|
وش استفدنا من الفيزياء ؟! السلام عليكم تحية طيبة قبل لا ادخل بالموضوع للشباب والشابات اعضاء شبكة الزعيم وروّاد المجلس العام , وآسفين على القطعة بالردود والمواضيع لأني أتوقع كنت متواجد شبه يومي كقارئ فقط , وهالموضوع هو تلبيه لنداء ماجد مقبل قبل حوالي سنة ونص وتوني ألبّي هذا النداء < :s2: على أيام الثانوية وبالتحديد في ثالث ثانوي , كان جدول نومي ومذاكرتي ملخبط شوي وعكس الشعب كلهم , كنت انام تقريباً من بعد صلاة العشى مباشرةً وأصحى على الساعه 2 الفجر , وأبدأ افتح الكتب والدفاتر واقرأ شوي إلين يجي وقت صلاة الفجر وبعض الأحيان اشطح شوي واشغل السيارة وأطلع أدور شوي بالشوارع الى الفجر , طبعاً هذاك الوقت ما يكون بالشوارع الا الدشير اللي ماعندهم شغل ومشغلة او الدوريات او واحد صاير له ظرف وطالع مستشفى أو واحدن مثلي توه صاحي ويهوى ويعشق نسيم تالي الليل على أنغام إحدى أغاني محمد عبده :to: :smilie47: طبعاً كان الدوران بالشوارع وبهذاك الوقت من الشي اللي أحبه , وكانوا اهلي مستغربين من هذا الشي لدرجة ان في يوم من الأيام قرر الوالد الله يطول بعمره أنه يخاويني , ويوم مرت نص ساعة قال رجعني البيت وكمّل دورناك انت الله يصلحك < يبي يشوف وش اللذة بهذا الشي :d وفي ليلة مدري وش تبي , الظاهر اني مليت من الاغاني او شي زي كذا وشطحت شوي بالتفكير والوكاد أني وصلت عند الفيزياء والأستاذ ابو محمد . الاستاذ ابو محمد كان يعطيني دروس خصوصية في الفيزياء , وكان يغثني بالتجارب وبكاسات الموية , وصرنا بحوسة بالمجلس من الموية وارتفع مبلغ فاتورة الموية خلال هذيك السنة بسببه :mad: بس الشهادة لله , كان انسان فاهم بالمادة ومتمكن , وياما سوينا انا وياه تجارب في المجلس والى يومكم هذا التجربة باقي براسي :yes: مالنا بالطويلة , بهذيك الليلة اللي مدري وش تبي تذكرت معادلة القوة وكيفية حسابها وما إلى ذلك , ومثلما انتم عارفين أن المعادلة تنص على التالي : القوة = الكتلة X التسارع وهذا الشي مستمد من قانون نيوتن حسبي الله عليه :cry: والتسارع : هو معدل التغير في السرعة مع مرور الزمن حيث أن التسارع = السرعة / الزمن ومعلومة أُخرى , مربع الزمن يتناسب عكسياً مع القوة . طيب بعدما فهمتوا هذي المعادلات وبعيداً عن حساب الوحدات لكل معادلة , أكيد عندكم خبر أن الزمن دائماً يسعى الى الصفر ؟! طيب اذا الزمن يسعى الى الصفر , يعني أن المقام في معادلة التسارع راح يكون صغير جداً او متناقص , وللتوضيح : 3000 / 0.000001 = 300000000 < يعني كلما قلّ المقام كانت النتجية أكبر بسبب عدد صغير يُقارب الصفر , صارت النتيجة كبيرة جداً بمعنى آخر : التسارع يزداد اذا كان الزمن قليل جداً مع وجود سرعة معينة , وهذا الكلام نقدر نطبقه على حياتنا اليومية وكلنا سمعنا وطفشنا من المثل [ لا تؤجل عمل اليوم الى الغد ] يعني اذا ما أجلّت عملك الى الغد راح يكون عنده قوة وإصرار على إنهاء العمل لأن المقام (الزمن) راح يسعى الى الصفر < اتحدى احد ما انلحس :s5s: واذا كان الزمن = صفر , يعني بأن الشي لم يحدث ولا يوجد تسارع او إصرار على عمل معين , وكمثال على ذلك : لم يذهب مضحي الى المزرعة :d يعني أن السرعة مربوطة بزمن ذهاب الأخ مضحي , ولكن لم يحدث ذلك وتكى بالبيت الأخ مضحي ولم يحدث عنده إصرار او عزيمة او تسارع :yes: دمتم :s2: |
هلا مرسول الهلال:) كيف حالك ..من زمان عنك يارجل ؟ الفيزياء ماده سهله وممتعه لكن تبغى تركيز بسيط :) اذكر مدرسنا من المدينه المنوره الله العالم محلوف عليه ما يفهم زين ... مدري مين اللي خلاه مدرس مانفهم منه ولا جاء درسه اللي يستاذن واللي ينام .. يعني من الأصل الماده يبيله تركيز اكثر والمدرس ماعنده القدره على توصيل المعلومه للطلاب بطريقه جيده ... وقته احنا معتمدين على الله ثم على الخصوصي ولا هو ماش ماهنا سنع بالشرح :) خلنا من الفيزياء ولحسة الراس وخل نغير الجو شوي .. سولفلي عن الدوران اول .. وش رايك بالتربيه والقراطيس خل نفضفض شوي ونطلع ذكريات اول :razz: الرياض اكرهه من زحمتها بس لا تذكرت ايام اول احس يتحول الكره الى حب واقول يازينك يالرياض لك ذكريات عالقه في ذهني ايام المراهقه.. تصدق... اسمك يذكرني بمرسول الحب وعاد هذي له ذكرياااااااااااااات معي :smilie47:+:wub:+ :d = :cry: ايام جميله :smilie47::smilie47: مشكور يامرسول والساع المباركه اللي نشوف لك موضوع فيها .. لا تقطع يالطيب خل نشوفك كثير هنا .. تحياتي لك يابطل ...s13s |
