ما تتعاقدون قلتم اللي عندنا افضل محليين في السعودية

بدون ماجملات وفكونا من الكلام المذهب , لا نملك لاعبين سعوديين يكملون كل الصفوف على مستوى عالي
والله لو نلعب بدون رادوي او لي يونغ او ويلي راح تشوف الفرق , وغيرنا من الاندية يلعب باجنبي واحد فقط ويقدم مستويات ممتازة

ليش ؟ لان عندهم البديل المحلي المتفوق , واحنا ما عندنا الا كلام كل ما قلنا تعاقدوا قالوا نملك الافضل بالمقارنة بالاندية الاخرى على مستوى المحليين .

وعلى قضية ان الهلال يتعاقد معهم ويبقون احتياط لان الهلال لا يتعاقد مع لاعب من الطراز الفذ اللي يستحق انه يلعب اساسي في نادي الهلال , ولا يصفق صفقات الموسم , يتعاق د لك مع لاعبين لما بعد 6 سنوات والا ياخذ لاعبين لبطولة كاس فيصل , لا يتعلقد مع لاعبين كبار , لا تقولي الاعبين الكبار يستحيل ان تتخلى عنهم انديتهم . مين كا يتوقع ان نادي الأهلي سيلعب يوما ضد حسين عبد الغني ؟؟ دامك تدف توقع

هذا هو الضرر الوحيد للحب الأعمى