من أنت يابتال عشان تصدق رئيسنا ولا لا !! ... عمركــ ماصدقت إن شاء الله - صفحة رقم 6 - نادي الهلال السعودي - شبكة الزعيم

y-11-9-10-y · #1 20/05/2010, 05:43 PM

انا بصراحه اشوف ان هذا اسلوب بتال مع الجميع يحب التحجير
وحنا لاجاب واحد من الفقر وحجر له رفعنابه واحسن مذيع واحسن محاور
بتال امس كان اسلوبه نفس اسلوبه مع الفقراوين بس الفرق انه كان يحاور شخص ذكي جدا
ويعرف من اين تؤكل الكتف وامس شبيه الريح كانت ردوده اليمه ومسخر خبيلان
وبالنسبه للمقابله انا استفدت اني بريح مخي من الاشاعات اللي تطلع عن تاخر الرواتب وعدم استلام اللاعبين لعقودهم
ومشاكل لاداره ورحيل جيريتس باختصار شبيه الريح تكلم بصراحه عن كل هالامور

ReeM Alfala · #2 20/05/2010, 06:18 PM

إقتباس

الرسالة الأصلية كتبت بواسطة y-11-9-10-y


	انا بصراحه اشوف ان هذا اسلوب بتال مع الجميع يحب التحجير وحنا لاجاب واحد من الفقر وحجر له رفعنابه واحسن مذيع واحسن محاور بتال امس كان اسلوبه نفس اسلوبه مع الفقراوين بس الفرق انه كان يحاور شخص ذكي جدا ويعرف من اين تؤكل الكتف وامس شبيه الريح كانت ردوده اليمه ومسخر خبيلان وبالنسبه للمقابله انا استفدت اني بريح مخي من الاشاعات اللي تطلع عن تاخر الرواتب وعدم استلام اللاعبين لعقودهم ومشاكل لاداره ورحيل جيريتس باختصار شبيه الريح تكلم بصراحه عن كل هالامور

بس مو مشكلتنا أن أسلوبه كذا مع أغلب الضيوف .
إذا استضاف شخص أو مسؤول هلالي لازم يعرف السنع إحنامانرضى على رئيسنا أنه يكذبه ويتكلم معه بهذا الأسلوب .

ثادقي هلالي · #3 20/05/2010, 06:39 PM

والله بتال القوس هذا شايف نفسه وش انت عشان تكذب او ماتصدق رئيس نادي الهلال تقول انه يحقق

فيكا · #4 20/05/2010, 07:35 PM

آهـ هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههه
يسلم شنبك ياإبن مسسساعد والله انك كفو

سسسكت السسقيم بتـآل الله مير يخلف عليه

ابراهيمفيتش · #5 20/05/2010, 07:58 PM

بتال مشكلته انه وقح ومسوي انا الذكي الوحيد وكالعاده يتلقط وجه والطريف ان الامير عبدالرحمن بن مساعد واخيه عبدالله بن مساعد من لقطوا وجه والكل يذكر رد الامير شكلك ماتعرف لغة عربيه

فهد9999 · #6 20/05/2010, 09:45 PM

محقق كونان وش يحسبه مادري

زعـــيــمــــهـــم · #7 20/05/2010, 09:51 PM

بتال والله كنت احب تقديمه
في الرياضيه (يوم كان سعودي)
والحين حراااااام نذكر اسمه في
منتدى الزعيم

اسر 20 القلوب · #8 20/05/2010, 10:22 PM

شبيه الريح حجر على بتال

يعطيك العافية

# (ZeeeZooo )# · #9 20/05/2010, 11:04 PM

| قالوا علامكـ رافع الراس... قلت هلآلي ولي الفخر |
| قالوا بس ترى كلنا ناس ... قلت هلالي وموتوا قهر |

ألف شكر يالغالي عالموضوع الرائع ..
لاهنت يالغالي .. تشــ ك ـــراتي خيووو !

هذا شبيه الريح مو خبيلانكو !
يامستر بلانكو !

التميمي الهلالي 506 · #10 20/05/2010, 11:07 PM

>>>

مشكور اخوي

كلامك سليم 100%

امس بتاال قاعد يلقط وجه بعد البرنامج

لكن اللقاء لم يعد له اعداد جيد

بل اغلب الاسلئلة ليست للفائدة

لكن للاتهام وجعل شبيه الريح ينفيي في كل اسئلة بتال

تحياتي

هلالي 999 ملكي · #11 20/05/2010, 11:27 PM

امس تابعت البرنامج

بعد ماقاله الامير .. مو لازم تصدق يابتال أهم شئ أنا مقتنع فـي إجابتي .. ضااااااع وجه بتال ههههه والله رحمته

مشكور يالغالي وماعلى العقبان من دبي الجراده

No E7tkak H · #12 21/05/2010, 12:07 AM

فقراوي مسكين كل مافتحت ع برنامجه لازم يجيب شي ع النصر هههههههههههههه وش هالنادي العظيم
علشان تعرفون انه متعصب بس
لازم كل حلقه يجيب طاري النصر امحق نادي اجل لو ان الفقر جاي بطولات صارت كل برنامجه عن الفقر خخخخخخ
تعصب X تعصب
وانا استغرب من مشجعين الزعيم يحبون بتال وشلون تحبونه وهو يحاول يتصيد لزعيمه الهلال
تحلم بالبطولات يابتال وزعيمك موجود
بالتوفيق لزعيم اسيا

مجنونة ويليهامسون · #13 21/05/2010, 01:18 AM

يا جماعة الخير انا غاسلة يدي منه من زمان جدي واللي قاعدين يدافعون عنه ياليت يشوفون مقابلته مع الامير نواف بن سعد وكذالك الامير عبد الرحمن بن مساعد ولا حظو كيف يخلق المشاكل في نادي الهلال واكبر دليل المشكله اللي بين ياسر ونيفيز واللي هو جايبها من راسه ولا بعد فوقت كان حساس للهلال بس والله ليبطي اللي يحط راسه براس الزعيم ورجاله

عـزام · #14 21/05/2010, 01:31 AM

الكبير يبقى كبير

بطل شبيه الريح عرف كيف يرد :::::::مو لازم تصدق يابتال أهم شئ أنا مقتنع فـي إجابتي ::::::

كبييييييييييييير والله

وشكراً لك ............

النبرااس · #15 21/05/2010, 01:35 AM

برنااااااااامج فااااااااشل

بتال واضح ميوله وحتى مايعرف يسأل كل ماقال شي قال لو لو لو
اول مره اسمع حوار للامير عبدالرحمن يطفش ويملل بس اكيد من بتال الحوش