هلا منصور :smilie47::smilie47: حيا الله صديقي صاحب السوفيله :ga: مرسول ... وش رايك ترجع كقارئ موب ازين :ds121s هههههههههههههههههههههههههههههههههـ امزح يالغالي امزح :s4s: بالنسبة للدوران في الشوراع اذا كان بعد الفجر دق علي خل نفطر عند فلافل ابو عدنان :d بس الساعة 2 صعبه شوي خاصة اذا كنت ساكن في حي فيه عرابجة واجد :razz: بالنسبة للفيزيا:s3s: واضح انه علم كويس وحلو بس ما احد فاهمه :d لذلك سلم لي على ابو محمد وقله كيف الحال :d شكرا منصور ومنور المجلس حبيب قلبي :smilie47: دمت بحفظ الله ,,, |
إقتباس:
ردي اللي باللون الأحمر :d العفو يالغالي , منوّرني والله :rose: |
إقتباس:
ههههههههههههههههه , يوم اشوفك اضحك مدري ليش :ap: حي الله ماجدونا , حي الله الخاين :cry: ياخي لا تطري السوفليه , من بعد خيانتك آخر مرة بطلت اشتريها :razz: بالنسبة للحي اللي ساكن فيه , بالعكس كل الشباب اللي فيه مؤدبين < صارت له مطاردة قبل سنة بنفس حيكم :d ولا يهمكم , ابرجع قارئ :yes: منوّرنا ابو مقبل :) |
آجل تطلع آخر الليل :naughty: آحس الشوارع تخوف بهالوقت يعني ماتخاف تشوف رجال يمشي وتشوف يدينه ولا شي ثاني وتلقى انه مو نفس الانسان وتسذا :d<<متأثره من الافلام :s5s: والفيزيا آنآ بس قريت القوآنين ودآآر راسسي وصدع :s5s: الفيزيا والكيميا مآحوبهم آبد احس مآلهم دآعي من الدنيآ :razz: بس آنبليت فيهم للاسسسف :cry: يعطيك آلعآفيـه :rose: |
هلآ أخ مرسول الهلال <<< أول مآشفت المرسول مدري لييه أقرهآ مرسوول الحب :cry::to: وعليييكم السلآم .. والله ياعلييك نظآم نوم ومذاكرهـ مدري وش يبي :d:s2: يعني انت وقتها منقطع عن العالم :cry: عآد أيآم الثانوي يالبييييه بس :ba1::ba: أحلى أيآم ونااسه وكل شي .. مو الجامعه :ranting: ام الغثاء :cry: وبعض الأحيان اشطح شوي واشغل السيارة وأطلع أدور شوي بالشوارع <<< قووويه يييمه بس :s5s::cry: امآ الفيزيآء شكلها مسووويه لك مفعول مآشآء الله عليك شرح :d المعادلة :s5s::to: جاني صدآع ودوران :cry: بس مآشآء الله شررح ولا أحلى :d والأستاذ ابو محمد والله انه مبدع شف وشلون طلعت تشرح لنآ المعادله .. يعطيك العافيه اخوووي على الموضوع الرائع .. تحياتي لك.. |
إقتباس:
تعشقه بسكات أهلين وسهلين يالله حيها , صراحتن ماعمري تابعت افلام رعب الا قبل 10 سنوات تقريباً عشان كذا مفعول التخيلات ومدري وشو ما تحصلونه عندي :d ربي يعافيك ويخليك , منوّرتنا :) |
إقتباس:
أهلين أمورة تلعب كورة ايه تقدرين تقولين كنت منقطع عن العالم , بس النت كان يوصلني لهم بين فترة وثانية :yes: والاستاذ محمد له فضل كبير بعد الله في ابداعي بالفيزياء , بس للأسف دخلت لتخصص ماله علاقة بالفيزياء :cry: منوّرتنا :) |
والله حالتك حالة اخوي شكل الفيزياء تلحس المخ الله يعين الحمدلله مابعد درستها بس شكلي بتورط فيها انت حالتك زي اخوي بس الفرق البسيط انك تدور بالشوارع واخوي لاااا بالتوفيييييق |
نظامكـ بطل انا يوم كنت بالثانويه ارجع من المدرسه اتغدى واعطيها نومه لبعد العصر انزل العب كورهـ بالحارهـ والا نروح نباري اي فريق من حارهـ ثانيه ارجع بعد العشاء مفكفكـ اخذ دش اخذ الدفاتر حقت بكرهـ والفها بالسجادهـ<< الكتب في الدرج ماتعرف البيت ثم اتعشى واروح انام والنتيجه معدل الله لايوريكـ وعاطل لمدة ثلاث او اربع سنوات << نسي من متى هو تخرج ^ يقاله يبي يعلمكـ نظامه<<لاحد يسوي مثله :d الفيزياء كنت احبها بس كنت فاشل فيها << عاد حلها :d شكراً لكـ.. |
ماشاء الله حافظ القوانين صح خخخ شكل محمد مدري ابو محمد كان مايمزح معاك والله الفيزياء حلو وسهل بالنسبه لي.. شي موجود بالواقع مومثل الكيمياء والرياضيات -_____________ شكــــــــراً على الموضوع |
| الوقت المعتمد في المنتدى بتوقيت جرينتش +3.
الوقت الان » 04:32 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd