|
...الشيخ الأحمد يفتي بتحريـــــــــــــم الاشتراك في جوال ريال مدريد و مانشستر ... بسم الله الرحمن الرحيم الســــــــــــــــــــــــــــــــــــــــــــــــــــــــؤال فضيلة الشيخ: نشرت شركة الاتصالات السعودية stc نص هذه الرسالة:" إنها فرصة العمر! إذا كان عمرك بين 12 و16 سنة وتعشق الكرة. يمكمنك أن تكون أحد الرابحين برحلة إلى مدرسة ريال مدريد لتتعلم فنون الكرة على يد أمهر مدربي العالم شاملة تكليف الإقامة والرحلة حصرياً مع stc.. ما عليك إلا الاشتراك في خدمة ريال مدريد عبر إرسال رسالة فارغة إلى رقم .. واختيار إحدى القنوات" اهـ وهي سبع قنوات غالبها عن أخبار نادي ريال مدريد والدوري الأسباني والدوريات العالمية ونحو ذلك. فما حكم الاشتراك في هذه الخدمة؟ -------------------------------------------------------- الجــــــــــــــــــــــــــــــــــــــــــــــــــواب الحمد لله والصلاة والسلام على رسول الله . أما بعد. فهذه الخدمة يحرم تقديمها، ويحرم الاشتراك فيها؛ لما فيها من التغرير بالأطفال واستدراجهم للذهاب بهم إلى بلاد المشركين، وتسليمهم للكفار لتدريبهم، ولا يخفى الأثر الضار على دين وخلق الأطفال والمراهقين بسبب بقائهم في أيدي أعداء الإسلام لتدريبهم، ومآل الخدمة إلى تحقيق المشروع التغريبي في إفساد الشباب وإبعادهم عن الدين، فكيف يقال عن هذا الإفساد إنها فرصة العمر؟!! قال جرير بن عبدالله رضي الله عنه :" أتيت النبي صلى الله عليه وسلم وهو يبايع فقلت: يا رسول الله ابسط يدك حتى أبايعك، واشترط علي.. فقال: أبايعك على أن تعبدالله، وتقيم الصلاة، وتؤتي الزكاة، وتناصح المسلمين، وتفارق المشركين" أخرجه النسائي وأحمد بسند صحيح. ثم إن جعل الاختيار العشوائي مشروط بالاشتراك المالي في الخدمة يدخله في الميسر المحرم؛ لأن المشترك قد يُختار وقد لا يُختار. ألا فليتق الله تعالى القائمون على شركة الاتصالات السعودية ولا يسعوا في إفساء أطفال المسلمين من أجل الحصول على المال، والواجب عليهم وعلى هيئة الاتصالات إيقافها فوراً ومحاسبة المخالف، والحمد لله رب العالمين. قاله وكتبه: د.يوسف بن عبدالله الأحمد عضو هيئة التدريس في كلية الشريعة بجامعة الإمام --------------------------------------------- أتمنى من الجميع لا يقولون مو المكان المناااسب ... لم أجد غير هذا القسم ممن يحب البطولات الاوروبية |
طيب وارسنال ..؟! صحصحوا يا جماعه ..!! الاسلام دين حجه ..!! اتفق معه انها قد تدخل في امور الميسر المحرم فقط فقط فقط اما امور تسليمهم لبلاد المشركين ( ؟؟ )) ..!! طيب والمدربين الاجانب بالفئات السنيه بالانديه , اقدر اقول ان لبعضهم تأثير ولو بنسبه بسيطه ( تدخل في الحكم بناء على حجته الضعيفه الا وهي التأثير من المشركين على الصغار ) ..!! اقسم بالله اني لست مؤيد او معارض لهذه الانشطه , بس :( ..!! الله يهديه ويهدينا ويثبت خُطاه وخُطانا ..!! |
انا اتفق معه في شأن صغار السن مالها داعي يتعلق من يوم هو صغير المفروض من 20 الى 26 سنه حالهم حال المبتعثين |
مصدقين الرحلات هذي صدق ؟؟ :D نصب وSTC معودتنا عالنصب دايماً :D:D |
مشكووووووووووووووووووووووور |
ههههههههههههههههههههه ~ اصلاً فيه أحد يصدق الـإتصآلآت هع ~ |
هههههههههههه , فيه احد عنده امل انه يروح لاحد الرحلات ؟! والله ان كل اللي يروحون واسطات , واعرف خويي ابوه مدري عمه يشتغل في الاتصالات ويقول كلها واسطات .. وخويي قد راح لمانشستر الصييف اللي راح ويقول كللها واسطات |
جزاه الله خير الشيخ الفاضل |
شعار الاتصالات الجديد (STCالحياة جزمه) |
هل انت مقتنع بهذي الفتوى ؟ يعني الاشتراك في جوال الاندية العالمية حرام |
اولا: رأي الشيخ يحترم وليس هذا مجال مناقشة الفتوى (من تكلم بغيرفنه أتى بالعجائب). ثانيا: لامجال ايضا للاستهزاء وقول هذا حرام وهذا حلال قال تعالى (ولا تقولوا لما تصف ألسنتكم الكذب هذا حلال وهذا حرام لتفتروا على الله الكذب). ثالثا : لماذا فقط صغار السن يذهبون ومالفائدة المرجوة من ذلك. |
88 من تبيهم يودون ؟؟؟ واحد عمره 30 او 25؟؟؟؟ |
أنا أتوقع ان الشيخ فهم الموضوع غلط مافهمه بالكامل :rose: |
صدق الرسول صلى الله عليه وسلم عندما قال : (( فإنه من يعش منكم فسيرى اختلافا )) !! |
اي فضاوة ؟؟ انتبهوا لكلامكم بس !! واحد اللي سأله عن الفتوى ولا هو ماجاب طاريها يجيك واحد يقول فضاوة ومدري ايش !!!!!!!! واللي يقول بشترك عناد في هالشيخ << استغفرالله العظيم !! اما بالنسبه للإبتعاث ففيه فرق الابتعاث للكبار موب للوراعين سهل تغير في عقليتهم الابتعاث تروح تدرس وتطلب العلم وهو ما يحث عليه الاسلام موب تروح تشوت جلدة !! |
إقتباس:
لاتحلل ولا تحرم حتى لو كان مزح لأن اجرأكم على الفتوى اجرأكم على النار وموب اي واحد يحلل ويحرم , انا ادري انك تمزح لكن بعض الكلام ماله سنع حتى لو مزح . إقتباس:
والله مدري وش اقول لكن حرام تكون هالعقليات من امة محمد عليه الصلاة والسلام . الله يهديكم جميع . اتمنى يٌقفل الموضوع لأن بعض الاعضاء قام يستهزئ بالدين وبالمشايخ ويحلل ويحرم على كيفة . عادي الواحد يختلف مع فتوى أي شيخ لكن مايحلل ويحرم لـ نفسة يعني مثلا اذا رحت لـ شيخ وافتى لك فتوى تحس انها فيها شوي نقص رح لـ شيخ ثاني واسئله واذا تطلب الامر رح لـ اكثر من شيخ وشف الاكثرية منهم وش رأيهم وامش على رأيهم عشان ترتاح وتسوي الشيء اللي في بالك وانت مرتاح بالتوفيق . |
لا تعليق .. لن أخوض في مجال ليس بمجالي .. !! |
إقتباس:
حلوة ذي يبي يشتهر ! لحوم العلماء مسمومة , وترى هو مب بس ربى لحيته وقصر ثوبه ! كانك ما تعرف الشيخ زين لا تقعد ترمي كلام , اعرف عالاقل ان العلم اللي عنده في الدين يفوق علمك بمراحل ! مشكلة صراحة صار الكل يتجرأ على العلماء والفتوى وهو اكبر كتاب قراه في الدين الفقه حق الثانوية ! |
ههههههههههههههههههههه ~ اصلاً فيه أحد يصدق الـإتصآلآت هع ~ |
إقتباس:
وبعدين انا ماحصرت الدين على شخص واحد انا وجهت النصيحة فقط اللي مايعرف الشيخ الاحمد لايقعد يقلل من مع اني اخالفه في جزء من كلامه لكن موب اذا خالفته اقعد اقول هذا شيخ موب ثقة وبعدين يمكن انه موب خبير في ذا المجال ولا يعرف خبايا الامور , وافتى على حسب معرفته لذلك مانلقي اللوم عليه ولو إني كنت افضل انه مايفتي في شيء يجهله لكن نعذره لعدم معرفته ولمكانته وقدره في قلوبنا . الدين يسر وتسامح واخذ وعطاء يعني لاتأخذكم العزه بالاثم وتدخلون في متاهات انتم في غنى عنها , اتمنى من كل الاعضاء اللي خرجوا عن مسار الموضوع انهم يستغفرون الله . |
يا شباااااااااااااب لا أحد يستهبل على الفتوى فالشيخ أجاب و اجتهد ما جاب شئ من راسه |
يعطيك العافيه يالغالي، الله يجزيك خيرها |
إقتباس:
شكرا ياصاحب الموضوع |
^^^^^^^^^^^^^^^^^^^^^^^ شكرآ على المرووووووووور |
شي غريب والله !! يعني اذا بتقولون ليه صغار .. هذا اكيد عشان الكوره لازم تتعلمها وانت صغير .. اساسيات الكوره و و و الخ ! بس اماااا سالفة بلاد المشركين .. يا اخي محد طق لك خبر .. هم بيروحون يلعبون كوره مب رايحين يدرسون توحيد ف اسبانيا بعدين الشيخ الله يجزاه خير .. ما اعرفه انا واول مره اسمع به .. خلصت الفتاوي والا خلصت الأسئله يوم انهم يسئلونه ! وهل هو يعرف الموضوع كامل .. وطريقة المسابقه وطريقة التدريب وهل يعرف ان فيه مسلمين برا السعوديه ؟ وهل يعرف ان فيه مساجد هناك وهل وهل وهل !! كلن صار يفتي |
ياحبيبي ..مصدق الاتصالات انت .......في ديار الاسلام وسارقينا ومطلعين فينا الويل..ونفس ماقالو الاخوان الي قبلي ..الدعوة كلها واسطات |
مع احترامي للشيخ الدكتور الاحمد .. لكن اختلف معه في نقطة انهم اطفال وبيلعبون في عقولهم .. اولا اعتقد ان الموضوع ما وصل كامل وهذي مشكلة دايم تحصل في مثل ذا الامور .. ثانيا الاطفال اللي يروحون من 12 الى 16 ما يروح لحاله يجي معه ولي امره فيعني سالفة يلعبون في عقولهم ما تخش العقل ابد .. بالاخير نحترم رايه وبعدين ما اعتقد انه حرم الجوال عموما حرم انك تشترك علشان ولدك يفوز بالرحلة .. |
إقتباس:
هناك مشكلة أني إذا ناقشت فتوى ولم أقتنع بها ورددتها عدني الناس ضد المشائخ والإسلام وأني لابد أن أتوب من هذا الذنب .. والمشكلة أن هذا تفكير كثير من العوام بيننا حيث أنهم لا يقبلون أن تعارض أي فتوى وتناقشها بل عليك أن تقبلها كما هي دون اعتراض حتى لو كانت من طالب علم وليس عالم راسخ في العلم .. يا أخي ابن باز وابن عثيمين اختلفوا في بعض المسائل .. عموماً أنا أحترم الشيخ وإجتهاده .. لكن أخالفه في هذه الفتوى وغيرها كثير . :rose::rose::rose: |
والله لا اعلم ولكن اذا كانت تحت ايطار (لعب الكوره قدم ) نعم لا اتفق يعني الولد اكيد حلمه الذهاب الى مدريد لمشاهده اللعب الافضل تقريباً !! يعني الموضوع كبير يبي له شغل |
إقتباس:
استغفر الله , العظيم للأسف ماتعرف معنى الكلام اللي قلته , |
إقتباس:
و بعدين ترااه يجي في التلفزيون كثييير |
إقتباس:
صراحة اول مرة ادري انه ضعيف شكرا عالمعلومة , لكن انا ما قلت لاتختلف معه او لا تناقش فتواه , اذا واحد رد مثلك ما عندي اي مشكلة اكيد , لكن يجي وحد يقول ذا يبي يشتهر ذا اصلا مب شيخ ذا بس مطول لحيته ومقصر ثوبه ! انت هنا تنتقص من شخصه مب من فتواه , وصراحة بعض الناس ما تعجبهم الفتوى حتى لو كانت صحيحة لانها ما توافق اهوائهم لكن مب هذا االموضوع الحين .. السالفة تبي تناقش فتواه وترد عليها بطريقة علمية رد , اما ذا الشيخ مالقوا الا هو يسألونه وشو ذا المتخلف .. الخ , لا طبعا :rose: |
جزآك اخوي خير كل الجزاء اسئل الله العظيم رب العرش العظييم ان لايحرمك اجر ماخطت يداك وكذالك احب ان انوه للشباب عسى الله يهديهم ان فيه اية تقول (( ولايلفظ من قول الالديه رقيب عتيد)) وجزاك عني خير الجزاء اخوك محمد |
إقتباس:
:rose::rose::rose::rose: |
إقتباس:
الاية هي {مَا يَلْفِظُ مِنْ قَوْلٍ إِلا لَدَيْهِ رَقِيبٌ عَتِيدٌ} ما غير ولا وياليت تنتبه خصوصا انها اية كريمة |
إقتباس:
تأكد من الاية انها صح {مَا يَلْفِظُ مِنْ قَوْلٍ إِلا لَدَيْهِ رَقِيبٌ عَتِيدٌ} |
ياشباب أتمنى اننا ننتبه لكل كلمة نقولها .. شيخ فاضل لا ينبغي أن نتحدث عنه بهذه الطريقة .. حتى لو كأن أخطأ فـ قد يكون الموضوع لم يتضح له بالكامل .. و قد تكون فتوته سليمة لأنه بالتأكيد أعلم مني ع الاقل :) يُغلق لكي لا تحصل أي تمادي مُستقبلاً :) جزاك الله خير يا صاحب الموضوع :rose: |
| الوقت المعتمد في المنتدى بتوقيت جرينتش +3.
الوقت الان » 07:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd