|
اهم احتياجات الهلال + رونالدينهو يوقع لل..!! ادخل للضرورة السلام عليكم ورحمة الله وبركاته: حقيقة وانتم تعلمون ان الموسم انتهى بمستوى ممتاز جدا وكل هذا بفضل الله ثم ابن مساعد وتكاتف الادارة والجمهور واللعيبة والمدرب والجهاز الفني وووو.. القائمة تطول لقد سمعنا ان ابن مساعد يقول سيكون هناك صفقات وستكون بيد المدرب وهو ادرى لكن فيه لعيبة حقيقة متميزين ولابد من الاستفادة منهم فالهلال حقيقة يحتاج الى مدافع من طراز رفيع ففي الهلال لا يوجد سوى اسامة هوساوي وماجد المرشدي والاحتياط حسن خيرات !!! حقيقة امر مؤسف ولله الحمد هذا الموسم تعدا بخير من دون اصابة لاعبين من الدفاع فمرة يغيب ماجد ويعوضه حسن والعكس الهلال محتاج الى لاعب مثل كامل الموسى يلعب للظهير والدفاع فهو لاعب لكن خطفه الاهلي واهم نقطة ان الهلال محتاج الى حارس عمره يتراوح بين 21 الى 23 والانسب هو حسين شيعان لان الهلال لا يوجد حراسة سوى الدعيع وحسن وكلاهما كبيران بالسن وفهد الشمري سيكون بعدهم ولكن من احتياطه !! خالد شراحيلي حارس جيد لكن هو في الاولمبي واعتقد ان السديري حارس شباب الهلال متميز لكن ضغير نريد حارس ذو امكانيات مرتفعة . ملخص كلامي ان الهلال محتاج الى حارس صغير بالسن و قلب دفاع وايضا مدافع مثل كامل الموسى يلعب للخانتين القلب والظهير . سمعت خبر حصري ولا اعلم عن صحته وهو ان الاعب الكبير والمعروف (( رونالدينهو )) سينتقل للاهلي السعودي !!! |
رونالدينهو يلعب لافضل فريق بالعالم يسيبه وينتقل للاهلي اواقل شي لو ينتقل من ميلان يلعب في اورباء في الدوري الفرنسي البلجيكي الماني يجيك ويلعب للاهلي والله قويه واهانه لتاريخه يعني رونالدينهو راح يصير صاحب محمد المسعد وفلاته ووليد عبدربه وهزازي وريشاني ومالك وهوساوي ووبرناوي وياخذونه ويرحون يمشونه في حواريهم غليل والكرنتيه والهنداوي يارجا ل ماراح يجي اطلاقا للاهلي وبالنسبه لكامل المر بصراحه خطفوه الاهلويه ومايستحون والمفروض الهلال يتدخل بصفقاتهم والله اخذو كامل المر بالقوه وغصبا عنهم ودفعوله خمسه مليون والهلال دافعلهم خمسه عشر مليون وغصبا عنه المر راح يلعب للاهلي مثل ماحصل للراهب يوم وقع للاتفاق وماذا فعلو الاهلويه في الصفقه الراهب ورجعنا للزمن ورا في السبعينات والثمانينات يوم الاهلي ياخذ الاعبين غصبا عنهم ويهددهم وعلشان كذا الاهلي ربك ماراح يوفقه لان ماضيه اسود واسائل ابوك وجدك وتعرف من هو الاهلي في الماضي وبالنسبه للحراسه مانحتاج شيعان اطلاقا عندنا العتيبي وفهد الشمري وايضا السديري وطبعا على راسهم محمد الدعيع ويعطيك الف عافيه |
ههههههههههههه رونالدينو بيترك نادي ميلان الي افضل من الاهلي وبيترك افضل مدينه بالعالم من ناحية المناظر والجواء وبيجي جده هههههههههههههه ومع مين مع الطحالب هههههههههههههههههه من جد يصير صاحب وليد عبدربه سلامات اشكرك اخوي صاحب الموضوع على كلامك وصح الهلال يبغاله دفاع احتياط وحارس الشمري موجود وشراحيلي وبدر الدعيع |
العايذي الهلالي زعيــم متواصــل الله يعطيك العافيه يا زعيم والله من ناحية الخانات اللي ذكرتها..ما اتفق معك الا في مسألة الظهير الايمن...لازم نجيب ظهير لان الكوري ما شاء الله عليه يلعب في اليسار واليمين...يعني ما عندك مشكله لو اصيب ( لا قدر الله ) اي ظهير عندنا اما من ناحية ( رونالدينهو ) والله قوووويه يجي الاهلي...اولا الاجواء ما تناسبه ثانيا مرغوب وبقوه في اوروبا ومو شرط يكون في نادي كبير...لاكنه مرغوب هناك...ثالثا وهذا الاهم....قيمته الماديه ياخوي مو بسهله ولا على نادي خليجي |
