رسائل من محب ::: - نادي الهلال السعودي - شبكة الزعيم

ابو خالد 710 · #1 16/05/2010, 07:34 PM

بسم الله الرحمن الرحيم

اول شي ابارك للأمة الهلالية اللقب المستحق نادي القرن الاسيوي

وابارك لكم التاهل لدور الثمانيه في البطوله التي تعشق الهلال وجماهيره والتي طال انتظارها .

اول مشاركة لي بالمنتدى مع ان لي مع الزعيم اكثر من عشرين سنة بس ما كانت تستهويني فكرة المنتديات بصراحه

حاليا اتمنى من كل قلبي انكم تقبلوني كازعيم جديد مع جمهور الزعماء .

* عبدالرحمن بن مساعد اتمنى من كل قلبي ان تستمر مع الزعيم لاكثر من اربع سنوات واتمنى ان فكرة الاستقالة اللي ذكرت انها في بالك لو خسر الهلال التاهل اتمنى تشيلها من بالك نهائيا فأنت لست رجل المرحلة الحالية انت بصراحه رجل كل المراحل .

* نواف بن سعد الله يعلم مكانتك لدي ولدى كل جمهور الهلال العظيم فمن يغفل جهودك ماهو الا اعمى فكل نجاح للهلال منذ توليك منصبك اجزم انك مشارك فيه ويكفينا وجودك بالهلال بجوار ابو فيصل .

* سامي الجابر ااااه ياسامي مدري ليش كل ماشفت اسمك بجريدة او سمعت تصريح لك او ظهرت لقطه لك تخنقني العبره ويطري على بالي اعتزالك تمنيت لو تستمر وجودك كان مسبب مشاكل للاخرين ومسبب فرحة وفخر للهلالين بس الاهم انك استمريت مع الهلال ونجحت مع الهلال واتمنى انك تستمر على نفس السياسه بتجاهل كل الابواق التي تنسب كل فشل بالهلال لك او مشكلة مع لاعب فجمهور الهلال بشكل عام وجمهورك بشكل خاص يعلم انك شخص بذل نفسه وماله ووقته فقط من اجل الهلال متى يجي اليوم اللي اشوفك رئيس الاتحاد الاسيوي .

* جيريتس شايبنا وحبيبنا لو انتقدناك لو زعلنا عليك لكن تبقى علامه فارق بتاريخ المدربين الذين حضروا على مستوى كرة الشرق الاوسط .

لاعبين الهلال اجمع كفيتوا ووفيتوا وعدتم بتحقيق الدوري واسعاد الجمهور الهلال وانا اجزم ان كل الجمهور سعيد بكم وختمتوا موسمنا بنجاح بالتاهل المستحق لدور ربع النهائي ( مشتاقين يا اسيا ) اتمنى من كل قلبي انكم تستمرون باسعادنا وتحملو عتاب المحبين وتحملوا ضغوطنا بمطالبتكم بكل الانجازات لكن هذا سر نجاح الزعيم

جمهور الهلال تحية شكر لكل من حظر مباراه الاربعاء بالفعل هذا الجمهور الهلالي اشبه بالزلزال مرت لحظات خفت لايتصدع المدرج من حماس الجماهير لكن الزين مايكمل اتمنى ان حضورنا يكون بكل مباريات الهلال الصغيره قبل الكبيره والحضور المساند هذا اهم حضور

*******************

موسم 2010 /2011

جميع الاندية متربصه بالزعيم ولكل نادي اسبابه منهم منافسه شريفه ومنهم محاولة تكرار انجازاته ومنهم
واقصد صغار الاندية للفت الانظار لان كل مباراه امام الهلال بطوله .

يعني بالعربي اتمنى من الادارة تعزيز صفوف الفريق شفنا كيف الانتر الموسم الماضي فاز بالدوري مرتاح ومع ذلك ماوقف على وضعه جاب خمس لاعبين كلهم دوليين وكل واحد يقول الزود عندي (شنايدر - ايتو- لوسيو - بانديف ..) لان استمرار البطل يعني استمرار النجوم اتمنى تكرار فكرة محمد بن فيصل بارسال بعض اللاعبين للبرازيل او احد الاكاديميات الاوربية لتطوير مهاراتهم وتعويدهم على اجواء احترافيه حقيقية خصوصا الصاعدين حديثا للاول واللاعبين الواعدين بالموسم الماضي وتعزيز الدفاع مانبي تكرار اسطوانة غياب اسامه او ايام تفاريس نصير على اعصابنا بصراحه اتمنى نصير مثل الانتر او مانشستر اذا غاب بطل بداله بطل عشان كذا صدقوني حتى لجنة الانضباط واللجان البايخه الباقيه مراح تستهدف لاعبينا مثل ماصار هالموسم لانهم يعلمون ان الهلال مايوقف على لاعب ادري ان الهلال اكبر من كل اللاعبين ولا يوقف على غياب بس كلنا شاهدنا تاثير رادوي بنهائي الملك ولاننسى دور الهجوم ياسر ماقصر بس اللاعبين مو كل يوم يكونون بنفس المستوى
ولو كان فيه منافسه على الهجوم مع ياسر راح نستعيد القناص 2007 وطلق المحيا اتمنى ينضم لهم ماجنو الفيس او هجوم يختاره المدرب يكون من مستوى ياسر وافضل

اخر نقطه وادري بلقى معارضه كبيره عليها بس اتمنى من الهلال استمرار رادوي ولي يونغ وبيع نيفيز وويلي
وببين وجة نظري بالموضوع لكن اي نلاحظ اي فريق يبغى ينافس الهلال يقفل على ويلهامسون ونذكر ايام زيد المولد وبرناوي كيف كان ويلي ضايع بالمباراه وبصراحه ويلهامسون نفس العام باخر الموسم يهبط مستواه حتى لو جاب هدف ضد بندكيور لكن مو مستوى ويلهامسون اللي عودنا عليه
اما نيفيز بصراحه لاعب يلعب بمركز المفروض انه يشيل فريق لكن للاسف ما اذكر مباراه غير خماسية الاتحاد كان نيفيز هو اللي شايل الفريق يعني بالعربي اتمنى صانع لاعب على مستوى عالي يكون بجانب الشلهوب والعابد والفريدي وعبدالعزيز الدوسري وويلي نجيب بداله مهاجم ونلعب بخطة غير 4-5-1 اتمنى نلعب 4-4-2 بحيث لو كان فيه راس حربه صريح حتى ياسر يرجع ورى ويتخلص من الرقابه وياسر بمهاراته بيعذب كل الفرق سواء بكسب اخطاء او بفتح مساحات لراس الحربة عيسى او المهاجم الاجنبي

وتقبلوا تحياتي

ابو خالد

وعلى دروب البطولات نلتقي