سؤال صعب جدا جدا اتحدى اي واحد منكم يجاوب عليه ، وله ما يريد ،، بس يجاوب بصدق وامانة
 

لماذا يغيب عبدالله الجمعان عن تمارين الهلال التي تقام يوم الخميس ؟؟
حيث انه غاب طوال 4 ايام خميس سابقة ؟؟؟
واحيانا يلحقها جمعة وسبت ؟؟
حقيقة ياليت اعرف وين يروح هذا *************؟؟؟

والله ماندرى

خله يروح للي يبي

بس لا جاء وقت التدريب يكون موجود

وين يروح اكيد المعسل والجلسه الى يحبها قلبك

والا واحد محترف وماخذ هالالاااف من جماهير الهلال بعرض الحائط والاداره لاتهش والا تنش

يناس والله فكونا منه والبيع ابرك من تخريب الاعبين الباقين وبعد ودى اعرف وش هالمستوى الي مخلى عبدالله الجمعان مصدق نفسه نجم كبير ماعنده الا هالرجل وتخب عليه وكل يوم على صدر صفحات الجرايد عبدالله يغيب وعبدالله يوظب وماصارت وحنا نمشي وراهم وقوفوه عند حده والا يمسك الباب الهلال اكبر من عبدالله وغيره والى مايحترم الفريق الى طلعه بالسماء وخله نجم كبير صدقوني لو يروح لاي فريق ثاني والله ماعتقد انه راح يضمنها اساسي بس مانقول الا سو الى عليك ياعبدالله وخذ راحتك ماعندك احد

واحب ازيد على كلامك أخوي ابويارا ان الاداري ( الخلوق ) طلع امس بالأوربت ويقول ان عنده اصابة من مباراة النجمه الودية :confused:
ومدري هو يضحك على نفسه والا يضحك علينا !!
ومدري ليش يدافع عن هالمستهتر بالنادي وبالجمهور ..
لأن المعروف عن اللاعب المصاب دوامه على جلسات العلاج داخل النادي زي النزهان ونواف والدوخي .. واخينا بالله شاف نفسه وطنش التدريب والعلاج من بعد هدفينه بالنجمه :mad:

صبر ايوب .. صبرنا عليك يالجمعان :no:

و الله يا شباب ما اقدر اصدق ...... الحقيقة اني احب هذا اللاعب ...... بس للاسف اعتقد انة لم يعد عبدالله الذي نعرفة ...... خرب ....... لا نعرف ماذا يريد بالضبط ...... :confused: :confused: :confused: :confused:
يا خساااااااااااااااااااااااااارة يا عبدالله :sad: :sad:

يمكن الرجال امه تعبانه ومايروح لها الا الخميس ! !

لاتضلموا الرجال :(

الله يهديكم بس لا تسبون الرجال ترى كلامكم محسوب عليكم

اللي مثله واجب على النادي عرضه على الانتقال عشان يستفيدون منه ماديا و الا اللعب ماهو وجه لعب .

يـــروح يصيد ضبان ؟؟؟؟؟؟؟؟؟؟؟؟؟؟؟؟:D


ودك والله من يصفّـقه بعكرة ضب ؟؟؟؟؟؟؟؟؟؟؟؟؟ والا وش رايك ؟؟:confused: ;) :smilewink

لا إنشاء الله

عبدالله أحسن هداف في الهلال

لا واسمه لاعب محترف .......!! امحق من لاعب من محترف ...!!

الصراحه اني اتمنى وضعه على قائمه الانتقال ولا يشطب ابرك ليكون عبره لمن لايعتبر !!!!!!!

بهذه الاخلاق الطفوليه راح يخرب لاعبينا الشباب وفي مقدمتهم شقيقه فيصل فاذا استمر على هذه التصرفات اتمنى انه ينقلع عن وجيهنا الي جابه جاب غيره وافضل منه بعد :upset: :upset:

اخوي احب


لاتعليق

يمكن يروح لسوق الحمام يترزق الله