ســــلآآآآمــآآت رونالدينيو يروح للاهلي مــآآ أأتوقعها من نادي اي سي ميلان الى الاهلي >> قويه قويه :) الهلآل لا يعـآني من قلوب الدفاع لو يصيب المرشدي يقدر يخلي رادوي قلب دفاع و عزيز و الغنام محاور وانتهت السالفهـ والله لو يلعب اصغر مدافع يا رجال على حسب تكتيك المدرب اذا تكتيك المدرب لدفاع حلو راح الدفاع يكون صلب شكرا لك اخووووي تقبل مروري |
بالتوفيق للـــــــــهـــــــــلال والله يكتب اللي فيه خير |
ما اعتقد ابدا ان رونالدينهو سيلعب لاي فريق عربي او مسلم فهو يكره العرب و المسلمين بشكل غير طبيعي اذكر هالشي ايام الحرب الاسرائيلية على لبنان وكان وقتها بيجي المنتخب البرازيلي يلعب في لبنان تضامنا مع الشعب اللبناني في مصيبتهم ورونالدينهو صرح تصريح (( نسيته للاسف )) اعلن فيه تأيده لما تفعله اسرائيل وتمنى ان تبيد العرب و المسلمين !! وجهة نظري مستحيل يلعب لاي نادي عربي واي نادي عربي يحضر لاعب قذر مثل هذا ما عنده ذمة او ضمير |
ههههههههههههههههههههههههههههههههههههههههههههههههه اجل روني للأهلي !! |
تصير الفلوس تغير النفوس والله اتمنى اني اشوف افضل لعب عندي في الملاعب السعوديه |
والله محتآآآجين ظهير أيسر يكون احتياط للزوري ومحتآآجين فعـلاً مـدافع آخر للمرشدي وهوساي ماعندنا الا خيرات ومن ناحييييية رونآآآلدينيو والله اتوووقع الاهلي بيدفع الفلوس بس المشكله أنو الاعب بيوافق على العرض ولا لا ( الفلــوووس تغــير النفووس ) من وجهة نظري والله ما استبعد أنو رونالدينيو يجي للأهلي |
احتياجات الزعيم اللي ذكرتها كلها في محلها وانا اضم صوتي لك اما بالنسبه لرونالينهو لا اعتقد ذلك |
انا سمعت ان رونالدنيهو راح ينتقل للغرافه والخبر سامعه من قناة الكاس |
فعلا الهلال يحتاج قلب دفاع مميز يكون رابع مدافع لأننا مانضمن الاصابات ، لكن تحتاج مدافع محلي ومحليا كل المدافعين المميزين متمسكه انديتهم فيهم وهنا المشكله الحقيقيه واعتقد الصفقات الجايه راح تكون محليه لأن الاجانب جيدين ومايحتاج تغيير لهم :) . رونالدينهو يقال ان الميلان ماراح يجدد معه ، واللاعبين ذولي مايجون للشرق الاوسط الا يوم يكون عمره كبير ومنتهي فنيا ورونالدينهو عمره 30 ولسع فيه حيل يلعب :D ويعطي واتوقع المان سيتي ياخذه لو فعلا الميلان مايبيه . بالتوفيق للهلال |
بالتوفيق للـــــــــهـــــــــلال والله يكتب اللي فيه خير |
رونالدينهو لاعب مهاري ومجنون , بس ما انصح فيه بعد , لاعب استعراضي مثل التايب , :yes: إنشاءالله مو رونالدينهو إنشاءالله كاكا يروح للاهلي وش دخلنا فيهم ,, انا من رائي مركز الحراسه ناخذ سلطان البلوي لاعب الوطني وربي حارس مجنون ,, و كامل المر بيرجع للوحده ونفاوض الوحداويه عليـه , لانه موقع بدون موافقه من جميع اعضاء الشرف , عبدالمعطي كعكي وقع معه للاهلي الرجال يبي يرجع فلوسه الي صرفها على الوحده وقال مالي غير ابيعه على الاهلي والاعضاء شرف الوحداويه رافضين اتمام الصفقه ويردونه , خلونا نخش بالموضوع معهم ,, |
| الوقت المعتمد في المنتدى بتوقيت جرينتش +3.
الوقت الان » 04:56 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd